เปโตร อาเหร่อเล๊อ ต๊าบ่า 3:15 - ลีเทส่อพ๊าอาเซ เร๊อ เห่ขุทวาลู๊

¹⁵ หม่าแน๊เรอ, แด่หยื่อแด่แหน่ แลแค ครี๊ เด๊อ ซี ซิปล่อกู ฮู๊ ซี แบ่เจ่ เตเพรเนอ นี๋. อูเป เตเพร เบ่เบ่, อา เก่ แด๊เฮอ ซี เร๊อ ซี เตแม๊ชือ อาหรี่อาแก เฮ๊เนอ, แซ่ฮู๊ ซี เก่ เฮ๊ฉื่อแจ่ เป่ เกออู เร๊อ โอ่ตี๊หรี่แตแร หนื่ออื่อ แลแค ซีเหน่ ปว๋า โตโพ๊ นี๋. หม่าแน๊เรอ ตูรู๊ เฮ๊เบ่ ซิโดซิงา ฉื่อ เหย่ซี เร๊อ แด่ซิแหน่ซิเตเร เหย่ซี นี๋.

Eastern Kayah Shadaw Dialect

¹⁵ ꤗꤢ꤬ꤔꤢꤧꤚꤣꤧ꤬, ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬ ꤜꤢ꤭ꤋꤢꤧ꤭ ꤋꤚꤤ ꤘꤣ ꤞꤤ꤭ ꤞꤤꤕꤜꤢꤪ꤬ꤊꤢꤨ꤭ ꤟꤢꤨ ꤞꤤ꤭ ꤙꤢꤧ꤬ꤡꤢꤩ꤬ ꤒꤣ꤬ꤖꤚꤢꤩ꤬ꤔꤣꤧ꤬ ꤔꤤ꤮꤯ ꤢꤨ꤭ꤕꤢꤩ꤭ ꤒꤣ꤬ꤖꤚꤢꤩ꤬ ꤙꤢꤩ꤬ꤙꤢꤩ꤬, ꤢ꤬ ꤊꤢꤩ꤬ ꤘꤣꤧꤟꤣꤧ꤭ ꤞꤤ꤭ ꤔꤢꤧ ꤞꤤ꤭ ꤒꤢꤩ꤬ꤗꤢꤧꤏꤢꤦ꤭ ꤢ꤬ꤚꤤ꤬ꤢ꤬ꤊꤢꤧ꤭ ꤟꤢꤩꤔꤣꤧ꤬, ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤟꤢꤩꤏꤢꤦ꤬ꤡ꤫ꤢꤧ꤬ ꤕ꤫ꤢꤩ꤬ ꤊꤣꤧ꤭ꤢꤨ꤭ ꤚꤣꤧ꤬ ꤥ꤬ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤥ꤬ꤔꤢꤩ꤬ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬ ꤕꤝꤢ꤭꤮ ꤒꤣ꤬ꤖꤥ ꤔꤤ꤮꤯ ꤗꤢ꤬ꤔꤢꤧꤚꤣꤧ꤬ ꤒꤣꤧ꤬ꤚꤢꤨ ꤟꤢꤩꤙꤢꤩ꤬ ꤞꤤꤘꤥ꤭ꤞꤤꤍꤢ꤬ ꤏꤢꤦ꤬ ꤛꤢꤩ꤬ꤞꤤ꤭ ꤚꤣꤧ꤬ ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬ ꤛꤢꤩ꤬ꤞꤤ꤭ ꤔꤤ꤮꤯

เปโตร อาเหร่อเล๊อ ต๊าบ่า 3:15 ပူးပေါင်းရင်းမြစ်များ

โคโลสี 4:6

แซ่ฮู๊ ซี เก่ ซิเง เกอ แลแค เน๊อ ซี โต เฮ๊ฉื่อ กาคยาแจ่ เป่ อู ปว๋า เตเพร ฮู๊เตฮู๊เต อาเงเนอ, เฮ๊เบ่เจ่เฮ๊เบ่หนิ, เฮ๊เบ่ ท๊อหนิจุ่ยหนิ เกอ แลแค อู ซิปล่อ นี๋.

เปโตร อาเหร่อเล๊อ ต๊าบ่า 3:2

เด๊อ เหย่ซี แม๊เถอะ ซี เตโอ่เซอเพร จ๊อจื้อ เต๊เห่ เร๊อ ซี เตแด่หยื่อแด่แหน่ จอแปแหร่ เต๊เห่ อาขว่าอาคยาเร๊อ, อา เก่ กาทวา เกอดื่อ เพรหยื่อเอ่ เออปา.

ꤒꤤꤒꤢꤨ 1:2

เตจ๊ออาเต เออเนอ อา เด๊อ เหย่ซี เตแม๊ซื๊อ เด๊อ เหย่ซี เก่ พย๊าหนิ ซิปล่อเซอเพร ตูจูเพร ตาเลเคร๊ อาเง เฮ๊อ. เบ๊อะเห่ขุ โอ่ทวาแถ่ แต่ล๋ายโต่ เบ๊อะเนอ, จอแปแหร่ เด๊อ อา แลโฮน๊อ แตแค๋ โต่ เออเตเพรเนอ, อา อ๊อแล หนื่ออื่อ โทเฮ๊อ เร๊อ อา เก่ เด๊อะ เป เตเซอเพร เออเนอ เฮ๊อ.

โคโลสี 1:27

จอแปแหร่ ซิปล่อโอ่ เด๊อ อา เก่ เบ่ แด่โลแถ่ เป่ อาแกแย เต๊เห่ เน๊อ อา เตแด่โอ๊แด่บี๊ เออเต๊อเจ่อ. อา เตแด่โอ๊แด่บี๊ เออเนอหมา แกแยยิวพู๊ หม่าโต่ เต๊เห่ อาเง เนอหม่า อาหม่าหม่า. เตแด่โอ๊แด่บี๊ เออเนอหมา อา งูดุงูชอ, อาเตอเรอดุเตอเรอทู แหน่เจ๊อ. เตแด่โอ๊แด่บี๊ เออเนอหมา หม่าเฮ๊อ ครี๊ เด๊อ อา โอ่ เด๊อ ซีเหน่ลู เออเนอเฮ๊อ, เร๊อ อาโหง่แลช๊า หม่า หม่าเฮ๊อ ซี เก่ พย๊าหนิ เกอดื่อ จอแปแหร่ อาเตอเรอดุเตอเรอทู ปา, เออเนอเฮ๊อ.

ꤟꤤꤙꤚꤢꤨ 6:1

ฮู๊เนอเรอ เป แด่โอ่แก ลอ เป เตอิซว๊าอี๊แส่ เป่ อู ครี๊ อาหรี่อาแก เด๊อ อา แก่ช๊าแก่แร เนอเต๊เห่ เร๊อ เป จว๊า แฮเง เกอโป่ อู เด๊อ เง เร๊อ แม๊ปู อิซว๊า ซิเง เกอโป่ อู เด๊อ แกแย ดุเผระเง อา เตอิซว๊า เออเต๊เห่ โป๋. กาคยา แฮ งยา งย๋า อู อิซว๊า เป่ เป เตอิซว๊าอี๊แส่ อา แก่ช๊าแก่แร เด๊อ อา เฮ๊ เน๊อ, ซี เบ่ วีแก เตเม เด๊อ อาบุ๊ย โอ่โต่ เนอเต๊เห่, เร๊อ ซี เบ่ หยื่อเอ่ จอแปแหร่, เตอิซว๊า ฮู๊เออ เต๊เห่เนอ, เป เก่ แม๊ปูซิเง แฮเงกาคยา ปาโต่, เป เก่ จว๊า แฮเง เกอโป่ อู เด๊อ เง โป๋.

โคโลสี 1:5

เบ๊อะซี หนิโฮ ลู่ เตซิครือมีลา เด๊อ อาหม่า อาจ๊อ เออ เบ๊อะเนออาเค, ซี หนิโฮ โทดื่อเฮ๊อ เตแม๊ชือ เด๊อ เตซิครือมีลา เด๊อะ ซี เออเนอ เฮ๊อ. เด๊อ เตแม๊ชือ เออ อาขว่าอาคยา, ซี หยื่อเอ่ จอแปแหร่, โทเรอ ซี โมหนิเร๊อ อูโร. จอแปแหร่ แด่ดว๊าแด่ปล๊อ เป่ เฮ๊อ ซี เตแม๊ชือ เออเนอ เด๊อ ม๊อขุ เฮ๊อ.

โคโลสี 1:23

แซ่ฮู๊ ซีเป๊เส่ เก่ โอ่ เกอดื่อ เด๊อ จอแปแหร่ อา เป๊เส่เง เนอเรอ, ตูรู๊ หยื่อเอ่ เป่แฮ ลาโป่ แลแค ฮู๊เนอเฮ๊อ. หยื่อเอ่ฉว่า หยื่อเอ่ชอ แลแค, เร๊อ โอ่หม่าโอ่กลอ แลแค เด๊อ ซี เตหยื่อ อากู นี๋. เบ๊อะซี หนิโฮ ลู่ เตซิครือมีลา เบ๊อะเนออาเค, ซี พย๊าหนิ โทเฮ๊อ เตแม๊ชือ เฮ๊อ. เร๊อ ซิปล่อ ลูโทลูแล แต่ แลแค เด๊อ ซี เตแม๊ชือ เออ อากู เนอ แต่เหม่ นี๋. เตซิครือซิลอมีลา เด๊อ จอแปแหร่ เมแร๊ กาคยา คยาแซ๊ แกแย เต๊เห่ เร๊อ อาเหน่ เร๊อดื่อ เออเนอ, อู โด่แน จว๊าเฮ๊อ ลู เด๊อ แกแย ปว๋า เตเพร อา โอ่, เร๊อ เด๊อ เห่ขุ ชีบ่า อา โอ่ เฮ๊อ. แว หม่าเฮ๊อ คูเปาโล, แว ทวา หลู่เล๊ เตเพร แว โด่แน เกอ เตซิครือซิลอมีลา เออเนอ เฮ๊อเฮ๊อ.

ꤟꤤꤙꤚꤢꤨ 3:6

หม่าแน๊เรอ, ครี๊ เออเนอหมา อาแซ่เน๊อ คูโมเสส เด๊อ อา ทวา เพรแรเต เด๊อ จอแปแหร่ อาหี่ เนอเตเพร หม่าโต่. อา หม่า จอแปแหร่ อาพู๊คู เตเพร. อา หม่า อาจ๊อ เร๊อ อาเตเม เร๊อ อา แม๊ตู่หนิ อาเพ จอแปแหร่ อาหี่พู๊แพพู๊ เต๊เห่. เป เก่ ครวา คือคือฮาฮา แฮเงลา ครี๊ โต่เด๊อ อาตื๊อดื่อ โท๊โต่ เต เด๊อ จอแปแหร่ เก่ เด๊อะ เป เออเนอ, เป เก่ แม๊ชือ แฮเงลา โต่เด๊อ อาตื๊อดื่อ เฮ๊เนอหม่า, เป หม่า จอแปแหร่ อาหี่พู๊แพพู๊ เฮ๊อ.

เปโตร อาเหร่อเล๊อ ต๊าบ่า 3:4

หม่าแน๊เรอ, ทวา แลแค แกแย เด๊อ อา ตี๊หรี่ตว่าแร๊ อาซิปล่อ ฮ๊อกู เนอเต๊เห่ นี๋. ซี โตเบ่ ซิปล่อ ซิโดซิงา, ซี โตเบ่ ซิปล่อ ตู๊จู่เตอเจ๊อ. เตตว่าเตแร๊ ฮู๊เออ เต๊เห่เนอ, อา โอ่ข่างยา เร๊อ จอแปแหร่ แด่ งูดุงูชอ แหน่เจ๊อ อาเจ๊อ.

เปโตร อาเหร่อเล๊อ ต๊าบ่า 1:17

เบ๊อะซี กุยจ๊อเบแถ่ จอแปแหร่ เบ๊อะเนอ, “เพ” ซี เอ๊ แลแค ลู ฮู๊เนอ. แกแย ปว๋า เตเพร เมโทเฮ๊อ เตอิเตเต๋ เบ่เบ่ เนอ, จอแปแหร่ เมจากาคยา จ๊อจ๊อเตเต แพ๊, อา แม๊ดุแม๊ปีตี๊ โต่. ฮู๊เนอเรอ เบ๊อะซี โอ่เซอเพร ปา ฮู๊ ซิเผระ เด๊อ เห่ขุเออ เบ๊อะเนอ, โอ่เซอเพร แลแค เด๊อ เตซิอิเซ แด่หยื่อแด่แหน่ จอแปแหร่ อากู นี๋.

เพรโด่แนพู๊ เต๊เห่ 24:25

เร๊อ เบ๊อะคูเปาโล เฮ๊เบ่ เป่ โป่ ลู เร๊อ เตจ๊อเต, เตเป๊อแลหนิ เหน่ เร๊อ เตเมจากาคยาม๊อเนอ เด๊อ อา เก่ แฮ ปา อาหรี่อาแก เออ เบ๊อะเนอ, คุ๊ยดุ เฟลิกส์ ซิอิเช เร๊อ อา เฮ๊ ลู เน๊อ, “เออตื๊อหื่อ เร๊อ เน กาหนิ เฮ๊อ. แว ค๊าขิ เก่ โอ่ ปา เฮ๊เรอ, แว เก่ เอ๊แฮโป่ คยา เน ปา.”

เพรโด่แนพู๊ เต๊เห่ 21:39

เร๊อ คูเปาโล เฮ๊ฉื่อ ลู เน๊อ, “แว หม่า แกแยยิวพู๊ เตเพร, แว โอ่เป๊เจ่แลเบ๊อะซีลีเซียเก่, วีทาร์ชัส อากู เนอแพ๊. วีเออ ตีวี เนอหม่า วี เด๊อ อามุย โลเทอโลเก่ ตีวี. แว หม่า วีทาร์ซัส พู๊ เตเพร แพ๊. แด่ทูซิปล่อ เร๊อ เด๊อะแว ค๊าขิ เด๊อ แว เก่ เฮ๊เบ่ เร๊อ แกแย เบ๊หมู่ เออเต๊เห่.”