เปโตร อาเหร่อเล๊อ ต๊าบ่า 2:8 - ลีเทส่อพ๊าอาเซ เร๊อ เห่ขุทวาลู๊

⁸ “หล่อเออ เตเมเนอ อา เก่ หม่าดื่อ หล่อ เด๊อ อู เหล่ตาพอ อา อาเง, เร๊อ อา เก่ เมแลคื๊อ อู อาเง.” อา ย๋อ หนิดา เกออู จอแปแหร่ อาลาอาโหง่ โต่ อาขว่าอาคยา, อา ตอพอ แลคื๊อ แพ๊. จอแปแหร่ ตี๊หรี่แตแร เป่แหน่ เหยซีเง ฮู๊เนอเฮ๊อ.

Eastern Kayah Shadaw Dialect

⁸ “ꤜ꤫ꤢꤪ꤬ꤣꤧ꤭ ꤒꤣ꤬ꤗꤢꤩ꤭ꤔꤣꤧ꤬ ꤢ꤬ ꤊ꤫ꤢꤦ꤬ ꤗ꤫ꤢ꤬ꤘꤢꤦ꤬ ꤜ꤫ꤢꤪ꤬ ꤘꤣ ꤢꤨ꤭ ꤜ꤫ꤢꤩ꤬ꤒꤣꤧ꤬ꤖꤢꤪ꤭ ꤢ꤬ ꤢ꤬ꤑꤢꤩ꤭, ꤚꤣꤧ꤬ ꤢ꤬ ꤊ꤫ꤢꤦ꤬ ꤗꤢꤩ꤬ꤜꤣꤧ꤬ꤋꤢꤦ ꤢꤨ꤭ ꤢ꤬ꤑꤢꤩ꤭꤯” ꤢ꤬ ꤜꤢ꤭ ꤔ꤫ꤤ꤬ꤘꤢ꤭ ꤊꤣꤧ꤭ꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤒꤣꤧ꤬ꤖꤢꤪ꤭ ꤜꤣꤧ꤬ꤋꤢꤦ ꤖꤢꤧ꤯ ꤡꤢꤪꤗꤣꤧ꤬ꤚꤢꤧ꤬ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤕ꤫ꤢꤩ꤬ꤔꤢꤧ꤭ ꤛꤢꤩ꤬ꤞꤤ꤭ꤑꤢꤩ꤭ ꤟꤢꤨꤔꤣꤧ꤬ꤟꤣꤧ꤯

เปโตร อาเหร่อเล๊อ ต๊าบ่า 2:8 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 1:23

ฮู๊เนอเรอ เบ๊อะเป แด๊โฉ่โด่แน ครี๊ เซอ เด๊อ อี๊ถื่อดีเต่ลู เบ๊อะเนอ, แกแยยิวพู๊ เต๊เห่ เตเน ซิปล่อเช แหน่เจ๊อ. แกแยยิวพู๊ หม่าโต่ เต๊เห่ ลาติ เร๊อ อา เฮ๊ เน๊อ อาโหง่แลช๊า โอ่ เด๊อ เหย่ซี อาเง เตอเจ๋อ โต่.

เปโตร อาเหร่อเล๊อ ต๊าบ่า 2:7

เร๊อ หล่อ เออเตเมเนอ, อางูดุงูชอ แหน่เจ๊อ เด๊อ ซี เพรหยื่อเอ่เต เออเต๊เห่ อาเง. หม่าแน๊เรอ แกแย เด๊อ อา หยื่อเอ่เกอ ลู โต่ เต๊เห่ อาเงเนอ: “หล่อ เด๊อ เพรช๊อหี่ วีแก อา เออเตเม เนอ, เด๊อคยาตื๊อดื่อ เร๊อ อา ทวาแถ่ หล่อ เด๊อ อา โหล่ดุเล๊อ เร๊อ อาโคเจ๊อ.” เร๊อ

ꤚꤥꤗꤢꤩ꤬ 9:22

จอแปแหร่ ซิหยื่อ เม จู๋ ดื่อ อาซิปล่อ เนอ, อาหนิ ปว๋า โตโพ๊ เจ๊อ. อา ซิหยื่อ เด๊อะโล เป่ อู เร๊อ อา เตซิ ปล่อดุ โทเรอ อา ซิหยื่อ นอซิเง เกออู เร๊อ อา เตโพรเตเตอเรอ เต๊เห่. หม่าแน๊เรอ แกแย เด๊อ อา เบ่ ข่าเบ่ ลู เตซิปล่อดุ ปา, เร๊อ อา เบ่ โต่เด๊อ เตปย๊าเตหลู่ ปา เต๊เห่ อาเงเนอ, อา เด๊อะโล เต๊เปล่ โค๊เป่ เหย่ซี เร๊อ อา เตแด่ทูซิปล่อ, อา เตแด่ทูซิปล่อ เต๊เห่.

ꤛꤢꤨꤘꤢ꤬ 1:4

เมเตเฮ๊เรอ, แกแย เด๊อ อา แด่ดุหยื่อแหน่ จอแปแหร่ โต่ เต๊เห่เนอ, อา แฮโนโห่ เฮ๊อ เด๊อ ซีเกล เฮ๊อ. แซ่ฮู๊ เหย่ซี เก่ เฮ๊เบ่ แลเปล๊ อาเหน่ เร๊อ อา เตโอ่เซอเพร แลโพร๊แลแพร เต๊เห่ อาเงเนอเรอ, อา ถู่แหล่ เต๊เปล่ ปย๊าแก เป แบ่เจ่ จอแปแหร่ อาบุ๊ยอาเตอเรอ เออเนอเต๊เห่ อาหรี่อาแก เฮ๊อ. โท๊โต่ เหย่ซี เออเต๊เห่เนอ อา หยื่อเอ่ เกออู เป ทวาดุทวาเต แบ่เจ่ เหย่ซู่ครี๊ เออเนอ โต่. ฮู๊ ลีเทส่อพ๊า แด๊โฉ่ หนื่ออื่อ เฮ๊อ เตเมจากาคยา เต๊เห่เนอ เหย่ซี เก่ พย๊าหนิ ลอปลี เจ๊อ ปา.

เปโตร เนอบ่า ต๊าบ่า 2:3

ซ๊าร๊า กลว่าแลโฮ อาเหน่ เออเต๊เห่เนอ, เด๊อ อา เตแม๊ปู กู๊หว่ากู๊เว เอ่หนิเร๊อดื่อ อาเง เร๊อ อา แด๊ แลโฮแจ่ เป่ ซี เตโด่แน เด๊อ อู แด๊แจ่ เนอเต๊เห่ อาขว่าอาคยา, เร๊อ อา แม๊ปู เมเอ่เฉ่เด๊อะ ซีขุ ปา. เพร เด๊อ อา เก่ เมจากาคยา เหย่ซี เนอ อา โอ่ตี๊หรี่แตแร หนื่ออื่อ อาเหน่ อางยา ลาเฮ๊อ, โทเรอ เด๊อ อา เก่ เมปย๊าแก เหย่ซี อาเงเนอ อา โอ่มอ ตาปา น๊อโต่.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:9

จอแปแหร่ นว๊าแถ่ เป เร๊อ เป เก่ ข่าเบ่ อา เตซิปล่อดุ อาเตเมจากาคยา เออเนอ หม่าโต่. เด๊อ เป แบ่เจ่ เหย่ซู่ครี๊ ขว่าคยาเรอ, อา นว๊าแถ่ เป เร๊อ เป เก่ พย๊าหนิ ลาเฮ๊อ เตเมแลเปล๊กา เออเนอแพ๊.

ꤜꤢꤨꤊꤢ꤬ 2:34

เพสิเมโอน เด๊อะบุ๊ยเด๊อะเตอเรอโท เหย่ซี เร๊อ อา เฮ๊แกหนิ เป๊เจ่พู๊ อาโหมะ โหมะมารีย์ เออเนอ เน๊อ, “เป๊เจ่เออ จอแปแหร่ นว๊าแถ่เฮ๊อ ลู เด๊อ อา เก่ เมแลเปล๊กา อิสราเอล เต๊เห่ ปา, เร๊อ อา เก่ แด่ดุแด่แถ่โล เกอลาติ แกแย เด๊อ อาโร เต๊เห่ ปา. อา หม่า จอแปแหร่ อา เตม๊าเตแด เต๊อเจ่อ, เร๊อ แกแย เก่เฮ๊เบ่จู๊แกฉื่อลูปาเนอ, โอ่โร๊เอ๊ลาปา.

โครินธ์ เนอบ่า ต๊าบ่า 2:16

เป เตโอ่เซอเพร เออ เร๊อ เป เตเฮ๊โฉ่โด่แน เป่ อู ครี๊ อาหรี่อาแก เด๊อ อา ซูจว๊า อู เด๊อ ซิปล่อเซอเพร ตูจูเพร เออเต๊เห่เนอ, อาแซ่เน๊อ เตโนมื๊อโนชือ เต๊เห่ เร๊อ อา โนมื๊อหวิ เป่แหน่เจ๊อ แกแย เด๊อ อา พย๊าหนิเฮ๊อ เมแลเปล๊กา เออเต๊เห่ อาเง เฮ๊อ. หม่าแน๊เรอ แกแย เด๊อ อา เก่ โต่เด๊อ เตปย๊าเตหลู่ ปา เต๊เห่ อาเงเนอ, อา โนซอโนอู เป่ เหย่ซี แซ่เน๊อ โนซอ เนอแพ๊. เด๊อ เหย่ซี หยื่อเอ่ เกออู โต่ อาขว่าอาคยา, อา เก่ ซูจว๊า เหย่ซี เด๊อ เตเมจากาคยา ตูจูเพร อาเหล่โอ่ เออเนอ เฮ๊อ. เป เตเม เออเนอหมา อาดุอาแย แหน่เจ๊อ, ฮู๊เนอเรอ หม่าอูเป เตเพร เก่ เมเบ๊ ลาติ เตเม ฮู๊เออ เต๊อเจ่อ เนอ เป?

ꤊꤢ꤬ꤜꤢ꤬ꤒꤤ 5:11

โป่แหว่ ซี๋, แว เก่ แด๊โฉ่โด่แน เป่ ซี เร๊อ แกแยยิวพู๊ อาเหล่โกล ดื๊อตีลี๊พ๊า เนอหม่า เต เด๊อ อา โหล่ดุ หม่าโต่. เด๊อ เหย่ซู่ อาขว่าอาคยา, แกแยยิวพู๊ เต๊เห่ เมจาเมจือ ตื๊อดื่อปา แว แพ๊. แว เก่ แด๊โฉ่โด่แน เป่ ซี เน๊อ ซี เบ่ ดื๊อตีลี๊พ๊า เก่เฮ๊เนอหม่า, แกแยยิวพู๊ เต๊เห่ เกล๊ ซิปล่อโม แหน่ แพ๊. หม่าแน๊เรอ แว โด่แน ฮู๊เนอโต่. แว โด่แน แพ๊ เร๊อ ครี๊ อี๊ถื่อดีเต่ เด๊อ แกแยยิวพู๊ เต๊เห่ ซิปล่อ โม เกอเร๊อ โต่เออ อาหรี่อาแก แพ๊.

เปโตร อาเหร่อเล๊อ ต๊าบ่า 2:6

เมเตเฮ๊เรอ ลีเทส่อพ๊ากู เฮ๊ เนอ, “แว นว๊าพย๊า หล่อ งูดุงูชอ เตเม เด๊อ แว แด่แล เฮ๊อ อา เร๊อ เหล่เมหม่า เมกลอ อี๊ถื่อแก่ช๊า เด๊อ วีศิโยน อากู. แกแย เตเพรเพร เด๊อ อา หยื่อเอ่ แบ่เจ่ เออเนอ อา ซิเตเร โตโพ๋ โต่.”