เปโตร อาเหร่อเล๊อ ต๊าบ่า 1:4 - ลีเทส่อพ๊าอาเซ เร๊อ เห่ขุทวาลู๊4 เด๊อ อา เด๊อะตา เฮ๊อ เป เตเซอเพร อาเซ อาขว่าอาคยา, จอแปแหร่ แด่ หนื่ออื่อ เป่ ซี อู่เจเต๊เหย่ เด๊อ อา ปย๊าแจ่โต่, อา ซอแจ่โต่, อาโน๊อากา แจโต่ เออเต๊เห่ เด๊อ ม๊อขุ เนอ เฮ๊อ. အခန်းကိုကြည့်ပါ။Eastern Kayah Shadaw Dialect4 ꤘꤣ ꤢ꤬ ꤘꤣꤧꤒꤢ꤭ ꤟꤣꤧ ꤕꤢꤩ꤬ ꤒꤢꤩ꤬ꤞꤣꤧ꤭ꤖꤚꤢꤩ꤬ ꤢ꤬ꤞꤢꤩ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ ꤥ꤬ꤔꤢꤩ꤬ ꤕ꤫ꤢꤩ꤬ ꤞꤤ꤭ ꤢꤨ꤬ꤡꤢꤩ꤭ꤒꤣꤧ꤬ꤛ꤫ꤢꤩ꤬ ꤘꤣ ꤢ꤬ ꤕꤛꤢꤡ꤫ꤢꤧ꤬ꤒꤥ꤬, ꤢ꤬ ꤞꤢꤪ꤭ꤡ꤫ꤢꤧ꤬ꤒꤥ꤬, ꤢ꤬ꤔꤥꤢ꤬ꤊꤢ꤭ ꤡ꤫ꤢꤧ꤬ꤒꤥ꤬ ꤣꤧ꤭ꤒꤣꤧ꤬ꤟꤢꤩ꤬ ꤘꤣ ꤗꤢꤪꤋꤢꤨ꤬ ꤔꤣꤧ꤬ ꤟꤣꤧ꤯ အခန်းကိုကြည့်ပါ။ |
เปโตร อาเหร่อเล๊อ ต๊าบ่า 1:4
27 ပူးပေါင်းရင်းမြစ်များ
เด๊อ เตหรี่เตแก เออ อาขว่าอาคยา, เตเด๊อะบุ๊ยเด๊อะเตอเรอ ตูจูเพร เด๊อ จอแปแหร่ อ๊อแลแก เป่ โทเฮ๊อ แกแย เด๊อ อา เอ๊ ลู เต๊เห่ เก่ หนิเบ่ปา อาเงเนอ, ครี๊ พย๊าแฮหนิ เป่ เฮ๊อ จอแปแหร่ อาแกแย เต๊เห่ เตอ๊อแล อาเซ. เออเต๊อเจ่อ เด๊อ จอแปแหร่ อา โอ่ เฮ๊อ. แซ่ฮู๊ ครี๊ เก่ อี๊ถ่ากา เร๊อ ปลวาเถ่ ปาลา จว๊าแก แกแย โอ่ เด๊อ เตอ๊อแล อาเลอ อาเล เนอเต๊เห่ อาเงเนอ, อา เบ่ ข่าเซอแก อาซิปล่อ. เด๊อ อา ข่าเซอ อาซิปล่อ อาขว่าอาคยา, เหย่ซี พย๊าหนิ เบ๊เกอเฮ๊อ อู่เจเต๊เหย่, อา เตเด๊อะบุ๊ยเด๊อะเตอเรอ ตูจูเพร เด๊อ จอแปแหร่ อ๊อแล โทเฮ๊อ เออเต๊เห่เนอ เฮ๊อ.
กู๊แหน่เรอ จอแปแหร่ แด่ดว๊า เป่เฮ๊อ แว เตจ๊อเตเต อา กู๊โก่เท เด๊อ อา หม่าเฮ๊อ เตเมหนิคว๊าเก่ เออเตเม เนอเฮ๊อ. โทเรอ ช๋า ม๊อเนอ ตื๊อดื่อ ปาเนอ, เพรเฮ๊เบ่เมโตเต จ๊อเต อา แบ่เจ่ เออเตเพร เก่ เด๊อะแล แว ปา หม่าแน๊เรอ เออเนอหมา แวเง ตื้อดื่อ หม่าโต่. ล๋อ แกแย เด๊อ อา โอ่ป่อแม๊ชือเกอ แบ่เจ่ เก่ แฮ โอ่โลแถ่ คยา ปา เนอเต๊เห่ อาเงหม่า อา โอ่เต่อเกอ ปาปา.
แซ่ฮู๊ ซี เก่ ซิเงโปลแร๊ เกออู เตเม อาโค๊ตีกลี๊ เด๊อ อา อ๊อแล เป่โท เฮ๊อ อาแกแย เด๊อ อา เอ๊ เร๊อดื่อ ลู เนอเต๊เห่ อาเงเนอ, แว กุยจ๊อเบ เด๊อ อา เก่ เด๊อะซิเงโปล เป่ ซี แพ๊. จอแปแหร่ เด๊อะ แคร๊ เฮ๊อ อาแกแย เออเต๊เห่ อู่เจเต๊เหย่ เด๊อ อางูดุงูชอ, อาตว่าอาแร๊ เต๊เห่ แคร๊ อิเตเฮ๊อเนอ, แว ซิหยื่อ นอซิเง ตาเต เกอ ซี.
แหย่โยบูโพ๊แบ่เจ่ เออเนอ อาแซ่เน๊อ เตอ๊อแล อาหม่าอากลอ เต๊อเจ่อ เด๊อ อา เด๊อะโล เร๊อ ล๋อ จอแปแหร่ อ๊อแล เด๊อ อา เก่ เด๊อ เป ปา เต๊เห่เนอ, เป่ เก่ พย๊าหนิ ปา. ช๊า จอแปแหร่ อา เตอี๊ถ่ากา เป อา เตเอ่เตแร เออ อาปลื๊ออาโท ลอเฮ๊อ ปา เบ๊อะเนอ, อา เก่ เด๊อะ เป อู่เจเต๊เหย่ เนอเต๊เห่ ปา. ฮู๊เนอเรอ อู เก่ ถู่เซ๊แถ่ เกอ จอแปแหร่ อา เตดุเตทู เออเต๊เห่ ปา.
กู๊แหน่เออ เป เก่ ทวา หม่าเฮ๊อ อาพู๊อาเลอ เร๊อ อา เก่ เด๊อะ เป อา เตบุ๊ยเตเตอเรอ อู่เจเต๊เหย่ เด๊อ อา แด่ โอ่ดว๊า เป่ เป เนอเต๊เห่ ปา. อา เก่ เด๊อะเตเด๊อะบุ๊ยเด๊อะเตอเรอ เด๊อ อาพู๊อาเลอ เต๊เห่ โต พย๊าหนิ เนอเต๊เห่ ปา. โท๊โต่ อู่เจเต๊เหย่ เด๊อ อาหม่าอากลอ ตูจูเพร เออ เป เก่ พย๊าหนิ ผร่วาเกอ เร๊อ ครี๊ ปา. เก่ เป ข่าจาข่าจือ โหร่เต่อเกอ เร๊อ ครี๊ เฮ๊เรอ, เป เก่ พย๊าหนิ โหร่โต่เกอ เตเตอเรอดุทู เร๊อ อา ปา.
เน เบ่ บ๊าโมแถ่ เป่ เหย่ซี เต๊เห่ อาเป๊เส่ ปา, โทเร๊อ เน นอตีรี๊ กาคยา คยาแซ๊ เหย่ซี เด๊อ เตคี๊เตตาปา อาเล ปา. เร๊อ เน เก่ ซูจว๊า เหย่ซี เด๊อ เตลี ปา, โท๊โต่ เน เก่ ซูจว๊าโน เหย่ซี เด๊อ อา โอ่ เด๊อ โลเน๊มู๊แหม่รีแจ่ กู่กล๊อ อา เตอเรอฉว่าชอ อาเล เออเนอเต๊เห่ เด๊อ จอแปแหร่ อา เตโพรเตเตอเรอ อาเล ปา. เด๊อ เหย่ซี หยื่อเอ่ แว อาขว่าอาคยา, จอแปแหร่ เก่ ปลวาแก เหย่ซี เตซื๊อ ปา, โท๊โต่ เด๊อ จอแปแหร่ นว๊าแถ่ เกอเร๊อ อาแกแย เนอเต๊เห่อาเหล่โอ่ เออเนอ, เหย่ซี เก่ พย๊าหนิ เกอดื่อ ปา, อา เฮ๊ แว ฮู๊เนอ.’
เด๊อ เป ลือครวา เม เตซว๊าเตแส่ อาขว่าอาคยา, เป เก่ พย๊าหนิแจ่ จอแปแหร่ อาเตเด๊อะบุ๊ยเด๊อะเตอเรอ อู่เจเต๊เหย่ เก่เฮ๊เร๊อ เตเด๊อะบุ๊ยเด๊อะเตอเรอ เออเต๊เห่ เนอหม่า อา แฮ หม่าแหน่ เด๊อ จอแปแหร่ อา เตอ๊อแล เออเนอ อา โอ่ หม่าโต่. หม่าแน๊เรอ จอแปแหร่ ล๋อ อ๊อแล โทเฮ๊อ เตเด๊อะบุ๊ยเด๊อะเตอเรอ อู่เจเต๊เหย่ เออเนอ เร๊อ เพ อับราฮัม อาขว่าอาคยา, อา เด๊อะโทเฮ๊อ เตเด๊อะบุ๊ยเด๊อะเตอเรอ อู่เจเต๊เหย่ เออเนอ เน๊อ ลู เฮ๊อ.
ล๋อ แกแย เด๊อ อา แกล่ดี๊เจ เต๊เห่เนอ, อา เบ่ ค๊อเกอเร๊อ อาซิปล่อ, อา เบ่ อิซว๊าแล เกอเร๊อ แลแค อาซิปล่อ อา เตซิหยื่อซิลอ เต๊เห่. แซ่ฮู๊ อา เก่ พย๊าหนิ อู เก่ เมลีเมเตเค เหย่ซี เร๊อ กู๊โก่ เด๊อ อาโน๊ตากา, อาปย๊าอาแกแจ่ เออเต๊เห่ อาเงเนอ แพ๊ เร๊อ, อา ค๊อ เกอเร๊อ แลแค อาเหน่ ฮู๊เนอ. หม่าแน๊เรอ เป เด๊อ อา หยื่อเอ่ เหย่ซู่ครี๊ เต๊เห่เนอ, เป เก่ พย๊าหนิ อู เก่ เมลีเมเตเค เป เร๊อ กู๊โก่ เด๊อ อาโน๊ตากาแจ่ โต่ เต๊เห่ ปา.
ซี ซิยอเร๊อ แกแย เด๊อ อู ด๊อตา ลู เด๊อ ทอกู เนอเต๊เห่. อู เป่เอ่เป่โอ ปื่อเผ่ จว๊าแก ลอ ซี ตาหมื่อตาเต เจ๊อ หม่าแน๊เรอ, ซี แด่ ซิครือ แลแค แพ๊ ซี ซิปล่อ, เมเตเฮ๊เรอ ซี ซิเง เน๊อ ซี ตาหมื่อตาเต เด๊อ อาแร๊เล๊อ เร๊อ อา โอ่หม่าโอ่กลอ ตูจูเพร เออเนอ อา โอ่ เอ๊ลูปา เด๊อ ม๊อขุ อาขว่าอาคยา, ซี ซิครือซิลอ แลแค แพ๊.
ကြော်ငြာတွေ