เปโตร อาเหร่อเล๊อ ต๊าบ่า 4:17 - ลีเทส่อพ๊าอาเซ เร๊อ เห่ขุทวาลู๊

¹⁷ หม่าเมเตเฮ๊เรอ, เตม๊อเนอ ม๊อเซ แฮโต่เฮ๊อ เด๊อ จอแปแหร่ เก่ เป๊อแถ่ เมจากาคยาหนิ เหร่อเล๊อดื่อ อาแกแย เฮ๊อ. เก่ อา เป๊อแถ่ เมจากาคยา เหร่อเล๊อ เกอเร๊อ เป ปา เก่เฮ๊เรอ แกแย เด๊อ อา หนิดา เกอ จอแปแหร่ อา เตซิครือมีลา โต่ เต๊เห่เนอ อา เก่แป่เก่เช เก่จาเก่จือ เจ๊อ บ๋า เต ปา เจ๊อ.

Eastern Kayah Shadaw Dialect

¹⁷ ꤗꤢ꤬ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤒꤢꤩ꤬ꤏꤣꤧꤒꤢꤩ꤬ꤋꤢꤩ꤭ ꤟꤢꤧ꤭ꤒ꤫ꤥ꤬ꤟꤣꤧ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤡꤢꤓꤢꤧ꤬ ꤘꤣꤧꤡꤢ꤭ꤚꤣꤧ ꤚ꤫ꤣꤧ꤬ꤜꤣꤘꤢꤦ꤬ ꤢ꤬ꤊꤣꤧ꤬ꤛꤢꤧ꤭ ꤟꤣꤧ꤯ ꤊꤢꤩ꤬ ꤢ꤬ ꤡꤢꤓꤢꤧ꤬ ꤘꤣꤧꤡꤢ꤭ ꤚ꤫ꤣꤧ꤬ꤜꤣ ꤚꤣꤧꤘꤢꤦ꤬ ꤕꤢꤩ꤬ ꤕꤢ꤭ ꤊꤢꤩ꤬ꤟꤢꤩꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤘꤢ꤭ ꤊꤣꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤊ꤫ꤢꤦ꤬ꤕ꤫ꤢꤧ꤬ꤊ꤫ꤢꤦ꤬ꤏꤢꤩ꤭ ꤊ꤫ꤢꤦ꤬ꤡꤢ꤭ꤊ꤫ꤢꤦ꤬ꤡꤢꤦ꤬ ꤡꤣꤧ ꤙꤢ꤮ ꤒꤢꤩ꤭ ꤕꤢ꤭ ꤡꤣꤧ꤯

เปโตร อาเหร่อเล๊อ ต๊าบ่า 4:17 ပူးပေါင်းရင်းမြစ်များ

เธสะโลนิกา เนอบ่า ต๊าบ่า 1:8

อา เก่ เมจากาคยา แกแย เด๊อ อา ซิเง เกออู จอแปแหร่ โต่ เนอเต๊เห่ เร๊อ แกแย เด๊อ อา จูเอ่ เกอ เป แบ่เจ่ เหย่ซู่ อา เตซิครือมีลา โต่ เนอเต๊เห่ ปา.

เปโตร อาเหร่อเล๊อ ต๊าบ่า 2:8

“หล่อเออ เตเมเนอ อา เก่ หม่าดื่อ หล่อ เด๊อ อู เหล่ตาพอ อา อาเง, เร๊อ อา เก่ เมแลคื๊อ อู อาเง.” อา ย๋อ หนิดา เกออู จอแปแหร่ อาลาอาโหง่ โต่ อาขว่าอาคยา, อา ตอพอ แลคื๊อ แพ๊. จอแปแหร่ ตี๊หรี่แตแร เป่แหน่ เหยซีเง ฮู๊เนอเฮ๊อ.

ꤚꤥꤗꤢꤩ꤬ 2:9

ล๋อ แกแย เด๊อ อา เม เตมู๊แหม่ เต๊เห่เนอ, อา ข่าเบ่ เตแป่เตเช เร๊อ เตกู่เตแก ปา. แกแยยิวพู๊ เต๊เห่ เก่ ข่าเบ่ เหร่อเล๊อ ปา, โทปาเร๊อ แกแยยิวพู๊ หม่าโต่ เต๊เห่ เก่ ข่าเบ่เกอ เนอ เด๊อ คยา ปา.

ꤜꤢꤨꤊꤢ꤬ 23:31

แว เด๊อ อาแซ่เน๊อ ส่อซิโซ เออเนอ, เหย่ซี เก่ เมจาเมจือ เจ๊อ แว บ๋าเออ เก่เฮ๊เรอ, แกแย เด๊อ อาโร เร๊อ อา แซ๊ แลแค แพ๊ เด๊อ ส่อครา เต๊เห่เนอ, เหย่ซี เก่ เมจาเมจือเล๋อ เจ๊อ ปาปา.”

ꤟꤤꤙꤚꤢꤨ 5:9

เบ๊อะครี๊ หนิดา โทลอเฮ๊อ จอแปแหร่ อาโหง่ ปว๋า เต๊อเจ่อ เบ๊อะเนอ, อา ทวาแถ่ เป่เฮ๊อ ล๊อ แกแย เด๊อ อา หนิดา ลูโหง่ เนอเต๊เห่ อา เมแลเปล๊กา อาตูจูเพรเง อา แก่ช๊าแก่แร เฮ๊อ.

ꤟꤤꤙꤚꤢꤨ 2:4

จอแปแหร่ เฮ๊โฉ่โปล เป่เกอโป่ อู เน๊อ เด๊อ เตเมแลเปล๊กา เตหรี่เตแก เออเนอหมา อาโต หม่าแหน่ เจ๊อ. เด๊อ เตเมม๊าเมแด, อาเตเม โค๊ตีกลี๊ เต๊เห่ เร๊อ อาเตเม ตาปาคย๊ายื๊อ เต๊เห่ อาขว่าอาคยา, อา เด๊อะโลโปล เป่เฮ๊อ อู เร๊อ เตเมแลเปล๊กา เตหรี่เตแก เออเนอหมา อา โตเฮ๊อ. โท๊โต่, จู๋ ดื่อ อาโต จอแปแหร่ อาซิปล่อ เร๊อ อา เด๊อะตา ครา เป่ อู เตแจ่เตลีแม เชหยู่ เต๊เห่. เร๊อ อา เด๊อะตา แฮเง เร๊อ แหย่โยบูโพ๊ แบ่เจ่. เด๊อ แหย่โยบูโพ๊ แบ่เจ่ เชหยู่เออ เต๊เห่ อาขว่าอาคยา, จอแปแหร่ เด๊อะโลโปล เป่เฮ๊ออู เร๊อ เตหรี่เตแก เออเนอหมา อา โตเฮ๊อ.

ꤟꤤꤙꤚꤢꤨ 2:2

จอแปแหร่ เด๊อะตา เปเพอเปโพ เด๊อ เหร่อเคเนอ เต๊เห่ เตหรี่เตแก เต๊อเจ่อ. เร๊อ อา เฮ๊เบ่ตา แฮเง เร๊อ ม๊อขุ เตเน่วพู๊ เต๊เห่. เร๊อ แกแย เด๊อ อา หนิโฮ เตหรี่เตแก เออเต๊เห่เนอ, อาเบ่ หนิดา ครวาเม อา. แกแย เด๊อ อา หนิดา ครวาเม เกออู โต่ เต๊เห่เนอ, จอแปแหร่ เมจากาคยาแก โทเฮ๊อ เหย่ซี ฮู๊ อา โต เร๊อ เหย่ซี เนอเฮ๊อ.

ꤊꤢ꤬ꤜꤢ꤬ꤒꤤ 5:7

ซี แกล่ แร๊แร๊แจ่แจ่ โทเฮ๊อ หม่าแน๊เรอ หม่าอูเป เตเพร นอโอ่โก๊ ซี เด๊อ ซี เก่ หนิดา แต่ เตหมะเตจ๊อ แต่เหม่ เออเนอ เป?

ꤟꤤꤙꤚꤢꤨ 11:8

เบ๊อะจอแปแหร่ เอ๊ เพอับราฮัม เร๊อ อา นอเถ่จว๊า ลู เด๊อ เก่เต๊เก่ เด๊อ อา เก่ เด๊อะ เร๊อ ลู ปา เบ๊อะเนอ, อา โต เถ่จว๊า โต เบ๊อะโต๊โผ่เนอ อา ซิเง โต่ หม่าแน๊เรอ เด๊อ อาเตหยื่อ อาขว่าอาคยา, อา หนิดา เร๊อ อา เถ่จว๊า.

ꤊꤢ꤬ꤜꤢ꤬ꤒꤤ 3:1

กาลาเทียพู๊ เด๊อ อา บี่ซิปล่อสู่เทอ ซี๋ แซ่ฮู๊ ซี ซิหยื่อ หนิดา ครวาเมเกอ คยาแซ๊ คูโมเสส อา เตซว๊าเตแส่ เออเนอ เร๊อ อูเป แฮ อี๊ลอแลโฮ ซี เป? แว โด่แนโปลเพ๊ เป่โทเฮ๊อ ซี เร๊อ เหย่ซู๊ครี๊ข่าเซอ อาเหน่เด๊อ อี๊ถื่อดีเต่ลู เนอเฮ๊อ แวเฮ๋.

ꤚꤥꤗꤢꤩ꤬ 1:1

แว หม่า คูเปาโล. แว ราจว๊าเป่ ซี ลี เออต๊าบ่า. แว หม่า เหย่ซู่ครี๊ อาหลู่ เตเพร อา เอ๊ แว เร๊อ แว เก่ ทวาแถ่ เพรโด่แนพู๊ เต๊เห่ เตเพร. โทเรอ อา นว๊าแถ่ แว เร๊อ แว เก่ แด๊โฉ่โด่แน เป่ อู เร๊อ จอแปแหร่ อา เตซิครือมีลา.

ꤊꤢ꤬ꤜꤢ꤬ꤒꤤ 6:10

ฮู๊เนอ อาขว่าอาคยา, เบ๊อะเกเต๋ เบ่เบ่, เบ๊อะเป พย๊าหนิ ตาโตตาเบ่ แร๊ เบ๊อะเนอ, เป เบ่ เมแร๊ เป่ อู ปว๋า เตเพร. หม่าแน๊เรอ ซี เมเตแร๊เนอ แม๊ดุเหร่อเล๊อ โค๊เป่ดื่อ เพรหยื่อเอ่ เออ เนอเต๊เห่ นี๋.

ทิโมธี อาเหร่อเล๊อ ต๊าบ่า 3:15

หม่าแน๊เรอ แว เก่ แฮ แป่เหย่ลา เฮ๊เรอ เป โตเบ่ โอ่เซอเพร เด๊อ จอแปแหร่ อา หี่ด๊อหี่แพกู อาเง ฮู๊เต เนอ, แว ลี เออ เก่ เด๊อซิเง เน ปา. หี่เออ เนอหม่า หม่า เฮ๊อ จอแปแหร่ เด๊อ อา เซอเพร เตเพร อา เพรหยื่อเอ่ตู๊หมู่ตอกล๊อ เออเนอเฮ๊อ. เพรหยื่อเอ่ตู๊หมู่ตอกล๊อ เออเนอหมา อา เด๊อ ชอแถ่ เตจ๊อเตเต อา เตอิซว๊า เต๊เห่ เด๊อ อาแซ่เน๊อ อี๊ถื่อ เร๊อ หี่แกแร เด๊อ อา ช๊าต๊อป่อ หม่าหนิ หี่เออ เตเม เนอเฮ๊อ.

ꤟꤤꤙꤚꤢꤨ 3:6

หม่าแน๊เรอ, ครี๊ เออเนอหมา อาแซ่เน๊อ คูโมเสส เด๊อ อา ทวา เพรแรเต เด๊อ จอแปแหร่ อาหี่ เนอเตเพร หม่าโต่. อา หม่า จอแปแหร่ อาพู๊คู เตเพร. อา หม่า อาจ๊อ เร๊อ อาเตเม เร๊อ อา แม๊ตู่หนิ อาเพ จอแปแหร่ อาหี่พู๊แพพู๊ เต๊เห่. เป เก่ ครวา คือคือฮาฮา แฮเงลา ครี๊ โต่เด๊อ อาตื๊อดื่อ โท๊โต่ เต เด๊อ จอแปแหร่ เก่ เด๊อะ เป เออเนอ, เป เก่ แม๊ชือ แฮเงลา โต่เด๊อ อาตื๊อดื่อ เฮ๊เนอหม่า, เป หม่า จอแปแหร่ อาหี่พู๊แพพู๊ เฮ๊อ.

เปโตร อาเหร่อเล๊อ ต๊าบ่า 2:5

ซี เออเต๊เห่เนอ อา แซ่ เกอดื่อเฮ๊อ เร๊อ หล่อเซอเพร เต๊เห่ เฮ๊อ. จอแปแหร่ นอเอ่ หล่อ เด๊อ อา หม่าเฮ๊อ ซีเออ เร๊อ อา เก่ ช๊อแถ่ หี่ เด๊อ แหย่โย ตากยา เตเม. ซี เก่ แรเต เด๊อ หี่กู เออเนอ แซ่เน๊อ เพรหลู่แต บูโพ๊ เต๊เห่เนอ ปา. โท๊โต่ ซี เก่ หลู่แถ่ เตหลู่ เด๊อ จอแปแหร่ อา โอ่ เด๊อซิซิเง จอแปแหร่ ตากยา เต๊เห่ ปา. เด๊อ เหย่ซู่ครี๊ อาขว่าอาคยาเร๊อ, จอแปแหร่ เก่ พย๊าฉื่อ ซี เตหลู่ เออ เต๊เห่ ปา.