เปโตร อาเหร่อเล๊อ ต๊าบ่า 4:18 - ลีเทส่อพ๊าอาเซ เร๊อ เห่ขุทวาลู๊

¹⁸ ฮู๊ ลีเทส่อพ๊า เฮ๊หนื่ออื่อ เนอ, “แกแย จ๊อเต เต๊เห่ เก่ พย๊าหนิ เมแลเปล๊กา อาเงเนอ, อาแป่อาเช แหน่เจ๊อ. เก่เฮ๊ฮู๊เนอ เร๊อ แกแย เด๊อ อา โชโด จอแปแหร่ เต๊เห่ เร๊อ เพรเหล่ซื๊อ เต๊เห่เนอ อา เก่แป่เก่เช เจ๊อ บ๋า เต ปาเนอ เหล่เฮ๊ โอ่ปา เจ๊อ โต่.”

Eastern Kayah Shadaw Dialect

¹⁸ ꤟꤢꤨ ꤜꤤ꤬ꤓꤢꤩ꤭ꤞꤢꤪ꤬ꤖꤢ ꤟꤢꤩꤥ꤬ꤔꤢꤩ꤬ ꤔꤢꤧ, “ꤊꤣꤧ꤬ꤛꤢꤧ꤭ ꤡꤢꤪꤒꤢꤩ꤬ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤢ꤬ꤑꤢꤩ꤭ꤔꤣꤧ꤬, ꤢ꤬ꤕ꤫ꤢꤧ꤬ꤢ꤬ꤏꤢꤩ꤭ ꤔꤢꤧ꤬ꤡꤣꤧ꤯ ꤊꤢꤩ꤬ꤟꤢꤩꤟꤢꤨꤔꤣꤧ꤬ ꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤏꤥ꤭ꤘꤥ꤭ ꤡꤢꤪꤗꤣꤧ꤬ꤚꤢꤧ꤬ ꤒꤣꤧ꤬ꤟꤢꤩ꤬ ꤔꤢꤧ ꤖꤚꤢꤩ꤬ꤥ꤬ꤚꤢ꤬ꤖꤢꤨ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤊ꤫ꤢꤦ꤬ꤕ꤫ꤢꤧ꤬ꤊ꤫ꤢꤦ꤬ꤏꤢꤩ꤭ ꤡꤣꤧ ꤙꤢ꤮ ꤒꤢꤩ꤭ ꤕꤢ꤭ꤔꤣꤧ꤬ ꤜ꤫ꤢꤩ꤬ꤟꤢꤩ ꤢ꤬ꤜ꤫ꤢꤩ꤬ꤥ꤬ ꤥ꤬ꤕꤢ꤬ ꤡꤣꤧ ꤒꤥ꤬꤯”

เปโตร อาเหร่อเล๊อ ต๊าบ่า 4:18 ပူးပေါင်းရင်းမြစ်များ

ꤜꤢꤨꤊꤢ꤬ 23:31

แว เด๊อ อาแซ่เน๊อ ส่อซิโซ เออเนอ, เหย่ซี เก่ เมจาเมจือ เจ๊อ แว บ๋าเออ เก่เฮ๊เรอ, แกแย เด๊อ อาโร เร๊อ อา แซ๊ แลแค แพ๊ เด๊อ ส่อครา เต๊เห่เนอ, เหย่ซี เก่ เมจาเมจือเล๋อ เจ๊อ ปาปา.”

ꤛꤢꤨꤘꤢ꤬ 1:15

เมเตเฮ๊เรอ อา เก่ แฮ เมจากาคยา ลอ แกแย ปว๋า เตเพร ปา. อา เก่ เมจากาคยา ลอ แกแย เด๊อ อา แด่ดุหยื่อแหน่ เกออู จอแปแหร่ โต่ เนอเต๊เห่ ปา. อา เก่ เมจากาคยา เหย่ซี อาเตซื๊อเตปล๊า เด๊อ เหย่ซี เม โต เร๊อ จอแปแหร่ อาแกล๊อาโกล โต่ เนอเต๊เห่ ปา. เหย่ซี ย๋อ เท๊ตาแอ ฉื่อ จอแปแหร่ อาขว่าอาคยา, อา เก่ เมจากาคยา เหย่ซี ปา.”

โครินธ์ อาเหร่อเล๊อ ต๊าบ่า 10:12

ฮู๊เนอเรอ เน เก่ เตเน เกอเร๊อ เนเหน่ เร๊อ แว เตหยื่อเตแหน่ ชอ แหน่เจ๊อ เฮ๊อ เก่เฮ๊เรอ, โอ่รอโอ่เร เกอเร๊อ เนเหน่ นี๋, ปาหม่า เน เมซื๊อ เกอ เห่.

ꤚꤥꤗꤢꤩ꤬ 1:18

จอแปแหร่ อา เตซิปล่อดุ โอ่โลแถ่ เด๊อ ม๊อขุ. เร๊อ อา โอ่โลแถ่ เป่ ล๋อ แกแย เด๊อ อา เม เตซื๊อเตปล๊า เนอเต๊เห่ เร๊อ แกแย เด๊อ อา เม เตมู๊แหม่รีแจ่ เนอเต๊เห่. เด๊อ เหย่ซี เม เตมู๊แหม่รีแจ่ เต๊เห่ อาขว่าอาคยาเร๊อ, อา นอ ซิเง ปา อู เร๊อ เตหมะเตจ๊อ เออเนอ โต่ เฮ๊อ.

เพรโด่แนพู๊ เต๊เห่ 14:22

แซ่ฮู๊ เพรหยื่อเอ่ เต๊เห่ เก่ โอ่หม่าโอ่กลอ เด๊อ อา เตหยื่อเตแหน่ อากู อาเงเนอ, คูเปาโล เร๊อ คูบารนาบัส เด๊อะอ๊าเด๊อะเหร่ แถ่หนิ เหย่ซี, โท๊โต่ ครอครวาเกอ เหย่ซีคยา. เหย่ซี อิซว๊าอี๊แส่ เป่ อู เน๊อ, “เป เตเร จว๊าโน ล๊อปลู๊เบ๊ โต่เด๊อ จอแปแหร่ อาเทออาเก่กู เออเนอหม่า, เป เบ่ จว๊าตาลว๊า เอ๊ลา เร๊อ เตแป่เตเช ซีเต๊เห่ เจ๊อ.”

เปโตร เนอบ่า ต๊าบ่า 3:7

หม่าแน๊เรอ เด๊อ จอแปแหร่ เฮ๊ตา แซ่เกอคยา อา โหง่ ฮู๊ อา แบ๊แลลู่ ม๊อเล เร๊อ เห่ขุ เบ๊อะเนอ เนอเฮ๊อ อาขว่าอาคยา, ม๊อเล เร๊อ เห่ขุ เด๊อ เป แม๊เถอะ อา กู๊แหน่ เออเต๊เห่เนอ, จอแปแหร่ ปื่อหม่า โอ่โก๊ เหย่ซี เร๊อ อา เก่ เมปย๊าแก เหย่ซี เร๊อ หมิ ปา. จอแปแหร่ เก่ ปื่อหม่าโอ่โก๊ โต่ เหย่ซี เด๊อ ม๊อเนอ เบ๊อะอา เก่ เมจากาคยา เมปย๊าแก เฮ๊อ แกแย เด๊อ อา แด่หยื่อแหน่เกอ ลู โต่ เนอเต๊เห่ ปา.

เปโตร อาเหร่อเล๊อ ต๊าบ่า 5:8

อิซว๊าแล เกอเร๊อ เกอ ซีเหน่ เร๊อ โอ่รอโอ่เร เกอ แลแค, โอ่ส่าเซ เกอ แลแค นี๋. โลเน๊มู๊แหม่รีแจ่ กู่กล๊อ เด๊อ อา ซิเถ่ ซี เออ โตโดเนอ อา จว๊าเล แม๊โจแม๊กี อู แซ่เน๊อ แอ๊ซี เด๊อ อาก่ออาเตเง เร๊อ อา เลแม๊ปู แกแย เด๊อ อา เก่ ฉู่กลูโน เหย่ซี ปา เนอเต๊เห่ เจ๊อ.

ꤚꤥꤗꤢꤩ꤬ 5:8

หม่าแน๊เรอ จอแปแหร่ โม เจ๊อ เป บ๋า เต เฮ๊เรอ, เบ๊อะเป ทวาปา เจ๊อ เพรเมเตซื๊อ เตโอ่หร่าพู๊ เบ๊อะเนอ ปา เจ๊อ เนอเรอ, ครี๊ แฮข่าเซอ อาซิปล่อ เด๊อ เปเง. เออ หม่า จอแปแหร่ เด๊อะโลเป่เฮ๊อ เป เน๊อ อาเตโม เป เฮ๊อ.

ꤟꤤꤙꤚꤢꤨ 4:1

จอแปแหร่ อ๊อแล ตื๊อดื่อปา เป โต่กู๊แหน่ เน๊อ เป เก่ โนหนิ เด๊อ เหล่โอ่โก๊ เตเบ๊ซิพร๊า อาเหล่โอ่ เออเนอปา. แซ่ฮู๊ ซี ปว๋า เตเพร เก่ โนหนิ เกอ เด๊อ เหล่โอ่โก๊ เตเบ๊ซิพร๊า เด๊อ จอแปแหร่ อ๊อแล เออ อาเงเนอ, เป เบ่รอเร๊อ แลแค เปเหน่.

ꤚꤥꤗꤢꤩ꤬ 5:6

เมเตเฮ๊เรอ, เบ๊อะเป เมจว่า แลเบ๊ แจ่ เกอเร๊อ ปา เปเหน่ โต่ เบ๊อะเนอ, เหย่ซู่ครี๊ แฮข่าเซอ ม๊อเนอม๊อเซ โตเป่ แกแยจา แกแยจือ เต๊เห่ อาเง.

เห่ขุทวาลู่ 13:13

เบ๊อะเนอเค, วีโสโดมพู๊ เต๊เห่ อาซิปล่อ มู๊แหม่รีแจ่ แหน่เจ๊อ เร๊อ อา เมซื๊อเมปล๊า ดุ แหน่เจ๊อ จอแปแหร่ ตูจูเพร.

เพรโด่แนพู๊ เต๊เห่ 27:24

เร๊อ อา เฮ๊ แว เน๊อ, ‘คูเปาโล๋, ซิอิเช แต่เหม่. เน เบ่ แฮ ก๊อถ่อโอ่ โต่เบ่ เร๊อดื่อ เด๊อ คุ๊ยดุ ซีซาร์ อา เป๊เส่เง ปา. เร๊อ อา เก่ แด๊เฮอเจแม๊ ดื่อ เน ปา. จอแปแหร่ ย๊อ แม๊ เนเป๊เส่ เร๊อ อา เมบุ๊ยเมเตอเรอ เร๊อดื่อ เน อาขว่าอาคยา, อา เก่ เมแลเปล๊ เน เร๊อ แกแย เด๊อ อา แถ่แด๊ เต่อเกอ ส่อเกลอดุ เร๊อ เน เออเต๊เห่ ล๋อ ปลี ปา.’

ꤜꤢꤨꤊꤢ꤬ 15:1

เบ๊อะเตอโพ๊ เพรก่อยอาหมู่อาร๊า เต๊เห่ เร๊อ เพรเตซื๊อโอ่ เต๊เห่ แฮ โอ่ปลู ตาวา หนิดา แลแค เหย่ซู่ อา เตโด่แนเฮ๊เบ่ เต๊เห่.

เพรโด่แนพู๊ เต๊เห่ 27:31

เร๊อ คูเปาโล เฮ๊ เกลอฮู๊เตเย อากู่กล๊อ เออเตเพร เร๊อ เกลอฮู๊ เต๊เห่ เร๊อ เพรเมเออเนอ เด๊อ ส่อเกลอดุกู เออเต๊เห่ เน๊อ, “ซี เก่ โอ่ แลแค เด๊อ ส่อเกลอดุ อากู โต่ เฮ๊เนอหม่า ซี แลเปล๊แจ่ เตเพร่ว โต่.”

ทิโมธี อาเหร่อเล๊อ ต๊าบ่า 1:9

เป ซิเง เร๊อ เตซว๊าเตแส่ เออเต๊เห่เนอ, อู เด๊อะโอ่แถ่ อา เด๊อ แกแยจ๊อแกแยเต เต๊เห่ อาเงเนอ หม่าโต่. โท๊โต่ อู เด๊อะโอ่แถ่ เป่ แกแย เด๊อ อา เมซื๊อ เตซว๊าเตแส่ เต๊เห่ เน๊อ แกแย เด๊อ อา หนิดา เกออู โต่ เต๊เห่. โทเรอ แกแย เด๊อ อา แด่หยื่อแด่แหน่ เกออู จอแปแหร่ โต่ เต๊เห่, เน๊อ แกแย เด๊อ อา เม เตซื๊อเตปล๊า เต๊เห่, เน๊อ อา จ๊อเบ เกออู จอแปแหร่ โต่ เต๊เห่, เน๊อ อา เตเน เกออู จอแปแหร่ โต่ เต๊เห่, เน๊อ อา เมเซอ อาเพ เก่หม่าโต่เรอ อาโหมะ เต๊เห่, เน๊อ อา เมเซอ แกแย เต๊เห่,

ꤡꤛꤢꤩ꤭ꤗꤢ꤬ꤎꤣ꤬ 5:6

อูเตซื๊อ โอ่โต่ หม่าแน๊เรอ ซี เมจากาคยา เมเซอแก อู, หม่าแน๊เรอ เหย่ซี เมตาตือ กาคยาฉื่อเบ๊ ซี เตอเจ๋อ โต่.