เปโตร อาเหร่อเล๊อ ต๊าบ่า 1:17 - ลีเทส่อพ๊าอาเซ เร๊อ เห่ขุทวาลู๊17 เบ๊อะซี กุยจ๊อเบแถ่ จอแปแหร่ เบ๊อะเนอ, “เพ” ซี เอ๊ แลแค ลู ฮู๊เนอ. แกแย ปว๋า เตเพร เมโทเฮ๊อ เตอิเตเต๋ เบ่เบ่ เนอ, จอแปแหร่ เมจากาคยา จ๊อจ๊อเตเต แพ๊, อา แม๊ดุแม๊ปีตี๊ โต่. ฮู๊เนอเรอ เบ๊อะซี โอ่เซอเพร ปา ฮู๊ ซิเผระ เด๊อ เห่ขุเออ เบ๊อะเนอ, โอ่เซอเพร แลแค เด๊อ เตซิอิเซ แด่หยื่อแด่แหน่ จอแปแหร่ อากู นี๋. အခန်းကိုကြည့်ပါ။Eastern Kayah Shadaw Dialect17 ꤙꤣꤧ ꤞꤤ꤭ ꤊꤝꤤ꤭ꤡꤢꤪꤙꤢꤩ꤭ꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤋꤢꤩ꤭ꤔꤣꤧ꤬, “ꤖꤢꤩ꤭” ꤞꤤ꤭ ꤢꤩ ꤜꤢ꤭ꤋꤢꤧ꤭ ꤜꤢꤨ꤭ ꤟꤢꤨꤔꤣꤧ꤬꤯ ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤗꤢꤩ꤬ꤓꤥ꤭ꤟꤣꤧ ꤒꤢꤩ꤬ꤤ꤭ꤒꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬ ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤡꤢ꤭ ꤡꤢꤪꤡꤢꤪꤒꤢꤩ꤬ꤒꤢꤩ꤬ ꤖꤢꤧ, ꤢ꤬ ꤗꤢꤧꤘꤢꤨ꤬ꤗꤢꤧꤕꤣꤧ꤬ꤒꤤ ꤒꤥ꤬꤯ ꤟꤢꤨꤔꤣꤧ꤬ꤚꤣꤧ꤬ ꤙꤣꤧ ꤞꤤ꤭ ꤥ꤬ꤞꤣꤧ꤭ꤖꤚꤢꤩ꤬ ꤕꤢ꤬ ꤟꤢꤨ ꤞꤤꤖꤚ꤫ꤢꤩ꤬ ꤘꤣ ꤟꤢꤩ꤬ꤋꤢꤨ꤬ꤣꤧ꤭ ꤢ꤬ꤋꤢꤩ꤭ꤔꤣꤧ꤬, ꤥ꤬ꤞꤣꤧ꤭ꤖꤚꤢꤩ꤬ ꤜꤢ꤭ꤋꤢꤧ꤭ ꤘꤣ ꤒꤢꤩ꤬ꤞꤤꤤ꤬ꤏꤢꤩ꤭ ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤢꤨ꤭ ꤔꤤ꤮꤯ အခန်းကိုကြည့်ပါ။ |
เปโตร อาเหร่อเล๊อ ต๊าบ่า 1:17
33 ပူးပေါင်းရင်းမြစ်များ
ฮู๊เนอเรอ, โคแบ๊ซว๊าโม ซี๋ เบ๊อะแว โอ่เต่อเกอ เร๊อ ซี เบ๊อะเนอ, ซี หนิดา แว โหง่, กู๊แหน่เออ แว โอ่ยา เร๊อ ซี อาขว่าอาคยา, ซี โตเบ่ หนิดา เล๊อ ปา เจ๊อ แวโหง่ เจ๊อ. แซ่ฮู๊ ซี เก่ เมเล๊อบาแถ่ เตเมแลเปล๊กา ซี อาเงเนอ, แอ๊จื๊อ เม แลแค เต เด๊อ เตแด่หยื่อแด่แหน่ จอแปแหร่ อากู, เร๊อ เม เต่อเกอดื่อ เร๊อ เตชิอิเช แตแนตากยา เจ๊อ อาเนอ นี๋.
โคแบ๊ซว๊า ซี๋, ล๊อ จอแปแหร่ อ๊อแล เต๊เห่ เนอหม่า เปเง ลอ เฮ๊อ. ฮู๊เนอเรอ, เป เก่ จว๊า ตาพาแก เร๊อ เปเหน่กล่อ อา เตซิหยื่อ มู๊แหม่รีแจ่ เต๊เห่ เร๊อ เป ซิปล่อ อา เตเตเน มู๊แหม่รีแจ่ เออเนอ เต๊เห่ โป๋. เร๊อ เด๊อ เป ซิอิเช แด่ซิแหน่ซิเตเร จอแปแหร่ เออ อาขว่าอาคยาเร๊อ เป เก่ ทวาแถ่ แลแค ดื่อ แกแย เด๊อ อา บูโพ๊ เต๊เห่ โป๋.
แว กุยจ๊อเบ ตื๊อดื่อปา เด๊อ เป แบ่เจ่ เหย่ซู่ครี๊ อา จอแปแหร่, หม่าเฮ๊อ เปเพ เด๊อ อาเตอเรอดุอาเตอเรอทู อาโพร อาเตอเรอ เออเตเพร อา โอ่. เร๊อ แซ่ฮู๊ ซี เก่ ซิเงแฮ ตาเต แร๊เล๊อโป่ จอแปแหร่ อาเงเนอ, แว กุยจ๊อเบ เร๊อ จอแปแหร่ อา แหย่โยบูโพ๊ เก่ เด๊อะ ซี เตลีแมลีเพ๊, เร๊อ อา เก่ เด๊อะโล เป่ ซี เร๊อ จอแปแหร่ ปา.
เร๊อ แกแย เด๊อ อู นอทวา เหย่ซี เร๊อ ทวาดุทวาเต เด๊อ เพรหยื่อเอ่ตู๊หมู่ตอกล๊อ อากู เต๊เห่ เนอหม่า, อา นอฉู่โนเล๊อ ฉู่โนตาลว๊า โป่ เร๊อ แว เตเฮ๊โฉ่โด่แน เออเนอเต๊เห่ เตอเจ๋อ โต่. อู เฮ๊ เร๊อ เหย่ซี หม่า ทวาดุทวาเต เด๊อ อามีลาดุ เจ๊อ เต๊เห่ หม่าแน๊เรอ แว ซิเง เร๊อ จอแปแหร่ เนอ อา แม๊ดุ แม๊ปีตี๊ เร๊อ อู เตเพร่ว โต่.
เหย่ซี นอจว๊า เต่อเกอ อา โคเจ่ เต๊เห่ เนอ คุ๊ยเฮโรด ตู๊หมู่ตอกล๊อ เต๊เห่ เด๊อ แบ่เจ่ อา โอ่ เร๊อ เหย่ซี จว๊าเฮ๊ แบ่เจ่ เน๊อ, “ซ๊าร๊าดุ, เป ซิเง เร๊อ เน หม่า แกแย จ๊อจื้อเจ๊อ เตเพร. เน อิซว๊า เจ๊อ อู ฮู๊ จอแปแหร่ ซิหยื่อ นอ โอ่ เซอเพร อู เนอเต๊เห่เจ๊อ. เน ด๋า อิซว๊าอี๊แส่ อู เฮ๊ เร๊อหม่า เน อิซว๊า เป่แพ๊ อู เตจ๊ออาเต แพ๊. แกแย เห่ขุพู๊ เต๊เห่ เตเน เจ๊อ เน ฮู๊ เต๋ เบ่เบ่, เน ซิอิเช เกอ อู เตอเจ๋อ โต่. เน แม๊ดุ แม๊ปีตี๊ เกออู โต่โต่.
หม่าแน๊เรอ, แด่หยื่อแด่แหน่ แลแค ครี๊ เด๊อ ซี ซิปล่อกู ฮู๊ ซี แบ่เจ่ เตเพรเนอ นี๋. อูเป เตเพร เบ่เบ่, อา เก่ แด๊เฮอ ซี เร๊อ ซี เตแม๊ชือ อาหรี่อาแก เฮ๊เนอ, แซ่ฮู๊ ซี เก่ เฮ๊ฉื่อแจ่ เป่ เกออู เร๊อ โอ่ตี๊หรี่แตแร หนื่ออื่อ แลแค ซีเหน่ ปว๋า โตโพ๊ นี๋. หม่าแน๊เรอ ตูรู๊ เฮ๊เบ่ ซิโดซิงา ฉื่อ เหย่ซี เร๊อ แด่ซิแหน่ซิเตเร เหย่ซี นี๋.
เพยาโคบ เฮ๊ฉื่อ ลู เน๊อ, “แว ทวาซิเผระ เร๊อ จว๊าโอ่ โต๊โผะ โท โต๊โผะ เบ๊อะ เห่ขุเออ เด๊อ อาหน่าหน่า อาเลเลกู เจ๊อ, แว โอ่ เฮ๊อ อาหน่า เตเย เน๊อ โซเซอ เฮ๊อ. แวหน่า ทู เกอ น๊อ อู โต่, โทเร๊อ อาแป่อาเช ลา. โท๊โต่ แวหน่า ทู ครื่อแนเล๊ เกอ เน๊อ แวเพอแวโพ ซี เด๊อ อา ทวาซิเผระ เร๊อ จว๊าโอ่ โต๊โผะ โท โต๊โผะ เบ๊อะ เห่ขุเออ เนอเต๊เห่ อาหน่า โต่.”
เด๊อ ซี ซิเปลซิหย่อ อาขว่าอาคยาเร๊อ จอแปแหร่ เม เป่ ซี ฮู๊เต เนอ, แม๊มอ แลแค! ซี ซิปล่อฉว่า เมแฮเฮ๊อ แลแค เตจ๊อเตเต เต๊เห่ เฮ๊อ, ซี ซิปล่อฉว่า เด๊อะโล เฮ๊อ ซี เมเต เด๊อ อาโต เต๊เห่ เฮ๊อ. ซี ซิปล่อดุ แฮเฮ๊อ แกแย เมเตซื๊อ เด๊อ ซีเกล เต๊เห่เนอ เฮ๊อ, ซี ซิอิเช แฮเฮ๊อ เร๊อ จอแปแหร่ เก่ เมจากาคยา ซี ปา เฮ๊อ. ซี ซิหยื่อ แม๊เถอะ คยาแซ๊ เป เฮ๊อ. ซี ซิปล่อฉว่า หนิดา เฮ๊อ โหง่ เร๊อ ซี เก่ เมจากาคยาเฮ๊อ แกแย เด๊อ อา เมซื๊อเต เนอเต๊เห่ เฮ๊อ. เด๊อ ซี เม แลแค เฮ๊อ ฮู๊เออ อาขว่าอาคยา, ซี เด๊อะโล เฮ๊อ เร๊อ กู๊แหน่เออ ซี เตซื๊อ โอ่ ปาโต่ เฮ๊อ.
ကြော်ငြာတွေ