เปโตร อาเหร่อเล๊อ ต๊าบ่า 3:20 - ลีเทส่อพ๊าอาเซ เร๊อ เห่ขุทวาลู๊

²⁰ ซิปล่อเซอเพร เออเต๊เห่ เนอหม่า หม่าเฮ๊อ เบ๊อะเพโนอาห์ เมแถ่ ส่อเกลอดุ มู๋ หนู่เค เร๊อ เบ๊อะจอแปแหร่ โอ่ป่อ ซิปล่อทูหนิ เป่ เหย่ซี เบ๊อะเนอ หม่าแน๊เรอ อา จูเอ่ เกอ ลูโหง่ โต่ เนอเต๊เห่ เฮ๊อ. เด๊อ ส่อเกลอดุ อากูเนอ แกแย โนหนิ ปีตี๊ แพ๊. ล๋อ จอแปแหร่ เมแลเปล๊กา เหย่ซี เร๊อ เทอ เนอหม่า อาโอ่ แพ๊ เพรลุยซว๊า แพ๊.

Eastern Kayah Shadaw Dialect

²⁰ ꤛ꤫ꤢꤧ꤬ꤛꤥ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤙꤣꤧ ꤖꤢꤩ꤭ꤔꤥꤢ꤬ ꤤ꤬ꤏꤢꤪꤓꤢꤧ꤬ ꤞꤢꤪ꤬ꤊꤜꤣꤧ꤭ꤘꤢꤨ꤬ ꤗꤢꤨ꤮ ꤑꤢꤔꤢꤨ꤬ꤋꤢꤩ꤭ ꤚꤣꤧ꤬ ꤙꤣꤧ ꤡꤢꤪꤗꤣꤧ꤬ꤚꤢꤧ꤬ ꤥ꤬ꤕ꤫ꤢꤪ꤬ ꤞꤤꤕꤜꤢꤪ꤬ꤓꤢꤨ꤭ꤚꤣꤧ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤢ꤬ꤋꤢꤩ꤭ ꤒꤣꤧ꤬ꤘꤢꤦꤚꤣꤧ꤬ ꤢ꤬ ꤡꤢꤨ꤭ꤢꤩ꤬ ꤊꤣꤧ꤭ ꤜꤢꤨ꤭ꤍ꤫ꤥ꤬ ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯ ꤘꤣ ꤞꤢꤪ꤬ꤊꤜꤣꤧ꤭ꤘꤢꤨ꤬ ꤢ꤬ꤊꤢꤨ꤭ꤔꤣꤧ꤬ ꤊꤣꤧ꤬ꤛꤢꤧ꤭ ꤔꤥ꤭ꤔ꤫ꤤ꤬ ꤕꤣꤧ꤬ꤒꤤ ꤖꤢꤧ꤯ ꤜꤢꤪ꤭ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤛꤢꤩ꤬ꤞꤤ꤭ ꤔꤢꤧ ꤓꤣꤧ꤭ ꤔꤣꤧ꤬ꤗꤢ꤬ ꤢ꤬ꤥ꤬ ꤖꤢꤧ ꤖꤚꤢꤩ꤬ꤜꤝꤤ꤭ꤞꤝꤢ ꤖꤢꤧ꤯

เปโตร อาเหร่อเล๊อ ต๊าบ่า 3:20 ပူးပေါင်းရင်းမြစ်များ

เปโตร เนอบ่า ต๊าบ่า 2:5

แกแย เห่ขุพู๊ เด๊อ อา เบ่หยื่อเบ่แหน่ เกอ จอแปแหร่ โต่ มู๊หนู่มู๊ส่าเค เนอเต๊เห่เนอ, จอแปแหร่ แด่ลว๊าแก เหย่ซี โต่โต่, อา นอดุบี๊ เซอแก ลอ เหย่ซี เร๊อ เทอ. อา เมแลเปล๊แก แพ๊ตื๊อ เพโนอาห์ เด๊อ อา แด๊โฉ่โด่แน เป่ อู เร๊อ เตจ๊อเตเต เออเนอ เตเพร เร๊อ เด๊อ อาโร โซซว๊าเตเพร แพ๊.

ꤟꤤꤙꤚꤢꤨ 11:7

เด๊อ เพโนอาห์ อาเตหยื่อ อาขว่าอาคยา, จอแปแหร่ เด๊อะรอ หนื่ออื่อ ลู เตเด๊อ อา แม๊เถอะ ซิเง ล๋ายโต่ เด๊อ อา เก่ ทวาแถ่ ช๋า เนอปา เนอเต๊เห่. อา เบ่หยื่อเบ่แหน่ จอแปแหร่, อา หนิดา ลูโหง่ เร๊อ อา เมแถ่ ส่อเกลอดุ เด๊อ อา เก่ เมแลเปล๊กา เน๊อ อา หี่ด๊อหี่แพพู๊ อาเง เต๊เบ่. เด๊อ เพโนอาห์ เตหยื่อ อาขว่าอาคยา, อา เด๊อะโล เน๊อ จอแปแหร่ เก่ เมจากาคยา แกแย เห่ขุพู๊ เต๊เห่ ปา. เร๊อ เด๊อ อาเตหยื่อ ขว่าคยา, จอแปแหร่ แด่เฮ๊อ อา ฮู๊ แกแยจ๊อแกแยเต เตเพร เฮ๊อ.

เห่ขุทวาลู่ 6:3

เร๊อ จอแปแหร่ ตูจูเพร เฮ๊ เน๊อ, “แว ปลวา โอ่ ตื๊อดื่อ หนิเกอ แวแหย่โยเซอเพร เน๊อ แกแยเห่ขุพู๊ เออเต๊เห่ ตูจูเพร หม่า อาแร๊ โต่. เมเตเฮ๊เร๊อ เหย่ซี โอ่ เน๊อ พ๊าหย่าสุ่ยเทอ เด๊อ อา เซอ แจ่ แพ๊ อาขว่าอาคยา, เหย่ซี เบ่ โอ่เซอเพร แพ๊ อาหน่า เตเย เน๊อ เนอเชอ แพ๊.”

เห่ขุทวาลู่ 6:5

จอแปแหร่ ตูจูเพร แม๊เถอะ แกแยเห่ขุพู๊ ซีเต๊เห่ เน๊อ อาจาอาจือ อา, มู๊แหม่รีแจ่ อาก่าอาแปล่ แหน่เจ๊อ, โทโต่ เหย่ซีซิปล่อ เต๊เห่เนอ อา เตเนเครเม โชชื่อ เตมู๊แหม่รีแจ่ ่ ปว๋า โตโพ๊ เจ๊อ.

เห่ขุทวาลู่ 8:18

ฮู๊เนออาขว่าอาคยา, เพโนอาห์ เอ๊หนิ อาเม, อาพู๊เพรคูซี เน๊อ อาแด่ซี เต๊เห่ เร๊อ อา เถ่แก ลอ เด๊อ ส่อเกลอดุกลอ.

เห่ขุทวาลู่ 6:13

จอแปแหร่ดุ เฮ๊ เพโนอาห์ เน๊อ, “แว แด่แล เฮ๊อ แว ซิปล่อ เน๊อ แว เก่ เมจา เมปย๊า แก ลอเฮ๊อ แกแย เห่ขุพู๊ ปว๋า เตเพร ปา. เมเตเฮ๊เร๊อ เห่ขุเออ อาเล๋อ บาลอ เจ๊อเฮ๊อ เน๊อ เตจาเตมู๊แหม่ เฮ๊อ. เมเตเฮ๊เรอ เด๊อ เหย่ซี อาขว่าอาคยา, แว เก่ เมปย๊าแก เต่อ ลอ เหย่ซี เน๊อ เห่ขุ ปา.

มัทธิว 7:14

หม่าแน๊เรอ กู่ดา อาอิ เออตูกู เนอ แกล๊อิ เร๊อ แกล๊อิ เออโตโบ เด๊อ อา ซูจว๊า อู เด๊อ เตเซอเพร ตูจูเพร เออเนอ, แกแย แม๊เถอะ ปีตี๋ แหน่เจ๊อ ลู.”

เห่ขุทวาลู่ 7:13

เร๊อ เพโนอาห์ เน๊อ อาพู๊เพรคู ซิโซ คูเซม, คูฮาม, คูยาเฟท เน๊อ เพโนอาห์ อาเม เน๊อ อาแด่ ซีเต๊เห่ โน แลแค เด๊อ ส่อเกลอดุกู เบ๊อะ เก่จือตา เนอเตอเนอ เจ๊อ เฮ๊อ.

เปโตร เนอบ่า ต๊าบ่า 3:15

ซิเง ซิเหน่ แลแค เร๊อ เป แบ่เจ่ เออ อา แด่ทูซิปล่อ แพ๊, อา แฮ เป่เหย่ เมเตเฮ๊เรอ แซ่ฮู๊ แกแย เต๊เห่ เก่ พย๊าหนิ เกออู เมแลเปล๊กา เออเนอเร๊อ อา ซิหยื่อ เด๊อะเป่ปา เหย่ซี อาม๊อเนอ ม๊อเซ ฮู๊เนอแพ๊. เป โป่แหว่ โคแบ๊ซว๊าโม คูเปาโล รา เป่เกอ โทเฮ๊อ ซี ฮู๊ แว เฮ๊ เป่ ซี เออเนอ เฮ๊อ. อา รา เป่เฮ๊อ ซี ฮู๊ จอแปแหร่ เด๊อะ ลู เตแจ่เตลีแม เนอเต๊เห่ เฮ๊อ.

ꤚꤥꤗꤢꤩ꤬ 9:22

จอแปแหร่ ซิหยื่อ เม จู๋ ดื่อ อาซิปล่อ เนอ, อาหนิ ปว๋า โตโพ๊ เจ๊อ. อา ซิหยื่อ เด๊อะโล เป่ อู เร๊อ อา เตซิ ปล่อดุ โทเรอ อา ซิหยื่อ นอซิเง เกออู เร๊อ อา เตโพรเตเตอเรอ เต๊เห่. หม่าแน๊เรอ แกแย เด๊อ อา เบ่ ข่าเบ่ ลู เตซิปล่อดุ ปา, เร๊อ อา เบ่ โต่เด๊อ เตปย๊าเตหลู่ ปา เต๊เห่ อาเงเนอ, อา เด๊อะโล เต๊เปล่ โค๊เป่ เหย่ซี เร๊อ อา เตแด่ทูซิปล่อ, อา เตแด่ทูซิปล่อ เต๊เห่.

ꤜꤢꤨꤊꤢ꤬ 12:32

“เก๋อ ซิหมิเป๊หมู่ ปีตี๊ ซี๋, ซิอิเช แต่เหม่ นี๋, เมเตเฮ๊เรอ ซีเพ ซิปล่อโอ่ เด๊อ อาเก่ เด๊อ ซี เร๊อ อาเทออาเก่ เฮ๊อ.

เห่ขุทวาลู่ 8:1

หม่าแน๊เรอ, เพโนอาห์ เน๊อ ล๋อ เตมีเตดอ เด๊อ อา โอ่เต่อเกอลอ เน๊อ ลู เด๊อ ส่อเกลอดุกู เนอเต๊เห่, อา แปล เบ่เบ่, อา แน เบ่เบ่, จอแปแหร่ โชตาปาแก เน๊อ เหย่ซี โต่. เร๊อ อา ปลวาพอแฮ เก่แลเซ๊ เด๊อ เห่ขุ, เร๊อ เทอ ซิตาแล.

เอเฟซัส 5:26

แซ่ฮู๊ อา เก่บูโพ๊หนิ อา เพรหยื่อเอ่ เออ ตู๊หมู่ตอกล๊อ เต๊เห่เนอ, อา เซอแก เป่ เจ๊อ เด๊อ เหย่ซี อาเง. เร๊อ อา ซู๊ปลีแกเฮ๊อ เหย่ซี เร๊อ เทอ เร๊อ อาลาอาโหง่ เออเนอ เฮ๊อ.

เห่ขุทวาลู่ 6:8

หม่าแน๊เรอ คูโนอาห์ พย๊าหนิ โค๊ดื่อ จอแปแหร่ ตูจูเพร อาบุ๊ยดุ อาเตอเรอทู.

เพรโด่แนพู๊ เต๊เห่ 2:41

แกแย เด๊อ อา หยื่อเอ่ คูเปโตร อา เตเฮ๊เบ่โด่แน เออเต๊เห่เนอ, อา เจหนิแลแค อาเหน่ เร๊อ เทอ. เร๊อ เบ๊อะเนอเตอเนอเนอ, แกแย หยื่อเอ่แลแค เร๊อ อากา โกโน โอ่เอ๊แถ่ เกอ โป่ เหย่ซี เนอ, อา พื๋อ โอ่ อาเพร โซรี๊ เจ๊อ.

เปโตร อาเหร่อเล๊อ ต๊าบ่า 1:9

เมเตเฮ๊เรอ เด๊อ ซี หยื่อเอ่แหน่ เหย่ซู่ อาขว่าอาคยา, ซี พย๊าหนิเฮ๊อ ซี ซิปล่อเซอเพร เออเต๊เห่ อา เตแลเปล๊ เฮ๊อ.

เปโตร อาเหร่อเล๊อ ต๊าบ่า 1:22

กู๊แหน่เรอ เด๊อ ซี จูเอ่ เฮ๊อ จอแปแหร่ อา เตอิซว๊า อา เตหมะเตจ๊อ เต๊เห่ อาขว่าอาคยา, ซี เมโพ๊เมปลี เฮ๊อ ซี ซิปล่อ เร๊อ ซี ทวา เฮ๊อ แกแย เด๊อ อา โมหนิ หม่าแหน่ เจ๊อเฮ๊อ โป่แหว่ ครี๊พู๊ เออเต๊เห่ เฮ๊อ. เมฮู๊เนอเรอ โมลอ แคลูเน๊อ ซิปล่อซีเม เตเพร เร๊อ เตเพร นี๋.

เปโตร อาเหร่อเล๊อ ต๊าบ่า 2:25

ซี เออเนอ, อาแซ่เน๊อ ซิหมิ เด๊อ อา จว๊าซื๊อแกล๊ เต๊เห่. หม่าแน๊เรอ กู๊แหน่เออ ซี กาคยาโต คยาแซ๊ เฮ๊อ เด๊อ เพรเก ซิหมิ เด๊อ อา แม๊ตู่เร๊อ ซี ซิปล่อเซอเพร เออเตเพร อา โอ่ เฮ๊อ.

เปโตร อาเหร่อเล๊อ ต๊าบ่า 3:19

เร๊อ เด๊อ แหย่โยบูโพ๊ แบ่เจ่ เออ อาขว่าอาคยาเร๊อ, อา จว๊า โด่แน เป่ ซิปล่อเซอเพร เด๊อ อา โอ่ เด๊อ อู เหล่ด๊อโน แกแยทอกู กู๊แหน่ เออเนอ เต๊เห่.

เปโตร อาเหร่อเล๊อ ต๊าบ่า 4:19

ฮู๊เนอเรอ, ซี ข่าเบ่ เตจาเตจือ เออเนอ, อา เก่ โต เร๊อ จอแปแหร่ อาซิปล่อ เฮ๊เรอ, ซี โตเบ่ เมแร๊ แฮเง ลาโป่, โท๊โต่ ซี โต แด่แล ซี ซิปล่อ ซีเม เด๊อะ แบ่เจ่ เด๊อ อา แบ๊ตา เต เร๊อ อาจ๊อ เร๊อ อาโหง่ เออเตเพร อา กู๊ยากู.