เปโตร อาเหร่อเล๊อ ต๊าบ่า 2:21 - ลีเทส่อพ๊าอาเซ เร๊อ เห่ขุทวาลู๊

²¹ แซ่ฮู๊ ซี เบ่ แด่ทูซิปล่อเบ๊ เตจาเตจือ เออ อาเงเนอเรอ, จอแปแหร่ เอ๊เถ่ เฮ๊อ ซี เฮ๊อ, เมเตเฮ๊เรอ ครี๊ อาเหน่แบ่เจ่ เร๊อดื่อ จ่าเพรอ โทเฮ๊อ เตจาเตจือ เด๊อ ซีเง เฮ๊อ. เร๊อ แซ่ฮู๊ ซี เก่ ครวา หยิเกอ อากู๊โด่เค อาเงเนอ, อา แด่แก เป่ เฮ๊อ ซี เหล่แม๊บือ เฮ๊อ.

Eastern Kayah Shadaw Dialect

²¹ ꤞꤢꤧꤟꤢꤨ ꤞꤤ꤭ ꤙꤢꤩ꤬ ꤋꤢꤧꤞꤤꤕꤜꤢꤪ꤬ꤓꤢꤨ꤭ꤙꤢꤩ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤣꤧ꤭ ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤢꤩꤓꤢꤩ꤬ ꤟꤣꤧ ꤞꤤ꤭ ꤟꤣꤧ, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤋꤚꤤ ꤢ꤬ꤔ꤫ꤢꤩ꤬ꤙꤢꤧ꤬ꤡꤢꤩ꤬ ꤚꤣꤧꤘꤢꤦ꤬ ꤋꤢꤧ ꤓꤥ꤭ꤟꤣꤧ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤘꤣ ꤞꤤ꤭ꤑꤢꤩ꤭ ꤟꤣꤧ ꤚꤣꤧ꤬ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤋꤚꤝꤢ꤭ ꤛ꤫ꤤ꤬ꤊꤣꤧ꤭ ꤢ꤬ꤋꤢꤧꤘꤥ꤬ꤋꤢꤩ꤭ ꤢ꤬ꤑꤢꤩ꤭ꤔꤣꤧ꤬, ꤢ꤬ ꤘꤢꤧ꤬ꤊꤢꤧ꤭ ꤕ꤫ꤢꤩ꤬ ꤟꤣꤧ ꤞꤤ꤭ ꤜ꤫ꤢꤩ꤬ꤗꤢꤧꤙꤢꤦ꤭ ꤟꤣꤧ꤯

เปโตร อาเหร่อเล๊อ ต๊าบ่า 2:21 ပူးပေါင်းရင်းမြစ်များ

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:6

อูเป เตเพร เบ่เบ่, อา เก่ เฮ๊แถ่โล เฮ๊อ อาเหน่ เร๊อ อา ทวาแถ่เฮ๊อ เตเตอเจ๋อ โต เฮ๊อ เร๊อ จอแปแหร่ เฮ๊อ เฮ๊เนอ, อา โตเบ่ ครวาเค หยิเกอ เหย่ซู่ครี๊ อากู๊โด่ เหล่โกล.

มัทธิว 16:24

โทเรอ แบ่เจ่ เหย่ซู่ เฮ๊ อา โคเจ่ เต๊เห่ เน๊อ, “แกแย เตเพรเพร เก่ ซิหยื่อ ครอครวา เกอแว เฮ๊เรอ, อา โตเบ่ เม ฮู๊ แว ซิหยื่อ นอเมลู เนอเต๊เห่, อา เม จู๋ ดื่อ อาซิปล่อ หม่า อาหนิ โต่. อา เบ่ แย๊แถ่ เกอเร๊อดื่อ อา อี๊ถื่อดีเต่ เร๊อ อา เบ่ ครอครวา เกอแวคยา.

ꤛꤥ꤭ꤟꤢ꤬ 13:15

แว เมแก เป่ ซี เหล่ครวา เมแบ๊บือ เออเต๊อเจ่อ เฮ๊อ. ซี โต ครวาเมเกอ แลแค ฮู๊ แว เม เป่ ซี เออเนอ.

เอเฟซัส 5:2

ซี โต โอ่เซอเพร แลแค ฮู๊เต เฮ๊เนอหม่า, โมหนิเร๊อ แลแค อูโร ปว๋า เตอเนอ แซ่เน๊อ ครี๊ โม หนิเกอเร๊อ เป เร๊อ อา ข่าเซอ อาซิปล่อ เด๊อ เปเง เนอ นี๋. โท๊โต่ ครี๊ หลู่แถ่ อา ซิปล่อเซอเพร เด๊อ จอแปแหร่ อา เป๊เส่เง แซ่เน๊อ เตโนมื๊อโนชือ เด๊อ อาโต จอแปแหร่ อาซิปล่อ เออเนอ เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:16

เตโมเนอ เป ซิเงแจ่ อา ฮู๊เต เฮ๊เรอ, เหย่ซู่ครี๊ เด๊อะแลแก อา ซิปล่อเซอเพร เด๊อ เปเง, เร๊อ เป โตเบ่ เด๊อะแลแก เกอ เป ซิปล่อเซอเพร เด๊อ เป โป่แหว่ ครี๊พู๊ เต๊เห่ อาเง.

เปโตร อาเหร่อเล๊อ ต๊าบ่า 2:24

แซ่ฮู๊ เป เก่ จิจือปา แต่ เร๊อ เตซื๊อเตปล๊า เต๊เห่ แต่เหม่, โท๊โต่ แซ่ฮู๊ เป เก่ โอ่เซอเพรเบ๊ เกอ เด๊อ เตจ๊อเตเต ปา อาเงเนอเรอ, เบ๊อะอู มือเซอแถ่ ครี๊ เด๊อ อี๊ถื่อดีเต่ลู เบ๊อะเนอ, อา พย๊าแถ่แกเฮ๊อ เป เตซื๊อเตปล๊า เออเต๊เห่ เด๊อ อาเหน่ลู เฮ๊อ. เด๊อ อา ข่าเบ่ เตจาเตจือ เออเต๊เห่ อาขว่าอาคยา, อา แหย่โอ่เหม่แก ลอเฮ๊อ ซี เฮ๊อ.

โครินธ์ อาเหร่อเล๊อ ต๊าบ่า 11:1

ฮู๊เนอเรอ, แม๊บือเกอ แลแค แว ฮู๊ แว แม๊บือ ครี๊ เนอ.

เปโตร อาเหร่อเล๊อ ต๊าบ่า 4:1

ครี๊ อาเหน่กล่อ ข่าจาข่าจือ อาขว่าอาคยา, ซี โตเบ่ แด่แซ่เกอ ซี ซิปล่อ ฮู๊ แบ่เจ่ เนอ, เร๊อ ซี โตเบ่ แด่ทูซิปล่อ เกอ เตจาเตจือ เต๊เห่, เมเตเฮ๊เรอ, แกแย เด๊อ อา ข่าจาข่าจือ เด๊อ เหน่กล่อ พ๊าหย่า ตากยา เต๊เห่เนอ, อา เม ปา เตซื๊อเตปล๊า โต่.

ฟีลิปปี 2:5

ซี โต แด่ แซ่ แลแค ซี ซิปล่อ ฮู๊ ครี๊เนอ.

มัทธิว 11:29

แย๊ แลแค แว อิแย๊ เออ เร๊อ อิซว๊าซิเง เกอ เต เด๊อ แวโอ่เออ, เมเตเฮ๊เรอ แว ซิโดซิงา เร๊อ แว แด่แล แวซิปล่อ อาขว่าอาคยา, เน เก่ แม๊เถอะ เน ซิปล่อ อา เหล่โอ่โก๊ เตเบ๊ซิพร๊า ปา.

ꤚꤥꤗꤢꤩ꤬ 8:29

เมเตเฮ๊เรอ, แกแย เด๊อ อา เตเร หยื่อเอ่ จอแปแหร่ เต๊เห่เนอ, อา ซิเง หนื่ออื่อ เร๊อดื่อเฮ๊อ. โท๊โต่ อา แด่แลหนื่ออื่อ โทดื่อเฮ๊อ อาซิปล่อ มู๋ หนู่เค เร๊อ อา เก่ นอทวาแถ่ แซ่เกอ เหย่ซี เร๊อ อาพู๊คู เออเนอ ปา. ฮู๊เนอเรอ อาพู๊คูเออ ทวาแถ่เฮ๊อ พู๊แหว่เพร่ว เตเพร เด๊อ อาโป่แหว่ โอ่โหร่โอ่เอ๊ เออเต๊เห่ อาเกล เฮ๊อ.

เพรโด่แนพู๊ เต๊เห่ 14:22

แซ่ฮู๊ เพรหยื่อเอ่ เต๊เห่ เก่ โอ่หม่าโอ่กลอ เด๊อ อา เตหยื่อเตแหน่ อากู อาเงเนอ, คูเปาโล เร๊อ คูบารนาบัส เด๊อะอ๊าเด๊อะเหร่ แถ่หนิ เหย่ซี, โท๊โต่ ครอครวาเกอ เหย่ซีคยา. เหย่ซี อิซว๊าอี๊แส่ เป่ อู เน๊อ, “เป เตเร จว๊าโน ล๊อปลู๊เบ๊ โต่เด๊อ จอแปแหร่ อาเทออาเก่กู เออเนอหม่า, เป เบ่ จว๊าตาลว๊า เอ๊ลา เร๊อ เตแป่เตเช ซีเต๊เห่ เจ๊อ.”

เปโตร อาเหร่อเล๊อ ต๊าบ่า 3:18

เมเตเฮ๊เรอ ครี๊ ข่าเซอ เป่ แพ๊ อาเหน่ เด๊อ อู เตซื๊อ อาเง โตโพ๊แพ๊ เร๊อ อาโทอาปลื๊อ ลา เฮ๊อ, อา โหล่ ข่าเซอ ปาแหน่โต่ เฮ๊อ. แซ่ฮู๊ อา เก่ ซูจว๊า ซี เด๊อ จอแปแหร่ อา โอ่ เร๊อ แกแย จ๊อเต เออเตเพรเนอ, อา แฮ ข่าเซอ เป่โทเฮ๊อ แกแย เตซื๊อพู๊ เต๊เห่ อาเง เฮ๊อ. อู เมเซอ อาเหน่กล่อ หม่าแน๊เรอ จอแปแหร่ เมเซอเพร กาคยา อา เด๊อ แหย่โยบูโพ๊ แบ่เจ่ อากู.

มัทธิว 10:38

แกแย เตเพรเพร เด๊อ อา แย๊ เกอเร๊อดื่อ อา อี๊ถื่อดีเต่ โต่โต่, แวคยา เร๊อ อา ครอครวา โต่โต่ เตเพรเนอ, อา ต่า เกอ เร๊อ แว โต่.

เปโตร อาเหร่อเล๊อ ต๊าบ่า 3:9

เมมู๊แหม่รีแจ่ ฉื่อ แต่ อู แต่เหม่ นี๋, อิชอ กาคยา ฉื่อ แต่ อู แต่เหม่, หม่าแน๊เรอ เด๊อะบุ๊ยเด๊อะเตอเรอ กาคยา ฉื่อ อู นี๋. เมเตเฮ๊เรอ จอแปแหร่ เอ๊ ซี เด๊อ ซี เก่ เมแร๊ กาคยาฉื่อ อู ฮู๊เนอ. แซ่ฮู๊ จอแปแหร่ เก่ เด๊อะบุ๊ยเด๊อะเตอเรอ ซี เนอ เร๊อ เม แลแค ฮู๊เนอ นี๋.

ꤛꤥ꤭ꤟꤢ꤬ 16:33

“แซ่ฮู๊ ซี เก่ พย๊าหนิ เตซิปล่อ ตู๊จู่เตอเจ๊อ อาเงเนอ, แว เฮ๊ เป่ โท ลอ เฮ๊อ ซี ล๋อ เออเต๊เห่ เฮ๊อ. เด๊อ ซี ทวาแถ่เฮ๊อ เตเตอเจ๊ออู แพ๊ เร๊อ แว อาขว่าอาคยา, ซี พย๊าหนิเฮ๊อ ซิปล่อ อา เตตู๊จุเตอเจ๊อ เฮ๊อ. เด๊อ เห่ขุ เออเนอ, ซี เก่ แม๊เถอะเบ่ เร๊อ เตแป่เตเช เตจาเตจือ ปา, หม่าแน๊เรอ แด่ฉว่าแด่ชอ แลแค ซี ซิปล่อ นี๋. แว เมเป่ โทเฮ๊อ เห่ขุ อา เตอเรอฉว่าชอ เออเต๊เห่ เฮ๊อ.”

เตเด๊อะโลแถ่ 12:11

เป โป่แหว่ เต๊เห่เนอ, เด๊อ ซิหมิพู๊ อาสุ่ย อาขว่าอาคยา เร๊อ เหย่ซี แด๊โฉ่โด่แน เป่ อู จอแปแหร่ อาลาอาโหง่ อาขว่าอาคยาเร๊อ, เหย่ซี เมเป่แก เฮ๊อ โลเน๊มู๊แหม่รีแจ่ กู่กล๊อ เฮ๊อ. เหย่ซี แม๊เถอะเบ่ เจ๊อ เร๊อ เตเซอ เบ่เบ่, อา ซิโล เกอเร๊อ อา ซิปล่อเซอเพร โต่.

ꤟꤤꤙꤚꤢꤨ 2:10

ล๋อ เตเต๊เห่ เนอหม่า จอแปแหร่ อาเง ล๋อ ปลี แพ๊, เร๊อ อา แบ๊ตา เกอเร๊อ ลอเฮ๊อ เต ปว๋า เต๊อเจ่อ เฮ๊อ. แซ่ฮู๊ จอแปแหร่ เก่ เด๊อะโหร่เด๊อะเอ๊ เป่เกอ แกแยเห่ขุพู๊ เน๊อ อา เตเตอเรอดุ เตอเรอทู เต๊เห่ อาเงเนอเรอ, อา เมเล๊อเมบาแถ่ เฮ๊อ แบ่เจ่ เหย่ซู่ เน๊อ อา นอ ข่าจาข่าจือ ลู เออเนอ เฮ๊อ. จอแปแหร่ เม เต ฮู๊เออ เนอหม่า อาโต แพ๊. เร๊อ แบ่เจ่ เหย่ซู่ เก่ ทวา เป่ เป เพรซู แกล๊ เด๊อ อา เก่ เมแลเปล๊กา เป เตเพร ปา.

ทิโมธี เนอบ่า ต๊าบ่า 3:12

แกแย ปว๋า เตเพร เด๊อ อา ซิหยื่อ โอ่เซอเพร โต ฮู๊ จอแปแหร่ อาซิปล่อ อา เตซิหยื่อ เด๊อ เหย่ซู่ครี๊ อากู เต๊เห่เนอ, อู เก่ เมจาเมจือ หม่าแหน่ เจ๊อ เหย่ซี ปา.

เปโตร อาเหร่อเล๊อ ต๊าบ่า 1:20

เบ๊อะจอแปแหร่ แบ๊ทวาแล แต่ล๋าย เห่ขุ โต่ เบ๊อะเนอ, อา นว๊าแถ่ หนื่ออื่อโทเฮ๊อ ครี๊ เออเฮ๊อ. หม่าแน๊เรอ ม๊อเนอม๊อเซ เด๊อ คยา ตื๊อดื่อ อา หม่าเฮ๊อ กู๊แหน่เค เออเต๊เห่เนอ, จอแปแหร่ เด๊อะโล เป่เฮ๊อ ซี เร๊อ ครี๊ เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:2

เต เด๊อ เป เฮ๊ โทเฮ๊อ ซี เร๊อ ซี โตเบ่ เม เต๊เห่เนอ, ซี ซิเงเฮ๊อ. เต เออเต๊เห่ เนอหม่า แบ่เจ่ เหย่ซู่ แด่ตา เตเม เด๊อ เปขุ เด๊อ เป โตเบ่ แด๊โฉ่ เป่ ซี แพ๊.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:3

อู ย๋อ เมจาเมจือ ซี อาขว่าอาคยาเร๊อ, แซ่ฮู๊ ซี เก่ วี๊แก แต่ ซี เตหยื่อเตแหน่ เตเพร่ว แต่เหม่เนอ, เป นอแฮ คูทิโมธี เด๊อ ซีโอ่. ซี ซิเง แร๊แร๊แจ่แจ่ เฮ๊อ เร๊อ จอแปแหร่ เตเนหนื่ออื่อ เด๊อ เป เบ่ ข่าเบ่ เตเมจาเมจือ ฮู๊เออ เต๊เห่ เนอเฮ๊อ.

เพรโด่แนพู๊ เต๊เห่ 17:3

เร๊อ อา แด๊โฉ่ เป่ เหย่ซี เร๊อ อู ราหนื่ออื่อ ลีเทส่อพ๊า อาหรี่อาแก เนอเต๊เห่ เร๊อ อา ยูโลโปล เป่ อู เร๊อ ครี๊ อาหรี่อาแก. เร๊อ อา เฮ๊ เน๊อ, ครี๊ เด๊อ จอแปแหร่ นว๊าแถ่ อา เนอ เพรเมแลเปล๊กา อู เออเตเพร เนอหม่า อู เมจาเมจือ ลู โทปาเรอ อา เก่ ก๊อถ่อ เซอเพร กาคยา คยาแซ๊ เด๊อ เตเซอ เนอปา อา เฮ๊โฉ่โปล เป่ อู ฮู๊เนอ. เร๊อ อา เฮ๊ เน๊อ, “เหย่ซู่ เด๊อ แว แด๊โฉ่โล เป่ ซี กู๊แหน่เออ เตเพร เนอหม่า หม่าเฮ๊อ ครี๊ เด๊อ จอแปแหร่ นว๊าแถ่ ลู เด๊อ อา เก่ เมแลเปล๊ อู เออเนอ เตเพร เฮ๊อ.”

เพรโด่แนพู๊ เต๊เห่ 9:16

ล๋อ เตจาเตจือ เด๊อ อา โตเบ่ ข่าจา เด๊อ แวขว่าแวคยา เต๊เห่เนอ, แว เก่ เด๊อะโล ซิเง เจ๊อดื่อ ลู เร๊อ แวเหน่ ปา.”

ꤜꤢꤨꤊꤢ꤬ 24:26

ครี๊หม่า อาโตเบ่ ข่า เตจาเตจือ เออเต๊เห่, โทเรอ อา เก่ จว๊าโน เด๊อ อา เตเตอเรอดุ เตอเรอทู อากู ปา หม่าโต่ แอ?”

เปโตร อาเหร่อเล๊อ ต๊าบ่า 4:13

หม่าแน๊เรอ, ช๋า ครี๊ แฮแล โอ่โลแถ่ เฮ๊อ เร๊อ เตอเรอดุเตอเรอทู ปาเนอ, แซ่ฮู๊ ซี เก่ ซิครือซิลอ เอ๊โทเอ๊โม เกออู ปา อาเง เนอเรอ, เต เด๊อ ซี ข่าจาข่าจือ เต่อเกอ เร๊อ ครี๊ ฮู๊เออ เต๊เห่เนอ, ตูรู๊ ซิครือ แลแค นี๋.