เปโตร อาเหร่อเล๊อ ต๊าบ่า 2:16 - ลีเทส่อพ๊าอาเซ เร๊อ เห่ขุทวาลู๊

¹⁶ โอ่เซอเพร แลแค ฮู๊ แกแย หนิ เตปาลา เนอเต๊เห่ นี๋. หม่าแน๊เรอ นอเอ่ แต่ ซี เตปาลา เออเนอ เร๊อ อา เก่ เมโอ๊เมบี๊แก แต่ ซี เตซื๊อเนอ แต่เหม่. หม่าแน๊เรอ โอ่เซอเพร แซ่ แลแค เร๊อ จอแปแหร่ อาหลู่ เต๊เห่เนอ.

Eastern Kayah Shadaw Dialect

¹⁶ ꤥ꤬ꤞꤣꤧ꤭ꤖꤚꤢꤩ꤬ ꤜꤢ꤭ꤋꤢꤧ꤭ ꤟꤢꤨ ꤊꤣꤧ꤬ꤛꤢꤧ꤭ ꤔ꤫ꤤ꤬ ꤒꤢꤩ꤬ꤕꤣꤧ꤬ꤜꤢ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯ ꤗꤢ꤬ꤔꤢꤧꤚꤣꤧ꤬ ꤔꤢꤪ꤭ꤢꤩ꤬ ꤒ꤫ꤢꤧ꤬ ꤞꤤ꤭ ꤒꤢꤩ꤬ꤕꤣꤧ꤬ꤜꤢ꤭ ꤣꤧ꤭ꤔꤣꤧ꤬ ꤔꤢꤧ ꤢ꤬ ꤊ꤫ꤢꤦ꤬ ꤗꤢꤩ꤬ꤥꤗꤢꤩ꤬ꤙꤤꤊꤢꤧ꤭ ꤒ꤫ꤢꤧ꤬ ꤞꤤ꤭ ꤒꤢꤩ꤬ꤞꤢꤦꤔꤣꤧ꤬ ꤒ꤫ꤢꤧ꤬ꤗꤢꤩ꤬꤯ ꤗ꤫ꤢ꤬ꤟꤢꤩꤗꤢ꤬ ꤥ꤬ꤞꤣꤧ꤭ꤖꤚꤢꤩ꤬ ꤞꤢꤧ ꤜꤢ꤭ꤋꤢꤧ꤭ ꤔꤢꤧ ꤙꤢꤧ꤬ꤡꤢꤩ꤬ ꤢ꤬ꤡ꤫ꤢꤦ꤬ ꤒꤣꤧ꤬ꤟꤢꤩ꤬ꤔꤣꤧ꤬꤯

เปโตร อาเหร่อเล๊อ ต๊าบ่า 2:16 ပူးပေါင်းရင်းမြစ်များ

ꤊꤢ꤬ꤜꤢ꤬ꤒꤤ 5:13

แว โป่แหว่ ซี๋, แซ่ฮู๊ ซี เก่ พย๊าหนิ เตปาลา อาเงเนอเรอ, จอแปแหร่ เอ๊เฮ๊อ ซี เฮ๊อ. หม่าแน๊เรอ เด๊อ ซี พย๊าหนิ เตปาลา เออ อาขว่าอาคยาเร๊อ, นอเป๊อ แต่ ซีเหน่ เร๊อ ซี สุ่ยเทอพ๊าหย่า อา เตซิหยื่อซิลอ เนอเต๊เห่ แต่เหม่ นี๋. หม่าแน๊เรอ, ซี โต โม เกอเร๊อ ลู เตเพร เร๊อ เตเพร, ซี โต เมจว่าเกอ เกอเร๊อ ลู เตเพร เร๊อ เตเพร.

ꤚꤥꤗꤢꤩ꤬ 6:22

หม่าแน๊เรอ กู๊แหน่เออ จอแปแหร่ ฉิย๊า ปลวาเถ่จว๊าแก เฮ๊อ ซี เด๊อ เตซื๊อเตปล๊า อาหลู่เล๊ เฮ๊อ. เร๊อ ซี ทวาเฮ๊อ จอแปแหร่ อาหลู่เล๊ เด๊อ อาเซ เต๊เห่ เฮ๊อ. เด๊อ ซี ทวาเฮ๊อ ฮู๊เออ อาขว่าอาคยา, อา หนิบุ๊ยหนิเตอเรอ เด๊อ ซีเง หม่า หม่าเฮ๊อ อา ซูจว๊า ซี เด๊อ เตโอ่เซอเพร บูโพ๊ อา แกล๊เดกู เออเนอ เฮ๊อ. เร๊อ เด๊อ เป โอ่เซอเพร บูโพ๊ เฮ๊อ อาขว่าอาคยา, อา หนิบุ๊ย เฮ๊อ เด๊อ ซิเง หม่า หม่าเฮ๊อ ซี พย๊าหนิ ซิปล่อเซอเพร ตูจูเพร เออเนอ เฮ๊อ.

โครินธ์ อาเหร่อเล๊อ ต๊าบ่า 7:22

เมเตเฮ๊เร๊อ เน ทวา หลู่ หม่าแน๊เรอ, เบ๊อะเน หยื่อเอ่เฮ๊อ แบ่เจ่ เหย่ซู่ เบ๊อะเนอ, อา แด่เฮ๊อ เน ฮู๊ แกแย เตเพร เด๊อ อา หนิ เฮ๊อ เตปาลา เนอ เฮ๊อ. ฮู๊เนอเฮ๊อ แกแย เด๊อ อา ทวาน๊อ หลู่ โต่ เตเพรเนอ, เบ๊อะอา หยื่อเอ่เฮ๊อ แบ่เจ่ เหย่ซู่ครี๊ เบ๊อะเนอ, อา ทวาเฮ๊อ แบ่เจ่ เหย่ซู่ครี๊ อาหลู่ เฮ๊อ.

ꤚꤥꤗꤢꤩ꤬ 6:18

จอแปแหร่ ฉิย๊า อาปลวา เถ่จว๊าแก เฮ๊อ ซี เร๊อ เตซื๊อเตปล๊า อาหลู่ เออเนอ เฮ๊อ. กู๊แหน่เออ ซี ทวาเฮ๊อ เตจ๊อเตเต หลู่ เฮ๊อ.

ꤊꤢ꤬ꤜꤢ꤬ꤒꤤ 5:1

แซ่ฮู๊ เป เก่ พย๊าหนิ เกอ เตปาลา เออ อาเงเนอ, เหย่ซู่ครี๊ เมแลเปล๊กา เฮ๊อ เป เด๊อ เป ทวา เตซว๊าเตแส่ อาหลู่เล๊ เออ อาเล เฮ๊อ. ฮู๊เนอเรอ โอ่หม่าโอ่กลอ แลแค เร๊อ ตีรี๊แม๊ กาคยา ทวา ปา แต่ แลแค หลู่เล๊ เออเนอ แต่เหม่ นี๋.

ꤡꤛꤢꤩ꤭ꤗꤢ꤬ꤎꤣ꤬ 1:25

เตซิครือมีลา หม่า จอแปแหร่ อา เตซว๊าเตแส่ เด๊อ อาเล๊ออาบา เร๊อ อา เมแลเปล๊กา แกแย เด๊อ เตซื๊อเตปล๊า อากู. แกแย เตเพรเพร เด๊อ อา แม๊ปูซิเง ตาเตแร๊ เตซว๊าเตแส่ เออ เร๊อ อา โชตาปาแก เตอิซว๊าอี๊แส่ เออ โต่ เต๊เห่, โท๊โต่ อา หนิดา ครวาเม เตอิซว๊าอี๊แส่ เออเตเพรเนอ, จอแปแหร่ เก่ เด๊อะบุ๊ยเด๊อะเตอเรอ อาเตแร เออเนอ ปา.

ꤡꤛꤢꤩ꤭ꤗꤢ꤬ꤎꤣ꤬ 2:12

รอหนิ แลแค ซี เตเฮ๊เบ่ เน๊อ ซี เตเม เต๊เห่เนอ เมเตเฮ๊เรอ เตซว๊าเตแส่ เด๊อ อา เด๊อ เป่ แกแย เตปาลา เออ เก่ เมจากาคยา ซี ปา.

เอเฟซัส 6:6

แซ่ฮู๊ อา เก่ ถู่เซ๊หนิ ซี เร๊อ ซี หนิดา แพ๊ เหย่ซีโหง่ ตื๊อแพ๊ เบ๊อะอา โอ่ป่อแม๊ ซี เบ๊อะเนอ แต่เหม่ นี๋. เมเตเฮ๊เรอ ซี หม่า ครี๊ อาหลู่ เต๊เห่ อาขว่าอาคยา, เม ลอซิปล่อ เชเม เป่ เหย่ซี ฮู๊ จอแปแหร่ ซิหยื่อ นอเม ซี เนอ นี๋.

เปโตร เนอบ่า ต๊าบ่า 2:19

ซ๊าร๊า กลว่าแลโฮ อาเหน่ เออเต๊เห่เนอ, อา อ๊อแล เหย่ซี เร๊อ เหย่ซี เก่ พย๊าหนิ เตปาลา ปา, หม่าแน๊เรอ เหย่ซี เหน่แบ่เจ เร๊อดื่อ เนอ, อา ทวา เตมู๊แหม่รีแจ่ อา เหล่โกลเหล่แบ่ เต๊เห่ อาหลู่, เมเตเฮ๊เรอ เตอิเตเต๋ เบ่เบ่, อา ดา เป่เฮ๊อ เน เนอหม่า, อา ทวาเฮ๊อ เนแบ่เจ่ เฮ๊อ.

โคโลสี 3:24

เมแร๊ แลแค ซี เตเม นี๋, เมเตเฮ๊เรอ ซี ซิเง เร๊อ แบ่เจ่ เก่ เด๊อ ซี อู่เจเต๊เหย่ ฮู๊ ซี เมเนอ ปา. แบ่เจ่ เด๊อ ซี เม เป่ ลู เออเตเพร เนอหม่า แบ่เจ่ ครี๊ เออเนอเฮ๊อ.

มัทธิว 23:13

“แกแยยิวพู๊ อา เพรอิซว๊า เตซว๊าเตแส่ อาซ๊าร๊า ซีเต๊เห่ เร๊อ ฟาริสีพู๊ ซี๋, เตหร่าเตดวา เก่ เบ่ ดื่อ ซี ปา. ซีหม่า แกแย เด๊อ เกล แอ๊จ๊อ แอ๊เต อาเหน่ เต๊เห่. ซี เมบี๊ เผ่ แก ลอ ล๋อ แกแย เด๊อ อา แม๊ปูโน เด๊อ ม๊อขุ เทอเลเก่กู เนอเต๊ เห่ กู่ดา ซีแหน่ เบ่เจ่ เกอเร๊อดื่อ เจ๊อ เร๋อ ซีโน หนิโต่ ตื๊อดื่อ เรอ ซี เม ตาตือบี๊ แกลอ แกแย เด๊อ อา แม๊ปูโน เนอ เต๊เห่ อากู่ดา.

ꤛꤢꤨꤘꤢ꤬ 1:4

เมเตเฮ๊เรอ, แกแย เด๊อ อา แด่ดุหยื่อแหน่ จอแปแหร่ โต่ เต๊เห่เนอ, อา แฮโนโห่ เฮ๊อ เด๊อ ซีเกล เฮ๊อ. แซ่ฮู๊ เหย่ซี เก่ เฮ๊เบ่ แลเปล๊ อาเหน่ เร๊อ อา เตโอ่เซอเพร แลโพร๊แลแพร เต๊เห่ อาเงเนอเรอ, อา ถู่แหล่ เต๊เปล่ ปย๊าแก เป แบ่เจ่ จอแปแหร่ อาบุ๊ยอาเตอเรอ เออเนอเต๊เห่ อาหรี่อาแก เฮ๊อ. โท๊โต่ เหย่ซี เออเต๊เห่เนอ อา หยื่อเอ่ เกออู เป ทวาดุทวาเต แบ่เจ่ เหย่ซู่ครี๊ เออเนอ โต่. ฮู๊ ลีเทส่อพ๊า แด๊โฉ่ หนื่ออื่อ เฮ๊อ เตเมจากาคยา เต๊เห่เนอ เหย่ซี เก่ พย๊าหนิ ลอปลี เจ๊อ ปา.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:5

ฮู๊ ซี ซิเง โทเฮ๊อเนอเฮ๊อ, เป แฮ เฮ๊เบ่ถู่เซ๊ แลโฮน๊อ เร๊อ ซี โตโพ๋ โต่. เป ซิหยื่อ ลอพาเอ่ หนิรือหนิเท เร๊อ เป แฮ จ่าค๊าจ่าโข่ น๊อ เร๊อ เปเหน่ โตโพ๋ โต่. เป เมน๊อเกอ เร๊อ ฮู๊เออ โต่ เนอหม่า จอแปแหร่ ยูโลเบ๊ แพ๊.

ꤛꤥ꤭ꤟꤢ꤬ 15:22

แว เก่ แฮ แด๊โฉ่โด่แน เป่ เหย่ซี โต่. เก่เฮ๊เนอ, จอแปแหร่ แด่ เน๊อ เหย่ซี เตซื๊อ โต่. หม่าแน๊เรอ กู๊แหน่เออ แว แฮ แด๊โฉ่โด่แน โล เป่ เหย่ซี อาขว่าอาคยา, อาเหล่เฮ๊ แลเปล๊ เกอเร๊อ อาโหง่ เร๊อ อาเตซื๊อ อาเงเนอ อา โอ่ปา ตือมื๋อ โต่ เฮ๊อ.