เปโตร อาเหร่อเล๊อ ต๊าบ่า 2:17 - ลีเทส่อพ๊าอาเซ เร๊อ เห่ขุทวาลู๊

¹⁷ แด่หยื่อแด่แหน่ แลแค อู ปว๋า เตเพร นี๋. โมเร๊อ แลแค ซี โป่แหว่ ครี๊พู๊ เต๊เห่ นี๋. ซิอิเช แลแค จอแปแหร่ เร๊อ แด่หยื่อแหน่ ลู นี๋. แด่ดุหยื่อแหน่ แลแค คุ๊ยดุ นี๋.

Eastern Kayah Shadaw Dialect

¹⁷ ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬ ꤜꤢ꤭ꤋꤢꤧ꤭ ꤢꤨ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤔꤤ꤮꤯ ꤗꤥ꤬ꤚꤣꤧ ꤜꤢ꤭ꤋꤢꤧ꤭ ꤞꤤ꤭ ꤕ꤫ꤥ꤬ꤠ꤫ꤢꤧ꤬ ꤋꤚꤤꤖꤢꤨ ꤒꤣꤧ꤬ꤟꤢꤩ꤬ ꤔꤤ꤮꤯ ꤞꤤꤤ꤬ꤏꤢꤩ꤭ ꤜꤢ꤭ꤋꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤚꤣꤧ꤬ ꤘꤢꤧ꤬ꤛ꤫ꤢꤦ꤬ꤔ꤫ꤢꤧ꤬ ꤜꤢꤨ꤭ ꤔꤤ꤮꤯ ꤘꤢꤧ꤬ꤘꤢꤨ꤬ꤛ꤫ꤢꤦ꤬ꤔ꤫ꤢꤧ꤬ ꤜꤢ꤭ꤋꤢꤧ꤭ ꤋꤝꤤꤘꤢꤨ꤬ ꤔꤤ꤮꤯

เปโตร อาเหร่อเล๊อ ต๊าบ่า 2:17 ပူးပေါင်းရင်းမြစ်များ

ꤚꤥꤗꤢꤩ꤬ 12:10

โม เกอเร๊อ ลู ฮู๊ โป่แหว่ โต๊โหมะ ฮ๊อกูเนอ นี๋. แด่หยื่อแด่แหน่ เกอ เร๊อ ลู เตเพร เร๊อ เตเพร นี๋.

ꤚꤥꤗꤢꤩ꤬ 13:7

ฮู๊เนอเรอ, ซี โหล่ เด๊อ อู เต๊เห่เนอ, เด๊อ แลแค, เก่ ซี โหล่ เด๊อะ ซีเงเร๊อดื่อ อาหมู่อาร๊า เก่เฮ๊เรอ เด๊อ แลแค นี๋. ซี เก่ โหล่เด๊อะ อาหมู่อาร๊า เด๊อ อาโร เต๊เห่ เฮ๊เรอ ตูรู๊ เด๊อ แลแค นี๋. ซี โต เบ่หยื่อเบ่แหน่ อู เต๊เห่เนอ เบ่หยื่อเบ่แหน่ แลแค อู นี๋. ซี โต เมลีเมเตเค อู เต๊เห่เนอ เมลีเมเตเค แลแค อู นี๋.

เปโตร อาเหร่อเล๊อ ต๊าบ่า 5:5

ฮู๊ แว เฮ๊ เป่ โทเฮ๊อ ซี เร๊อ เตแด่แลซิปล่อ อาหรี่อาแก เนอ เฮ๊อ, ซี เด๊อ อา หน่าเจ่เล๊อ เต๊เห่เนอ, ซี เบ่ แด่แล แลแค ซี ซิปล่อ เด๊อ โหมะพรูโหมะเผระ เต๊เห่ อาเล. ซี ปว๋า เตเพร โตเบ่ กือแซ๊แถ่ แลแค แด่แล ซิปล่อ เตเพร เร๊อ เตเพร แซ่เน๊อ ซี กือแซ๊แถ่ เห่อจาเนอ, เมเตเฮ๊เรอ, ลีเทส่อพ๊ากู เฮ๊ เนอ, “จอแปแหร่ เมตาตือแก แกแย เด๊อ อา แด่แถ่โล อาซิปล่อ เนอเต๊เห่ หม่าแน๊เรอ เตบุ๊ยเตเตอเรอ เออเนอ, อา เด๊อะ ตา เป่ เร๊อ แกแย เด๊อ อา แด่หยว่า อาซิปล่อ เนอเต๊เห่ แพ๊”

ꤟꤤꤙꤚꤢꤨ 13:1

โมแฮเง เกอเร๊อ แลแค ลู เตเพร เร๊อ เตเพร ฮู๊ ครี๊พู๊ โตเบ่ โม เกอเร๊อ ลู เตเพร เร๊อ เตเพร เนอ นี๋.

ฟีลิปปี 2:3

เบ๊อะซี เมเต เบ๊อะเนอ, แม๊ดุ เกอเร๊อดื่อ ตื๊อ ซี เตเพร อาเง แต่เหม่ นี๋, พย๊าดุพย๊าแถ่โล แต่ ซีเหน่ แต่เหม่, อู๊เตเต๋เบ่เบ่ แด่แลหนิ แลแค ซี ซิปล่อ เด๊อ เตเพร เร๊อ เตเพร อาเล นี๋, เร๊อ เตเนดุ เล๊อ อูโร เร๊อ ซีเหน่ เร๊อดื่อ นี๋.

เปโตร อาเหร่อเล๊อ ต๊าบ่า 1:22

กู๊แหน่เรอ เด๊อ ซี จูเอ่ เฮ๊อ จอแปแหร่ อา เตอิซว๊า อา เตหมะเตจ๊อ เต๊เห่ อาขว่าอาคยา, ซี เมโพ๊เมปลี เฮ๊อ ซี ซิปล่อ เร๊อ ซี ทวา เฮ๊อ แกแย เด๊อ อา โมหนิ หม่าแหน่ เจ๊อเฮ๊อ โป่แหว่ ครี๊พู๊ เออเต๊เห่ เฮ๊อ. เมฮู๊เนอเรอ โมลอ แคลูเน๊อ ซิปล่อซีเม เตเพร เร๊อ เตเพร นี๋.

ทิโมธี อาเหร่อเล๊อ ต๊าบ่า 6:1

แซ่ฮู๊ จอแปแหร่ อามุย เก่ เบ่ เตเป๊อเจ่อ อิแช๊ แต่เหม่, โทเรอ แซ่ฮู๊ อู เก่ แด๊ แต่ เป เตอิซว๊าอี๊แส่ เออเต๊เห่ อาแหย่โย เตเพร่ว แต่เหม่ เนอ, ล๋อ แกแย ทวาหลู่ เต๊เห่เนอ, อา โตเบ่ แด่ แลแค อาซิปล่อ เร๊อ อา โต แด่หยื่อแหน่ อาแบ่เจ่ เต๊เห่.

โครินธ์ เนอบ่า ต๊าบ่า 7:1

โคแบ๊ซว๊า ซี๋, ล๊อ จอแปแหร่ อ๊อแล เต๊เห่ เนอหม่า เปเง ลอ เฮ๊อ. ฮู๊เนอเรอ, เป เก่ จว๊า ตาพาแก เร๊อ เปเหน่กล่อ อา เตซิหยื่อ มู๊แหม่รีแจ่ เต๊เห่ เร๊อ เป ซิปล่อ อา เตเตเน มู๊แหม่รีแจ่ เออเนอ เต๊เห่ โป๋. เร๊อ เด๊อ เป ซิอิเช แด่ซิแหน่ซิเตเร จอแปแหร่ เออ อาขว่าอาคยาเร๊อ เป เก่ ทวาแถ่ แลแค ดื่อ แกแย เด๊อ อา บูโพ๊ เต๊เห่ โป๋.

มัทธิว 22:21

เร๊อ เหย่ซี เฮ๊ฉื่อ เน๊อ, “คุ๊ย ซีซาร์ อา กู่กล๊อแหย่โย เร๊อ คุ๊ยซีซาร์ อามุย.” โทเรอ แบ่เจ่ เหย่ซู่ เฮ๊ฉื่อ เหย่ซี เน๊อ, “คุ๊ยดุ ซีซาร์ อาเต เก่เฮ๊เรอ เด๊อ เร๊อ คุ๊ยดุเนอ, จอแปแหร่ อาเต เก่เฮ๊เรอ เด๊อ เร๊อ จอแปแหร่ เนอ.”

เอเฟซัส 5:21

ซี ล๋อ เบ่หยื่อเบ่แหน่ ครี๊ อาขว่าอาคยา, จูเอ่ แคลู โหง่ เตเพร เร๊อ เตเพร นี๋.

ꤛꤥ꤭ꤟꤢ꤬ 13:35

ซี เก่ โม เกอเร๊อ ลู เตเพร เร๊อ เตเพร เฮ๊เนอ, อู ปว๋า เตเพร เก่ ซิเง เร๊อ ซี ทวา แว โคเป๊เจ่ ปา.”

เห่ขุทวาลู่ 42:18

อาบา เฮ๊อ โซเนอ เตอเนอ เบ๊อะเนอ, เพโยเซฟ เฮ๊ เหย่ซี เน๊อ, “แว หม่า แกแย เด๊อ อา แด่ดุหยื่อแหน่ จอแปแหร่ เตเพร อาขว่าอาคยา, เม แลแค ฮู๊ แว เฮ๊ ซี เนอ, ซี เก่ เซอเพรดื่อ ปา.

เห่ขุทวาลู่ 22:12

จอแปแหร่ ตูจูเพร อาเตเน่วพู๊ เฮ๊ ลู เน๊อ, “เมเบ่เช แต่ เป๊เจ่ เออเตเพร แต่ เหม่! เม แต่ อา เตอเจ๋อ แตเหม่! เนพู๊เพรคู โอ่ตื๋อ เตเพร ตื๊อดื่อเร๊อ เน ซิโล เกอเร๊อ ลู โต่ อาขว่าอาคยา, กู๊แหน่เออ แว ซิเง เฮ๊อ เน๊อ เน ซิอิเช แด่ดุหยื่อแหม่ เฮ๊อ จอแปแหร่ดุ เฮ๊อ.”

เห่ขุทวาลู่ 20:11

เร๊อ เพอับราฮัม เฮ๊ กาคยาฉื่อ คยาแซ๊ ลู เน๊อ, “แว เตเน เน๊อ เหล่โอ่ เบ๊อะเออ โต๊โผะ หม่า, แกแย เด๊อ อา ซิอิเช แด่ดุหยื่อแหน่ จอแปแหร่ดุ เนอ อาโอ่ น๊อ เตเพร่ว โต่. เด๊อ แวเม อาขว่าอาคยา เร๊อ ช๊าปาหม่า อู เมเซอ แว ปา เร๊อ อูพย๊าเผ่แก แวเม เห่ แว จว๊า เตเน แต่ ฮู๊เนอ เร๊อ แว เม ฮู๊เออ แพ๊.

เปโตร อาเหร่อเล๊อ ต๊าบ่า 2:13

เด๊อ แบ่เจ่ เหย่ซู่ ครี๊ เมเป่ เฮ๊อเป อาขว่าอาคยา, อาซิหยื่อ เด๊อ เป เก่ จูเอ่ หนิดาแกแยเห่ขุพู๊ โอ่เร๊อ อาเตอเรอฉว่าชอ เต๊เห่อาโหง่. โท๊โต่ คุ๊ยดุ เด๊อ อา โอ่ เร๊อ อา เตอเรอฉว่าชอ เล๊ออู เต๊เห่เนอ เบ่เบ่ จูเอ่ เกอ แลแค อาโหง่นี๋.