เปโตร อาเหร่อเล๊อ ต๊าบ่า 1:25 - ลีเทส่อพ๊าอาเซ เร๊อ เห่ขุทวาลู๊

²⁵ หม่าแน๊เรอ แบ่เจ่ อาลาอาโหง่ เออเนอ, อา โอ่หม่าโอ่กลอ ตูจูเพร แตแลเคร๊.” อาลาอาโหง่ เออเนอหมา หม่าเฮ๊อ เตซิครือมีลา เด๊อ อู แด๊โฉ่โด่แน เป่ ซี เออเนอ เฮ๊อ.

Eastern Kayah Shadaw Dialect

²⁵ ꤗꤢ꤬ꤔꤢꤧꤚꤣꤧ꤬ ꤙꤢꤧ꤬ꤡꤢꤩ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤣꤧ꤭ꤔꤣꤧ꤬, ꤢ꤬ ꤥ꤬ꤊꤜꤢꤪ꤬ꤏꤢꤪꤗꤢ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤒꤣꤧ꤬ꤜꤢꤧ꤬ꤋꤚꤢꤩ꤯” ꤢ꤬ꤜꤢ꤭ꤢ꤬ꤍ꤫ꤥ꤬ ꤣꤧ꤭ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤘꤣ ꤢꤨ꤭ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤞꤤ꤭ ꤣꤧ꤭ꤔꤣꤧ꤬ ꤟꤣꤧ꤯

เปโตร อาเหร่อเล๊อ ต๊าบ่า 1:25 ပူးပေါင်းရင်းမြစ်များ

มัทธิว 5:18

แว เฮ๊จ๊อจ๊อ ซี, ม๊อขุ เร๊อ เห่ขุ ตาพรอแก ตื๊อดื่อเรอ, ลีปล่อ เด๊อ อา ปีตี๊เล๊ออู ตอปล๊อ เบ่เบ่, ลีปล่อ เมม๊าเมแด เด๊อ อา ปีตี๊เล๊อ ตอปล๊อ เนอเบ่เบ่, ตีกี๋ หม่า อา เบ่ โอ่เหม่แก หนิ โต่. ล๋อ ลีเออ เต๊เห่ เฮ๊หนื่ออื่อ เนอ อา เบ่ เล๊อบา เหร่อ ลอ.

ꤜꤢꤨꤊꤢ꤬ 16:17

หม่าแน๊เรอ พื๋อ เร๊อ จอแปแหร่ อา เตซว๊าเตแส่ อา ลีปล่อ เด๊อ อา ปีตี๊เล๊อ ต๊อปล่อ เตเร ปย๊าแก อาเงเนอ, ม๊อขุ เร๊อ เห่ขุ ปย๊าแก ยูเล๊อเล๊อ ปา เจ๊อ.

ꤛꤥ꤭ꤟꤢ꤬ 1:1

เด๊อ จอแปแหร่ แบ๊แล แต่ล๋าย เห่ขุ โต่ เบ๊อะเนอปาเนอ, อู เอ๊ ลู เร๊อ เตลาเตโหง่ เออเตเพรเนอ, อา โอ่โทดื่อ เฮ๊อ. เตลาเตโหง่ เออเนอ อา โอ่ เกอ เร๊อ จอแปแหร่ เร๊อ เตลาเตโหง่ เออเนอหมา หม่าเฮ๊อ จอแปแหร่ เฮ๊อ.

ꤛꤥ꤭ꤟꤢ꤬ 1:14

แกแย เด๊อ อู เอ๊ อา เร๊อ เตลาเตโหง่ เออเตเพรเนอ, อา แฮทวา ฮู๊ แกแย เนอ เร๊อ อา แฮ โอ่เซอเพร เฮ๊อ เด๊อ เปเกล. เป แม๊เถอะเฮ๊อ อา เตเตอเรอดุ เตอเรอทู. จอแปแหร่ อาพู๊คู ย๊อโอ่ตื้อ เตเพรแพ๊ อาขว่าอาคยา, อา พย๊าหนิ ลอปลี เจ๊อ เตเตอเรอดุ เตอเรอทู เออ เด๊อ อาเพโอ่ เจ๊อ. อา หม่า แกแย เด๊อ อา เล๊อบา เร๊อ เตบุ๊ยเตเตอเรอ เร๊อ เตหมะเตจ๊อ เตเพร.

โครินธ์ อาเหร่อเล๊อ ต๊าบ่า 2:2

เมเตเฮ๊เรอ, แว แด่แล โทเฮ๊อ แว ซิปล่อ เน๊อ แว เก่ แด๊โฉ่โด่แน แพ๊ตื๊อ เหย่ซู่ครี๊ เออเตเพร อาหรี่อาแก เน๊อ อาเตเซอ เด๊อ อี๊ถื่อดีเต่ลู อาหรี่อาแก เออเนอ แพ๊.

เอเฟซัส 2:17

ฮู๊เนอเรอ แกแยยิวพู๊ หม่าโต่ เด๊อ อา โอ่ ตาพายา เร๊อ จอแปแหร่ เต๊เห่ เบ่เบ่, แกแยยิวพู๊ เด๊อ อา โอ่ผื่อ เร๊อ จอแปแหร่ เต๊เห่ เบ่เบ่, ครี๊ แฮแล โด่แนแด๊โฉ่ เป่เฮ๊อ เหย่ซี เร๊อ เตเปเตดวา อา เตซิครือมีลา เฮ๊อ.

เอเฟซัส 3:8

เด๊อ จอแปแหร่ แกแย เออเต๊เห่ อาเกลเนอ, แว หม่า แกแย เด๊อ อาโตอาเบ่ เกอ เจ๊อ อู ตีกี๊โต่ เตเพร. ฮู๊เนอ เจ๊อ ตื๊อดื่อเรอ จอแปแหร่ เด๊อะตา แว เตบุ๊ยเตเตอเรอ เออ เร๊อ แว เก่ เบ่ แด๊โฉ่โล เป่ แกแยยิวพู๊ หม่าโต่ เต๊เห่ เร๊อ ครี๊ อา เตงูดุงูชอ เด๊อ แม๊ปูซิเง เบ๊ เจ๊อ อาหรี่อาแก โต่ เออเต๊เห่.

ꤒꤤꤒꤢꤨ 1:3

จอแปแหร่ เด๊อ อา เมแลเปล๊กา เป เออเตเพร เด๊อซิเง เป่ เป เตหรี่เตแก เออเนอหมา, อา ม๊อเนอม๊อเซโตเบ่เฮ๊อ เร๊อ อา หยื่อเอ่เกอ แว เร๊อ อา นอตา แว เด๊อ แว เก่ เด๊อซิเง เป่ ซี เร๊อ เตหรี่เตแก เออเนอ เฮ๊อ.

ꤟꤤꤙꤚꤢꤨ 6:5

จอแปแหร่ อาลาอาโหง่ เนอ, อาแร๊ แหน่เจ๊อ เนอหม่า เหย่ซี ซิเงแฮ โทเฮ๊อ. เหย่ซี แม๊เถอะแฮเบ่ น๊อเกอ โทเฮ๊อ จอแปแหร่ อา เตโพรเตเตอเรอ ฉว่าชอ เด๊อ อา เก่ โอ่โลแถ่ เป่ อู ช๋า เนอปา ตือทือ เนอเต๊เห่ เฮ๊อ.

เปโตร อาเหร่อเล๊อ ต๊าบ่า 1:12

เร๊อ จอแปแหร่ เด๊อะโล เป่ เพรโพร เออเต๊เห่ เร๊อ เหย่ซี เมเต เออเต๊เห่ เนอหม่า เหย่ซีเง เร๊อดื่อ หม่าโต่. เฮ๊ตาเต้าเจ๊อหม่า ซีเง แพ๊. กู๊แหน่เออ เต เออเต๊เห่เนอ อา เฮ๊ เป่ ซี เร๊อ ซี หนิโฮ เฮ๊อ. เด๊อ จอแปแหร่ นอแฮ แหย่โยบูโพ๊ แบ่เจ่ อา เตโพรเตเตอเรอ เด๊อ อา โอ่ เด๊อ ม๊อขุ แฮเร๊อ, อา แฮ แรเตเออ อาขว่าอาคยา, เหย่ซี แฮ แด๊โฉ่ เป่ ซี เร๊อ เตซิครือมีลา เออ เฮ๊อ. ม๊อขุเตเน่วพู๊ เต๊เห่ เจ๊อ เน๋อ อา ซิหยื่อ แม๊ปูซิเง ตาเตเกอ แหน่เจ๊อ เตหรี่เตแก เออเต๊เห่ เจ๊อ.

เปโตร อาเหร่อเล๊อ ต๊าบ่า 1:23

เมเตเฮ๊เรอ จอแปแหร่ อาลาอาโหง่ เออเนอ, อา เซอเพร เร๊อ อา โอ่หม่าโอ่กลอ ตูจูเพร แตแลเคร๊ อาขว่าอาคยา, ซี โอ่เป๊เจ่แล คยาแซ๊ เฮ๊อ โตโพ๊ เฮ๊อ. ซี เตโอ่เซอเพร อาเซ เออเนอหมา, อา แฮ เด๊อ ซีโหมะซีเพ เด๊อ อา เซอแจ่ เออเต๊เห่ อา โอ่ เนอ หม่าโต่. หม่าแน๊เรอ, ซี เตโอ่เซอเพร อาเซ เออเนอหมา, อา แฮ เด๊อ จอแปแหร่ เด๊อ อา เซอแจ่ แตแค๋โต่ เออเตเพร อา โอ่.

เปโตร อาเหร่อเล๊อ ต๊าบ่า 2:2

ซี ซิเงน๊อ โทเฮ๊อ จอแปแหร่ อาบุ๊ยอาเตอเรอ เฮ๊อ. ฮู๊เนอเรอ ทวาแถ่ แซ่เกอ แลแค ฮู๊ เป๊เจ่ฮู๊ โอ่เซ เด๊อ อา ซิเอ่ซิโอ หม่าแหน่ อินู๊เทอ คูทิโมธี เนอเต๊เห่ นี๋. เด๊อ ซี ซิเอ่ซิโอ อินู๊เทอ เจ๊แร๊ ฮู๊เนอ อาขว่าอาคยา, ซี เก่ ดุแถ่เผร่แถ่ โต่เด๊อ เมแลเปล๊กา เก่ เล๊อแถ่บาแถ่ เฮ๊อปา เนอ ปา.

เปโตร เนอบ่า ต๊าบ่า 1:19

ฮู๊เนอเรอ เพรโพร เต๊เห่ แด๊โฉ่ โด่แนแก เตหรี่เตแก เออเต๊เห่เนอ, อา ตาเต เล๊อโป่ เจ๊อ เด๊อ เปเง เจ๊อ. ซี โต แด่ซิปล่อสู่เทอ แร๊ เตหรี่เตแก เด๊อ อาแซ่เน๊อ หมิเคว๊กอ ลีแถ่ เด๊อ เตคี๊เกล เร๊อ อาลี โต่เด๊อ เหมาะลีบู เตเมเนอ เจ๊อ. เร๊อ เหมาะลีบู แฮ เฮ๊อ เบ๊อะเนอ, เฉ่ต่อโร เนอเตเม เก่ แถ่ เด๊อ ซี ซิปล่อกู ปา.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:1

เป รา จว๊า เป่ ซี เหย่ซู่ อาหรี่อาแก, อา หม่า ลาโหง่ เด๊อ อา เด๊อ อู ซิปล่อเซอเพร เตเพร. อาเออ อา โอ่หนื่ออื่อ โทเฮ๊อ เด๊อ เห่ขุ ทวาแถ่ แต่ล๋ายโต่ เบ๊อะเนอ ปา เจ๊อ. เป หนิโฮ โทเฮ๊อ เร๊อ เป แม๊เถอะ โทดื่อเฮ๊อ เร๊อ เปเป๊เส่ เร๊อดื่อ เฮ๊อ. เป แม๊ อา เร๊อ เป ปื่อขร่าซิเต่อ โทเฮ๊อ ลู เร๊อ เป กู๊ขุ เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:3

แซ่ฮู๊ ซี เก่ แบ๊ซว๊าแบ๊โค เต่อเกอ เร๊อ เป อาเงเนอ, เป แด๊โฉ่ เป่เกอ ซี เต เด๊อ เป แม๊เถอะ โทเฮ๊อ เร๊อ เป หนิโฮเบ่ โทเฮ๊อ เนอเต๊เห่ เฮ๊อ. เป เตแบ๊ซว๊าแบ๊โค คยาลู เออเนอหมา, เป แบ๊ซว๊า เปเหน่ เร๊อ เพ จอแปแหร่ เร๊อ อาพู๊คู เหย่ซู่ครี๊.

เตเด๊อะโลแถ่ 14:6

โทเรอ แว แม๊เถอะ เตเน่วพู๊ เด๊อ อาโรเตเพร เร๊อ อา โหย่แถ่โล เด๊อ ม๊อเล เร๊อ อา พย๊าแฮหนิ เตซิครือมีลา ตูจูเพร อาหรี่อาแก. เร๊อ อา เก่ แด๊โฉ่ ซิเงเป่ แกแย เห่ขุพู๊ เต๊เห่ เร๊อ เมวเจอะ ปว๊าเต๊อเจ่อ, เร๊อ แกแย ปวาโต๊โหมะ, เร๊อ แกแย เด๊อ อา เฮ๊เบ่ โหง่ อิเตเต๋ เบ่เบ่ เร๊อ แกแย ปว๊าตู๊หมู่ เร๊อ เตซิครือมีลา เออเนอ ปา.