เปโตร อาเหร่อเล๊อ ต๊าบ่า 3:5 - ลีเทส่อพ๊าอาเซ เร๊อ เห่ขุทวาลู๊

⁵ เมเตเฮ๊เรอ เพรเหมาะ เด๋อ งย๊าเค เด๊อ อา แด่ อา เตแม๊ชือ เด๊อ จอแปแหร่ อา โอ่ เนอเต๊เห่ อา เตตี๊หรี่ตว่า อาเหน่ หม่า หม่าเฮ๊อ อา แด่หยว่า แลแค อาซิปล่อ เด๊อ อาเวเล เออเนอ เฮ๊อ.

Eastern Kayah Shadaw Dialect

⁵ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤖꤚꤢꤩ꤬ꤗꤢꤪ꤬ ꤘꤣ꤮ ꤑꤢꤔꤢꤨ꤬ ꤘꤣ ꤢ꤬ ꤘꤢꤧ꤬ ꤢ꤬ ꤒꤢꤩ꤬ꤗꤢꤧꤏꤢꤦ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ ꤒꤢꤩ꤬ꤒꤣꤧ꤬ꤚꤤ꤬ꤒꤝ꤫ꤢ꤬ ꤢ꤬ꤔ꤫ꤢꤩ꤬ ꤗꤢ꤬ ꤗ꤫ꤢ꤬ꤟꤣꤧ ꤢ꤬ ꤏꤢꤧ꤬ꤜꤢꤧ꤬ ꤜꤢ꤭ꤋꤢꤧ꤭ ꤢ꤬ꤞꤤꤕꤜꤢꤪ꤬ ꤘꤣ ꤢ꤬ꤠꤢꤩ꤬ꤜꤢꤩ꤭ ꤣꤧ꤭ꤔꤣꤧ꤬ ꤟꤣꤧ꤯

เปโตร อาเหร่อเล๊อ ต๊าบ่า 3:5 ပူးပေါင်းရင်းမြစ်များ

ทิโมธี อาเหร่อเล๊อ ต๊าบ่า 5:5

เพรเหมาะ เตเพร เด๊อ อา โอ่แคร๊ หม่าแหน่ เร๊อ อู เพรแม๊เพรตุ ลู โอ่โต่ เตเพรเนอ, อา แม๊ชือ อา เตเมจว่า เด๊อ จอแปแหร่ อา โอ่. โทเรอ เหมาะคี๊คี๊ เหมาะเชเกลเกล อา กุยจ๊อเบ โตโมโม เจ๊อ. โท๊โต่ อา กุยซิยอ จอแปแหร่ เร๊อ อา เก่ เมจว่า ลู.

ทิโมธี อาเหร่อเล๊อ ต๊าบ่า 5:10

โทเรอ อา เบ่ ทวาดื่อ เพร เหมาะ เด๊อ อามีลา โลแร๊ เน๊อ อา เมเตแร๊ เต๊เห่ อาคยา. อา เบ่ ทวาดื่อ เพร เหมาะ เตเพร เด๊อ อา แม๊ตู่ ดุแถ่ หนิ แร๊โท ดื่อเฮ๊อ อาพู๊อาเลอ เต๊เห่, อา เบ่ เอ๊โมฉื่อ ซิเผระ เต๊เห่ เด๊อ อา หี่ด๊อหี่แพกู, อา เบ่ ทวาดื่อ เพรเหมาะ เตเพร เด๊อ อา ซู๊ปลี จอแปแหร่ อาแกแย เต๊เห่ อากู๊โด่, อา เบ่ เมจว่า แกแย เบ่แป่เบ่เช เต๊เห่ โทเรอ อา เบ่ทวา เพรเหมาะ เตเพร เด๊อ อา เด๊อะแล อาซิปล่อ เด๊อ อา เมเตแร๊ เต๊เห่ อาเง.

ทิโมธี อาเหร่อเล๊อ ต๊าบ่า 2:15

หม่าแน๊เรอ เพรเหมาะ เต๊เห่เห่ เนอ, อา เก่ โอ่หม่าโอ่กลอ แลแค เด๊อ อา เตหยื่อเตแหน่ เน๊อ อาเตโม, เน๊อ อาเตโพ๊แปละ อากู เร๊อ อา เก่ โอ่ แลแค เน๊อ อา เต แด่ซิปล่อ ชาเผร่แน เจ่ เฮ๊เนอหม่า, จอแปแหร่ เก่ เมแลเปล๊กา เหย่ซี เบ๊อะเหย่ซี พู๊โอ่ เบ๊อะเนอ ปา.

เพรโด่แนพู๊ เต๊เห่ 9:36

เบ๊อะวียัฟฟา อากูเนอ, เพรเหมาะ เด๊อ อา หยื่อเอ่แลแค เหย่ซู่ เนอ อาโอ่ เตเพร. เร๊อ อามุย เร๊อ เหมาะทาบิธา (กรีกโหง่ หม่า อามุย เร๊อ เหมาะโดรคัส, อาโหง่แลช๊า หม่า เตอเคอ โตโด) อา ม๊อเนอม๊อเซ ลอ ปลี เนอ อา เมบุ๊ยเมเตอเรอ เป่ อูโร โทเรอ เมจว่าเกอ เป่ แกแย โซพ๊าโซแรพู๊ เต๊เห่.

ꤜꤢꤨꤊꤢ꤬ 2:37

อาเว เซอแก ลูเหล่ เร๊อ อา โอ่แคร๊แก เร๊อดื่อ แพ๊. กู๊แหน่เรอ อาหน่า โอ่ เฮ๊อ เชอลุยซว๊า เร๊อ ลุยหน่า เฮ๊อ. อา เถ่จว๊า โตโพ๋ โต่, อา โอ่แพ๊ เบ๊อะเตหลู่แตโฮกูเนอ แพ๊. อา จ๊อบู่จ๊อเบแถ่ จอแปแหร่ เด๊อ เตเตหลู่แตโฮกู เหมาะคี๊คี๊ เหมาะเชเกลเกล เจ๊อ, โท๊โต่ อา โด่เอ่ เหล่เอ่เหล่โอ เร๊อ อา กุยจ๊อเบ ปวาเนอปวาเซ เจ๊อ.

ꤟꤤꤙꤚꤢꤨ 11:11

เพอับราฮัม โหมะเผระ ลาเฮ๊อ, โท๊โต่ อาเม โหมะซาราห์ หม่า อา โชพู๊พู๊ หม่าแน๊เรอ เด๊อ อาเตหยื่อ อาขว่าอาคยา, อาพู๊ โอ่เบ๊ปา เร๊อ อา ทวาแถ่เบ๊ปา เพ เตเพร. อา หยื่อเอ่ เร๊อ จอแปแหร่ เนอ อาจ๊อ เร๊อ อา เตอ๊อแล.

ทิโมธี อาเหร่อเล๊อ ต๊าบ่า 2:10

โท๊โต่ เพรเหมาะ หม่า โตเบ่ ตี๊หรี่ สู่เช๊ เมตว่าอาเหน่ เร๊อ เตเม เด๊อ อาแร๊ เต๊เห่. เพรเหมาะ เด๊อ อา อ๊อแล เร๊อ อา เก่ แด่ดุหยื่อแหน่ จอแปแหร่ เต๊เห่เนอ, อา โตเบ่ เม แลแค เตแร๊ ฮู๊เนอเต๊เห่.

เพรโด่แนพู๊ เต๊เห่ 1:14

เหย่ซี เออเต๊เห่เนอ อา แฮ แม๊เถอะ ตาฉื่อ ตาปล๊อ โตโมโม เร๊อ เพรเหมาะ เด๊อ อาโรเต๊เห่ เร๊อ เหย่ซู่ อาโหมะ มารีย์ เร๊อ เหย่ซู่ อา โป่เพรคู เต๊เห่ เร๊อ เหย่ซี กุยจ๊อเบ โหร่ลอ ลู เบ๊อะเนอ.

เอเฟซัส 5:33

หม่าแน๊เรอ, ซี เบ่เบ่, ซี เบ่ โมแล เกอเร๊อ ซีเม ฮู๊ ซี โมแล เกอเร๊อ ซีเหน่เนอ ปว๋า เตเพร. โทเรอ เม เบ่เบ่, อา เบ่ เบ่หยื่อเบแหน่ หนิ อาเว ปว๋าเตเพร.

เปโตร อาเหร่อเล๊อ ต๊าบ่า 1:3

เป เก่ เฮ๊บุ๊ยเฮ๊เตอเรอแถ่ โหร่ลู เป แบ่เจ่ เหย่ซู่ครี๊ อาเพ จอแปแหร่ โป๋. หม่าเด๊อ อา เตซิยอ ตาลว๊าซิลือ เป เออ, เร๊อ เหย่ซู่ครี๊ อาเตเซอ ก๊อถ่อกาคยา อาขว่าอาคยา, อา เด๊อะตา เฮ๊อ เป เตเซอเพร อาเซ เฮ๊อ. เด๊อ เออ อาขว่าอาคยา, เป พย๊าหนิ แฮเง ลาเฮ๊อ เป เตแม๊ชือ เด๊อ เป เตโอ่เซอเพร อากู เฮ๊อ.