เปโตร อาเหร่อเล๊อ ต๊าบ่า 3:14 - ลีเทส่อพ๊าอาเซ เร๊อ เห่ขุทวาลู๊

¹⁴ หม่าแน๊เรอ เด๊อ เตจ๊อเตเต อาขว่าอาคยาเร๊อ, ซี เก่ ข่าเบ่ เตจาเตจือ เก่เฮ๊เนอ, ซี เก่ พย๊าหนิ เตเด๊อะบุ๊ยเด๊อะเตอเรอปา. เหย่ซี เมหน่าเมจา ซี หม่าแน๊เรอ ซิอิเช แต่ เหย่ซีเหล่ แต่เหม่ นี๋, ซิปล่อกู่ ซิปล่อแก แต่ เหย่ซี เหล่ แต่เหม่เหม่.

Eastern Kayah Shadaw Dialect

¹⁴ ꤗꤢ꤬ꤔꤢꤧꤚꤣꤧ꤬ ꤘꤣ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤞꤤ꤭ ꤊꤢꤩ꤬ ꤋꤢꤧꤙꤢꤩ꤬ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤊꤢꤩ꤬ꤟꤢꤩꤔꤣꤧ꤬, ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤏꤢꤪ꤭ꤚꤤ꤬꤯ ꤛꤢꤩ꤬ꤞꤤ꤭ ꤗꤢꤩ꤬ꤕ꤫ꤢꤧ꤬ꤗꤢꤩ꤬ꤏꤢꤩ꤭ ꤞꤤ꤭ ꤒꤣꤧ꤬ꤘꤢꤦꤚꤣꤧ꤬ ꤞꤤꤤ꤬ꤏꤢꤩ꤭ ꤒ꤫ꤢꤧ꤬ ꤛꤢꤩ꤬ꤞꤤ꤭ꤜ꤫ꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮, ꤞꤤꤕꤜꤢꤪ꤬ꤊ꤫ꤢꤨ꤬ ꤞꤤꤕꤜꤢꤪ꤬ꤊꤢꤧ꤭ ꤒ꤫ꤢꤧ꤬ ꤛꤢꤩ꤬ꤞꤤ꤭ ꤜ꤫ꤢꤩ꤬ ꤒ꤫ꤢꤧ꤬ꤗꤢꤩ꤬ꤗꤢꤩ꤬꤯

เปโตร อาเหร่อเล๊อ ต๊าบ่า 3:14 ပူးပေါင်းရင်းမြစ်များ

มัทธิว 10:28

แกแย เด๊อ อา เมเซอ แจ่ ซี เหน่กล่อ ตื๊อดื่อเรอ อา เมเซอ แจ่ ซี แหย่โยบูโพ๊ โต่ เต๊เห่เนอ, ซิอิเช แต่ อาเหล่ แต่เหม่. ซิอิเช แลแค จอแปแหร่ เด๊อ อา เมเซอ แจ่ ซี เหน่กล่อ เร๊อ ซี แหย่โยบูโพ๊ เนอเจ่อลอ เออเนอ เด๊อ หง่าหร่าปอรากยากู เนอเตเพร นี๋.

โครินธ์ เนอบ่า ต๊าบ่า 12:10

ฮู๊เนอเรอ แว โอ่ เร๊อ เตอ๊าเจ่เหร่เจ่ เต๊เห่, แว แม๊เถอะ ป่อชิเต่อเบ่ เร๊อ เตจาเตจือ เต๊เห่, อู เป๊อเจ่ออิแช๊ แว เต๊เห่, อู เมจาเมจือ แว เต๊เห่, แว แม๊เถอะ ป่อชิเต่อเบ่ เร๊อ เตแป่เตเช ซี เต๊เห่, ล๋อ เต เด๊อ แว แม๊เถอะ ป่อชิเต่อเบ่ เออเต๊เห่ เนอหม่า ครี๊ อาเง แพ๊, หม่าแน๊เรอ แว ซิปล่อโอ่ ซิปล่อโม แพ๊ เมเตเฮ๊เรอ เบ๊อะแว อ๊าเจ่เหร่เจ่ เบ๊อะเนอ, ตื๊อหม่า แว อ๊าฉว่าเหร่ชอ แพ๊.

ꤡꤛꤢꤩ꤭ꤗꤢ꤬ꤎꤣ꤬ 1:12

แกแย เด๊อ อา แด่ทูซิปล่อ เต๊เห่เนอ, ช๋า อา แม๊เถอะ ป่อชิเต่อเบ่ เน๊อ เตแป่เตเช เตอิลออี๊โหล่ เบ๊อะเนอปาเนอ, อา เก่ พย๊าหนิ เตเด๊อะบุ๊ยเด๊อะเตอเรอ ปา, เมเตเฮ๊เรอ เบ๊อะเหย่ซี เมเป่แก โทเฮ๊อ เตแป่เตเช เตอิลออี๊โหล่ ฮู๊เออ เบ๊อะเนอ, จอแปแหร่ เก่ เด๊อ เหย่ซี เตเซอเพร ตูจูเพร. อาเชหยู่ เด๊อ อา อ๊อแล เน๊อ อา เก่ เด๊อ แกแย เด๊อ อา โมเร๊อ ลู เนอเต๊เห่ ปา.

ꤛꤥ꤭ꤟꤢ꤬ 14:27

แว แด่แก เป่ ซี ซิปล่อ อา เตตู๊จุเตอเจ๊อ เฮ๊อ. เร๊อ แว เด๊อะ เป่ เฮ๊อ ซี แว เตตู๊จุเตอเจ๊อ เฮ๊อ. แว เด๊อะ ซี เออเนอหมา อาแซ่เน๊อ แกแย เด๊อ ซี เนอเต๊เห่ หม่าโต่. ซิปล่อกู่ ซิปล่อแก แต่ แลแค แต่เหม่. ซิอิเช แต่ แลแค แต่เหม่เหม่.

ꤛꤥ꤭ꤟꤢ꤬ 14:1

แบ่เจ่ เหย่ซู่ เฮ๊ เหย่ซี เน๊อ, “ซิปล่อกู่ ซิปล่อแก แลแค แต่เหม่ นี๋. หยื่อเอ่ แลแค จอแปแหร่ เร๊อ หยื่อเอ่เกอ แลแค แว นี๋.

ꤗꤢ꤬ꤊꤢꤨ 10:29

เร๊อเหย่ซู่ เฮ๊ ฉื่อ เน๊อ, “แว เฮ๊แหน่ เจ๊อ ซี, เด๊อ แวเง เร๊อ แว เตซิครือมีลา เออเนอ เร๊อ แกแย เตเพรเพร เก่ วีแก อาหี่อาแพ เร๊อ อาโป่อาแหม่, อาโหมะอาเพ, อาพู๊อาเลอ, เร๊อ อาเพร๊ อาแหล่ ซีเต๊เห่ เฮ๊เนอ,

ꤗꤢ꤬ꤊꤢꤨ 8:35

เมเตเฮ๊เรอ แกแย เด๊อ อา ซิหยื่อ เมแลเปล๊กา เกอเร๊อ อา ซิปล่อเซอเพร เตเพรเพร เนอ, อา เก่ แลจู่ แก อาซิปล่อ เซอเพร ปา. หม่าแน๊เรอ เด๊อ แวคยา เร๊อ แกแย เตเพรเพร เก่ เด๊อะแลแก อา ซิปล่อเซอเพร เร๊อ เตซิครือมีลา เออเนอ เด๊อ แวเง เฮ๊เนอ, อา เก่ พย๊าหนิ ซิ ปล่อเซอเพร ตูจูเพรเง ปา.

มัทธิว 19:29

โท๊โต่ อูเปเป๋ เบ่เบ่, เด๊อ แวขว่า แวคยาเรอ, อา แด่แก อาหี่อาเพร๊ เบ่เบ่, อาโป่อาแหม่ เต๊เห่ เบ่เบ่, อาโหมะอาเพ เบ่เบ่, อาพู๊ อาเลอ เต๊เห่ เบ่เบ่, อา เก่ พย๊าหนิ เอ๊เล๊อ ปา เจ๊อ เร๊อ อา แด่แก เนอเต๊เห่ อาโพ๊ เด๊อ อาเยกู ปา, โทเรอ อา เก่ พย๊าหนิ ซิปล่อเซอเพร ตูจูเพร ปา.

มัทธิว 16:25

เมเตเฮ๊เรอ แกแย เตเพรเพร เด๊อ อา ซิโล เกอเร๊อ อาซิปล่อ เซอเพร เนอ, อา เก่ แลจุ แก อาซิปล่อ เซอเพร ปา. หม่าแน๊เรอ แกแย เด๊อ อาวิแก ซิปล่อ เซอเพร เด๊อ แวเง เตเพรเพรเนอ, อา เก่ พย๊าหนิ ซิปล่อเซอเพร ตูจูเพรเง ปา.

เปโตร อาเหร่อเล๊อ ต๊าบ่า 3:6

โหมะซาราห์ หม่า เพรเหมาะ ฮู๊เนอ เตเพร เฮ๊อ. อา หนิดา เพอับราฮัม อาโหง่ เร๊อ อา เอ๊ อาเว เร๊อ อาแบ่เจ่. ซี เก่ เมเตแร๊ เร๊อ ซี เก่ นอเป่เอ่ ซีเหน่ เร๊อ เตซิอิเช เตอเจ๋อ โต่ เฮ๊เนอหม่า, กู๊แหน่เออ ซี ทวาแถ่ แซ่เฮ๊อ เร๊อ โหมะซาราห์ เนอ เฮ๊อ.

มัทธิว 10:39

แกแย เตเพรเพร เด๊อ อา ซิโล เกอเร๊อ อาซิปล่อ เซอเพร เนอ, อา เก่ แลจุ แก อาซิปล่อ เซอเพร ปา. แกแย เด๊อ อา ชิโล เกอ เร๊อ อา เหล่ เซอเพร โต่ เด๊อ แวเงเนอ, อา เก่ พย๊าหนิ เหล่ เซอ เพร ตูจูเพร เง ปา.

ฟีลิปปี 1:29

เมเตเฮ๊เรอ, จอแปแหร่ เด๊อ ตื๊อแพ๊ ซี เตเด๊อะบุ๊ยเด๊อะเตอเรอ เด๊อ ซี เก่ หยื่อเอ่ ครี๊ เออเนอ หม่าโต่, อา ซิปล่อโอ่ เกอดื่อ เร๊อ ซี เก่ ข่าเกอ เตเมจาเมจือ เด๊อ ครี๊ อาเงเง.

มัทธิว 10:31

ฮู๊เนอเรอ ซิอิเช แต่เหม่! ซี งูดุงูชอ เล๊อ เจ๊อ เร๊อ ถู่เผระฮู๊ เนอ ตูปลูเต๊เผ่ เจ๊อ.

เพรโด่แนพู๊ เต๊เห่ 9:16

ล๋อ เตจาเตจือ เด๊อ อา โตเบ่ ข่าจา เด๊อ แวขว่าแวคยา เต๊เห่เนอ, แว เก่ เด๊อะโล ซิเง เจ๊อดื่อ ลู เร๊อ แวเหน่ ปา.”

ꤡꤛꤢꤩ꤭ꤗꤢ꤬ꤎꤣ꤬ 5:11

แกแย เด๊อ อา แด่ทูซิปล่อเบ๊ เนอ, เป เฮ๊ อา เร๊อ แกแย เด๊อ อา พย๊าหนิ เตเด๊อะบุ๊ยเด๊อะเตอเรอ. ซี หนิโฮ โทดื่อเฮ๊อ เพโยบ อา เตแด่ทูซิปล่อ อาหรี่อาแก เฮ๊อ เน๊อ เด๊อ คยาตื๊อดื่อ เร๊อ แบ่เจ่ เตเน หนื่ออื่อ เน๊อ อา เก่เด๊อะบุ๊ยเด๊อะเตอเรอ ลู ฮู๊เต อาหรี่อาแก เนอ, ซี ซิเง เฮ๊อ. เมเตเฮ๊เรอ แบ่เจ่ อา เตซิยอกล่าเบ่ เออเนอ อาเล๊ออาบา แหน่เจ๊อ.