เปโตร อาเหร่อเล๊อ ต๊าบ่า 2:15 - ลีเทส่อพ๊าอาเซ เร๊อ เห่ขุทวาลู๊

¹⁵ จอแปแหร่ ซิหยื่อ นอเม ซี เตแร๊, เมเตเฮ๊เรอ อา ซิหยื่อ เด๊อ ซี เก่ เม โอ่โส่โอ่เครแก แกแย เด๊อ อา เฮ๊เบ่บอ เฮ๊เบ่บย่า เร๊อ เตเน กาคยา แฮเง เป่ เกออู โต่ เนอเต๊เห่.

Eastern Kayah Shadaw Dialect

¹⁵ ꤡꤢꤪꤗꤣꤧ꤬ꤚꤢꤧ꤬ ꤞꤤꤛ꤫ꤢꤦ꤬ ꤔꤢꤪ꤭ꤗꤢꤩ꤬ ꤞꤤ꤭ ꤒꤢꤩ꤬ꤚꤢꤧ, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢ꤬ ꤞꤤꤛ꤫ꤢꤦ꤬ ꤘꤣ ꤞꤤ꤭ ꤊ꤫ꤢꤦ꤬ ꤗꤢꤩ꤬ ꤥ꤬ꤞꤥ꤬ꤥ꤬ꤋꤚꤢꤩ꤭ꤊꤢꤧ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤟꤢꤩꤙꤢꤩ꤬ꤙꤢꤪ꤭ ꤟꤢꤩꤙꤢꤩ꤬ꤙꤛꤢ꤬ ꤚꤣꤧ꤬ ꤒꤣꤧ꤬ꤔꤢꤩ꤬ ꤊꤢ꤬ꤋꤛꤢ꤭ ꤟꤢꤧ꤭ꤑꤢꤩ꤭ ꤕ꤫ꤢꤩ꤬ ꤊꤣꤧ꤭ꤢꤨ꤭ ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬꤯

เปโตร อาเหร่อเล๊อ ต๊าบ่า 2:15 ပူးပေါင်းရင်းမြစ်များ

เปโตร อาเหร่อเล๊อ ต๊าบ่า 3:17

เมเตเฮ๊เรอ จอแปแหร่ เก่ ซิปล่อโอ่ แหน่เฮ๊อ เนอ, เด๊อ เป เมเตแร๊เออ อาขว่าอาคยาเร๊อ, เป เบ่ ข่าเบ่ แหน่ เตจาเตจือ เฮ๊เนอ, อาแร๊เล๊อ ปา เจ๊อ เร๊อ เป เม เตมู๊แหม่รีแจ่ เร๊อ เป ข่าเบ่ เตจาเตจือ เต๊เห่ เจ๊อ.

ꤒꤤꤒꤢꤨ 2:8

เบ๊อะเน อิซว๊าอี๊แส่ อู เบ๊อะเนอ, แซ่ฮู๊ อู เก่ แม๊ปู แด่แจ่ ปา ดื่อ เร๊อ เตซื๊อ แต่เหม่เนอ, เฮ๊เบ่จ๊อจ๋อ เนโหง่ นี๋. เร๊อ เน เก่ เมฮู๊เนอ เฮ๊เรอ เหย่ซี เหล่เฮ๊ มู๊แหม่รีแจ่ เปหรี่เปแก อา โอะ ปา โต่ อาขว่าอาคยา, เหย่ซี เก่ ซิเตเรแก แพ๊.

เปโตร อาเหร่อเล๊อ ต๊าบ่า 2:12

เบ๊อะซี โอ่เซอเพร เด๊อ เมวจ่อโรพู๊ เด๊อ อา หยื่อเอ่ เกออู จอแปแหร่ โต่ เออเต๊เห่ อาเกล, เร๊อ อา แด่ เตซื๊อ ซี เร๊อ ซี หม่า แกแย เด๊อ อา เม เตมู๊แหม่รีแจ่ เบ๊อะเนอ, โอ่เซอเพร แซแร แร๊ แลแค ซีเหน่ นี๋. เหย่ซี เก่ แม๊เถอะ ซี เตแรแร๊ เต๊เห่ ปา เร๊อ ช๋า จอแปแหร่ แฮแล อาม๊อเนอ ปา เตอเนอเนอ, อา เก่ แด่ดุแด่หยื่อ ลู ปา.

มัทธิว 7:26

หม่าแน๊เรอ แกแย เตเพรเพร เด๊อ อา หนิโฮ แวเต อิซว๊า เออ เต๊เห่ เร๊อ อา เก่ หนิดา ครวาเม เกอ โต่ เฮ๊เนอ, อาแซ่เน๊อ แกแย จอครอ ช๊อแถ่โอ่ อาหี่ เด๊อ เห่โซขุ เนอ เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:18

อา ทวาแถ่ ฮู๊เตเต๋ เบ่เบ่, ตูรู๊ เฮ๊บุ๊ยเฮ๊เตอเรอ แลแค จอแปแหร่ ปว๋า โตโพ๊ นี๋. เมเตเฮ๊เรอ, เด๊อเหย่ซู่ครี๊ อาขว่าอาคยา, จอแปแหร่ ซิปล่อโอ่ เด๊อ ซี โต เม ฮู๊เนอ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:3

จอแปแหร่ ซิหยื่อ เร๊อ ซี เตก๊อถ่อโอ่แหน่ ซีเต๊เห่ เก่ อาโพ๊อาแปละ เร๊อ เบ่ จว๊าซื๊อหนิ เพรเหมาะเพรคู ตีกี๋ โต่.

เปโตร เนอบ่า ต๊าบ่า 2:12

เหย่ซี หม่า อาแซ่เน๊อ เตมีเตดอ เด๊อ อา เตเนแจ่ เกออู โต่ เต๊เห่. โทเรอ อา เม แลแค ฮู๊ อาเหล่โกล ซิหยื่อโอ่ เนอ เร๊อ อา โอ่เป๊เจ่แล เด๊อ อู เหล่ลือปื่อ เมเซอ เหย่ซี อาเง แพ๊. แกแย เออเต๊เห่ เนอหม่า อาเท๊อาแตแอ ฉื่อ, เป๊อเจ่ออิแช๊ ฉื่อ เต เด๊อ อา ซิเง ตาปลู๊โต่ เต๊เห่. อู เก่ เมเซอแก เหย่ซี ฮู๊ อู เมเซอ เตมีเตแหม่ เนอ ปา.

ꤚꤥꤗꤢꤩ꤬ 1:21

เหย่ซี ซิเงเฮ๊อ จอแปแหร่ หม่าแน๊เรอ เหย่ซี แด่หยื่อแด่แหน่ เกอ ลู ฮู๊ จอแปแหร่ เตเพร โต่. อา เฮ๊บุ๊ยเฮ๊เตอเรอ เกอ ลู โต่โต่. ฮู๊เนอเรอ เหย่ซี อาเหล่เตเน เต๊เห่เนอ, อา ทวาแถ่ ลอ เตโอ่เล๊อโอ่กลอ. โท๊โต่ เหย่ซี อาเหล่เตเน โอ่เล๊อโอ่กลอ. เออเต๊เห่เนอ, เตคี๊เตลอ เมบี๊แก เฮ๊อ เหย่ซี เฮ๊อ.

ꤛꤢꤨꤘꤢ꤬ 1:10

หม่าแน๊เรอ แกแย เออเต๊เห่เนอ อา เป๊อะเจ่ออิแช๊เต เด๊อ อา ซิเง ตาปลู๊โต่ เนอเต๊เห่. เหย่ซี ซิปล่อ แซ่ แลแค เร๊อ เตมีเตดอ อาขว่าอาคยา, อา ลือครวา เมเกอ แลแค ฮู๊ อาซิปล่อ นอเม ลู เนอ แพ๊. เด๊อ เหย่ซี เมฮู๊เนอ อาขว่าอาคยา, อา เมปย๊าเมหลู่ เกอเร๊อ แลแค อาเหน่ เฮ๊อ.

เปโตร อาเหร่อเล๊อ ต๊าบ่า 4:2

ฮู๊เนอเรอ เป๊อแถ่ กู๊แหน่เออ ตาแฮเง เนอ, ซี ม๊อเนอม๊อเซ เด๊อ อา โอ่แกปา เด๊อ เห่ขุเออ เต๊เห่เนอ ซี เบ่ โอ่เซอเพร ฮู๊ จอแปแหร่ อา เตซิหยื่อ เนอ. ซี เบ่ โอ่เซอเพร หนิ ปา ฮู๊ แกแย อา เตซิหยื่อ มู๊แหม่ เนอเต๊เห่ โต่เฮ๊อ.

ทิโมธี อาเหร่อเล๊อ ต๊าบ่า 1:13

เด๋อ อาเหร่อเค เนอหม่า, แว เฮ๊ มู๊แหม่รีแจ่ เหย่ซู่ครี๊, แว เมจาเมจือ อา, แว เป๊อเจ่ออิแช๊ อา หม่าแน๊เรอ แบ่เจ่ ซิยอเกอเร๊อ แว, เมเตเฮ๊เรอ แว ย๋อ หยื่อเอ่แหน่ แต่เกอล๋ายโต่, เร๊อ แว เมเต เออเต๊เห่เนอ, แว ย๋อ ซิเง ล๋ายโต่ อาขว่าอาคยา, อา ซิยอเกอเร๊อ แว แพ๊.

ꤒꤤꤒꤢꤨ 3:3

เมเตเฮ๊เรอ เด๊อ เหร่อเคเนอ เป เต๊เห่ หม่า แกแยบูบย่า แกแย จูเอ่ เกออู โหง่ โต่ เต๊เห่. เป หม่า แกแย เด๊อ อา ครวาซื๊อเกอ แกแย แลโฮ เต๊เห่ อาคยา. เป ทวา โทเฮ๊อ แกแย เด๊อ อา ซิหยื่อซิลอ เมโม เกอเร๊อ เหน่ เต๊เห่ อาหลู่เล๊ เฮ๊อ. เป โอ่เซอเพร เมลอแก อาม๊อเนอม๊อเซ เนอ เป เม เตมู๊แหม่รีแจ่ เนอ เตซิค๊าซิเถ่ อู เต๊เห่ เฮ๊อ. โท๊โต่ อู ซิเถ่ เป เร๊อ เป ซิเถ่ฉื่อ อู.

ꤊꤢ꤬ꤜꤢ꤬ꤒꤤ 3:1

กาลาเทียพู๊ เด๊อ อา บี่ซิปล่อสู่เทอ ซี๋ แซ่ฮู๊ ซี ซิหยื่อ หนิดา ครวาเมเกอ คยาแซ๊ คูโมเสส อา เตซว๊าเตแส่ เออเนอ เร๊อ อูเป แฮ อี๊ลอแลโฮ ซี เป? แว โด่แนโปลเพ๊ เป่โทเฮ๊อ ซี เร๊อ เหย่ซู๊ครี๊ข่าเซอ อาเหน่เด๊อ อี๊ถื่อดีเต่ลู เนอเฮ๊อ แวเฮ๋.

มัทธิว 25:2

ซิแง เร๊อ อา ลีแม, ซิแง เร๊อ อา ลีแม เกออู โต่.

เปโตร อาเหร่อเล๊อ ต๊าบ่า 3:16

ซี ซิปล่อ เก่ เฮ๊แลหนิ ซี เร๊อ ซีเตซื๊อ โอ่โต่ เฮ๊เนอ, ตูรู๊ เม แฮเง ลา นี๋. ซี เก่ เมฮู๊เนอ เฮ๊เรอ แกแย เด๊อ อา เฮ๊บูเฮ๊บย่า, อา เฮ๊ มู๊แหม่รีแจ่ ซี เตโอ่แซแร แร๊ เด๊อ ครี๊ อากู เออเต๊เห่เนอ, อา เก่ ซิเตเร เกอเร๊อ คยาดื่อ เร๊อ อา เตเฮ๊เบ่เฮ๊โช อาคยา ปา.