ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:4 - ลีเทส่อพ๊าอาเซ เร๊อ เห่ขุทวาลู๊

⁴ เมเตเฮ๊เรอ จอแปแหร่ อาพู๊ ปว๋า เตเพร เนอ อา เมเป่ ลอ เฮ๊อ เห่ขุ เหล่โกล มู๊แหม่ เต๊เห่เฮ๊อ. เป เมเป่ เห่ขุ เหล่โกล มู๊แหม่ เต๊เห่ เร๊อ เป เตหยื่อเตแหน่ อาคยา เฮ๊อ.

Eastern Kayah Shadaw Dialect

⁴ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤔꤣꤧ꤬ ꤢ꤬ ꤗꤢꤩ꤬ꤕ꤫ꤢꤩ꤬ ꤜꤢꤪ꤭ ꤟꤣꤧ ꤟꤢꤩ꤬ꤋꤢꤨ꤬ ꤜ꤫ꤢꤩ꤬ꤊꤜꤥ꤭ ꤗꤢꤨꤗ꤫ꤢꤧ꤬ ꤒꤣꤧ꤬ꤟꤢꤩ꤬ꤟꤣꤧ꤯ ꤕꤢꤩ꤬ ꤗꤢꤩ꤬ꤕ꤫ꤢꤩ꤬ ꤟꤢꤩ꤬ꤋꤢꤨ꤬ ꤜ꤫ꤢꤩ꤬ꤊꤜꤥ꤭ ꤗꤢꤨꤗ꤫ꤢꤧ꤬ ꤒꤣꤧ꤬ꤟꤢꤩ꤬ ꤔꤢꤧ ꤕꤢꤩ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤢ꤬ꤋꤛꤢ꤭ ꤟꤣꤧ꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:4 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 15:57

หม่าแน๊เรอ เป เฮ๊บุ๊ยเฮ๊เตอเรอ จอแปแหร่ โกโน๋ โต่, เด๊อ แบ่เจ่ เหย่ซู่ครี๊ เมเป่ โทเฮ๊อ เต เด๊อ เปเง อาขว่าอาคยา, จอแปแหร่ เด๊อ เฮ๊อ เป เตเมเป่ เตซื๊อ อา เตอเรอฉว่าชอ เร๊อ เตเซอ อา เตอเรอฉว่าชอ เออเต๊เห่ เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:4

หม่าแน๊เรอ พู๊เลอ ซี๋, ซี หม่า จอแปแหร่ อาแกแย เต๊เห่ เร๊อ ซี เมเป่แก เฮ๊อ เพรโพร อาก่าอาแปล เต๊เห่ เฮ๊อ, เมเตเฮ๊เรอ จอแปแหร่โอ่ เด๊อ ซีเหน่กู เออเตเพรเนอ อาดุ เล๊อ เจ๊อ เร๊อ โลเน๊มู๊แหม่รีแจ่ กู่กล๊อ เด๊อ อา โอ่เต่อเกอ เร๊อ แกแยเห่ขุพู๊ เด๊อ อา เม เตจ๊อเตเต โต่ เนอเต๊เห่ อากู เออโตโด เนอ เจ๊อ.

ꤛꤥ꤭ꤟꤢ꤬ 16:33

“แซ่ฮู๊ ซี เก่ พย๊าหนิ เตซิปล่อ ตู๊จู่เตอเจ๊อ อาเงเนอ, แว เฮ๊ เป่ โท ลอ เฮ๊อ ซี ล๋อ เออเต๊เห่ เฮ๊อ. เด๊อ ซี ทวาแถ่เฮ๊อ เตเตอเจ๊ออู แพ๊ เร๊อ แว อาขว่าอาคยา, ซี พย๊าหนิเฮ๊อ ซิปล่อ อา เตตู๊จุเตอเจ๊อ เฮ๊อ. เด๊อ เห่ขุ เออเนอ, ซี เก่ แม๊เถอะเบ่ เร๊อ เตแป่เตเช เตจาเตจือ ปา, หม่าแน๊เรอ แด่ฉว่าแด่ชอ แลแค ซี ซิปล่อ นี๋. แว เมเป่ โทเฮ๊อ เห่ขุ อา เตอเรอฉว่าชอ เออเต๊เห่ เฮ๊อ.”

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:9

อูเป๋ เตเพร เบ่เบ่, อา เก่ ทวาเฮ๊อ จอแปแหร่ อาพู๊อาเลอ เฮ๊เนอ, อา เม แฮเง ปา เตซื๊อเตปล๊า โต่, เมเตเฮ๊เรอ เตโอ่เซอเพร อาเซ เด๊อ จอแปแหร่ เด๊อ เออเนอ อา โอ่กลอช๊อหม่าเฮ๊อ เด๊อ ลูเหน่กู เฮ๊อ. เร๊อ จอแปแหร่ หม่า อาเพ เฮ๊อ อาขว่าอาคยา, อา เม แฮเงแจ่ ปา เตซื๊อเตปล๊า โต่.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:5

อูเป เตเพร เก่ เมเป่เบ๊ เห่ขุ อาเหล่โกล มู๊แหม่ เออเต๊เห่ เป? ตื๊อแพ๊ แกแย เด๊อ อา หยื่อเอ่ เร๊อ เหย่ซู่ เนอหม่า จอแปแหร่ อาพู๊คู เตเพร เนอเต๊เห่ เก่ เมเป่ ปา.

เตเด๊อะโลแถ่ 3:21

“แว เมเป่ โทเฮ๊อ เร๊อ แว โอ่แนหนิ เต่อเกอ เฮ๊อ เร๊อ แวเพ เด๊อ กู่แกล๊เท แถ่โล อาขุ เฮ๊อ. ฮู๊เนอเรอ แกแย เด๊อ อา เมเป่เต เต๊เห่เนอ, แว เก่ นอโอ่แนโอ่ เต่อเกอ เหย่ซี เร๊อ แว เด๊อ แว กู่แกล๊เท แถ่โล อาขุ เออเนอ ปา.

เตเด๊อะโลแถ่ 12:11

เป โป่แหว่ เต๊เห่เนอ, เด๊อ ซิหมิพู๊ อาสุ่ย อาขว่าอาคยา เร๊อ เหย่ซี แด๊โฉ่โด่แน เป่ อู จอแปแหร่ อาลาอาโหง่ อาขว่าอาคยาเร๊อ, เหย่ซี เมเป่แก เฮ๊อ โลเน๊มู๊แหม่รีแจ่ กู่กล๊อ เฮ๊อ. เหย่ซี แม๊เถอะเบ่ เจ๊อ เร๊อ เตเซอ เบ่เบ่, อา ซิโล เกอเร๊อ อา ซิปล่อเซอเพร โต่.

เตเด๊อะโลแถ่ 3:5

แกแย เด๊อ อา เมเป่เต เต๊เห่เนอ อู เก่ เด๊อะกือเด๊อะแซ๊ แถ่เกอดื่อ เหย่ซี เร๊อ เห่อบูจาโพ๊ ฮู๊เออเนอ ปา. โทเรอ อามุย เด๊อ อา โอ่ เด๊อ ลีเซอเพร อากู เออเต๊เห่เนอ, แว ทื๊อปลีแก ลู โต่โต่. เด๊อ แวเพ เร๊อ อา ม๊อขุเตเน่วพู๊ เต๊เห่ อา เป๊เส่เง ปาเนอ, แว เก่ แด๊โฉ่โลแถ่โปล เป่ เหย่ซี เออเต๊เห่เนอ เนอ, เหย่ซี หม่า แวแกแย แพ๊, ฮู๊เนอ ปา.

เตเด๊อะโลแถ่ 2:11

“เน กู๊หลิโกะ เก่ โอ่ เร๊อ หนิดา เต เด๊อ จอแปแหร่ อา แหย่โยบูโพ๊ แด๊โฉ่ เพรหยื่อเอ่ตู๊หมู่ตอกล๊อ เออเต๊เห่เนอ. แกแย เด๊อ อา เมเป่เต เต๊เห่เนอ อา ข่าเบ่ ปา เด๊อ แหย่โย ตากยา อาเตเซอ ตูจูเพร เออเนอ โต่ เฮ๊อ.”

เตเด๊อะโลแถ่ 3:12

แกแย เด๊อ อา เมเป่ เตเนอ, แว เก่ เด๊อะทวาแถ่ อา เร๊อ แว จอแปแหร่ อา เตหลู่เเตโฮ อาอี๊ถื่อ ปา, โทเรอ อา เก่ โอ่ ตื๊อดื่อลา เบ๊อะเนอ ปา. แว เก่ ราโอ่หนิ แว จอแปแหร่ อามุย เด๊อ อาลู ปา. โทเรอ แว เก่ ราโอ่ แว จอแปแหร่ อาวี หม่าดื่อ เยรูซาเล็ม วีเซ อามุย เออเนอ เด๊อ อาลู ปา. เยรูซาเล็ม วีเซ เออเนอ, อา โอ่ เด๊อ ม๊อขุ เด๊อ แว จอแปแหร่ อาโอ่ เร๊อ อา แฮแล. เร๊อ แว เก่ ราโอ่เกอ แว มุยเซ เด๊อ อาลู ปา.

เตเด๊อะโลแถ่ 2:26

“อูเปเป๋ เบ่เบ่ เด๊อ อา เมเป่เต เร๊อ อา เก่ เม แฮเง โต่เด๊อ อาตื๊อดื่อ ฮู๊ แว เตซิหยื่อ โอ่เนอ เฮ๊เนอหม่า, แว เก่ เด๊อะ ลู เตอเรอฉว่าชอ เด๊อ อาแซ่เน๊อ แว พย๊าหนิ เด๊อ แวเพ อาโอ่ เนอเต๊เห่ ปา. ‘แว เก่ เด๊อะ ลู เตอเรอฉว่าชอ เด๊อ อา เก่ เป๊อ เทอเก่ เต๊เห่ เร๊อ อิปอ ต่อเท๊ ปา, เร๊อ อา เก่ ด่อหมื่อ ลอ เหย่ซี ฮู๊ อู ด่อหมื่อ ดีปอเห่ เนอ ปา.’

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:1

อูเป๋ เตเพร เบ่เบ่ อา เก่ หยื่อเอ่ เร๊อ เหย่ซู่ หม่า ครี๊ เฮ๊เนอ, อา ทวาเฮ๊อ จอแปแหร่ อาพู๊อาเลอ เตเพรเฮ๊อ, โท๊โต่ อูเป๋ เตเพร เบ่เบ่ อา เก่ โมเร๊อ เพ เนอหม่า, อา โมเร๊อ เกอดื่อเฮ๊อ อาพู๊อาเลอ เต๊เห่ เฮ๊อ.

เตเด๊อะโลแถ่ 15:2

แว แม๊เถอะ เต เด๊อ อาแซ่เน๊อ เทอดุซาวา เด๊อ อาเช๊อเกอเล๊อ ซีแล๊ เต่อเร๊อ หมิ โอ่ ต๊ออ่อ. แว แม๊เถอะโป่ แกแย เต๊เห่ เด๊อ อา เมเป่ เตมีเตแหม่ เออโตโด เร๊อ อาเตแหย่โย, เร๊อ อาลีปล่อ แด๊ม๊า เยโซซว๊า เร๊อ เชอโซซว๊า เร๊อ โซซว๊า เนอโตโด. เหย่ซี ก๊อถ่อโอ่ เด๊อ เทอดุซาวา อาเช๊อเกอเล๊อ เออ อาทือ เนอ, เร๊อ อา ปื่อหม่าหนิ แลแค ติ เด๊อ จอแปแหร่ เด๊อะ เหย่ซี เนอเต๊เห่.

เตเด๊อะโลแถ่ 2:7

“เน กู๊หลิโกะ เก่ โอ่ เร๊อ หนิดา เต เด๊อ จอแปแหร่ อา แหย่โยบูโพ๊ แด๊โฉ่ เพรหยื่อเอ่ตู๊หมู่ตอกล๊อ เออเต๊เห่เนอ. แกแย เด๊อ อา เมเป่เต เตเพรเนอ, แว เก่ เด๊อะ อา เตอเรอฉว่าชอ เด๊อ อา เก่ โนเอ่หนิ ส่อเซอเพร อาเส่ เด๊อ อา เด๊ออู ซิปล่อเซอเพร เออเนอ ต๊อเสาะ ปา. ส่อเออ ต๊อเสาะเนอ อา แด๊ เด๊อ จอแปแหร่ อา เตเร๊กู เด๊อ อู เอ๊ เร๊อ บรมสุขเกษม อากูเนอ ปา.”

เตเด๊อะโลแถ่ 2:17

“เน กู๊หลิโกะ เก่ โอ่ เร๊อ หนิดา เต เด๊อ จอแปแหร่ อา แหย่โยบูโพ๊ แด๊โฉ่ เพรหยื่อเอ่ตู๊หมู่ตอกล๊อ เออเต๊เห่เนอ. อา เฮ๊ ฮู๊เตเฮ๊เร๊อ, ล๋อ แกแย เด๊อ อา เมเป่ เต เต๊เห่เนอ แว เก่ เด๊อะ อา ค๊อมูมานา เด๊อ อู แด่โอ๊ อา เออเนอต๊อกล่อ ปา. โทเรอ แว เก่ เด๊อะ เหย่ซี หล่อบู เตเพร เตเม ปา, เร๊อ อู ราโอ่ มุยเซ เด๊อ อาลู เออเนอ ปา. มุยเซ เออเนอ อู ซิเง อา เตเพร่ว โต่, ซิเง ตื๊อแพ๊ แกแย เด๊อ อา พย๊าหนิ หล่อเออเนอ เตเพรเพร่ว แพ๊.”

ꤛꤥ꤭ꤟꤢ꤬ 1:13

เหย่ซี ทวาแถ่ แจ่ จอแปแหร่ อา พู๊เหมาะ พู๊คู ฮู๊ แกแย เหล่โกล กาโอ่เป๊เจ่แล เกอเร๊อดื่อเนอ หม่าโต่. หม่าโต่เรอ ฮู๊ สุ่ยเทอ พ๊า หย่า พู๊โอ่หนิ ฮู๊เนอ เต๊เห่ หม่าโต่. โทเรอ ฮู๊ โหมะเพ โอ่เมอเต่อลู เร๊อ อาพู๊ โอ่ เกอเร๊อดื่อ เนอ หม่าโต่โต่. หม่าดื่อ เหย่ซี ทวาแถ่ แจ่ จอแปแหร่ อา พู๊ ฮู๊ จอแปแหร่ อาซิปล่อ โอ่เกอ เร๊อดื่อ เนอแพ๊.

ꤛꤥ꤭ꤟꤢ꤬ 3:3

เหย่ซู่ เฮ๊ฉื่อ ลู เน๊อ, “แว แด๊โฉ่จ๊อจ๊อ เน, แกแย เด๊อ อา โอ่เป๊เจ่แลเซเต๊เปล่ คยาแซ๊ ตื๊อหื่อ โต่ เต๊เห่เนอ, อา แม๊เถอะเบ๊ จอแปแหร่ อาเทออาเก่ เตเพร่ว โต่.”

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:29

ซี ซิเง เร๊อ ครี๊ หม่า แกแยจ๊อแกแยเต เตเพร. ฮู๊เนอเรอ ซี โตเบ่ ซิเง เร๊อ แกแย เด๊อ อา เมโตเตเต๊เห่ เนอหม่า, หม่าเฮ๊อ จอแปแหร่ อาพู๊อาเลอ เต๊เห่ เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:18

เป ซิเง เร๊อ จอแปแหร่ อาพู๊อาเลอ เต๊เห่ เนอหม่า, อา เม แฮเงลา ปา เตซื๊อเตปล๊า แตแค๋โต่. เมเตเฮ๊เร๊อ จอแปแหร่ อาพู๊คู เหย่ซู่ เออเนอ อา ตอกอเตเก ตาตือ เกอ เร๊อ เหย่ซี เร๊อ โลเน๊มู๊แหม่รีแจ่ กู่กล๊อ เด๊อ อา เม เตมู๊แหม่ เออเนอโตโดเนอ อา เมเบ่เชแจ่ เหย่ซี โต่.