ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:7 - ลีเทส่อพ๊าอาเซ เร๊อ เห่ขุทวาลู๊

⁷ โคแบ๊ซว๊าโม ซี๋, เป โตเบ่ โม เกอเร๊อ แคลู เตเพร เร๊อ เตเพร, เมเตเฮ๊เร๊อ เตโมเนอ หม่า อา แฮ เด๊อ จอแปแหร่ อา โอ่. อูเป๋ เตเพร เบ่เบ่ เด๊อ อา โมเร๊อ อู เนอหม่า หม่าเฮ๊อ จอแปแหร่ อาพู๊อาเลอ เฮ๊อ, เร๊อ อา ซิเงเฮ๊อ จอแปแหร่ เฮ๊อ.

Eastern Kayah Shadaw Dialect

⁷ ꤋꤥ꤭ꤙꤢꤧꤞꤝꤢꤗꤥ꤬ ꤞꤤ꤭꤮, ꤕꤢꤩ꤬ ꤒꤥ꤭ꤙꤢꤩ꤬ ꤗꤥ꤬ ꤚꤣꤧꤘꤢꤦ꤬ ꤋꤛꤢ꤭ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤒꤢꤩ꤬ꤗꤥ꤬ꤔꤣꤧ꤬ ꤗꤢ꤬ ꤢ꤬ ꤟꤢꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬꤯ ꤢꤨ꤭ꤕꤢꤩ꤭꤮ ꤒꤣ꤬ꤖꤚꤢꤩ꤬ ꤙꤢꤩ꤬ꤙꤢꤩ꤬ ꤘꤣ ꤢ꤬ ꤗꤥ꤬ꤚꤣꤧ ꤢꤨ꤭ ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤢ꤬ꤜꤣꤧ꤬ ꤟꤣꤧ, ꤚꤣꤧ꤬ ꤢ꤬ ꤞꤤꤑꤢꤩ꤭ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤟꤣꤧ꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:7 ပူးပေါင်းရင်းမြစ်များ

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:20

แกแย เตเพรเพร เก่ เฮ๊ เน๊อ, “แว โม จอแปแหร่,” หม่าแน๊เรอ อา เก่ ซิเถ่ ปาแพ๊ อาโป่แหว่ ครี๊พู๊ เฮ๊เนอหม่า, อา หม่า แกแย แลโฮ แพ๊, เมเตเฮ๊เรอ อา แม๊เถอะน๊อ เจ๊อ อาโป่แหว่ ครี๊พู๊ เร๊อ อาเป๊เส่ เร๊อดื่อ เจ๊อ หม่าแน๊เรอ อา เก่ โมเร๊อ โต่ เฮ๊เนอหม่า, จอแปแหร่ เด๊อ อา แม๊เถอะน๊อ โตโพ๋ โต่, เออเตเพรเนอ, “แว โม จอแปแหร่,” อา จว๊า เฮ๊แจ่ ฮู๊เต?

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:8

อูเป๋ เตเพร เบ่เบ่ เด๊อ อา โมเร๊อ เกออู โต่ เต๊เห่เนอหม่า, อา ซิเง เกออู จอแปแหร่ โต่, เมเตเฮ๊เร๊อ จอแปแหร่ หม่า เตโม.

เปโตร อาเหร่อเล๊อ ต๊าบ่า 1:22

กู๊แหน่เรอ เด๊อ ซี จูเอ่ เฮ๊อ จอแปแหร่ อา เตอิซว๊า อา เตหมะเตจ๊อ เต๊เห่ อาขว่าอาคยา, ซี เมโพ๊เมปลี เฮ๊อ ซี ซิปล่อ เร๊อ ซี ทวา เฮ๊อ แกแย เด๊อ อา โมหนิ หม่าแหน่ เจ๊อเฮ๊อ โป่แหว่ ครี๊พู๊ เออเต๊เห่ เฮ๊อ. เมฮู๊เนอเรอ โมลอ แคลูเน๊อ ซิปล่อซีเม เตเพร เร๊อ เตเพร นี๋.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:10

แกแย เด๊อ อา โม เกอเร๊อ อู เตเพรเพรเนอ, อา โอ่เซอเพรเฮ๊อ เด๊อ เตลี อากูเฮ๊อ. เร๊อ เต เด๊อ อา เหล่ตาพอ แลคื๊อ จว๊า เด๊อ เตซื๊อ อากูเนอ, อา โอ่ปา เตอเจ๋อ โต่ เฮ๊อ.

ꤊꤢ꤬ꤜꤢ꤬ꤒꤤ 5:22

หม่าแน๊เรอ แหย่โยบูโพ๊ แบ่เจ่ เนอหม่า อา เด๊อะ โอ่แถ่ เตโม, เตซิครือซิลอ, อาเพรอาดือ, เตแด่ทูซิปล่อ, เตซิยอกล่าเบ่, เตตว่าเตแร๊, เตจูลาพย๊าโหง่,

ทิโมธี เนอบ่า ต๊าบ่า 1:7

เมเตเฮ๊เรอ, แหย่โยบูโพ๊ แบ่เจ่ เด๊อ จอแปแหร่ เด๊อะแล โทเฮ๊อ เป เออเนอ, อา นอทวาแถ่ ปา เป เน๊อ แกแย เด๊อ อา ซิอิเช เต เต๊เห่เนอ หม่าปาโต่เฮ๊อ. โท๊โต่ แหย่โยบูโพ๊ แบ่เจ่ เมบาโน เป่เฮ๊อ เป ซิปล่อ เน๊อ เตเตอเรอฉว่าชอ เน๊อ เตโม เน๊อ เตเป๊อแล แจ่ เกอเร๊อดื่อ เปเหน่ เออเนอเฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:12

อู แม๊เถอะน๊อ จอแปแหร่ เตเพร่ว โต่. เป เก่ โม เกอเร๊อ ลู เตเพร เร๊อ เตเพร เฮ๊เนอหม่า, จอแปแหร่ โอ่หม่าโอ่กลอ เฮ๊อ เด๊อ เปกู เร๊อ อาเตโม โอ่เล๊อโอ่บา เฮ๊อ เด๊อ เปกู เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:29

ซี ซิเง เร๊อ ครี๊ หม่า แกแยจ๊อแกแยเต เตเพร. ฮู๊เนอเรอ ซี โตเบ่ ซิเง เร๊อ แกแย เด๊อ อา เมโตเตเต๊เห่ เนอหม่า, หม่าเฮ๊อ จอแปแหร่ อาพู๊อาเลอ เต๊เห่ เฮ๊อ.

ꤛꤥ꤭ꤟꤢ꤬ 17:3

จอแปแหร่ หม่า ตื๊อ เน เตเพรแพ๊, เร๊อ แกแย เด๊อ อา ซิเง เน เร๊อ อา ซิเง เร๊อ แว หม่า เหย่ซู่ครี๊ เด๊อ เน ปลวาแฮ ลู เตเพร เต๊เห่ เนอหม่า หม่าเฮ๊อ เตซิเง เด๊อ อา เด๊อะ เหย่ซี ซิปล่อเซอเพร ตูจูเพร เฮ๊อ.

โครินธ์ เนอบ่า ต๊าบ่า 4:6

เบ๊อะจอแปแหร่ แบ๊แล เตล๋อ ปลี เบ๊อะเนอ, อา เฮ๊ เน๊อ, “เตคี๊ เก่ ซ๊อซื๊อ ตาพา จว๊าแก เร๊อ เตลี เก่ โอ่โลแถ่ ดื่อ นี๋,” อา เฮ๊ ฮู๊เนอ. จอแปแหร่ เมโท เป่ เกอดื่อ เฮ๊อ เป ฮู๊เนอ เฮ๊อ. เบ๊อะเป ซิเง แต่ล๋าย ครี๊ โต่ เบ๊อะเนอ, เป ซิปล่อ เออ อา คี๊ตาปา แพ๊ หม่าแน๊เรอ จอแปแหร่ เมลีกา เป่ เป ซิปล่อ เฮ๊อ. แซ่ฮู๊ เป เก่ ซิเงโปลแร๊ จอแปแหร่ อา เตลีเตเตเค เด๊อ อา เด๊อะโลแถ่ แฮเง เร๊อ ครี๊ เออเต๊เห่เนอ, อา หม่า เพร เด๊อ อา อิชีลีแถ่ เป่ เป ซิปล่อ อา เตเตเน เต๊เห่ เตเพร เฮ๊อ.

ꤊꤢ꤬ꤜꤢ꤬ꤒꤤ 4:9

หม่าแน๊เรอ กู๊แหน่เออ ซี ซิเงเฮ๊อ จอแปแหร่ เฮ๊อ. แว เก่ เฮ๊ หม่าแหน่ เจ๊อ ซี เร๊อ จอแปแหร่ ซิเงเฮ๊อ ซี เฮ๊อ. หม่าเมเตเรอ ซี ซิหยื่อ ฉิกย๊าคยา ปา เด๊อ เห่ขุเน๊ขุ อา เตซว๊าเตแส่ เต๊เห่ เร๊อ อาเหล่โกล เหล่แบ่ เต๊เห่ เด๊อ อา อ๊าเจ่ เหร่เจ่ เร๊อ อาบุ๊ยอาเตอเรอ โอ่โต่ เออเต๊เห่ อาเล เนอ เมเต? หม่า ซี ซิหยื่อ ทวาแถ่ คยาแซ๊ เหย่ซี อาหลู่เล๊ แอ?

ꤛꤥ꤭ꤟꤢ꤬ 13:34

“ฮู๊เนอเร๊อ กู๊แหน่เออ แว เก่ เฮ๊แก ซีโหง่ อาเซ ตือมือ. โม เกอเร๊อ แลแค ลู เตเพร เร๊อ เตเพร นี๋. ฮู๊ แว โม เกอเร๊อ ซีเนอ, ซี เบ่ โม เกอเร๊อ ลู เตเพร เร๊อ เตเพร.

โครินธ์ อาเหร่อเล๊อ ต๊าบ่า 8:3

หม่าแน๊เรอ แกแย เตเพรเพร เด๊อ อา โม จอแปแหร่ เนอ, จอแปแหร่ ซิเง ลู เน๊อ อา หม่า อาแกแย เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:3

เด๊อ เป จูเอ่ จอแปแหร่ โหง่เฮ๊แก อาขว่าอาคยา, เป ซิเง ตาเต เฮ๊อ เร๊อ เป ซิเงแฮ เฮ๊อ จอแปแหร่ เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:4

แกแย เตเพรเพร เก่เฮ๊เน๊อ แว ซิเงเฮ๊อ จอแปแหร่ อา เฮ๊ หม่าแน๊เรอ อา เก่ จูเอ่ ลู โหง่ เฮ๊แกโต่ เฮ๊เนอ, อา หม่า แกแย แลโฮ เร๊อ เตหมะเตจ๊อ โอ่ เด๊อ ลูเหน่ลู เตอเจ๋อ โต่.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:7

แว โคแบ๊ซว๊าโม ซี๋, โหง่เฮ๊แก เด๊อ แว รา เป่ ซี เออเนอหมา อาเซ หม่าโต่, หม่า โหง่เฮ๊แก อาเลอ เด๊อ ซี พย๊าหนิ โทเฮ๊อ เด๊อ ซี ทวาลู่ ครี๊พู๊ เบ๊อะเนอ ปาเนอ ตามา แพ๊. โหง่เฮ๊แก อาเลอ เออตามา เนอหม่า หม่าเฮ๊อ เตหรี่เตแก เด๊อ ซี หนิโฮน๊อ โทเฮ๊อ เนอเต๊เห่ เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:9

อูเป๋ เตเพร เบ่เบ่, อา เก่ ทวาเฮ๊อ จอแปแหร่ อาพู๊อาเลอ เฮ๊เนอ, อา เม แฮเง ปา เตซื๊อเตปล๊า โต่, เมเตเฮ๊เรอ เตโอ่เซอเพร อาเซ เด๊อ จอแปแหร่ เด๊อ เออเนอ อา โอ่กลอช๊อหม่าเฮ๊อ เด๊อ ลูเหน่กู เฮ๊อ. เร๊อ จอแปแหร่ หม่า อาเพ เฮ๊อ อาขว่าอาคยา, อา เม แฮเงแจ่ ปา เตซื๊อเตปล๊า โต่.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:11

โคแบ๊ซว๊าโม ซี๋, จอแปแหร่ เก่ โมเร๊อ เจ๊อ เป บ๊าเออ เฮ๊เรอ, เป โต โม เกอเร๊อ เกอ ลู เตเพร เร๊อ เตเพร.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:16

ฮู๊เนอ อาขว่าอาคยา, เป แหน่แบ่เจ่ เร๊อดื่อ เป ซิเงเฮ๊อ, เร๊อ เป หยื่อเอ่เฮ๊อ เน๊อ จอแปแหร่ โมเร๊อ เป. จอแปแหร่ หม่า เตโม. อูเป๋ เตเพร เบ่เบ่ เด๊อ อา โอ่หม่าโอ่กลอ เด๊อ เตโม อากูเนอ, อา โอ่หม่าโอ่กลอ เฮ๊อ เด๊อ จอแปแหร่ อากู เร๊อ จอแปแหร่ โอ่หม่าโอ่กลอ เฮ๊อ เด๊อ ลูเหน่กูเฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:1

อูเป๋ เตเพร เบ่เบ่ อา เก่ หยื่อเอ่ เร๊อ เหย่ซู่ หม่า ครี๊ เฮ๊เนอ, อา ทวาเฮ๊อ จอแปแหร่ อาพู๊อาเลอ เตเพรเฮ๊อ, โท๊โต่ อูเป๋ เตเพร เบ่เบ่ อา เก่ โมเร๊อ เพ เนอหม่า, อา โมเร๊อ เกอดื่อเฮ๊อ อาพู๊อาเลอ เต๊เห่ เฮ๊อ.

ยอห์น เนอบ่า ต๊าบ่า 1:5

โหม, กู๊แหน่เออ แว กุยซิยอ เน, เป เก่ โม เกอเร๊อ ลอ แคลู เตเพร เร๊อ เตเพร โป๋. แว รา เป่ เน โหง่เฮ๊แก เออตือมือ เนอหม่า อาเซ หม่าโต่, โหง่เฮ๊แก เด๊อ เป พย๊าหนิน๊อ โทเฮ๊อ เด๊อ กูลู่เค เนอ ตือมือ แพ๊.