เปโตร อาเหร่อเล๊อ ต๊าบ่า 4:5 - ลีเทส่อพ๊าอาเซ เร๊อ เห่ขุทวาลู๊

⁵ หม่าแน๊เรอ เหย่ซี เมโทเฮ๊อ แคร๋ อิเตเนอ, เหย่ซี โตเบ่ กา แด๊โฉ่โลโปล คยาแซ๊ จอแปแหร่ เร๊อ อาเหน่ ปา. จอแปแหร่ โอ่ ตี๊หรี่แตแร หนื่ออื่อ เฮ๊อ อาเหน่ เร๊อ อา เก่ เมจากาคยา แกแย เซอเพร เต๊เห่ เร๊อ แกแยเซอ เออเต๊เห่ เฮ๊อ.

Eastern Kayah Shadaw Dialect

⁵ ꤗꤢ꤬ꤔꤢꤧꤚꤣꤧ꤬ ꤛꤢꤩ꤬ꤞꤤ꤭ ꤗꤢꤩ꤬ꤓꤥ꤭ꤟꤣꤧ ꤋꤚꤢꤧ꤮ ꤤ꤬ꤒꤢꤩ꤭ꤔꤣꤧ꤬, ꤛꤢꤩ꤬ꤞꤤ꤭ ꤒꤥ꤭ꤙꤢꤩ꤬ ꤊꤢ꤬ ꤟꤢꤩꤏꤥ꤬ꤜꤥ꤭ꤕꤜꤥ꤭ ꤋꤛꤢ꤭ꤞꤢꤧ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤢ꤬ꤔ꤫ꤢꤩ꤬ ꤕꤢ꤭꤯ ꤡꤢꤪꤗꤣꤧ꤬ꤚꤢꤧ꤬ ꤥ꤬ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤥ꤬ꤔꤢꤩ꤬ ꤟꤣꤧ ꤢ꤬ꤔ꤫ꤢꤩ꤬ ꤔꤢꤧ ꤢ꤬ ꤊ꤫ꤢꤦ꤬ ꤘꤣꤧꤡꤢ꤭ ꤊꤣꤧ꤬ꤛꤢꤧ꤭ ꤞꤣꤧ꤭ꤖꤚꤢꤩ꤬ ꤒꤣꤧ꤬ꤟꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ꤞꤣꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤟꤣꤧ꤯

เปโตร อาเหร่อเล๊อ ต๊าบ่า 4:5 ပူးပေါင်းရင်းမြစ်များ

ꤡꤛꤢꤩ꤭ꤗꤢ꤬ꤎꤣ꤬ 5:9

โป่แหว่ ซี๋, แซ่ฮู๊ ซี เก่ ข่าเบ่ แต่ เตเมจากาคยา แต่เหม่เนอ, ตามวาเตเล แต่ ลู เตเพร เร๊อ เตเพร แต่เหม่. เพรเฮ๊เบ่เมโตเต เออเตเพร แฮโอ่เต่อผื่อ ต๊อต่อเฮ๊อ เด๊อ กู่ดาทือ เฮ๊อ.

เพรโด่แนพู๊ เต๊เห่ 10:42

เร๊อ อา เฮ๊แก โป่ เป เร๊อ เป เก่ จว๊า แด๊โฉ่โด่แน เป่ อู เร๊อ เตซิครือซิลอมีลา, โทเรอ เป เก่ จว๊า ข่าเฮ๊โล เป่ อู เร๊อ อา หม่า แกแย เตเพร เด๊อ จอแปแหร่ นว๊าแถ่ ลู เร๊อ อา หม่า อา เก่ ทวา เป่แกแย เซอเพร เต๊เห่ เร๊อ แกแยเซอ เต๊เห่ อา เพร เมจากาคยา ปา.

ทิโมธี เนอบ่า ต๊าบ่า 4:1

ช๋า เหย่ซู่ครี๊ แฮเป๊อเฮ๊อ ฮู๊ คุ๊ยจ๊อแผ่ เตเพร เบ๊อะเนอปาเนอ, อา เก่ แฮ เมจากาคยา แกแย เซอเพร เต๊เห่ เน๊อ แกแยเซอ เต๊เห่ เนอเจ่อลอ ปา. ฮู๊เนอเรอ เด๊อ จอแปแหร่ เน๊อ เหย่ซู่ครี๊ อา เป๊เส่เง เนอ, แว ซิหยื่อ เฮ๊หม่า เฮ๊กลอแก แวโหง่ เน๊อ เน ฮู๊เออ,

เพรโด่แนพู๊ เต๊เห่ 17:31

เมเตเฮ๊เรอ, อา แด่หม่าแด่กลอ โทเฮ๊อ ม๊อเนอม๊อเซ เด๊อ อา เก่ เมโตเต จ๊อจ๊อเตเต ลอ เจ๊อ เห่ขุต๊าบ่า ปา. จอแปแหร่ นว๊าแถ่ โทเฮ๊อ เพรเมโตเต เตเพร เฮ๊อ. เร๊อ อา เด๊อะโล เป่ โทเฮ๊อ อูปว๋า เตเพร เร๊อ อาเตข่าเฮ๊โล เฮ๊อ. เร๊อ อา เตข่าเฮ๊โล เออ อาหรี่อาแก หม่า หม่าเฮ๊อ อา เมก๊อถ่อ เซอเพร กาคยา คยาแซ๊ แกแย เนอเตเพร เด๊อ เตเซอ เออเนอเฮ๊อ.”

มัทธิว 12:36

หม่าแน๊เรอ แว เฮ๊ ซี, ช๋า จอแปแหร่ เมจากาคยา แกแย อาเค ปาเนอ, อา เก่ เมจากาคยา ล๋อ แกแย เด๊อ อา เฮ๊ เบ่ เตเน เกอ อูโต่ เร๊อ อา เฮ๊ เบ่ โหง่ เด๊อ อา บุ๊ยเตอ เรอ โต่ ปว๊า ตือมือ เนอ อา ข่า เกอ เร๊อ ดื่อ ปา.

ꤜꤢꤨꤊꤢ꤬ 16:2

แกแย ดุแหย่ เออเตเพร เอ๊แฮ อาเพร แม๊ตู่ ตาหมื่อตาเต เออเตเพร เร๊อ อา เฮ๊ ลู เน๊อ, ‘เนหรี่เนแก เด๊อ แว หนิโฮ เออเนอหม่า ฮู๊เต เต๊อเจ่อเต? เน เบ่ แด่โอ่โล เน ราม๊าราแด, เน แม๊ตู่เกอเร๊อ แว ตาหมื่อตาเต เนอเต๊เห่ อาหรี่อาแก, เมเตเฮ๊เรอ แว นอ ทวา แจ่ ปา เน เร๊อ เพรแม๊ตู่ แว ตาหมื่อตาเต เตเพร ปาโต่ เฮ๊อ.’

ꤚꤥꤗꤢꤩ꤬ 14:9

เด๊อ เตหรี่เตแก เออเต๊เห่ อาขว่าอาคยา, แซ่ฮู๊ ครี๊ เก่ ทวาแถ่ แกแย เซอเพร เต๊เห่ เร๊อ แกแย เซอ เต๊เห่ อา แบ่เจ่ เร๊อ, อา เซอ โทเรอ อา ก๊อถ่อเซอเพร กาคยา คยาแซ๊ เฮ๊อ เด๊อ เตเซอ เฮ๊อ.