โคเจ่ เตเพร เก่ แจ่ บ๊า อาซ๊าร๊า เนอ, เร๊อ หลู่ เตเพร เก่ แจ่ บ๊า อาแบ่เจ่ เนอ เฮ๊หม่า โป่เฮ๊อ. แว ทวา เจ๊อ หี่กู่กล๊อ เตเพร เร๊อ เหย่ซี เก่ เอ๊ แว เร๊อ โลเน๊โลหน่า อา กู่กล๊อดุ เด๊อ อามุย เร๊อ เบเอลเซบูล เออ เก่เฮ๊เรอ ซี เด๊อ อา ทวา แพ๊ หี่พู๊แพพู๊ เต๊เห่เนอ, อา เก่ เอ๊ จา เอ๊ มู๊แหม่ เล๊อ ปา เจ๊อ ซีมุย ปา.
เปโตร อาเหร่อเล๊อ ต๊าบ่า 2:12 - ลีเทส่อพ๊าอาเซ เร๊อ เห่ขุทวาลู๊12 เบ๊อะซี โอ่เซอเพร เด๊อ เมวจ่อโรพู๊ เด๊อ อา หยื่อเอ่ เกออู จอแปแหร่ โต่ เออเต๊เห่ อาเกล, เร๊อ อา แด่ เตซื๊อ ซี เร๊อ ซี หม่า แกแย เด๊อ อา เม เตมู๊แหม่รีแจ่ เบ๊อะเนอ, โอ่เซอเพร แซแร แร๊ แลแค ซีเหน่ นี๋. เหย่ซี เก่ แม๊เถอะ ซี เตแรแร๊ เต๊เห่ ปา เร๊อ ช๋า จอแปแหร่ แฮแล อาม๊อเนอ ปา เตอเนอเนอ, อา เก่ แด่ดุแด่หยื่อ ลู ปา. အခန်းကိုကြည့်ပါ။Eastern Kayah Shadaw Dialect12 ꤙꤣꤧ ꤞꤤ꤭ ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤗꤤ꤭ꤡꤣ꤬ꤚꤥ꤬ꤖꤢꤨ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤊꤣꤧ꤭ꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤒꤥ꤬ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭, ꤚꤣꤧ꤬ ꤢ꤬ ꤘꤢꤧ꤬ ꤒꤢꤩ꤬ꤞꤢꤦ ꤞꤤ꤭ ꤔꤢꤧ ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤢ꤬ꤋꤢꤩ꤭ꤔꤣꤧ꤬, ꤥ꤬ꤞꤣꤧ꤭ꤖꤚꤢꤩ꤬ ꤞꤢꤧ꤭ꤚꤢꤧ꤭ ꤚꤢꤧ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬ ꤔꤤ꤮꤯ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤞꤤ꤭ ꤒꤢꤩ꤬ꤗꤢꤩ꤬ꤚꤢꤧ ꤒꤣꤧ꤬ꤟꤢꤩ꤬ ꤕꤢ꤭ ꤚꤣꤧ꤬ ꤏꤢ꤮ ꤡꤢꤪꤗꤣꤧ꤬ꤚꤢꤧ꤬ ꤟꤢꤧ꤭ꤜꤢꤧ꤬ ꤢ꤬ꤗ꤫ꤢꤪ꤬ꤔꤣꤧ꤭ ꤕꤢ꤭ ꤒꤣ꤬ꤔꤣꤧ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤘꤢꤧ꤬ꤘꤢꤨ꤬ꤘꤢꤧ꤬ꤛ꤫ꤢꤦ꤬ ꤜꤢꤨ꤭ ꤕꤢ꤭꤯ အခန်းကိုကြည့်ပါ။ |
เปโตร อาเหร่อเล๊อ ต๊าบ่า 2:12
46 ပူးပေါင်းရင်းမြစ်များ
คูซีโมน เปโตร เฮ๊โฉ่โปลโล โทเซ เป่ แพ๊ เป เร๊อ จอแปแหร่ เป๊อแถ่ เด๊อะโล เป่ เฮ๊อ อา เตแม๊เตตู่หนิ เออเนอ เด๊อ แกแยยิวพู๊ หม่าโต่ เต๊เห่ อา โอ่ เฮ๊อ. เมเตเฮ๊เร๊อ เด๊อ แกแยยิวพู๊ หม่าโต่ อาเกล เต๊เห่เห่เนอ, แซ่ฮู๊ อา เก่ ทวาแถ่ หนิเกอดื่อ จอแปแหร่ อาเต อาเงเนอเร๊อ, อา นอ หยื่อเอ่แลแค เฮ๊อ เหย่ซี เฮ๊อ.
เออโตโพ๊เรอ, เป โอ่เซอเพร แซแร เอ่โอ เกออู ฮู๊ แกแย เด๊อ อา โอ่เซอ เพร เด๊อ เหมาะเชเกล เนอเต๊เห่ โป๋. เม ตอปลอแลยอ ป่วย เบ่เบ่, เอ่มือโอแพร๊ เบ่เบ่, สุ่ยหย่าเทอ อา เตซิหยื่อ มู๊แหม่ เต๊เห่ เบ่เบ่, เตเตเน ปาต๊าเปอเตอ เต๊เห่ เบ่เบ่, เตเตกย๊าตางา ลู เต๊เห่ เบ่เบ่, เตเตเน ซิเคว๊ ลู เต๊เห่ เบ่เบ่, เป เมปาโต่ เฮ๊อ โป๋.
หม่าเมเตเรอ เป เฮ๊เบ่แถ่โล บื่อ เปโหง่ เฮ๊เรอ, เด๊อ เป ซิปล่อกูเออ เป ซิเง ตาเต เร๊อ เป เมซื๊อเมปล๊า, เป เฮ๊ซื๊อน๊อ อู เตเพร่ว โต่, โท๊โต่ เป แด่ จ๊อจื้อแพ๊ เป ซิปล่อสู่เทอ เด๊อ ซีขุ แพ๊. เป เมฮู๊เออ เนอหม่า หม่า เด๊อ จอแปแหร่ อาบุ๊ยอาเตอเรอ อา เตโพร อาขว่าอาคยา แพ๊, หม่าเด๊อ แกแย เห่ขุพู๊ อา เตลีแมลีเพ๊ อาขว่าอาคยา เนอ หม่าโต่.
เป กุยจ๊อเบ เร๊อ ซี เก่ เม แฮเง ปา แต่ เตซื๊อ แต่เหม่, เมเตเฮ๊เรอ แซ่ฮู๊ อู เก่ ซิเง เร๊อ เป หม่า ครี๊ อา เพรโด่แนพู๊ เต๊เห่ หม่าแหน่ เต๊เห่ อาเงเนอเรอ, เป กุยจ๊อเบ ฮู๊เนอ หม่าโต่. ซี เก่ เตเน แลแค เป เร๊อ เป หม่า เพรโด่แนพู๊ เต๊เห่ เด๊อ อา หม่าแหน่ เต๊เห่ เบ่เบ่, อา หม่าแหน่ โต่ เต๊เห่ เบ่เบ่, อา เหล่เฮ๊โอ่ เน๊อ เตอเจ๋อ โต่, เต เด๊อ เป ซิหยื่อ หม่าแหน่ เนอหม่า อิเต เฮ๊เรอ ซี เก่ เมเตแร๊ เฮ๊เนอหม่า โป่ เฮ๊อ.
อา ทวาแถ่ ฮู๊เต๋ เบ่เบ่, ซี โต โอ่เซอเพร แลแค ฮู๊ ครี๊ อา เตซิครือมีลา แด๊โฉ่ เป่ ซีเนอ นี๋. ซี เก่ เมฮู๊เนอ เฮ๊เร๊อ แว แฮแม๊เถอะ ซี เบ่เบ่, แว โอ่ตาพายา เร๊อ ซี เร๊อ แว หนิโฮ แพ๊ ซีหรี่ซีแก เบ่เบ่, แว เก่ ซิเง แหน่ดื่อเฮ๊อ เร๊อ ซี ซิปล่อ จี่จื่อเฮ๊อ ลู เร๊อ ซี ก๊อถ่อช๊าฉื่อ แตแนโหร่เฮ๊อ ลู เด๊อ เตซิครือมีลา อา เตหยื่อเตแหน่ อาเงเฮ๊อ. โท๊โต่ ซี ชิอิเช ปา แกแย เด๊อ อา ซิเถ่ซิฮา ซี เนอเต๊เห่ อาเหล่ โต่เฮ๊อ. ซี เก่ เมฮู๊เนอ เฮ๊เรอ ซี ข่าเฮ๊โล เป่เฮ๊อ เหย่ซี เร๊อ จอแปแหร่ เก่ เมปย๊าแก เหย่ซี ปา, เร๊อ จอแปแหร่ เก่ เมแลเปล๊กา ลาติ ซี เร๊อ อาเหน่ เร๊อดื่อ ปา.
โป่แหว่ซี๋, หนิดา แลแค แว เตเฮ๊เบ่ เด๊อคยา ตื๊อดื่อเล๊อ เออเต๊เห่ นี๋. เด๊อ ซี ซิปล่อกู เนอ ซี โต เตเน แคร๋ ฮู๊เตเฮ๊เนอ, ซี โต เตเน ตื๊อแพ๊ เตเด๊อ อาหม่าอาจ๊อ เต๊เห่, เตเด๊อ อู แด่หยื่อแด่แหน่ อา เต๊เห่, เตเด๊อ อาโตอาเบ่ เต๊เห่, เตเด๊อ อา โพ๊แปละโพ๊ เต๊เห่, เตเด๊อ อู ซิหยื่อโมเร๊อ เต๊เห่, เตแด่ซิปล่อสู่เทอ เด๊อ อาตว่าอาแร๊ เต๊เห่, เตเด๊อ อาแร๊ แหน่เจ๊อ เต๊เห่, เตเด๊อ อู โตเบ่ ถู่เซ๊แถ่ เต๊เห่ เนอแพ๊ นี๋.
โทเรอ อา เบ่ ทวาดื่อ เพร เหมาะ เด๊อ อามีลา โลแร๊ เน๊อ อา เมเตแร๊ เต๊เห่ อาคยา. อา เบ่ ทวาดื่อ เพร เหมาะ เตเพร เด๊อ อา แม๊ตู่ ดุแถ่ หนิ แร๊โท ดื่อเฮ๊อ อาพู๊อาเลอ เต๊เห่, อา เบ่ เอ๊โมฉื่อ ซิเผระ เต๊เห่ เด๊อ อา หี่ด๊อหี่แพกู, อา เบ่ ทวาดื่อ เพรเหมาะ เตเพร เด๊อ อา ซู๊ปลี จอแปแหร่ อาแกแย เต๊เห่ อากู๊โด่, อา เบ่ เมจว่า แกแย เบ่แป่เบ่เช เต๊เห่ โทเรอ อา เบ่ทวา เพรเหมาะ เตเพร เด๊อ อา เด๊อะแล อาซิปล่อ เด๊อ อา เมเตแร๊ เต๊เห่ อาเง.
อูเปเป๋ เบ่เบ่, อา เก่ แด๊โฉ่โด่แน เป่ อู เฮ๊เนอ, อา เบ่ แด๊โฉ่โด่แน เป่ อู ฮู๊ จอแปแหร่ เฮ๊เบ่ อู เร๊อ อา นอแด๊โฉ่โด่แน แฮเง เร๊อ เนเนอ. เร๊อ อู เปเป๋ เบ่เบ่ เด๊อ อา เก่ เมหลู่เล๊ เตเม เฮ๊เนอ, อา โตเบ่ เม เร๊อ อ๊าเหร่ เด๊อ จอแปแหร่ เด๊อะตา ลู เนอเต๊เห่. เก่ เมฮู๊เนอ เฮ๊เรอ, เด๊อ เหย่ซู่ครี๊ อาขว่าอาคยา, อู เก่ ถู่เซ๊แถ่ จอแปแหร่ เร๊อ ล๋อ เต เด๊อ ซี เม เออเต๊เห่ อาขว่าอาคยา ปา. จอแปแหร่ เก่ พย๊า หนิดื่อ เตเตอเรอดุ เตอเรอทู เร๊อ เตโพรเตเตอเรอ ตูจูเพร แตแลเคร๊ นี๋. อาเมน.
ကြော်ငြာတွေ