เปโตร อาเหร่อเล๊อ ต๊าบ่า 4:10 - ลีเทส่อพ๊าอาเซ เร๊อ เห่ขุทวาลู๊

¹⁰ จอแปแหร่ เด๊อะโทเฮ๊อ ซี เชหยู่ เตเพร เร๊อ เตเพรเฮ๊อ. เร๊อ นอเอ่ เป่เกอ แลแค ซี เชหยู่ เออเนอ เร๊อ แกแย เด๊อ อาโร เต๊เห่ อาเง เนอ. เป๊อตี๊หรี่ ตาเตหนิ แลแค เชหยู่ เด๊อ จอแปแหร่ เด๊อะตา โค๊ลู เตเพร เร๊อ เตเพร เออเนอ นี๋.

Eastern Kayah Shadaw Dialect

¹⁰ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤓꤥ꤭ꤟꤣꤧ ꤞꤤ꤭ ꤏꤢ꤭ꤛ꤫ꤢꤨ꤬ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ꤟꤣꤧ, ꤚꤣꤧ꤬ ꤔꤢꤪ꤭ꤢꤩ꤬ ꤕ꤫ꤢꤩ꤬ꤊꤣꤧ꤭ ꤜꤢ꤭ꤋꤢꤧ꤭ ꤞꤤ꤭ ꤏꤢ꤭ꤛ꤫ꤢꤨ꤬ ꤣꤧ꤭ꤔꤣꤧ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ꤚꤥ꤬ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ ꤔꤣꤧ꤬꤯ ꤕꤣꤒꤣꤧ꤬ꤚꤤ꤬ ꤒꤢ꤭ꤒꤢꤩ꤬ꤚꤣꤧ ꤜꤢ꤭ꤋꤢꤧ꤭ ꤏꤢ꤭ꤛ꤫ꤢꤨ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤛ꤫ꤢꤨ꤬ꤒꤢ꤭ ꤋꤥꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤣꤧ꤭ꤔꤣꤧ꤬ ꤔꤤ꤮꤯

เปโตร อาเหร่อเล๊อ ต๊าบ่า 4:10 ပူးပေါင်းရင်းမြစ်များ

ꤗꤢ꤬ꤊꤢꤨ 10:45

เมเตเฮ๊เรอ แกแยพู๊คู หม่าเฮ๊อ แวเออ, แว แฮ เด๊อ อู เก่ เม เป่ แวเง เนอ หม่าโต่. แว แฮ เด๊อ แว เก่ เม เป อูเง แพ๊. เร๊อ แซ่ฮู๊ แว เก่ เอ๊ถ่ากาหนิ เหย่ซี อาเงเนอเรอ, แว เด๊อะแลแก แว ซิปล่อ เซอเพร เด๊อ แกแย โอ่โร๊ลู อาเง.”

ꤟꤤꤙꤚꤢꤨ 6:10

จอแปแหร่ หม่า อา เม เตจ๊อ แพ๊. เตเมแร๊ เด๊อ ซี เมโทเฮ๊อ เต๊เห่เนอ อา โชตาปา โต่. เตโม เด๊อ ซี เด๊อะโล โทเฮ๊อ เด๊อ ลูเง เร๊อ ซี เมจว่า อาแกแย เต๊เห่ เร๊อ ซี เมจว่า แฮเง ตื๊อดื่อปา เหย่ซี เออเนอ อา โชตาปา เป่โต่.

โครินธ์ อาเหร่อเล๊อ ต๊าบ่า 15:10

หม่าแน๊เรอ, เด๊อ แบ่เจ่ อาบุ๊ยอาเตอเรอ อาขว่าอาคยา, กู๊แหน่เรอ แว ทวาแถ่เฮ๊อ เพรโด่แนพู๊ เต๊เห่ เตเพรเฮ๊อ. เตบุ๊ยเตเตอเรอ เด๊อ จอแปแหร่ เด๊อะตา แว เออเนอ อา แกเด โต่. เมเตเฮ๊เรอ แว แอ๊จื๊อ จ่าเพรอจ่าหร่อ เม เล๊อ เจ๊อ เร๊อ เพรโด่แนพู๊ เต๊เห่ เด๊อ อาโร เต๊เห่ เจ๊อ. แว เมเบ๊ ฮู๊เออ เนอหม่า แวอ๊าแวเหร่ เร๊อดื่อ หม่าโต่. จอแปแหร่ อาบุ๊ยอาเตอเรอ เม เต่อเกอ เร๊อ แว อาขว่าอาคยา, แว เมเบ๊ ฮู๊เออ เนอแพ๊.

โครินธ์ อาเหร่อเล๊อ ต๊าบ่า 3:10

แว เกอลาติเร๊อ อาแซ่เน๊อ เพรอิช๊อแถ่ หี่ เด๊อ อาแจ่ อาลีแม เตเพร เนอ. เมเตเฮ๊เรอ, จอแปแหร่ เด๊อะ ครา แว เชหยู่ เร๊อ แว เด๊ แล อี๊ถื่อแกเด แก่ช๊า เน๊อ หล่อ เต๊เห่. เร๊อ แกแย เด๊อ อาโร เต๊เห่เห่เนอ, อา แฮ ช๊อแถ่ แฮเง เกอลาติ อี๊ถื่อแกเด แก่ช๊า เด๊อ แว เด๊อะแล โทเฮ๊อ เน๊อ หล่อเออ เนอ อาลู. หม่าแน๊เรอ, เหย่ซี โตเบ่ ช๊อแถ่ ฮู๊เต เนอ, อา เบ่ เม ตาเต แลแค.

เอเฟซัส 4:11

แซ่ฮู๊ อู เก่ ทวา เพรโดแนพู๊ เต๊เห่, อู เก่ ทวา เพรโพร เต๊เห่, อู เก่ ทวา เพรโด่แน เตซิครือมีลา เต๊เห่, อู เก่ ทวา เพรหยื่อเอ่ตู๊หมู่ตอกล๊อ ซ๊าร๊า เต๊เห่, อู เก่ ทวา เพรอิซว๊า ลีเทส่อพ๊า อาซ๊าร๊า เต๊เห่เนอเรอ, เพร เด๊อ อา เด๊อะตา อู เตแจ่เตลีแม เด๊อ อา โค๊คยาดื่อ ลู เต๊เห่ เออเตเพร เนอหม่า หม่าเฮ๊อ ครี๊ เฮ๊อ.

ꤚꤥꤗꤢꤩ꤬ 15:27

เหย่ซี ซิปล่อฉว่า เมลู แหน่เจ๊อ. เก่ เฮ๊หม่าแหน่ เนอ, เหย่ซี โหล่เมจว่า แหน่ แกแยยิวพู๊ เด๊อ อา หยื่อเอ่ กาเกอ เออเนอเต๊เห่ เฮ๊อ. อาแซ่เน๊อ เหย่ซี ฉู่ โอ่เอ๊ เฮ๊อ แกแยยิวพู๊ เออเต๊เห่ เฮ๊อ. เมเตเฮ๊เรอ แกแยยิวพู๊ เออเต๊เห่เนอ อา เด๊อะเอ่ แฮเง เป่เกอโต่ดื่อ เฮ๊อ แกแยยิวพู๊ หม่าโต่ เต๊เห่ เตบุ๊ยเตเตอเรอ เด๊อ แหย่โย ตากยา เต๊เห่ เฮ๊อ ฮู๊เนอเรอ แกแยยิวพู๊ หม่าโต่ เต๊เห่ ฉู่โอ่ แกแยยิวพู๊ เต๊เห่ เน๊อ อา เก่ เบ่ เบเอ่ กาคยา เป่ คยาแซ๊ เหย่ซี เร๊อ เตบุ๊ยเตเตอเรอ หม่าเฮ๊อ รือเท เร๊อ ตาหมื่อตาเต เออเต๊เห่ เฮ๊อ.

ꤒꤤꤒꤢꤨ 1:7

เมเตเฮ๊เรอ, เพรหยื่อเอ่ตู๊หมู่ตอกล๊อ ทวาดุทวาเต เตเพรเนอ, แรเต ตาเบ่ อา เด๊อ อา โตเบ่ เม จอแปแหร่ อา เหล่เอ่เหล่แร อาขว่าอาคยา, อู เหล่แด่ อา เตซื๊อ หม่า อา โตเบ่ โอ่หนิเกอ โต่. กู่กล๊อเพรอ เร๊อ ซิปล่อ ดุแถ่แพร เต๊เห่เนอ อา โตเบ่ โอ่หนิเกอ โต่, เบ่ เอ่มือโอแพร๊ หนิโต่, เบ่มือเบ่ปอหนิ อูโรโต่, เบ่ เอ่ตือโอตือ หนิ อูขุ โต่.

เอเฟซัส 3:8

เด๊อ จอแปแหร่ แกแย เออเต๊เห่ อาเกลเนอ, แว หม่า แกแย เด๊อ อาโตอาเบ่ เกอ เจ๊อ อู ตีกี๊โต่ เตเพร. ฮู๊เนอ เจ๊อ ตื๊อดื่อเรอ จอแปแหร่ เด๊อะตา แว เตบุ๊ยเตเตอเรอ เออ เร๊อ แว เก่ เบ่ แด๊โฉ่โล เป่ แกแยยิวพู๊ หม่าโต่ เต๊เห่ เร๊อ ครี๊ อา เตงูดุงูชอ เด๊อ แม๊ปูซิเง เบ๊ เจ๊อ อาหรี่อาแก โต่ เออเต๊เห่.

ꤜꤢꤨꤊꤢ꤬ 12:42

แบ่เจ่ เหย่ซู่ เฮ๊ฉื่อ ลู เน๊อ, “ฮู๊เนอเรอ, อา ทวา หลู่เล๊กู่กล๊อ เด๊อ อาจ๊อ เร๊อ อา โอ่ เร๊อ เตลีแม เตเพรหม่า อูเป? หลู่เล๊กู่กล๊อ เด๊อ อาจ๊อ เออเตเพร เนอหม่า หม่าเฮ๊อ อาแบ่เจ่ เด๊อะตา ลอ อาหลู่เล๊ เด๊อ อาโรเต๊เห่ เด๊อ ลู กู๊ยากู เนอเตเพร เฮ๊อ. เร๊อ อา เก่ นอแม๊นอตู่หนิ ลู เร๊อ เหย่ซี, เร๊อ อา เก่ เด๊อะเอ่โตเด๊อะโอเบ่ เป่ อู เบ๊อะโตโพ๊ เร๊อ โตโพ๊ เนอเตเพร ปา หม่าโต่ แอ?

โครินธ์ อาเหร่อเล๊อ ต๊าบ่า 4:7

หม่าอูเป เตเพร เฮ๊ เน เร๊อ เนแจ่เนลีแม โค๊เล๊อ ดื่อ เร๊อ อู ฮู๊เนอ เตเพร เป? ล๋อ เต เด๊อ อาโอ่ เร๊อ ซีเต๊เห่ เนอหม่า จอแปแหร่ เด๊อะ ซี หม่าโต่ แอ? ฮู๊เนอเรอ, ซี จว๊าจ่า แถ่โหล่แถ่ม๊อ เกอเร๊อ ซีเหน่ แซ่เจ๊อเร๊อ จอแปแหร่ เด๊อะตา ครา ซี หม่าโต่ เนอ ฮู๊เตเต๊?

ꤜꤢꤨꤊꤢ꤬ 19:13

เบ๊อะอา เถ่จว๊า แต่ล๋ายโต่ เบ๊อะเนอ, อา เอ๊ปล๊อ อาหลู่เล๊ เพรเช๊อ. เร๊อ อา เด๊อ เหย่ซี เทบ่า เตเพร ต๊าบ่า, เร๊อ อา เฮ๊ เหย่ซี เน๊อ, ‘เบ๊อะแว โอ่โต่ เออเบ๊อะเนอ, จว๊า เมเก่เมค๊า แลแค, เมมย๊าเถ่ เกอเร๊อ แลแค โต่เด๊อ แว กาคยา ปา เนอ นี๋,’ อา เฮ๊แก เหย่ซี ฮู๊เนอ.

ꤜꤢꤨꤊꤢ꤬ 8:3

โทเร๊อ คูคูซา เด๊อ อา แม๊ตู่หนิ เป่ คุ๊ยเฮโรด อา ตาหมื่อตาเต เด๊อ จ๊อแผ่ โฮกูเนอ เตเพร อาเม โหมะโยอันนา เร๊อ เหมาะสูสันนา เร๊อ เพรเหมาะ เด๊อ อาโร เต๊เห่ ครวาจว๊าเต่อ เอ๊ เกอลา ลู. เพรเหมาะ เออเต๊เห่เนอ, แซ่ฮู๊ เหย่ซี เก่ เมจว่าเกอ หนิ เหย่ซู่ เร๊อ อา เพรโด่แนพู๊ เออเต๊เห่เนอเรอ, เหย่ซี ลอแก หนิเร๊อดื่อ แลแค อารืออาเท เร๊อ อา ครวาจว๊าเกอ เหย่ซี อาคยา.

โครินธ์ เนอบ่า ต๊าบ่า 6:1

เป หม่า เพรเมโหร่เต เร๊อ จอแปแหร่ เต๊เห่ อาขว่าอาคยา, เป กุย ซิยอ ฉว่า ซี เร๊อ ซี เก่ โอ่เซอเพร ฮู๊ จอแปแหร่ ซิหยื่อ นอโอ่เซอเพร ซีเนอ. ซี หม่า แกแย เด๊อ อา พย๊าหนิ โทเฮ๊อ จอแปแหร่ อาบุ๊ยอาเตอเรอ เต๊เห่ เฮ๊อ อาขว่าอาคยา, ซี เบ่ โอ่เซอเพร แลแค ฮู๊เนอ.

ꤚꤥꤗꤢꤩ꤬ 15:25

หม่าแน๊เรอ, กู๊แหน่เออ แว จว๊า เด๊อ วีเยรูซาเล็ม. เร๊อ แว เก่ จว๊าพย๊า รือ เด๊อ อู เมหลู่เมแต เต๊เห่ เบ๊อะเนอ ปา, เร๊อ แว เก่ เมจว่า เร๊อ จอแปแหร่ อาแกแย เบ๊อะเนอ เต๊เห่ ปา.

มัทธิว 25:44

“เร๊อ เหย่ซี เก่ เฮ๊ฉื่อ ลู เน๊อ, ‘แบ่เจ่, เน ซิกู๊ซิวี เบ๊อะเนอ เบ่เบ่, เน ซิโอเทอ เบ๊อะเนอ เบ่เบ่, เน จว๊า ทวา ซิเผระ เบ๊อะเนอ เบ่เบ่, เน โอ่แต่กือ โอ่แต่แซ๊ เบ๊อะเนอ เบ่เบ่, เนชู๊ยเนเช เบ๊อะเนอ เบ่เบ่, อู ด๊อตา เน เด๊อ ทอกู เบ๊อะเนอ เบ่เบ่, เป จว๊าแม๊เถอะ เน เร๊อ เป เมจว่า เน โต่ เบ๊อะเคเต?’

มัทธิว 20:28

แกแย พู๊คู, แฮ เด๊อ เห่ขุเออ อาพย๊า ฉื่อ เป เมเป่ อา เนอ หม่าโต่. หม่าแน๊เรอ อาเก่ เมเป่ อู เงแพ๊. แซ่ฮู๊ แกแย เก่ แลเปล๊ กา อาเง เนอ, อา เด๊อ แล แก อา ซิปล่อ เซอเพร เด๊อ เหยซี อาเง เฮ๊อ.”

ทิโมธี เนอบ่า ต๊าบ่า 1:18

แบ่เจ่ แฮ อาม๊อเนอ เตอเนอ ปาเนอ แบ่เจ่ เก่ เด๊อะ แม๊เถอะ ดื่อ ลู เน๊อ อา เตซิยอ ปานี๋. อา เมจว่า แว เด๊อ วีเอเฟซัส อากู บ๋า เต เนอ, เน ซิเง ตาเต ดื่อเฮ๊อ.

มัทธิว 24:45

“หลู่ เด๊อ อาจ๊อ เร๊อ อา ลีแม เตเพรหม่า อูเป? หลู่ เด๊อ อาจ๊อ เตเพร หม่าหม่าเฮ๊อ แบ่เจ่ เด๊อะตา ลู เตแร เด๊อ อา เบ่ แม๊ตู่ โบ่เอ่โบ่โอหนิ หลู่เล๊ เด๊อ อาโร เต๊เห่ เด๊อลู กู๊ยากู, เร๊อ อาโบ่เอ่ โต เหย่ซี เร๊อ หน่าหลิ เออเตเพร เนอเฮ๊อ.

มัทธิว 24:14

โทเรอ ม๊อขุ อาเทอ อาเก่ อา เตซิครือซิลอมีลา เออเนอ, อู เก่ แด๊โฉ่โด่แน หนิโฮ เป่ลอ แกแย โอ่ เด๊อ เห่ขุเออ ต๊าบ่า ลอ ปา, เทอเก่ ปว๊าเต๊เก่ อา หนิโฮน๊อ ลอโทเฮ๊อ เตข่าเฮ๊โล ปา ตื๊อหม่า เห่ขุเออ เก่ ตื๊อดื่อแก โหน่ แพ๊.”

โครินธ์ เนอบ่า ต๊าบ่า 9:1

ซี โต เมจว่า จอแปแหร่ อาแกแย เด๊อ อา โซพ๊าโซแร เด๊อ อา โอ่ เด๊อ วีเยรูซาเล็ม อากู เนอเต๊เห่ อาหรี่อาแก เนอ, แว โหล่ รา แฮเง เป่ โป่ ปา เร๊อ ซี โต่.

มัทธิว 24:21

เบ๊อะเนอเคปา, เตแป่เตเช เร๊อ เตจาเตจือ เต๊เห่ เก่ โอ่แถ่ ดุแหน่เจ๊อปา. เด๊อ เหขุทวาแถ่ลู่ปา โต่เจ๊อ กู๊แหน่เค เออเนอ เบ่เบ่, เด๊อโหน่ เด๊อคยาปาเบ่เบ่, เตแป่เตเช เตจาเตจือ เด๊อ แม๊เถอะน๊อ แตแค๊โต่เนอ อาเก่ ทวาแถ่ปา.

เปโตร อาเหร่อเล๊อ ต๊าบ่า 5:10

จอแปแหร่ หม่า เตบุ๊ยเตเตอเรอ ล๋อ ปลี อา แบ่เจ่ เร๊อ อา เอ๊ ซี เด๊อ อา เก่ เด๊อะเกอ ซี อาเตเตอเรอดุ เตอเรอทู ตูจูเพร เด๊อ เหย่ซู่ครี๊ อากู เออเนอ ปา. เบ๊อะซี ข่าเบ่ เตจาเตจือ แตแปล๊เตอเปลอฮู๊ เออ เก่ ตาลว๊า โทเฮ๊อ ปาเนอ, จอแปแหร่ อาเหน่แบ่เจ่ เร๊อดื่อ อา เก่ เมหม่าเมกลอ แตแน แร๊คยา ซี ปา, โทเรอ อา เก่ เด๊อะฉว่าเด๊อะชอแถ่ ซีอ๊าซีเหร่ ปา.

เปโตร อาเหร่อเล๊อ ต๊าบ่า 5:12

แว ราโผ่ เป่ แพ๊ ซี ลีเออ แพ๊. แว เด๊อะอ๊าเด๊อะเหร่ ซี, โทเรอ แว จ่าเพรอ แวซิปล่อ เร๊อ เตเออหม่า จอแปแหร่ อาบุ๊ยอาเตอเรอ หม่าแหน่ เจ๊อ. โอ่หม่าโอ่กลอ แลแค เด๊อ เตเออเนอ อากู นี๋. คูสิลาส เด๊อะ แว แด่ อา ฮู๊ แว โป่แหว่ เด๊อ อาจ๊อ เร๊อ อาโหง่เออ เตเพรเนอ, อา ราจว่า เป่เกอ แว ลีเออต๊าบ่า.

มัทธิว 25:17

ฮู๊เนอเรอ, อา พย๊าหนิ เท เนอโจ่ย เออเตเพรเนอ, อา จว๊า เมกื่อเมค๊า เถ่เอ๊แถ่เล๊อ โป่ เนอโจ่ย.