เตเฮ๊ตา โหง่เออ อา เหล่เซเร แม๊ชือ หม่า แซ่ฮู๊ อา เก่ ถู่แรแถ่ เตโม อาเง เนอแพ๊. เตโม เออเนอหมา อา แฮเถ่ เด๊อ แกแย ซิปล่อ เนอเต๊เห่ อากู. โทเรอ อา แฮเถ่ เด๊อ แกแย โอ่ เร๊อ เตซิเง เตแร๊ เร๊อ เตมู๊แหม่ เร๊อ อา นว๊าพย๊า เต เด๊อ อาแร๊ เนอเต๊เห่ อากู. โท๊โต่ อา แฮเถ่ เด๊อ แกแย โอ่ เร๊อ เตหยื่อเตแหน่ หม่าแหน่ เนอเต๊เห่ อากู.
เปโตร อาเหร่อเล๊อ ต๊าบ่า 1:22 - ลีเทส่อพ๊าอาเซ เร๊อ เห่ขุทวาลู๊22 กู๊แหน่เรอ เด๊อ ซี จูเอ่ เฮ๊อ จอแปแหร่ อา เตอิซว๊า อา เตหมะเตจ๊อ เต๊เห่ อาขว่าอาคยา, ซี เมโพ๊เมปลี เฮ๊อ ซี ซิปล่อ เร๊อ ซี ทวา เฮ๊อ แกแย เด๊อ อา โมหนิ หม่าแหน่ เจ๊อเฮ๊อ โป่แหว่ ครี๊พู๊ เออเต๊เห่ เฮ๊อ. เมฮู๊เนอเรอ โมลอ แคลูเน๊อ ซิปล่อซีเม เตเพร เร๊อ เตเพร นี๋. အခန်းကိုကြည့်ပါ။Eastern Kayah Shadaw Dialect22 ꤊꤢꤨꤔ꤫ꤢꤧ꤬ꤚꤣꤧ꤬ ꤘꤣ ꤞꤤ꤭ ꤡꤢꤨ꤭ꤢꤩ꤬ ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤤ꤬ꤞꤝꤢ ꤢ꤬ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤗꤢꤩ꤬ꤕꤜꤤ꤭ꤖꤥ ꤟꤣꤧ ꤞꤤ꤭ ꤞꤤꤕꤜꤢꤪ꤬ ꤚꤣꤧ꤬ ꤞꤤ꤭ ꤓꤝꤢ꤭ ꤟꤣꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤥ꤬ꤚꤣꤧ ꤗ꤫ꤢ꤬ꤔꤤꤔꤢꤧ꤬ ꤡꤣꤧꤟꤣꤧ ꤋꤚꤤꤖꤢꤨ ꤣꤧ꤭ꤒꤣꤧ꤬ꤟꤢꤩ꤬ ꤟꤣꤧ꤯ ꤗꤢꤩ꤬ꤟꤢꤨꤔꤣꤧ꤬ꤚꤣꤧ꤬ ꤗꤥ꤬ ꤜꤢꤪ꤭ꤞꤢꤨ꤬ꤜꤢꤪ꤭ꤞꤢꤩ ꤋꤛꤢ꤭ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤔꤤ꤮꤯ အခန်းကိုကြည့်ပါ။ |
เปโตร อาเหร่อเล๊อ ต๊าบ่า 1:22
51 ပူးပေါင်းရင်းမြစ်များ
แกแย เตเพรเพร เก่ เฮ๊ เน๊อ, “แว โม จอแปแหร่,” หม่าแน๊เรอ อา เก่ ซิเถ่ ปาแพ๊ อาโป่แหว่ ครี๊พู๊ เฮ๊เนอหม่า, อา หม่า แกแย แลโฮ แพ๊, เมเตเฮ๊เรอ อา แม๊เถอะน๊อ เจ๊อ อาโป่แหว่ ครี๊พู๊ เร๊อ อาเป๊เส่ เร๊อดื่อ เจ๊อ หม่าแน๊เรอ อา เก่ โมเร๊อ โต่ เฮ๊เนอหม่า, จอแปแหร่ เด๊อ อา แม๊เถอะน๊อ โตโพ๋ โต่, เออเตเพรเนอ, “แว โม จอแปแหร่,” อา จว๊า เฮ๊แจ่ ฮู๊เต?
ฮู๊เนอเรอ, เตเน แม๊มอ แลแค ครี๊ อาสุ่ย เออเนอ, อา เก่ เม โพ๊เมแปล่ บูโพ๊เล๊อ เจ๊อ เป เร๊อ เตเออเต๊เห่ ปา เจ๊อ. เด๊อ จอแปแหร่ อา แหย่โยบูโพ๊ โอ่เซอเพร ตูจูเพร อาขว่าอาคยา, ครี๊ หลู่แถ่เฮ๊อ อาเหน่กล่อ เด๊อ อาเตซื๊อ โอ่ เตอเจ๋อ โต่ เออ เด๊อ จอแปแหร่ อา โอ่ เฮ๊อ. แซ่ฮู๊ เป เก่ เม เป่ จอแปแหร่ เด๊อ อา เซอ เพร เออเตเพร อาเตเม อาเงเนอ, ครี๊ เก่ ซู๊ปลีแก เป ซิปล่อ เออเต๊เห่ เร๊อ เป เตเม เด๊อ อาบุ๊ยอาเตอเรอ โอ่เกออู โต่ เออเต๊เห่ เน๊อ อาสุ่ย ปา.
ฮู๊เนอเฮ๊อ ซี เด๊อ อา ทวา เมเต๊เห่ เนอเบ่เบ่, แด่หยว่า แลแค ซีซิปล่อ เด๊อ ซีเว เต๊เห่ อาเล นี๋. เด๊อ เหย่ซี อาเกลเนอ, อา เก่ หยื่อเอ่ เกออู จอแปแหร่ อาลาอาโหง่ โต่ เก่โอ่ เตเพรเพร เฮ๊เรอ, ซี เฮ๊ เป่ เจ๊อ เหย่ซี โหง่ ตือมื๋อ โต่ เบ่เบ่, เด๊อ ซี เตโอ่ซาแรฉ่าเผร่ ซีเหน่ อาขว่าอาคยา, อา เก่ อี๊หล่าอี๊ลอหนิ คยา เหย่ซี ซิปล่อ เร๊อ อา เก่ หยื่อเอ่แหน่ เกอ ครี๊ ปา.
เบ๊อะแว เถ่จว๊าแก เด๊อ มาซิโดเนียเก่ เบ๊อะเนอ, ฮู๊ แว นอโอ่ ตื๊อดื่อ โทเฮ๊อ เน เบ๊อะวีเอเฟซัส อากูเนอ, เร๊อ โอ่ ตื๊อดื่อ แฮเงโป่ โก๊หลื่อ เบ๊อะเนอ นี๋. แกแย โอ่ เบ๊อะเนอเต๊เห่ ย๋อ อิซว๊าอี๊แส่ อู เตอิซว๊าอี๊แส่ เด๊อ อาโร เร๊อ อาซื๊อ เต๊เห่ อาขว่าอาคยา, เน เบ่ เฮ๊ตาชอ เนโหง่ เน๊อ นอโอ่โก๊แก เหย่ซี อาเตอิซว๊าอี๊แส่ เนอเต๊เห่.
โป่แหว่ ซี๋, ซี หม่า แกแย เด๊อ แบ่เจ่ โมหนิเร๊อ ซีเต๊เห่ เร๊อ เป เบ่ เฮ๊บุ๊ยเฮ๊เตอเรอ จอแปแหร่ เด๊อ ซีเง ปว๋า โตโพ๊ เจ๊อ, เมเตเฮ๊เรอ แซ่ฮู๊ ซี เก่ พย๊าหนิ เกอ เตเมแลเปล๊กา อาเงเนอ, จอแปแหร่ นว๊าแถ่ หนื่ออื่อ โทเฮ๊อ ซี เด๊อ กูลู่เค ปาเนอ เจ๊อ เฮ๊อ. เด๊อ แหย่โยบูโพ๊ แบ่เจ่ เมบูโพ๊ เฮ๊อ ซี เร๊อ ซี หยื่อเอ่ เตหมะเตจ๊อ อาขว่าอาคยา, จอแปแหร่ เมแลเปล๊กา ซี เฮ๊อ.
ฮู๊เนอเร๊อ วีแก ลอปลี เตซิหย่อซิบี เด๊อ ซี เม โตโมโม อาเนอเต๊เห่ เร๊อ ล๋อ ซี เหล่โกล เด๊อ อา มู๊แหม่รีแจ่ เนอเต๊เห่. เร๊อ ถู่แหล่ เต๊เปล่ แลแค ซี ซิปล่อ เน๊อ หนิดา หยื่อเอ่ เกอ แลแค จอแปแหร่ อาลาอาโหง่ เด๊อ อา อิช๊ออิปลือตา เด๊อ ซี ซิปล่อกู เออเนอเต๊เห่. อาลาอาโหง่ เออเนอหมา อา เมแลเปล๊กา เบ๊แจ่ ซี.
ซิปล่อเซอเพร เออเต๊เห่ เนอหม่า หม่าเฮ๊อ เบ๊อะเพโนอาห์ เมแถ่ ส่อเกลอดุ มู๋ หนู่เค เร๊อ เบ๊อะจอแปแหร่ โอ่ป่อ ซิปล่อทูหนิ เป่ เหย่ซี เบ๊อะเนอ หม่าแน๊เรอ อา จูเอ่ เกอ ลูโหง่ โต่ เนอเต๊เห่ เฮ๊อ. เด๊อ ส่อเกลอดุ อากูเนอ แกแย โนหนิ ปีตี๊ แพ๊. ล๋อ จอแปแหร่ เมแลเปล๊กา เหย่ซี เร๊อ เทอ เนอหม่า อาโอ่ แพ๊ เพรลุยซว๊า แพ๊.
ကြော်ငြာတွေ