เปโตร อาเหร่อเล๊อ ต๊าบ่า 3:17 - ลีเทส่อพ๊าอาเซ เร๊อ เห่ขุทวาลู๊

¹⁷ เมเตเฮ๊เรอ จอแปแหร่ เก่ ซิปล่อโอ่ แหน่เฮ๊อ เนอ, เด๊อ เป เมเตแร๊เออ อาขว่าอาคยาเร๊อ, เป เบ่ ข่าเบ่ แหน่ เตจาเตจือ เฮ๊เนอ, อาแร๊เล๊อ ปา เจ๊อ เร๊อ เป เม เตมู๊แหม่รีแจ่ เร๊อ เป ข่าเบ่ เตจาเตจือ เต๊เห่ เจ๊อ.

Eastern Kayah Shadaw Dialect

¹⁷ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤊꤢꤩ꤬ ꤞꤤꤕꤜꤢꤪ꤬ꤥ꤬ ꤔꤢꤧ꤭ꤟꤣꤧ ꤔꤢꤧ, ꤘꤣ ꤕꤢꤩ꤬ ꤗꤢꤩ꤬ꤒꤢꤩ꤬ꤚꤢꤧꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬, ꤕꤢꤩ꤬ ꤙꤢꤩ꤬ ꤋꤢꤧꤙꤢꤩ꤬ ꤔꤢꤧ꤭ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤟꤢꤩꤔꤣꤧ꤬, ꤢ꤬ꤚꤢꤧꤜꤣ ꤕꤢ꤬ ꤡꤣꤧ ꤔꤢꤧ ꤕꤢꤩ꤬ ꤗꤢꤩ꤬ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤚꤣꤧ꤬ ꤕꤢꤩ꤬ ꤋꤢꤧꤙꤢꤩ꤬ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤒꤣꤧ꤬ꤟꤢꤩ꤬ ꤡꤣꤧ꤯

เปโตร อาเหร่อเล๊อ ต๊าบ่า 3:17 ပူးပေါင်းရင်းမြစ်များ

เปโตร อาเหร่อเล๊อ ต๊าบ่า 3:14

หม่าแน๊เรอ เด๊อ เตจ๊อเตเต อาขว่าอาคยาเร๊อ, ซี เก่ ข่าเบ่ เตจาเตจือ เก่เฮ๊เนอ, ซี เก่ พย๊าหนิ เตเด๊อะบุ๊ยเด๊อะเตอเรอปา. เหย่ซี เมหน่าเมจา ซี หม่าแน๊เรอ ซิอิเช แต่ เหย่ซีเหล่ แต่เหม่ นี๋, ซิปล่อกู่ ซิปล่อแก แต่ เหย่ซี เหล่ แต่เหม่เหม่.

เปโตร อาเหร่อเล๊อ ต๊าบ่า 4:19

ฮู๊เนอเรอ, ซี ข่าเบ่ เตจาเตจือ เออเนอ, อา เก่ โต เร๊อ จอแปแหร่ อาซิปล่อ เฮ๊เรอ, ซี โตเบ่ เมแร๊ แฮเง ลาโป่, โท๊โต่ ซี โต แด่แล ซี ซิปล่อ ซีเม เด๊อะ แบ่เจ่ เด๊อ อา แบ๊ตา เต เร๊อ อาจ๊อ เร๊อ อาโหง่ เออเตเพร อา กู๊ยากู.

มัทธิว 26:39

อา จว๊า เป่แฮโป่ เด๊อ เง ตี๊กิแพ๊ เร๊อ อา โอ่เมอ โตโกลตา เด๊อ เห่ขุ เร๊อ อา กุยจ๊อเบ เร๊อ อา เฮ๊ เน๊อ, “เก๋อ เพ เก่ หม่าแน๊เรอ เน เก่ พย๊า ตาพาแก เป่ แว เบหล่อ เตจาเตจือ เออเต๊เบ่ เด๊อแวโอ่ หม่า อาหนิ แพ๊ หม่าแน๊เรอ แว ซิหยื่อ เม จู๊ ดื่อ แว ซิปล่อ โต่ จู๊ ดื่อแพ๊ เน ซิ ปล่อ นี๋.”

เปโตร อาเหร่อเล๊อ ต๊าบ่า 2:20

เด๊อ ซี เมซื๊อเต อาขว่าอาคยาเร๊อ, อู เก่มือเก่ปอ ซี เฮ๊เนอ, อาบุ๊ยเตอเรอ โอ่เบ๊อะเต? หม่าแน๊เรอ เด๊อ ซี เมโตเต อาขว่าอาคยาเร๊อ, ซี เก่ แด่ทูซิปล่อเบ๊ เตจาเตจือเฮ๊เนอ, จอแปแหร่ เก่ แม๊ดุ เกอ เร๊อ ซี ปา.

เพรโด่แนพู๊ เต๊เห่ 21:14

เป กุยซิยอ อา เร๊อ อา หนิปาโต่ อาขว่าอาคยา, เป เฮ๊ ปา ลู เตอเจ๋อ โต่, เป เฮ๊แก แพ๊ เน๊อ, “จู๋ ดื่อเฮ๊อ อาโต แบ่เจ่ อาซิปล่อ อา เตซิหยื่อ เฮ๊อ กอ?” เป เฮ๊แก ลู ฮู๊เนอ แพ๊.

มัทธิว 26:42

อา จว๊า โป่แซ๊ โตโพ๊เนอ เร๊อ อา กุยจ๊อเบ เน๊อ, “เก๋อ แว เพ๋, แว เบ่ โอ่แหน่ เฮ๊อ เตจาเตจือ เบหล่อเออ เออเต๊เบ่ เออ, พย๊าตาพาแกโต่ เก่ เฮ๊เรอ, จู๋ ดื่อ แพ๊ เน ซิปล่อ นี๋.”

เปโตร อาเหร่อเล๊อ ต๊าบ่า 4:15

ซี เก่ เมเซอ แกแย, หม่าโต่เรอ ซี เก่ เอ่โห่เอ่ฮี๊, หม่าโต่เร๊อ ซี เก่ เม เตมู๊แหม่รีแจ่, หม่าโต่เร๊อ ซี เก่ จว๊าโนเม ดู๊แด อู เก่เฮ๊เรอ ซี โตเบ่ ข่าเบ่แหน่ เตจาเตจือ เฮ๊อ. หม่าแน๊เรอ ซี เออเต๊เห่ เนอหม่า, ซี โต ข่าเบ่หนิ เตจาเตจือ เร๊อ ซี เม เตมู๊แหม่ เออเต๊เห่ อาคยา โต่.

เปโตร อาเหร่อเล๊อ ต๊าบ่า 2:15

จอแปแหร่ ซิหยื่อ นอเม ซี เตแร๊, เมเตเฮ๊เรอ อา ซิหยื่อ เด๊อ ซี เก่ เม โอ่โส่โอ่เครแก แกแย เด๊อ อา เฮ๊เบ่บอ เฮ๊เบ่บย่า เร๊อ เตเน กาคยา แฮเง เป่ เกออู โต่ เนอเต๊เห่.

เพรโด่แนพู๊ เต๊เห่ 18:21

หม่าแน๊เรอ เบ๊อะอา เถ่จว๊า เฮ๊อ เบ๊อะเนอ, อา เฮ๊แก เหย่ซี เน๊อ, “อา เก่ โต จอแปแหร่ ซิปล่อ เฮ๊เรอ แว กาคยา เกอ คยาแซ๊ เด๊อ ซีโอ่ ปา.” อา เฮ๊ โทเรอ อา แถ่ แถ่แด๊ ส่อเกลอดุ เบ๊อะวีเอเฟซัส อากูเนอ เร๊อ อา เถ่จว๊าแก.

เปโตร อาเหร่อเล๊อ ต๊าบ่า 1:6

ฮู๊เนอเร๊อ ซิครือซิลอ แลแค เน๊อ ล๋อ เตเออเต๊เห่ นี๋, หม่าแน๊เรอ กู๊แหน่เออ แตแปล๊เตอเปล๊อ อากูเนอ เตแป่เตเช ปว๊าเต๊อเจ่อ เมกู่เมแก ซี.