ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:11 - ลีเทส่อพ๊าอาเซ เร๊อ เห่ขุทวาลู๊

¹¹ เร๊อ เตข่าเฮ๊โล หม่า อิเตเต๊ เฮ๊เรอ, จอแปแหร่ เด๊อะแล เป่ เป เตเซอเพร ตูจูเพร แตแลเคร๊ เร๊อ เตเซอเพร อา แก่ช๊าแก่แร เออเนอหมา อา โอ่ เด๊อ อาพู๊คู อากู เนอ.

Eastern Kayah Shadaw Dialect

¹¹ ꤚꤣꤧ꤬ ꤒꤢꤩ꤬ꤋꤢꤧꤟꤢꤩꤏꤥ꤬ꤜꤥ꤭ꤒꤢꤩ꤬ ꤗꤢ꤬ ꤤ꤭ꤒꤢꤩ꤭ꤒꤢꤩ꤭ ꤟꤢꤩꤚꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤜꤢꤧ꤬ ꤕ꤫ꤢꤩ꤬ ꤕꤢꤩ꤬ ꤒꤢꤩ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤒꤣꤧ꤬ꤜꤢꤧ꤬ꤋꤚꤢꤩ ꤚꤣꤧ꤬ ꤒꤢꤩ꤬ꤞꤣꤧ꤭ꤖꤚꤢꤩ꤬ ꤢ꤬ ꤊꤢꤧ꤭ꤏꤢꤊꤢꤧ꤭ꤚꤢꤧ꤬ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤥ꤬ ꤘꤣ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤢ꤬ꤊꤢꤨ꤭ ꤔꤣꤧ꤬꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:11 ပူးပေါင်းရင်းမြစ်များ

ꤚꤥꤗꤢꤩ꤬ 6:23

เมเตเฮ๊เรอ, เตซื๊อ อาคว๊าอาเก่ หม่า เตเซอ. หม่าแน๊เรอ เตบุ๊ยเตเตอเรอ อาเชหยู่ เด๊อ จอแปแหร่ เด๊อะตาครา เป เออเนอหมา หม่าเฮ๊อ ซิปล่อเซอเพร ตูจูเพร เด๊อ เป แบ่เจ่ เหย่ซู่ครี๊ อากู เออเนอเฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:25

โทเร๊อ ครี๊ อาแหน่แบ่เจ่ เร๊อดื่อ อา อ๊อแล เร๊อ อา เก่ เด๊อ เป ปาเนอหม่า หม่าเฮ๊อ เตเซอเพร ตูจูเพร แตแลเคร๊ เออเนอเฮ๊อ.

ꤛꤥ꤭ꤟꤢ꤬ 3:36

แกแย เด๊อ อา หยื่อเอ่แหน่ พู๊คู เออเตเพร เต๊เห่เนอ, อา พย๊าหนิ ซิปล่อเซอเพร ตูจูเพร. เร๊อ แกแย เด๊อ อา หนิดา เกออู โต่ เร๊อ อา หยื่อเอ่แหน่ เกออู พู๊คูเออ โต่ เต๊เห่เนอ, อา พย๊าหนิ เกออู ซิปล่อเซอเพรโต่. จอแปแหร่ อาเต เมจากาคยา ตาโอ่ เด๊อ แกแย เนอเต๊เห่ อาลู.”

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:20

แซ่ฮู๊ เป เก่ ซิเง เกอดื่อ อู จอแปแหร่ เด๊อ อาโต เออเตเพรเนอ, เป ซิเงเฮ๊อ เร๊อ จอแปแหร่ อาพู๊คูเออ แฮ เด๊อะ ซิเงโปล เป่ เฮ๊อ. เป เฮ๊อ. เป โอ่ เด๊อ จอแปแหร่ เด๊อ อาโต เออเตเพร เร๊อ อาพู๊คู เหย่ซู่ครี๊ เออเตเพร อากู เฮ๊อ. อา หม่า จอแปแหร่ เด๊อ อาโต เตเพร, โท๊โต่ จอแปแหร่ เด๊อ อา เด๊อะ อู ซิปล่อเซอเพร ตูจูเพร เตเพร.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:9

จอแปแหร่ โมเร๊อ เป บ๋า เตเนอ อา เด๊อะโล เป่ เฮ๊อ เป เร๊อ อา นอแฮแล อาพู๊คู เด๊อ อา โอ่ ตื๊อ เตเพรเพร่ว เออเนอแพ๊ เด๊อ เห่ขุ เออเนอ เฮ๊อ. แซ่ฮู๊ เป เก่ พย๊าหนิ เกอ แฮเง ซิปล่อเซอเพร เด๊อ อาพู๊คู อาโอ่ เออเนอ เร๊อ, อา นอแฮ เป่ เฮ๊อ เป เฮ๊อ.

ꤛꤥ꤭ꤟꤢ꤬ 1:4

อา หม่า เตเซอเพร อา แก่ช๊าแก่แร เร๊อ เตเซอเพร เออเนอ อา เด๊อะ เตลี เด๊อ อู ปว๋า เตเพร อาเง.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:10

ฮู๊เนอเรอ แกแย เด๊อ อา หยื่อเอ่ จอแปแหร่ อาพู๊คู เออเต๊เห่เนอ, อา ซิเง ตาเต เจ๊อ เร๊อ จอแปแหร่ ข่าเฮ๊โล เออเนอหม่า อาโต หม่าแหน่ เจ๊อ. หม่าแน๊เรอ แกแย เด๊อ อา หยื่อเอ่ จอแปแหร่ โต่ เต๊เห่เนอ, อา เฮ๊ จอแปแหร่ เร๊อ แกแย แลโฮ, เมเตเฮ๊เรอ เด๊อ อา หยื่อเอ่ เกอ จอแปแหร่ ข่าเฮ๊โล เร๊อ อาพู๊คู อาหรี่อาแก เออเนอ โต่ อาขว่าอาคยา, อา เฮ๊ แลแค ฮู๊เนอ แพ๊.

ꤛꤥ꤭ꤟꤢ꤬ 19:35

แกแย เด๊อ อา แม๊เถอะ อา ทวาแถ่ ฮู๊เออ เตเพรเนอ อา แด๊โฉ่โล เป่ อู. เร๊อ อา แด๊โฉ่ โลโตตื้อ เป่ อู แพ๊. อา ซิเง ตาเต เกอเร๊อ เนอ อา เฮ๊ เออเนอหม่า อาจ๊ออาเต แพ๊. แซ่ฮู๊ ซี เก่ หยื่อเอ่ เกออู เนอ, อา แด๊โฉ่โล เป่ ซี แพ๊.

ꤛꤥ꤭ꤟꤢ꤬ 10:28

แว เด๊อะ เหย่ซี ซิปล่อเซอเพร ตูจูเพร. อา เก่ เซอ ปา โตโพ๋ โต่. อู แฮ จุ่ยเถ่ แจ่ ปา เหย่ซี เด๊อ แว กู๊ยากู เตเพร่ว โต่.

ꤛꤥ꤭ꤟꤢ꤬ 6:68

คูซีโมน เปโตร เฮ๊ กาคยาฉื่อ ลู เน๊อ, “แบ่เจ่, เป เตเร จว๊าโต เกอ อูเป? เตอิซว๊าอี๊แส่ เด๊อ อา เด๊อะ เป ซิปล่อเซอเพร ตูจูเพร เนอ อา โอ่ แพ๊ดื่อ เด๊อ เนโอ่ แพ๊.

ꤛꤥ꤭ꤟꤢ꤬ 5:26

ฮู๊ แวเพ โอ่ดื่อ เร๊อ อา เตอเรอฉว่าชอ เด๊อ อา เด๊อะ แจ่ อู ซิปล่อเซอเพร เน๊อ, เพเออ อา เด๊อะ เกอเฮ๊อ อาพู๊คูเออ อา เตอเรอฉว่าชอ เด๊อ อา เด๊อะ อู ซิปล่อเซอเพร เฮ๊อ.

ꤛꤢꤨꤘꤢ꤬ 1:21

เบ๊อะซี โอ่ป่อแม๊ชือ แบ่เจ่ เหย่ซู่ครี๊ อา เตซิยอ เด๊อ อา เก่ เด๊อะ เป ซิปล่อเซอเพร ตูจูเพร เออเตเพร เก่ แฮ เบ๊อะเนอปาเนอ, โอ่หม่าโอ่กลอ แลแค เด๊อ จอแปแหร่ อาเตโม อากู นี๋.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:7

เตข่าเฮ๊โล เนอหม่า อา โอ่ โซเจ่อ.

ꤒꤤꤒꤢꤨ 1:2

เตจ๊ออาเต เออเนอ อา เด๊อ เหย่ซี เตแม๊ซื๊อ เด๊อ เหย่ซี เก่ พย๊าหนิ ซิปล่อเซอเพร ตูจูเพร ตาเลเคร๊ อาเง เฮ๊อ. เบ๊อะเห่ขุ โอ่ทวาแถ่ แต่ล๋ายโต่ เบ๊อะเนอ, จอแปแหร่ เด๊อ อา แลโฮน๊อ แตแค๋ โต่ เออเตเพรเนอ, อา อ๊อแล หนื่ออื่อ โทเฮ๊อ เร๊อ อา เก่ เด๊อะ เป เตเซอเพร เออเนอ เฮ๊อ.

ทิโมธี อาเหร่อเล๊อ ต๊าบ่า 1:16

หม่าแน๊เรอ แซ่ฮู๊ จอแปแหร่ เก่ เด๊อะโลแถ่ แบ่เจ่ เหย่ซู่ครี๊ อา เตแด่ทูซิปล่อ อาเล๊ออาบา เด๊อ แวโอ่ อาเงเนอ, อา ซิยอเกอเร๊อ แว. เมเตเฮ๊เรอ แว หม่า แกแย เด๊อ อา เมเตซื๊อ ดุเล๊ออูโร เตเพร เฮ๊อ. แซ่ฮู๊ แว เก่ ทวาแถ่ เป่ อู เหล่แม๊บือ เด๊อ เพรหยื่อกา อา เด๊อคยา เต๊เห่ อาเง, โทเรอ แซ่ฮู๊ เหย่ซี เก่ พย๊าหนิเกอ ซิปล่อเซอเพร ตูจูเพร ตาแลเคร๊ อาเง เนอเรอ จอแปแหร่ ซิยอเกอเร๊อ แว แพ๊.

ꤛꤥ꤭ꤟꤢ꤬ 14:6

เร๊อ แบ่เจ่ เหย่ซู่ เฮ๊ฉื่อ ลู เน๊อ, “แว หม่า แกล๊ เน๊อ เตหม่า เตจ๊อ เร๊อ เตเซอเพร เฮ๊อ. แว ทวา เป่เฮ๊อ อู แกล๊จว๊า เด๊อ เพ อา โอ่ อาขว่าอาคยา, อูเปเป๋ เบ่เบ่, อา เก่ จว๊า เต่อ เร๊อ แว โต่ เฮ๊เนอ, อา จว๊าโต่ แจ่ เด๊อ เพ อา โอ่ เตเพร่ว โต่.

ยอห์น โซบ่า ต๊าบ่า 1:12

อู ถู่เซ๊ ลอปลี เจ๊อ คูเดเมตริอัสเจ๊อ. เตหมะเตจ๊อ ข่าเฮ๊โล เจ๊อดื่อ เร๊อ อา แร๊ อาหรี่อาแก เจ๊อ. แว ถู่เซ๊ เกอเร๊อ เกอ ดื่อ อา อาหรี่อาแก, เร๊อ เน ซิเง เร๊อ เป เฮ๊เออ เนอหม่า อาจ๊ออาเต แพ๊.

ꤛꤥ꤭ꤟꤢ꤬ 12:50

แว ซิเง เร๊อ แวเพ อาโหง่เฮ๊แก เออเนอ อา ซูจว๊า อู เด๊อ เตเซอเพร ตูจูเพร. ฮู๊เนอเรอ แว เฮ๊ ฮู๊ แวเพ นอเฮ๊ แว เนอเต๊เห่ แพ๊.”

ꤛꤥ꤭ꤟꤢ꤬ 6:40

เมเตเฮ๊เรอ, แวเพ อา เตซิหยื่อ หม่า หม่าเฮ๊อ ล๋อ แกแย เด๊อ อา แม๊เถอะ อาพู๊คู เออ เร๊อ อา หยื่อเอ่ เต๊เห่เนอ, อา เก่ พย๊าหนิ ซิปล่อเซอเพร ตูจูเพร, เร๊อ แว เก่ เม ก๊อถ่อเซอเพร กาคยา เหย่ซี ช๋า ม๊อเนอ เด๊อคยา ตื๊อดื่อเล๊อ เนอเตอเนอ ปา.”

เตเด๊อะโลแถ่ 22:1

เตเน่วพู๊ เออเตเพร ยูโล เป่ แว เทอเซอเพร อาเทอแล เด๊อ อา เช๊อเกอเล๊อ แม๊เถอะ โน ล๊อปลู๊ แซ่เจ๊อเร๊อ หล่อซู๊บู แปล๊ลีชี๊ เนอแตแล เร๊อ อา โอ่ เด๊อ จอแปแหร่ เน๊อ อาซิหมิพู๊ อาคุ๊ยจ๊อแผ่ กู่แกล๊เท แถ่โลโอ่เนอ เร๊อ อา ทุ๊ยเถ่.

เตเด๊อะโลแถ่ 1:2

เร๊อ แว แด๊โฉ่โล เป่ อู ล๋อ แว แม๊เถอะ โทเฮ๊อ เออเต๊เห่เนอ, เออ หม่า แว ราโล เป่ อู เร๊อ เตหรี่เตแก โอ่ เด๊อ จอแปแหร่ โอ่ แฮ เต๊เห่ เร๊อ เตเด๊อ เหย่ซู่ครี๊ เด๊อะโล เป่ แว เต๊เห่.

ꤛꤥ꤭ꤟꤢ꤬ 6:47

แว เฮ๊จ๊อจ๊อ ซี, แกแย เด๊อ อา หยื่อเอ่ แว เตเพรเพร เนอ, อา เก่ พย๊าหนิเฮ๊อ ซิปล่อเซอเพร ตูจูเพร เฮ๊อ.

ꤛꤥ꤭ꤟꤢ꤬ 5:21

ฮู๊ แวเพ เมเซอเพร กาคยา แกแย เด๊อ อา เซอ เร๊อ อา เด๊อ อู ซิปล่อเซอเพร เนอ, อาพู๊คูเออ อา เก่ เด๊อะเป่ เกออู ซิปล่อเซอเพร เด๊อ อา ซิปล่อโอ่ ซิหยื่อ เด๊อะ เป่ อู เนอเต๊เห่ ปา.

ꤛꤥ꤭ꤟꤢ꤬ 4:36

กู๊แหน่เออ เจ๊อ เบ่เบ่, เพรเก๊โบ๊ เตเพรเนอ อา พย๊าหนิ อาคว๊าอาเก่ เร๊อ อา แด่โอ่ปล๊อ เตเส่เตโพ เต๊เห่ เด๊อ อา หม่าเฮ๊อ ซิปล่อเซอเพร ตูจูเพร อาเง เออเนอ เฮ๊อ. ฮู๊เนอเร๊อ เพรช๊อโบ๊ เออ เร๊อ เพรเก๊โบ๊ เออ ซิเนอลอ เก่ ซิครือ โหร่ลอ ลู ปา.

มัทธิว 25:46

“ฮู๊เนอเรอ เหย่ซี เก่ ข่าเบ่ เด๊อ เตเมจากาคยา ตูจูเพร ตาแลเคร๊ ปา, หม่าแน๊เรอ แกแย จ๊อเต เออเต๊เห่เนอ อา เก่ โนหนิ เด๊อ ม๊อขุ เร๊อ อาเก่ พย๊าหนิ ซิปล่อเซอเพร ตูจูเพรปา.”

ꤚꤥꤗꤢꤩ꤬ 5:21

เมฮู๊เนอเรอ, ฮู๊ เตซื๊อเตปล๊า เพรเป๊อตี๊หรี่ ลอ แกแย ล๋อ ปลี เร๊อ อา นอโอ่ทวาแถ่ เฮ๊อ เตเซอ ฮู๊เนอ, กู๊แหน่เออ แซ่ฮู๊ เป เก่ พย๊าหนิ แฮเง เกอ ซิปล่อเซอเพร ตูจูเพร เด๊อ เป แบ่เจ่ เหย่ซู่ครี๊ อา โอ่ เนอ, จอแปแหร่ อาบุ๊ยอาเตอเรอ เป๊อตี๊หรี่ เกอ เร๊อ เกอ เฮ๊อ เป เร๊อ เตจ๊อเตเต เฮ๊อ.

ꤛꤥ꤭ꤟꤢ꤬ 1:19

เบ๊อะโตโพ๊ แกแยยิวพู๊ ทวาดุทวาเต เด๊อ อา โอ่ เด๊อ วีเยรูซาเล็ม อากู เต๊เห่ นอจว๊า เพรหลู่แตเต เร๊อ เลวีพู๊ เด๊อ อา เมจว่า เตหลู่แตโฮกู เต๊เห่ เด๊อ คูยอห์น อา โอ่ เร๊อ อา นอแด๊เฮอ ลู เร๊อ, “เน หม่า อูเป?” เร๊อ คูยอห์น แด๊โฉ่โล ซิเง เป่ เหย่ซี เน๊อ,

ꤛꤥ꤭ꤟꤢ꤬ 4:4

เบ๊อะอา จว๊า เบ๊อะเนอ, อา โตเบ่ จว๊าเบ๊ เร๊อ สะมาเรียเก่.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:10

เตโม อาโหง่แลช๊า หม่าแหน่ หม่า จอแปแหร่ โม เป เร๊อ แซ่ฮู๊ เป เตซื๊อเตปล๊า ล๋อ ปลี เก่ ปลวาแก อาเงเนอ, อา นอแฮแล ข่าเซอ อาพู๊คู เด๊อเป เง. หม่าแน๊เรอ เป เตโม จอแปแหร่ เนอ อาดุ แซ่เน๊อ อาเตโม เป เออเนอ โต่.