เปโตร อาเหร่อเล๊อ ต๊าบ่า 3:4 - ลีเทส่อพ๊าอาเซ เร๊อ เห่ขุทวาลู๊

⁴ หม่าแน๊เรอ, ทวา แลแค แกแย เด๊อ อา ตี๊หรี่ตว่าแร๊ อาซิปล่อ ฮ๊อกู เนอเต๊เห่ นี๋. ซี โตเบ่ ซิปล่อ ซิโดซิงา, ซี โตเบ่ ซิปล่อ ตู๊จู่เตอเจ๊อ. เตตว่าเตแร๊ ฮู๊เออ เต๊เห่เนอ, อา โอ่ข่างยา เร๊อ จอแปแหร่ แด่ งูดุงูชอ แหน่เจ๊อ อาเจ๊อ.

Eastern Kayah Shadaw Dialect

⁴ ꤗ꤫ꤢ꤬ꤟꤢꤩꤗꤢ꤬, ꤓꤝꤢ꤭ ꤜꤢ꤭ꤋꤢꤧ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤒꤣꤧ꤬ꤚꤤ꤬ꤒꤝ꤫ꤢ꤬ꤚꤢꤧ ꤢ꤬ꤞꤤꤕꤜꤢꤪ꤬ ꤟꤢꤪꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯ ꤞꤤ꤭ ꤒꤥ꤭ꤙꤢꤩ꤬ ꤞꤤꤕꤜꤢꤪ꤬ ꤞꤤꤘꤥ꤭ꤞꤤꤍꤢ꤬, ꤞꤤ꤭ ꤒꤥ꤭ꤙꤢꤩ꤬ ꤞꤤꤕꤜꤢꤪ꤬ ꤒꤣꤧ꤬ꤡꤣꤧꤒꤣꤧ꤬ꤡ꤫ꤢꤨ꤬꤯ ꤒꤢꤩ꤬ꤒꤝ꤫ꤢ꤬ꤒꤢꤩ꤬ꤚꤢꤧ ꤟꤢꤨꤣꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤥ꤬ꤋꤢꤧ꤭ꤑꤢ꤭ ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ ꤍꤢꤨ꤬ꤘꤢꤨ꤬ꤖꤚꤤ꤬ꤘꤢꤨ꤬ ꤔꤢꤧ꤬ꤡꤣꤧ ꤢ꤬ꤡꤣꤧ꤯

เปโตร อาเหร่อเล๊อ ต๊าบ่า 3:4 ပူးပေါင်းရင်းမြစ်များ

โคโลสี 3:12

ซี หม่า จอแปแหร่ อาแกแย เด๊อ อา โพ๊แปละอาโพ๊อาแปละ เร๊อ อา โม หนิเกอเร๊อ เต๊เห่, เร๊อ อา นว๊าแถ่ หนิเกอเร๊อ เฮ๊อ ซี เฮ๊อ. ฮู๊เนอเรอ กือแซ๊แถ่ แลแค เตซิยอกล่าเบ่, เตเมแร๊เต, เตแด่หยว่า ซีซิปล่อ, เตซิโด่ซิงา เร๊อ เตแด่ทูซิปล่อ ซีเนอ เต๊เห่ นี๋.

ꤚꤥꤗꤢꤩ꤬ 2:29

แกแยยิวพู๊ หม่าแหน่ เตเพร เนอหม่า, อา เบ่ ดื๊อ อาซิปล่อ เด๊อ อา หม่าเฮ๊อ แหย่โยบูโพ๊ แบ่เจ่ ถู่แหล่ เต๊เปล่แก ลูซิปล่อ เออเนอ. เตซว๊าเตแส่ เออเนอ อา ถู่แหล่ เต๊เปล่แก แจ่ ลูซิปล่อ โต่. แกแยเห่ขุพู๊ ถู่เซ๊แถ่ เกอ แกแย เด๊อ อา ดื๊อ อาซิปล่อ เนอ เต๊เห่ โต่ หม่าแน๊เรอ จอแปแหร่ ถู่เซ๊แถ่ เกอเร๊อ เหย่ซี.

มัทธิว 11:29

แย๊ แลแค แว อิแย๊ เออ เร๊อ อิซว๊าซิเง เกอ เต เด๊อ แวโอ่เออ, เมเตเฮ๊เรอ แว ซิโดซิงา เร๊อ แว แด่แล แวซิปล่อ อาขว่าอาคยา, เน เก่ แม๊เถอะ เน ซิปล่อ อา เหล่โอ่โก๊ เตเบ๊ซิพร๊า ปา.

ꤒꤤꤒꤢꤨ 3:2

เด๊อ ซิเหน่แถ่ โป่คยาแซ๊ เหย่ซี เร๊อ นอเป๊อเจ่ออิแช๊ แต่อู เตเพร่ว แต่เหม่ นี๋. นอ รอหนิ แลแค เหย่ซี เร๊อ เตกย๊าตางาลู เนอเต๊เห่ นี๋. โทเรอ นอโอ่ แลแค เหย่ซี เร๊อ ซิปล่อ ซิโดซิ งยา, เร๊อ นอเด๊อะโล เป่ อู เร๊อ เหย่ซี อาเตแด่ทูซิปล่อ อา แด่หยว่า อาซิปล่อ หม่าแหน่ เนอเต๊เห่ เร๊อ อูปว๋า เตเพร นี๋.

มัทธิว 23:26

ฟาริสีพู๊ เด๊อ อา เป๊เส่คี๊, ซี๋, เมโพ๊ เมปลี เหร่อเล๊อ บีหล่อ บีแก๊ ดีเบ เด๊อ อากู เนอ เต๊เห่, เก่ ซี เมฮู๊เนอหม่า ตื๊อหม่า เด๊อ ซี เมเนอ อา โพ๊ อาปลี ลอ เกอดื่อ ปา.

ꤚꤥꤗꤢꤩ꤬ 7:22

เด๊อ แว ซิปล่อกู เนอ แว โม แหน่เจ๊อ จอแปแหร่ อา เตซว๊าเตแส่ เจ๊อ.

โครินธ์ เนอบ่า ต๊าบ่า 4:16

เด๊อ เออเต๊เห่ อาขว่าอาคยาเร๊อ เป ซิปล่อปย๊า ตีกี๋ โต่. เปเหน่กล่อ อาอ๊าอาเหร่ โตโพ๊ตี๊กิ, โตโพ๊ตี๊กิ อา อ๊าเจ่เหร่เจ่ แฮ หม่าแน๊เรอ เป ซิปล่อ เออเนอ, เตอเนอ เร๊อ เตอเนอ อา อ๊าฉว่าอ๊าชอแถ่ แพ๊.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:11

แอ๊จื๊อ โอ่เซอเพร โครเคร เพรดือ แลแค เร๊อ อู เด๊อ เตปว๋า เต๊อเจ่อ อากู นี๋. เน เตหรี่เตแก หม่าโต่ เต๊เห่เนอ, จว๊าโน เมซู๊ซ๊า เกอ แต่ อู แต่เหม่ นี๋. ฮู๊ เป แด๊โฉ่ โทเฮ๊อ ซี เนอ, แม๊ปูเอ่แม๊ปูแร เร๊อ โบ่เอ่แล เกอเร๊อดื่อ แลแค ซีเหน่ นี๋.

เอเฟซัส 4:2

เด๊อ ซี แรเต ล๋อ ปลี อาเกลเนอ, ซี โตเบ่ ทวา แลแค แกแย เด๊อ อา แด่หยว่า อาซิปล่อ เร๊อ อา ซิโดซิงา เต๊เห่. โทเรอ แด่ทูซิปล่อ หนิเกอเร๊อ แลแค ลู เตเพร เร๊อ เตเพร เด๊อ เตโม เกอเร๊อลู อากู เนอ นี๋.

เปโตร อาเหร่อเล๊อ ต๊าบ่า 3:15

หม่าแน๊เรอ, แด่หยื่อแด่แหน่ แลแค ครี๊ เด๊อ ซี ซิปล่อกู ฮู๊ ซี แบ่เจ่ เตเพรเนอ นี๋. อูเป เตเพร เบ่เบ่, อา เก่ แด๊เฮอ ซี เร๊อ ซี เตแม๊ชือ อาหรี่อาแก เฮ๊เนอ, แซ่ฮู๊ ซี เก่ เฮ๊ฉื่อแจ่ เป่ เกออู เร๊อ โอ่ตี๊หรี่แตแร หนื่ออื่อ แลแค ซีเหน่ ปว๋า โตโพ๊ นี๋. หม่าแน๊เรอ ตูรู๊ เฮ๊เบ่ ซิโดซิงา ฉื่อ เหย่ซี เร๊อ แด่ซิแหน่ซิเตเร เหย่ซี นี๋.

ทิโมธี อาเหร่อเล๊อ ต๊าบ่า 2:2

จ๊อเบ แลแค ฮู๊เนอ เด๊อ คุ๊ย เต๊เห่ อาเง. เร๊อ คุ๊ยจ๊อแผ่ ล๋อ ปลี เต๊เห่ อาเง. แซ่ฮู๊ เป เก่ โอ่เซอเพร โอ่โส่โอ่เคร ตู๊จู่เตอเจ๊อ เด๊อ เตแด่หยื่อแด่แหน่ จอแปแหร่ เร๊อ โอ่เซอเพร ตาโตตาเบ่ เกอ เน๊อ อู เด๊อ เตปว๋า เต๊อเจ่อ อากู เนอเรอ, กุยจ๊อเบ แลแค ฮู๊เนอ นี๋.

ꤜꤢꤨꤊꤢ꤬ 11:40

แกแย โอ่เล๊อโอ่กลอ ซี๋, จอแปแหร่ เด๊อ อา แบ๊แล เตเด๊ออากลอ เออเตเพรเนอ, อากู เนอหม่า อา แบ๊แลแล, หม่าโต่ แอ?

ꤡꤛꤢꤩ꤭ꤗꤢ꤬ꤎꤣ꤬ 1:21

ฮู๊เนอเร๊อ วีแก ลอปลี เตซิหย่อซิบี เด๊อ ซี เม โตโมโม อาเนอเต๊เห่ เร๊อ ล๋อ ซี เหล่โกล เด๊อ อา มู๊แหม่รีแจ่ เนอเต๊เห่. เร๊อ ถู่แหล่ เต๊เปล่ แลแค ซี ซิปล่อ เน๊อ หนิดา หยื่อเอ่ เกอ แลแค จอแปแหร่ อาลาอาโหง่ เด๊อ อา อิช๊ออิปลือตา เด๊อ ซี ซิปล่อกู เออเนอเต๊เห่. อาลาอาโหง่ เออเนอหมา อา เมแลเปล๊กา เบ๊แจ่ ซี.

ทิโมธี เนอบ่า ต๊าบ่า 2:25

เบ๊อะอา อิซว๊า แร๊ กาคยา แกแย เด๊อ อา เท๊ฉื่อ อา เต๊เห่ เบ๊อะเนอ, อา โต เฮ๊เบ่ ซิโดซิ งา อู. แตแร๋ หม่า, จอแปแหร่ เก่ เด๊อะหนิ เป่ เหย่ซี ค๊าขิ แร๊ เด๊อ อา เก่ ถู่แหล่ เต๊เปล่ อาซิปล่อปา เร๊อ อา เก่ ซิเง แถ่คยา เตหมะเตจ๊อ ปา.

เธสะโลนิกา เนอบ่า ต๊าบ่า 3:12

เด๊อ แบ่เจ่ เหย่ซู่ครี๊ อากู, เป เฮ๊แก เปโหง่ เออเนอ เร๊อ แกแย เตเกลแลแบ๊ เออเต๊เห่ อาเง. แซ่ฮู๊ เหย่ซี เก่ โอ่เซอเพร ตาโตตาเบ่ เกออู, โท๊โต่ อา เก่เอ่เก่แร เกอ แลแค อู เร๊อ อา เก่ เด๊อะเอ่แลหนิ เร๊อเกอ แลแค ดื่อ อา ซิปล่อเซอเพร อาเงเนอ, เป เฮ๊ฉว่าเฮ๊ชอแก แหน่ เฮ๊อ เหย่ซี เฮ๊อ.

มัทธิว 5:5

แกแย เด๊อ อา ซิโดซิงา เร๊อ อา แด่หยว่า อาซิปล่อ เต๊เห่เนอ, อา พย๊าหนิ เตเด๊อะบุ๊ยเด๊อะเตอเรอ. เมเตเฮ๊เรอ เห่ขุ เออต๊าบ่าเนอ, อา เก่ ทวาลอ ลูเต ปา.

ꤚꤥꤗꤢꤩ꤬ 6:6

เมเตเฮ๊เรอ, แซ่ฮู๊ เตซื๊อ อา เตโพรเตเตอเรอ อาฉว่าอาชอ เออ เก่ เป๊อตี๊หรี่ ปา แต่ เป แต่เหม่, โท๊โต่ แซ่ฮู๊ เป เก่ ทวา ปา แต่ เตซื๊อ อาหลู่เล๊ แต่เหม่เนอ, ซี ซิเงเฮ๊อ เร๊อ เป เตโอ่เซอเพร อาเลอ เออเนอ, จอแปแหร่ มือเซอแถ่ เต่อเกอ โทเฮ๊อ เร๊อ ครี๊ เฮ๊อ.

ꤜꤢꤨꤊꤢ꤬ 16:15

เหย่ซู่เฮ๊ เหย่ซี เน๊อ, “ซี หม่า แกแย เด๊อ อา จ่าจ๊อจ่าเต แพ๊ อาเหน่ เด๊อ แกแย อา เป๊เส่เง เนอเต๊เห่ แพ๊, หม่าแน๊เรอ จอแปแหร่ ซิเง ลอปลี เฮ๊อ ซี ซิปล่อกู. เมเตเฮ๊เรอ, เต เด๊อ แกแย เตเน เร๊อ อางูดุงูชอเล๊อ อู เต๊เห่เนอ, เด๊อ จอแปแหร่ เป๊เส่เง เนอหม่า หม่า แพ๊ เตมู๊แหม่รีแจ่ เด๊อ อู เหล่ซิรอซิเร อา เนอเต๊เห่ แพ๊.

เปโตร อาเหร่อเล๊อ ต๊าบ่า 1:23

เมเตเฮ๊เรอ จอแปแหร่ อาลาอาโหง่ เออเนอ, อา เซอเพร เร๊อ อา โอ่หม่าโอ่กลอ ตูจูเพร แตแลเคร๊ อาขว่าอาคยา, ซี โอ่เป๊เจ่แล คยาแซ๊ เฮ๊อ โตโพ๊ เฮ๊อ. ซี เตโอ่เซอเพร อาเซ เออเนอหมา, อา แฮ เด๊อ ซีโหมะซีเพ เด๊อ อา เซอแจ่ เออเต๊เห่ อา โอ่ เนอ หม่าโต่. หม่าแน๊เรอ, ซี เตโอ่เซอเพร อาเซ เออเนอหมา, อา แฮ เด๊อ จอแปแหร่ เด๊อ อา เซอแจ่ แตแค๋โต่ เออเตเพร อา โอ่.

โคโลสี 3:3

เมเตเฮ๊เรอ, ซี เซอเต่อ โทเฮ๊อ เร๊อ ครี๊ เฮ๊อ เร๊อ กู๊แหน่เออ ซี พย๊าหนิ เต่อเกอเฮ๊อ ซิปล่อเซอเพร อาเซ เน๊อ ครี๊ เฮ๊อ. โท๊โต่ ซี ทวาแถ่ เฮ๊อ เตเตอเจ๋อโต เฮ๊อ เร๊อ จอแปแหร่ เฮ๊อ. แกแย เต๊เห่เนอ อา ซิเงโปล เกอเฮ๊อ ซิปล่อเซอเพร อาเซเออ ล๋ายโต่.

ꤊꤢ꤬ꤜꤢ꤬ꤒꤤ 5:23

เตซิโดซิงา เร๊อ เตค๊อเป่เร๊อ ซิปล่อ ซี เต๊เห่เนอ เฮ๊อ. ซี เก่ เมฮู๊เออ เฮ๊เนอหม่า, อาซื๊อ เฮ๊อ เตซว๊าเตแส่ เฮ๊น๊อ ฮู๊เนอ ตาม๋า โต่.

โครินธ์ เนอบ่า ต๊าบ่า 10:1

เต๊เห่เห่เนอ อา เฮ๊ แลแค แว เน๊อ เบ๊อะแว เฮ๊เบ่ฉื่อ เร๊อ ซี เบ๊อะเนอ, แว โต๊โหร่ แพ๊ หม่าแน๊เรอ เบ๊อะแว รา เร๊อ ลี เบ๊อะเนอ, แว เฮ๊เบ่ฉว่าเฮ๊เบ่ชอ แหน่เจ๊อ, อา เฮ๊ แลแค แว ฮู๊เนอ. หม่าแน๊เรอ แว เหน่แบ่แจ่ เร๊อดื่อ แว กุยซิยอ ตื๊อดื่อ เจ๊อ ซี เร๊อ เตซิโดซิงา, เตแด่ทูซิปล่อ ฮู๊ ครี๊ เด๊อะโล เป่ โทเฮ๊อ เป เออเนอ เต๊เห่ เจ๊อ.

มัทธิว 21:5

“แด๊โฉ่โล เป่ ศิโยนพู๊ เต๊เห่ เน๊อ, ‘แม๊มอ แลแค, ซี คุ๊ยจ๊อแผ่ แฮ เด๊อ ซี โอ่ เฮ๊อ. อา หม่า อา ซิโดซิงา เร๊อ อา แถ่แด๊ แฮหนิ แมอ๊อแล เร๊อ อา แถ่แด๊ แฮ เด๊อ อาพู๊ปีตี๊ โตโด.’”

ꤚꤥꤗꤢꤩ꤬ 1:23

เหย่ซี โต จ๊อเบแถ่ จอแปแหร่ เด๊อ อา โอ่ เร๊อ อา เตอเรอดุเตอเรอทู เร๊อ อา เซอแจ่โต่ เออเตเพร, หม่าแน๊เรอ อา จว๊า จ๊อเบ เต๊เปล่ดื่อเง เตแหย่โยแหย่กี เด๊อ อู แบ๊ เร๊อ กู๊ขุ เต๊เห่. เหย่ซี จ๊อเบ เตแหย่โยแหย่กี เด๊อ อาแซ่เน๊อ แกแย เด๊อ อา เซอแจ่ เออเนอเต๊เห่, หม่าโต่เรอ อาแซ่เน๊อ ถู่พู๊โหย่พู๊ เต๊เห่, หม่าโต่เรอ อาแซ่เน๊อ เตมีเตดอ เต๊เห่, โต่หม่าแน๊ อาแซ่เน๊อ หรู่แปล๊ เตเท๊ เต๊เห่.