ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:9 - ลีเทส่อพ๊าอาเซ เร๊อ เห่ขุทวาลู๊

⁹ จอแปแหร่ โมเร๊อ เป บ๋า เตเนอ อา เด๊อะโล เป่ เฮ๊อ เป เร๊อ อา นอแฮแล อาพู๊คู เด๊อ อา โอ่ ตื๊อ เตเพรเพร่ว เออเนอแพ๊ เด๊อ เห่ขุ เออเนอ เฮ๊อ. แซ่ฮู๊ เป เก่ พย๊าหนิ เกอ แฮเง ซิปล่อเซอเพร เด๊อ อาพู๊คู อาโอ่ เออเนอ เร๊อ, อา นอแฮ เป่ เฮ๊อ เป เฮ๊อ.

Eastern Kayah Shadaw Dialect

⁹ ꤡꤢꤪꤗꤣꤧ꤬ꤚꤢꤧ꤬ ꤗꤥ꤬ꤚꤣꤧ ꤕꤢꤩ꤬ ꤙꤢ꤮ ꤒꤢꤩ꤭ꤔꤣꤧ꤬ ꤢ꤬ ꤘꤣꤧꤜꤥ꤭ ꤕ꤫ꤢꤩ꤬ ꤟꤣꤧ ꤕꤢꤩ꤬ ꤔꤢꤧ ꤢ꤬ ꤔꤢꤪ꤭ꤟꤢꤧ꤭ꤜꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤘꤣ ꤢ꤬ ꤥ꤬ ꤒꤢꤦ ꤖꤢꤧ ꤒꤣ꤬ꤖꤚꤢꤩ꤬ꤒꤥ꤬ ꤣꤧ꤭ꤔꤣꤧ꤬ ꤘꤣ ꤟꤢꤩ꤬ꤋꤢꤨ꤬ ꤣꤧ꤭ꤔꤣꤧ꤬ ꤟꤣꤧ꤯ ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤊꤣꤧ꤭ ꤘꤤ꤭ꤒ꤫ꤢꤦ꤬ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤢ꤬ꤜꤥ꤬ ꤣꤧ꤭ꤔꤣꤧ꤬ ꤚꤣꤧ꤬, ꤢ꤬ ꤔꤢꤪ꤭ꤟꤢꤧ꤭ ꤕ꤫ꤢꤩ꤬ ꤟꤣꤧ ꤕꤢꤩ꤬ ꤟꤣꤧ꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:9 ပူးပေါင်းရင်းမြစ်များ

ꤛꤥ꤭ꤟꤢ꤬ 3:16

“จอแปแหร่ โมเกอเร๊อ ลอ เจ๊อ แกแย เห่ขุพู๊ ล๋อปลี, ล๋อ แกแย เด๊อ อา หยื่อเอ่ อาพู๊คู เต๊เห่เนอ, แซ่ฮู๊ อา เก่ พย๊าหนิ ซิปล่อเซอเพร ตูจูเพร เร๊อ อา เตปย๊าเตแก แต่เหม่ เนอ, อา เด๊อะแลแก อาพู๊คู โอ่ ตื๊อ เตเพร เออเนอ เด๊อ แกแย เห่ขุพู๊ เต๊เห่ อาเงเฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:11

เร๊อ เตข่าเฮ๊โล หม่า อิเตเต๊ เฮ๊เรอ, จอแปแหร่ เด๊อะแล เป่ เป เตเซอเพร ตูจูเพร แตแลเคร๊ เร๊อ เตเซอเพร อา แก่ช๊าแก่แร เออเนอหมา อา โอ่ เด๊อ อาพู๊คู อากู เนอ.

ꤚꤥꤗꤢꤩ꤬ 8:32

จอแปแหร่ เออเตเพรเนอ, อาพู๊ เร๊อ อาเหน่ เร๊อดื่อ เจ๊อ เร๊อ อา ซิโล เกอเร๊อ โต่. เร๊อ อา เด๊อะแลแก เจ๊อ อาพู๊ เด๊อ เป ล๋อ ปลี เต๊เห่ อาเง เจ๊อ. เก่ อา เด๊อะ ตาครา เจ๊อ เป เร๊อ อาพู๊คู เหย่ซู่ครี๊ เจ๊อ เก่เฮ๊เรอ, ล๋อ เต เด๊อ อา โอ่แก เด๊อ อาโร เต๊เห่เนอ, อา เก่ เด๊อ ตาคราโป่ เป ปา หม่าโต่ แอ?

ꤛꤥ꤭ꤟꤢ꤬ 6:57

ฮู๊ แวเพ เด๊อ อา นอแฮ แวเออ เตเพร เซอเพร เนอ, เด๊อ อาขว่าอาคยา, เร๊อ แว เซอเพร เกอ. ฮู๊เนอเร๊อ แกแย เด๊อ อา เอ่ แวหย่า เตเพรเพร เนอ, เด๊อ แวขว่าแวคยา, เร๊อ อา เก่ เซอเพร เกอ ปา.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:10

เตโม อาโหง่แลช๊า หม่าแหน่ หม่า จอแปแหร่ โม เป เร๊อ แซ่ฮู๊ เป เตซื๊อเตปล๊า ล๋อ ปลี เก่ ปลวาแก อาเงเนอ, อา นอแฮแล ข่าเซอ อาพู๊คู เด๊อเป เง. หม่าแน๊เรอ เป เตโม จอแปแหร่ เนอ อาดุ แซ่เน๊อ อาเตโม เป เออเนอ โต่.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:16

เตโมเนอ เป ซิเงแจ่ อา ฮู๊เต เฮ๊เรอ, เหย่ซู่ครี๊ เด๊อะแลแก อา ซิปล่อเซอเพร เด๊อ เปเง, เร๊อ เป โตเบ่ เด๊อะแลแก เกอ เป ซิปล่อเซอเพร เด๊อ เป โป่แหว่ ครี๊พู๊ เต๊เห่ อาเง.

ꤛꤥ꤭ꤟꤢ꤬ 10:10

เพรเอ่โห่เนอ อา แฮเมเต เฮ๊เนอหม่า, แซ่ฮู๊ อา เก่ แฮ เอ่โห่เอ่ฮี๊ หนิ, อา เก่ แฮ เมเซอหนิ อู, อา เก่ แฮ เมปย๊าเมหลู่แก อู อาเงแพ๊. แว เน๊อ แซ่ฮู๊ อู เก่ หนิ เตเซอเพร โท๊โต่ แซ่ฮู๊ อู เตโอ่เซอเพร เก่ เล๊อบา ตาปอตาเป อาเง เนอเรอ แว แฮ แพ๊.

ꤛꤥ꤭ꤟꤢ꤬ 6:51

แว หม่า เหล่เอ่ เด๊อ อา เด๊อะอู ซิปล่อเซอเพร เร๊อ อา โอ่ เด๊อ ม๊อขุ ตาแล. อูเปเป๋ เบ่เบ่, อา เก่ เอ่ เหล่เอ่ เออเนอ, อา เก่ เซอเพร ตูจูเพร ปา. เหล่เอ่ เออเนอหมา หม่าเฮ๊อ แวหย่า เออเนอ เฮ๊อ. แซ่ฮู๊ แกแย เห่ขุพู๊ เก่ เซอเพร อาเงเนอ แว เด๊อะแลแก แว เหน่กล่อ เออ เด๊อ เหย่ซีเง เฮ๊อ.”

ꤛꤥ꤭ꤟꤢ꤬ 3:18

แกแย เด๊อ อา หยื่อเอ่ พู๊คู เต๊เห่เนอ, จอแปแหร่ เมจากาคยา เหย่ซี โต่. แกแย เด๊อ อา หยื่อเอ่ พู๊คู โต่ เต๊เห่เนอ, จอแปแหร่ เมจากาคยา เหย่ซี เฮ๊อ, เมเตเฮ๊เรอ, อา ย๋อ หยื่อเอ่ เกออู จอแปแหร่ อาพู๊คู เด๊อ อา โอ่ ตื๊อ เตเพรเพร่ว เออเตเพร โต่ อาขว่าอาคยา, อา เมจากาคยา เฮ๊อ เหย่ซี.

ꤟꤤꤙꤚꤢꤨ 1:5

ลีเทส่อพ๊ากู ราโอ่ เน๊อ จอแปแหร่ เฮ๊ อาพู๊คู ฮู๊เออ, “เน หม่า แวพู๊คู, เออเตอเนอเรอ, แว ทวา เฮ๊อ เนเพ เฮ๊อ,” อา เฮ๊ ฮู๊เนอ. หม่าแน๊เรอ จอแปแหร่ เฮ๊น๊อเกอ ม๊อขุ เตเน่วพู๊ ฮู๊เนอ เตเพร่ว โต่. ลีเทส่อพ๊า ราโอ่ ปา เด๊อ อาโร ตามา เร๊อ อา เฮ๊ เน๊อ, “แว เก่ ทวา อาเพ ปา, เร๊อ อา เก่ ทวา แวพู๊ ปา,” โหง่ ฮู๊เออเนอ อา เฮ๊น๊อเกอ ม๊อขุ เตเน่วพู๊ เตเพร่ว โต่โต่.

ꤛꤥ꤭ꤟꤢ꤬ 8:42

เร๊อ แบ่เจ่ เหย่ซู่ เฮ๊ฉื่อ เหย่ซี เน๊อ, “ซีเพ เก่ หม่าแหน่ จอแปแหร่ เฮ๊เรอ ซี โมหนิเกอ แว เกอเกอ, เมเตเฮ๊เรอ แว โอ่ เด๊อ ลูโอ่ แฮ เร๊อ กู๊แหน่เออ แว แฮโอ่ เบ๊อะเออแพ๊เออ. แว แฮ จู๋ ดื่อ แว ซิปล่อ หม่าโต่, แวเพ นอแฮ แว แพ๊.

ꤜꤢꤨꤊꤢ꤬ 4:18

“จอแปแหร่ แหย่โยบูโพ๊แบ่เจ่ โอ่ เด๊อ แวกู, เมเตเฮ๊เรอ อา นว๊าแถ่ เฮ๊อ แว เร๊อ แว เก่ แด๊โฉ่ เป่ แกแย โซพ๊าโซแรฮู๊เต๊เห่ เร๊อ เตซิครือมีลา เออเนอ เฮ๊อ. แกแย เด๊อ อู ปื่อ ด๊อโอ ลู เด๊อ ทอกู เต๊เห่ อา พย๊าหนิ เตเมแลเปล๊กา อาเง, แกแย เด๊อ อา เป๊เส่คี๊ เต๊เห่ อา เป๊เส่ลี กาคยา อาเง, เร๊อ แกแย เด๊อ อู เมจาเมจือ ลู เต๊เห่ เก่ พย๊าหนิ เตเมแลเปล๊ กา อาเงเนอ, อา นอแฮ เฮ๊อ แว เด๊อ แว เก่ แด๊โฉ่ เป่ เหย่ซี เฮ๊อ.

ꤗꤢ꤬ꤊꤢꤨ 12:6

“แท๊ทือเผ่แหน่แบ่เจ่ เหล่นอแฮโป่ อู เนอ อา โอ่แก ปาแพ๊ตื๊อ อาพู๊คู เด๊อ อา โม เกอเร๊อ เออเตเพร แพ๊. เด๊ออาโน่เตเพรเฮ๊อ เร๊อ อา อาเตเน เน๊อ, ‘แว เก่ นอแฮ แว พู๊เพรคู หม่า อา เบ่หยื่อเบ่แหน่ เล๊อปา เกอเหล่,’ อา เตเน เร๊อ อา นอแฮ ลู เด๊อ เพรเมเอ่โก๊แท๊ทือเผ่ เออเต๊เห่ อา โอ่.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:16

ฮู๊เนอ อาขว่าอาคยา, เป แหน่แบ่เจ่ เร๊อดื่อ เป ซิเงเฮ๊อ, เร๊อ เป หยื่อเอ่เฮ๊อ เน๊อ จอแปแหร่ โมเร๊อ เป. จอแปแหร่ หม่า เตโม. อูเป๋ เตเพร เบ่เบ่ เด๊อ อา โอ่หม่าโอ่กลอ เด๊อ เตโม อากูเนอ, อา โอ่หม่าโอ่กลอ เฮ๊อ เด๊อ จอแปแหร่ อากู เร๊อ จอแปแหร่ โอ่หม่าโอ่กลอ เฮ๊อ เด๊อ ลูเหน่กูเฮ๊อ.

ꤛꤥ꤭ꤟꤢ꤬ 14:6

เร๊อ แบ่เจ่ เหย่ซู่ เฮ๊ฉื่อ ลู เน๊อ, “แว หม่า แกล๊ เน๊อ เตหม่า เตจ๊อ เร๊อ เตเซอเพร เฮ๊อ. แว ทวา เป่เฮ๊อ อู แกล๊จว๊า เด๊อ เพ อา โอ่ อาขว่าอาคยา, อูเปเป๋ เบ่เบ่, อา เก่ จว๊า เต่อ เร๊อ แว โต่ เฮ๊เนอ, อา จว๊าโต่ แจ่ เด๊อ เพ อา โอ่ เตเพร่ว โต่.

ꤛꤥ꤭ꤟꤢ꤬ 6:29

เร๊อ แบ่เจ่ เหย่ซู่ เฮ๊ฉื่อ เหย่ซี เน๊อ, “หยื่อเอ่ แลแค แว เด๊อ จอแปแหร่ นอแฮ อา เออเนอ.”

ꤛꤥ꤭ꤟꤢ꤬ 8:29

โทเร๊อ เพร เด๊อ อา นอแฮ แว เออเตเพรเนอ, อา โอ่เกอ เร๊อ แว. แว เมโต ลูซิปล่อ ปว๋า โตโพ๊ เจ๊อ อาขว่าอาคยา อา วี๊แก แว โต่.”

ꤛꤥ꤭ꤟꤢ꤬ 5:23

เมเตเฮ๊เรอ, แซ่ฮู๊ แกแย ล๋อ ปลี เก่ เบ่หยื่อเบ่แหน่ อาพู๊คู ฮู๊ อู เบ่หยื่อเบ่แหน่ เพเนอ เร๊อ อา เด๊อะตา ลอ เต เมจากาคยา เด๊อ ลู กู๊ยากู. แกแย เด๊อ อา เบ่หยื่อเบ่แหน่ พู๊คู โต่ เต๊เห่เนอ, หม่าเฮ๊อ อา เบ่หยื่อเบ่แหน่ เพ เด๊อ อา นอแฮแล ลู เนอเตเพร โต่ เฮ๊อ.

เห่ขุทวาลู่ 22:2

เร๊อ จอแปแหร่ดุ เฮ๊ ลู เน๊อ, “เอ๊หนิ เนพู๊เพรคู คูอิสอัค เด๊อ เน พู๊โอ่ ตื๊อ แพ๊ ลู เร๊อ เน โมเกอเร๊อ แหน่เจ๊อ ลู เออเตเพรเนอ เร๊อ จว๊า เด๊อ เก่ เต๊เก่ เด๊อ อู เอ๊ เน๊อ โมริยาห์ เนอ. เร๊อ จว๊า เด๊อ โฉ่ เด๊อ แว เก่ ยูโล เน ปา เนอเตเม อาลู, เร๊อ เมเซอ เนพู๊ เร๊อ ชื๊ออือ หลู่แตแถ่ ลูเบ๊อะ เนอปา นี๊.”

ꤛꤥ꤭ꤟꤢ꤬ 9:3

เร๊อ อา เฮ๊ฉื่อ เน๊อ, “อา เตซื๊อ หม่าโต่โต่, อาโหมะอาเพ เตซื๊อ หม่าโต่โต่. หม่าแน๊เรอ แซ่ฮู๊ จอแปแหร่ อา เตโพรอาฉว่าอาชอ เก่ โอ่โลแม๊เถอะ เด๊อ อา เตโอ่เซอเพร อากู เร๊อ อา คี๊ แพ๊.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:13

เต เด๊อ แว รา เป่ ซี เออเนอหมา, แซ่ฮู๊ ซี เด๊อ อา หยื่อเอ่ จอแปแหร่ อาพู๊คู อามุย เออเต๊เห่ เก่ ซิเง เกอ เร๊อดื่อ ซีเหน่ เร๊อ ซี พย๊าหนิเฮ๊อ ซิปล่อเซอเพร ตูจูเพร แตแลเคร๊ เฮ๊อ. อาเงเนอเรอ, แว รา เป่ ซี แพ๊.