เปโตร อาเหร่อเล๊อ ต๊าบ่า 1:10 - ลีเทส่อพ๊าอาเซ เร๊อ เห่ขุทวาลู๊

¹⁰ เมแลเปล๊กา อาหรี่อาแก เออเนอ, เพรโพร เต๊เห่ แม๊ปูซิเง เร๊อ แด๊เฮอ เจแม๊ ตาเต โท เฮ๊อ. โทเร๊อ เตบุ๊ยดุเตอเรอทู อาเชหยู่ เด๊อ จอแปแหร่ เก่ เด๊อะแล ซี ปา เออเนอ, เพรโพร เต๊เห่ เฮ๊โพร หนื่ออื่อ โทเฮ๊อ อาหรี่อาแก เฮ๊อ.

Eastern Kayah Shadaw Dialect

¹⁰ ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ꤔꤣꤧ꤬, ꤖꤚꤢꤩ꤬ꤖꤚꤥ꤬ ꤒꤣꤧ꤬ꤟꤢꤩ꤬ ꤗꤢꤧꤕꤢꤨ꤭ꤞꤤꤑꤢꤩ꤭ ꤚꤣꤧ꤬ ꤘꤣꤧꤟꤣꤧ꤭ ꤡꤢꤩ꤭ꤗꤢꤧ ꤒꤢ꤭ꤒꤢꤩ꤬ ꤓꤥ꤭ ꤟꤣꤧ꤯ ꤓꤥ꤭ꤚꤣꤧ꤬ ꤒꤢꤩ꤬ꤙꤝꤤꤒꤢꤩ꤬ꤒꤣꤧ꤬ꤚꤣꤧ꤭ ꤢ꤬ꤏꤢ꤭ꤛ꤫ꤢꤨ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧꤜꤢꤧ꤬ ꤞꤤ꤭ ꤕꤢ꤭ ꤣꤧ꤭ꤔꤣꤧ꤬, ꤖꤚꤢꤩ꤬ꤖꤚꤥ꤬ ꤒꤣꤧ꤬ꤟꤢꤩ꤬ ꤟꤢꤩꤖꤚꤥ꤬ ꤥ꤬ꤔꤢꤩ꤬ ꤓꤥ꤭ꤟꤣꤧ ꤢ꤬ꤚꤤ꤬ꤢ꤬ꤊꤢꤧ꤭ ꤟꤣꤧ꤯

เปโตร อาเหร่อเล๊อ ต๊าบ่า 1:10 ပူးပေါင်းရင်းမြစ်များ

มัทธิว 13:17

เมเตเฮ๊เรอ, แว เฮ๊จ๊อจ๊อ ซี, เพรโพร โอ่โหร่เอ๊ เน๊อ แกแยจ๊อแกแยเต โอ่โหร่เอ๊ ซีเต๊เห่ เหย่ซี ซิหยื่อ แม๊เถอะเกอ แลแค เต เด๊อ ซี แม๊เถอะ ตื๊อดื่อเรอ เหย่ซี แม๊เถอะน๊อ เกออู โต่. โท๊โต่ เหย่ซี ซิหยื่อ หนิโฮเกอ แลแค เต เด๊อ ซี หนิโฮ ตื๊อดื่อเรอ เหย่ซี หนิโฮน๊อ เกออู โต่.

ꤜꤢꤨꤊꤢ꤬ 10:24

แว เฮ๊ เป่ ซี, เพรโพร เร๊อ จ๊อแผ่ เด๊อ อา โอ่เซอเพร เด๋อ หนู่เค เต๊เห่เนอ, เหย่ซี ซิหยื่อ แม๊เถอะเกอ แลแค เต เด๊อ ซี แม๊เถอะ เออเนอเต๊เห่เนอ โอ่เอ๊ลา ตื๊อดื่อเรอ เหย่ซี แม๊เถอะน๊อ เกออู โต่. โท๊โต่ เหย่ซี ซิหยื่อ หนิโฮเกอ แลแค เต เด๊อ ซี หนิโฮ เนอเต๊เห่ ตื๊อดื่อเรอ เหย่ซี หนิโฮน๊อ เกออู โต่.”

เพรโด่แนพู๊ เต๊เห่ 7:52

ซี โหมะเพเพอโพ เด๋อ งย๊าเค เต๊เห่เนอ, อา เมจาเมจือ ลอ เพรโพร เต๊เห่ ปว๋า โตโพ๊ เจ๊อ. จอแปแหร่ อาแกแย เด๊อ อา แฮ เฮ๊โฉ่หนื่ออื่อ เป่ อู เร๊อ จอแปแหร่ อาหลู่เล๊ จ๊อเต เด๊อ อา เตเร แฮ ปา เออเตเพร อาหรี่อาแก เต๊เห่เนอ, ซี โหมะเพเพอโพ เต๊เห่ เมเซอแก โท เหย่ซี เฮ๊อ. กู๊แหน่เร๊อ ซี อิเชตาแก จอแปแหร่ อาหลู่เล๊ จ๊อเต เออเตเพร เฮ๊อ, โท๊โต่ ซี เมเซอแก เฮ๊อ ลู เฮ๊อ.

ꤛꤥ꤭ꤟꤢ꤬ 5:39

ซี แม๊ปูซิเง แลแค ลีเทส่อพ๊า เต๊เห่ เมเตเฮ๊เรอ ซี เตเน เร๊อ ซี เก่ แม๊เถอะ ซิปล่อเซอเพร ตูจูเพร เบ๊อะลี เออเนอเต๊เห่ อากู ปา. ลีเทส่อพ๊า เออเต๊เห่ เนอหม่า อา ข่าเฮ๊โล เป่เฮ๊อ ซิปล่อ เร๊อ แวหรี่แวแก เฮ๊อ.

ꤟꤤꤙꤚꤢꤨ 11:13

ล๋อ แกแย เด๊อ จอแปแหร่ อ๊อแล เด๊อ อา เก่ เด๊อะ ลู เออเต๊เห่เนอ อา หยื่อเอ่ ตื๊อดื่อหนิ จอแปแหร่ โต่ เจ๊อ เบ๊อะอา เซอ แลแค เนอเตอเนอ เจ๊อ. เต เด๊อ จอแปแหร่ อ๊อแลแก ลู เด๊อ อา เก่ เด๊อะ เหย่ซี เออเต๊เห่เนอ, อา พย๊าหนิ ล๋ายโต่, หม่าแน๊เรอ เหย่ซี แม๊เถอะ หนื่ออื่อ เหร่อ งย๋า ลาเฮ๊อ เร๊อ อา ซิครือ พย๊าฉื่อ หนื่ออื่อ เหร่อเฮ๊อ เตอ๊อแล เออเต๊เห่ เฮ๊อ. เหย่ซี อ๊อแล แลแค เร๊อ เหย่ซี หม่า อา จว๊า ทวา ซิเผระ เด๊อ อูเทออูเก่ แพ๊, เร๊อ เหย่ซี แฮ โอ่โก๊ล๊าเกอ เบ๊อะเห่ขุเออ แตแปล๊เตอเปลอฮู๊ แพ๊, อา เฮ๊ แลแค ฮู๊เนอ.

เพรโด่แนพู๊ เต๊เห่ 10:43

เพรโพร ปว๋า เตเพร แด๊โฉ่โด่แน หนื่ออื่อ โทเฮ๊อ อา อาหรี่อาแก เร๊อ เหย่ซี เฮ๊ เน๊อ, ‘ล๋อ แกแย เด๊อ อา หยื่อเอ่แลแค ลู เต๊เห่เนอ จอแปแหร่ เก่ ปลวาแก แฮเง เหย่ซี เตซื๊อ เร๊อ เหย่ซู่ อาคยา ปา,’” คูเปโตร เฮ๊ เป่ เหย่ซี ฮู๊เนอ.

ꤛꤥ꤭ꤟꤢ꤬ 7:52

เหย่ซี เฮ๊ฉื่อ ลู เน๊อ, “เน หม่า กาลิลี เก่พู๊ แพ๊แพ๊. แม๊ปู จว๊ารว๊า กาคยา คยาแซ๊ มอ ลีเทส่อพ๊า, เน เก่ แม๊เถอะ ซิเง เร๊อ เพรโพร เนอเตเพร โอ่แถ่ เด๊อ กาลิลีเก่ กูปา หม่าโต่.”

ꤜꤢꤨꤊꤢ꤬ 24:44

โทเรอ อา เฮ๊ เป่ เหย่ซี เน๊อ, “เบ๊อะแว โอ่เกอปา เร๊อ ซี เบ๊อะเนอ, ล๋อ อู ราโอ่ โทเฮ๊อ แวหรี่แวแก เด๊อ คูโมเสส อาลีกู เนอเต๊เห่ เบ่เบ่, เพรโพร ราโอ่แก เนอเต๊เห่ เบ่เบ่, เด๊อ ลีถู่เซ๊แถ่ อากู เนอเต๊เห่ เบ่เบ่, อา เบ่ เล๊อบาแถ่ ลอปลี ปว๋า เต๊อเจ่อ ปาเนอ, แว แด๊โฉ่โล เป่ โทลอเฮ๊อ ซี เฮ๊อ.”

มัทธิว 26:24

ฮู๊ ลีเทส่อพ๊า ราม๊าหนื่ออื่อ เร๊อ แกแย อาพู๊ หม่าเฮ๊อ แวเออ อา เบ่ เซอ แหน่ปา ตื๊อดื่อเรอ เตปย๊า เตหลู่ โอ่ เกอ ดื่อ แกแย เด๊อ อา เก่ อิเชตาแก แกแยพู๊คู เออเตเพรเนอ, จอแปแหร่ เก่เมจากาคยาลู ปา. อา เก่ โอ่เป๊เจ่แล โต่ เฮ๊เนอหม่า อาแร๊เล๊อ ปา เจ๊อ เด๊อ ลูเง เจ๊อ.”

เห่ขุทวาลู่ 49:10

อู เก่ พย๊าตาพาแก แจ่ปา คูยูดาห์ อาเตอเรอฉว่าชอแจ่ เตเพร่ว โต่. โท๊โต่ คุ๊ยอิแท๊โบ เนอ อา เก่ โอ่หม่าโอ่กลอ เด๊อ อากลุยอาลุ๊ย เต๊เห่ อากู๊ขู่กู ปา. เน เก่ เป๊อ โต่เด๊อ เมวเจ่อ เต๊เห่ พย๊าแฮ เป่ ลู เชหยู่ ปา. เร๊อ เมวเจ่อ เต๊เห่ เก่ แด่ดุหยื่อแหน่ ลอ เน ปา.

เปโตร อาเหร่อเล๊อ ต๊าบ่า 1:11

ครี๊ อา แหย่โยบูโพ๊ โอ่ เด๊อ เพรโพร เต๊เห่ อา ซิปล่อกู เร๊อ อา เฮ๊หนื่ออื่อ เร๊อ ครี๊ อาหรี่อาแก เร๊อ อา เก่ ข่าเบ่เหร่อ เตจาเตจือ เต๊เห่ ปา. โทเร๊อ เตเตอเรอดุเตอเรอทู เต๊เห่ เก่ แฮเนอ เด๊อ คยา ปา, เหย่ซี แม๊ปู ซิเง แลแค เร๊อ ม๊อเนอ ตาโต ตาเบ่ เก่ เบ่ เบ๊อะเกเต ปา, โทเร๊อ อา เก่ เม อาเหน่ ฮู๊เต ปา ฮู๊เนอ.

เพรโด่แนพู๊ เต๊เห่ 17:11

แกแยยิวพู๊ โอ่ เบ๊อะวีเบโรอา เต๊เห่เนอ อา ซิปล่อทู แม๊เถอะ ยาเล๊อ เร๊อ วีเธสะโลนิกา ซีเต๊เห่. เหย่ซี หนิดา ฉ่าเผร่ ฉ่าอ่อ แหน่เจ๊อ เตหรี่เตแก เด๊อ เตซิปล่อฉว่า อากูเจ๊อ. โทเร๊อ แซ่ฮู๊ เหย่ซี เก่ ซิเง ตาเต เร๊อ คูเปาโล อา เตเฮ๊เบ่ เออเนอหม่า, อาหม่า แอ? หม่า หม่าโต่ แอเนอ? เร๊อ อา แม๊ปูซิเง แลแค เจ๊อ ลีเทส่อพ๊า ปวาเนอเนอ ปวาเซเซ เจ๊อ.

ꤟꤤꤙꤚꤢꤨ 11:40

เมเตเฮ๊เร๊อ เต เด๊อ อาแร๊เล๊อ เน๊อ เออเต๊เห่เนอ, จอแปแหร่ เซเรหนื่ออื่อ เป่ โทเฮ๊อ เด๊อ เปเง เร๊อ อา เก่ เด๊อ เน๊อ เป ปา. จอแปแหร่ แด่แล โทเฮ๊อ อาซิปล่อ เน๊อ เป โตเบ่ โน โอ่ป่า เต่อเกอ เน๊อ แกแย มู๋ หนู่เค เต๊เห่. อา เตเตเนหนื่ออื่อ เนอหม่า หม่าเฮ๊อ เป เก่ เมเล๊อเมบา เต่อโหร่เกอ เน๊อ เหย่ซี เออเนอเฮ๊อ.

เพรโด่แนพู๊ เต๊เห่ 28:23

ฮู๊เนอเรอ เหย่ซี เฮ๊โอ่ ลู ม๊อเนอม๊อเซ เด๊อ อา เก่ แม๊เถอะ ตาฉื่อ คยาแซ๊ เร๊อ คูเปาโล เร๊อ เบ๊อะเหย่ซี เฮ๊โอ่ ลู เนอเตอเนอเนอ, แกแยยิวพู๊ เต๊เห่ แฮ แลแค เบ๊อะคูเปาโล โอ่ เกอเร๊อ หี่ เนอเตเม อากู, เร๊อ เหย่ซี แฮโหร่ เอ๊เล๊อ เจ๊อ เน๊อ เด๊อ อาเหร่อเค เนอตื๊อหื่อ เจ๊อ. เร๊อ คูเปาโล เป๊อแถ่ เฮ๊โฉ่โด่แนโล เป่ เหย่ซี เร๊อ จอแปแหร่ อาเทออาเก่ อาหรี่อาแก เร๊อ อาข่าเฮ๊โล หนิ อาหรี่อาแก เด๊อ เหมาะลี โต่ เจ๊อ เด๊อ เหมาะคี๊ เจ๊อ. แซ่ฮู๊ เหย่ซี เก่ หยื่อเอ่ เหย่ซู่ อาหรี่อาแก เอออาเงเนอเร๊อ, อา แอ๊จื๊อ เฮ๊โฉ่ซิเงโปล เป่ เหย่ซี เร๊อ คูโมเสส อา เตซว๊าเตแส่ เนอเต๊เห่ เน๊อ เพรโพรเฮ๊หนื่ออื่อ เนอเต๊เห่.

เปโตร อาเหร่อเล๊อ ต๊าบ่า 1:13

เมฮู๊เนอเรอ ตี๊หรี่แตแร หนื่ออื่อ แลแค ซี เหล่เตเน เต๊เห่ เด๊อ ซี เหล่แรเต อาเงเนอ. จ่าฉ่าเผระ แลแค ซีเหน่ เร๊อ แด่แถ่ แลแค ซี เตแม๊ชือ เด๊อ เตบุ๊ยดุเตอเรอทู เด๊อ จอแปแหร่ เก่ เด๊อะ ซี ช๋า เหย่ซู่ครี๊ เก่ แฮ คยาแซ๊ ปา เออ อาลูเน๊อ.