ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:4 - ลีเทส่อพ๊าอาเซ เร๊อ เห่ขุทวาลู๊

⁴ หม่าแน๊เรอ พู๊เลอ ซี๋, ซี หม่า จอแปแหร่ อาแกแย เต๊เห่ เร๊อ ซี เมเป่แก เฮ๊อ เพรโพร อาก่าอาแปล เต๊เห่ เฮ๊อ, เมเตเฮ๊เรอ จอแปแหร่โอ่ เด๊อ ซีเหน่กู เออเตเพรเนอ อาดุ เล๊อ เจ๊อ เร๊อ โลเน๊มู๊แหม่รีแจ่ กู่กล๊อ เด๊อ อา โอ่เต่อเกอ เร๊อ แกแยเห่ขุพู๊ เด๊อ อา เม เตจ๊อเตเต โต่ เนอเต๊เห่ อากู เออโตโด เนอ เจ๊อ.

Eastern Kayah Shadaw Dialect

⁴ ꤗꤢ꤬ꤔꤢꤧꤚꤣꤧ꤬ ꤖꤢꤨꤜꤣꤧ꤬ ꤞꤤ꤭꤮, ꤞꤤ꤭ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤚꤣꤧ꤬ ꤞꤤ꤭ ꤗꤢꤩ꤬ꤕ꤫ꤢꤩ꤬ꤊꤢꤧ꤭ ꤟꤣꤧ ꤖꤚꤢꤩ꤬ꤖꤚꤥ꤬ ꤢ꤬ꤊꤢ꤬ꤢ꤬ꤕꤜꤢꤧ꤬ ꤒꤣꤧ꤬ꤟꤢꤩ꤬ ꤟꤣꤧ, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤥ꤬ ꤘꤣ ꤞꤤ꤭ꤊꤢꤨ꤭ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬ ꤢ꤬ꤘꤢꤨ꤬ ꤜꤣ ꤡꤣꤧ ꤔꤢꤧ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤘꤣ ꤢ꤬ ꤥ꤬ꤒ꤫ꤣ꤬ꤊꤣꤧ꤭ ꤔꤢꤧ ꤖꤚꤢꤩ꤬ꤜꤢꤨ꤬ꤟꤢꤩ꤬ꤋꤢꤨ꤬ꤖꤢꤨ ꤘꤣ ꤢ꤬ ꤗꤢꤩ꤬ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭ ꤣꤧ꤭ꤒꤣ꤬ꤘꤥ꤭ ꤔꤣꤧ꤬ ꤡꤣꤧ꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:4 ပူးပေါင်းရင်းမြစ်များ

ꤚꤥꤗꤢꤩ꤬ 8:31

เก่เฮ๊ฮู๊เนอเรอ, ล๋อ เตเด๊อ แว เฮ๊ เป่เฮ๊อ ซี เออเต๊เห่เนอ, เป เก่ เตเน ฮู๊เต? จอแปแหร่ เก่ โอ่เกอ เด๊อ เป ตากยา เก่เฮ๊เรอ, หม่าอูเป เตเพร เก่ ซิค๊าแจ่ปา เป เป?

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:4

เมเตเฮ๊เรอ จอแปแหร่ อาพู๊ ปว๋า เตเพร เนอ อา เมเป่ ลอ เฮ๊อ เห่ขุ เหล่โกล มู๊แหม่ เต๊เห่เฮ๊อ. เป เมเป่ เห่ขุ เหล่โกล มู๊แหม่ เต๊เห่ เร๊อ เป เตหยื่อเตแหน่ อาคยา เฮ๊อ.

ꤚꤥꤗꤢꤩ꤬ 8:37

ล๋อ เตเออเต๊เห่ ทวาแถ่ หม่าแน๊เรอ ครี๊ เด๊อ อา โมเร๊อ เป เออเตเพร อาขว่าอาคยา, เป เก่ เมเป่ ลอหล่าตี๊กลิ แก ลอเฮ๊อ เตเออเต๊เห่ ปา.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:16

ฮู๊เนอ อาขว่าอาคยา, เป แหน่แบ่เจ่ เร๊อดื่อ เป ซิเงเฮ๊อ, เร๊อ เป หยื่อเอ่เฮ๊อ เน๊อ จอแปแหร่ โมเร๊อ เป. จอแปแหร่ หม่า เตโม. อูเป๋ เตเพร เบ่เบ่ เด๊อ อา โอ่หม่าโอ่กลอ เด๊อ เตโม อากูเนอ, อา โอ่หม่าโอ่กลอ เฮ๊อ เด๊อ จอแปแหร่ อากู เร๊อ จอแปแหร่ โอ่หม่าโอ่กลอ เฮ๊อ เด๊อ ลูเหน่กูเฮ๊อ.

โครินธ์ อาเหร่อเล๊อ ต๊าบ่า 2:12

จอแปแหร่ เด๊อะเป อา แหย่โยบูโพ๊, เร๊อ แหย่โยบูโพ๊ แบ่เจ่ เออเนอ, อา แฮ เด๊อ แกแยเห่ขุพู๊ อา โอ่ เนอ หม่าโต่. แซ่ฮู๊ เป เก่ ซิเงโปล ลอ เต เด๊อ จอแปแหร่ เด๊อะตาครา เป เออเต๊เห่ อาเงเนอ, เป พย๊าหนิเฮ๊อ แหย่โยบูโพ๊ แบ่เจ่ เด๊อ อา แฮ เด๊อ จอแปแหร่ อา โอ่ เออเนอ เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:19

เป ซิเง เร๊อ เป เออเต๊เห่ เนอหม่า จอแปแหร่ อาพู๊อาเลอ เต๊เห่ หม่าแน๊เรอ ล๋อ แกแย เด๊อ อาโร เต๊เห่ เนอหม่า อา โอ่ แลแค เด๊อ โลเน๊มู๊แหม่รีแจ่ กู่กล๊อ เด๊อ อา เม เตมู๊แหม่ เออโตโด อา เตเป๊อตี๊หรี่ อาเล.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:13

เป ซิเง ตาเตเฮ๊อ เร๊อ จอแปแหร่ เด๊อะแล โทเฮ๊อ เป แหย่โยบูโพ๊ แบ่เจ่ อาขว่าอาคยา, เป โอ่หม่าโอ่กลอ เฮ๊อ เด๊อ ลูเหน่กู เร๊อ อา โอ่หม่าโอ่กลอ เฮ๊อ เด๊อ เปกู เฮ๊อ.

เอเฟซัส 6:10

เด๊อคยา ตื๊อดื่อเนอ, แว ซิหยื่อ เฮ๊ ซี ฮู๊เออ, แซ่ฮู๊ ซี เก่ฉว่าเก่ชอแถ่ เนอ, พย๊า แลแค แบ่เจ่ อา เตโพรเตเตอเรอ ฉว่าชอ เออเต๊เห่ นี๋. อา เตโพรเตเตอเรอ ฉว่าชอ เออเต๊เห่ เนอหม่า อาฉว่าอาชอ แหน่เจ๊อ.

เอเฟซัส 3:17

โท๊โต่ เด๊อ ซี เตหยื่อเตแหน่ อาขว่าอาคยาเร๊อ, แซ่ฮู๊ ครี๊ เก่ แฮ โอ่หม่าโอ่กลอ เด๊อ ซี ซิปล่อกู อาเงเนอเรอ, แว กุยจ๊อเบ เป่ เด๊อ ซีเง. แว กุยจ๊อเบ เร๊อ ซี เก่ โมแฮ เร๊อ โมแฮ หนิ จอแปแหร่, โทเรอ ซี เก่ โมแฮ เร๊อ โมแฮ เกอเร๊อ ลู เตเพร เร๊อ เตเพร. ซี เก่ เมฮู๊เนอ เฮ๊เรอ ฮู๊ ส่อหรุ่ย ช๊าตาแยแย เนอ, ซี เตโม เก่ จว๊าแยเกอ ฮู๊เนอ ปา. โทเรอ ฮู๊ อู แบ๊แล กลอหม่าแร๊ หี่ เตเม อาแก่ช๊าเนอ, ซี เตโม เก่ กลอหม่าแร๊ แซ่เกอดื่อ ฮู๊เนอ ปา.

เตเด๊อะโลแถ่ 12:11

เป โป่แหว่ เต๊เห่เนอ, เด๊อ ซิหมิพู๊ อาสุ่ย อาขว่าอาคยา เร๊อ เหย่ซี แด๊โฉ่โด่แน เป่ อู จอแปแหร่ อาลาอาโหง่ อาขว่าอาคยาเร๊อ, เหย่ซี เมเป่แก เฮ๊อ โลเน๊มู๊แหม่รีแจ่ กู่กล๊อ เฮ๊อ. เหย่ซี แม๊เถอะเบ่ เจ๊อ เร๊อ เตเซอ เบ่เบ่, อา ซิโล เกอเร๊อ อา ซิปล่อเซอเพร โต่.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:24

แกแย เด๊อ อา จูเอ่ จอแปแหร่ โหง่เฮ๊แก เออเต๊เห่ เนอหม่า อา โอ่หม่าโอ่กลอ เด๊อ จอแปแหร่ อากู เฮ๊อ, เร๊อ จอแปแหร่ โอ่หม่าโอ่กลอ เกอเฮ๊อ เด๊อ เหย่ซี อากู เฮ๊อ. จอแปแหร่ เด๊อ โทเฮ๊อ เป แหย่โยบูโพ๊ แบ่เจ่ อาขว่าอาคยา, อา เด๊อซิเง โทเฮ๊อ เป เร๊อ อา โอ่หม่าโอ่กลอ เด๊อ เปกู เฮ๊อ.

ꤛꤥ꤭ꤟꤢ꤬ 12:31

“กู๊แหน่เรอ เบ๊อะแฮโต่เฮ๊อ เด๊อ อู เก่ เมจากาคยา แกแย เห่ขุพู๊ เฮ๊อ. กู๊แหน่เรอ เบ๊อะแฮโต่เฮ๊อ เด๊อ อู เก่ เหว่เถ่แก โลเน๊มู๊แหม่รีแจ่ กู่กล๊อ ซาตาน เด๊อ อา เป๊อ แกแย เด๊อ อา หยื่อเอ่โต่ เต๊เห่ เออเนอ โตโด เฮ๊อ.

ꤛꤥ꤭ꤟꤢ꤬ 17:23

แซ่ฮู๊ เหย่ซี เก่ ซิปล่อ จิจือแร๊ ลู เตเมเม๋ แพ๊, โท๊โต่ แซ่ฮู๊ แกแย เห่ขุพู๊ เต๊เห่ เก่ ซิเงแฮ เร๊อ เน นอแฮแล แว, เร๊อ เน โมหนิเร๊อ เพร เด๊อ อา หยื่อเอ่ แว เต๊เห่ ฮู๊ เน โมหนิเร๊อ แว เนอเรอ, แว โอ่ เด๊อ เหย่ซี อากู เร๊อ เน โอ่ เด๊อ แวกู.”

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:6

หม่าแน๊เรอ เป หม่า จอแปแหร่ อาแกแย เต๊เห่. อูเป๋ เตเพร เบ่เบ่ เด๊อ อา ซิเง จอแปแหร่ เตเพรเนอ, อา ครวาหนิดา เกอดื่อ เปโหง่. หม่าแน๊เรอ จอแปแหร่ อาแกแย หม่าโต่ เต๊เห่เนอ, อา ครวา หนิดา เกอ เปโหง่ โต่. ฮู๊เนอ อาขว่าอาคยา, แกแย เด๊อ อา พย๊าหนิ แหย่โยบูโพ๊ แบ่เจ่ เด๊อ อา เฮ๊เบ่ เตหมะเตจ๊อ เออเตเพร เต๊เห่ เนอหม่า อูเป, เร๊อ แกแย เด๊อ อา พย๊าหนิ ซิปล่อ เด๊อ อา เฮ๊เบ่ แลโฮแลแห่ดื่อเง เนอโตโด เต๊เห่ เนอหม่า อูเปเนอ, เป ซิเง เบโปล แจ่ ดื่อ แพ๊.

โครินธ์ เนอบ่า ต๊าบ่า 6:16

จอแปแหร่ อา เตหลู่เเตโฮ เนอ อา โอ่เต่อแจ่ แหน่ เร๊อ เตแหย่โย แอ. ฮู๊เนอเฮ๊อ, เป เออเต๊เห่ เนอหม่า จอแปแหร่ เด๊อ อา เซอเพร เออเตเพร อา เตหลู่เเตโฮ. จอแปแหร่ เฮ๊ เน๊อ, “แว เก่ แฮโอ่ เด๊อ แวแกแย เต๊เห่ อา ซิปล่อกู ปา เร๊อ แว เก่ จว๊า เต่อเกอ เร๊อ เหย่ซี ปา. เร๊อ แว เก่ ทวา เหย่ซี จอแปแหร่ ปา, เร๊อ เหย่ซี เก่ ทวา แวแกแย เต๊เห่ ปา.”

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:13

เพซี๋, แว รา เป่ เฮ๊อ ซี ลีเออ, เมเตเฮ๊เรอ แกแย เด๊อ อา โอ่หนื่ออื่อ ปา เจ๊อ เด๊อ ม๊อขุเห่ขุ ทวาแถ่ แตล๋ายโต่ เบ๊อะเนอ เตเพรเนอ, ซี ซิเง โทเฮ๊อ ลู เฮ๊อ. เพรคูพู๊เส่ ซี๋, เด๊อ ซี เมเป่โทเฮ๊อ โลเน๊มู๊แหม่รีแจ่ กู่กล๊อ เนอโตโด อาขว่าอาคยา, แว รา เป่เฮ๊อ ซี ลีเออต๊าบ่า. แวพู๊แวเลอ ซี๋, ซี ซิเง โทเฮ๊อ เพ จอแปแหร่ อาขว่าอาคยา, แว รา เป่เฮ๊อ ซี ลีเออ.

โครินธ์ อาเหร่อเล๊อ ต๊าบ่า 6:13

“เหล่เอ่ หม่า ฮ๊อกู อาเง, ฮ๊อกู หม่า เหล่เอ่ อาเง,” แกแย เต๊เห่เห่ เก่ เฮ๊ ฮู๊เนอ. หม่าแหน่ว๊า, หม่าแน๊เรอ เออเนอเจ่อเนอ จอแปแหร่ เก่ เมปย๊าแก ลอ ปา. เหน่กล่อ เออ. หม่า เหล่นอเอ่ เร๊อ เตปาต๊าเปอเตอ อาเง หม่าโต่. หม่าดื่อ เหล่นอเอ่ เร๊อ แบ่เจ่ อา เตซิหยื่อ นอเม เป เต๊เห่ อาเง แพ๊. เด๊อ แบ่เจ่ เออ อาขว่าอาคยาเร๊อ, ช๋า ช๊าโหน่ปา อา เก่ เม ก๊อถ่อกาคยา คยาแซ๊ เป เหน่กล่อ เออเนอ ปา.

เอเฟซัส 2:2

เบ๊อะเนออาเค, ซี ครวาเมเกอ เห่ขุ อา เตมู๊แหม่รีแจ่ เต๊เห่. ซี หนิดา จูเอ่ เกอ แพ๊ โลเน๊มู๊แหม่ กู่กล๊อ เด๊อ อา เป๊อหนิ โลเน๊โลหน่า เด๊อ ม๊อเล เต๊เห่ อาโหง่. โลเน๊มู๊แหม่รีแจ่ กู่กล๊อ เออเนอ, อา เป๊อหนิปา แกแย เด๊อ อา หนิดา เกออู จอแปแหร่ อาโหง่ โต่ เนอเต๊เห่.

ꤛꤥ꤭ꤟꤢ꤬ 16:11

จอแปแหร่ เมจากกาคยาเฮ๊อ โลเน๊มู๊แหม่รีแจ่ กู่กล๊อ ซาตาน เด๊อ อา เป๊อ เห่ขุ เออโตโด เฮ๊อ อาขว่าอาคยา, อา เด๊อ ซิเงโปล เป่เฮ๊อ แกแย เห่ขุพู๊ เต๊เห่ เร๊อ จอแปแหร่ เก่ เมจากาคยา เหย่ซี ปา เฮ๊อ.

โครินธ์ เนอบ่า ต๊าบ่า 4:4

โลเน๊มู๊แหม่รีแจ่ กู่กล๊อ เด๊อ อา เป๊อหนิ เห่ขุ เออโตโดเนอ, อา เมคี๊ เมตาปาแก เหย่ซี เป๊เส่ อาขว่าอาคยา, เหย่ซี แม๊เถอะ เกออู เตซิครือมีลา อาเตลี เออเนอ โต่. แซ่ฮู๊ แกแย เห่ขุพู๊ เต๊เห่ เก่ ซิเงโปล แต่ ครี๊ อา เตซิครือมีลา เด๊อ อา เฮ๊โฉ่โล เป่ อู เร๊อ ครี๊ อา เตลีเตเตเค อาหรี่อาแก เออ แต่เหม่ เนอ, อา เมตาปา ตอครอแก เหย่ซี ฮู๊เนอ เฮ๊อ. เพร เด๊อ อา เด๊อะโล ตาเต เป เร๊อ จอแปแหร่ หม่า ครี๊ เฮ๊อ.

ꤛꤥ꤭ꤟꤢ꤬ 14:30

แว เก่ เฮ๊เบ่ งยางยาเร๊อ ซี เนอหม่า เบ๊อะโอ่ เอ๊ ปาโต่เฮ๊อ. โลเน๊มู๊แหม่ กู่กล๊อ เด๊อ อา เป๊อ เห่ขุ เออเนอโตโดเนอ, อา เตเร แฮเฮ๊อ อา เตเตอเรอฉว่าชอ เออเนอ, อา เมเป่ เร๊อ แว โต่.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:1

แวพู๊แวเลอ ครี๊พู๊ ซี๋, แซ่ฮู๊ ซี เก่ เมปา แต่ เตซื๊อ แต่เหม่ อาเงเนอ, แว รา เป่เฮ๊อ ซี ฮู๊เนอ เฮ๊อ. หม่าแน๊เรอ แกแย เตเพรเพร เก่ เมเตซื๊อ เฮ๊เรอ, เป เพรจ๊อเพรเต เหย่ซู่ครี๊ เด๊อ อา กุยซิยอ เป่ เด๊อ เปเง เด๊อ เพ จอแปแหร่ อา โอ่ เนอ, อา โอ่ เตเพร.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:20

เป ซิปล่อ เก่ เฮ๊แล เกอเร๊อ เป เร๊อ เป เมซื๊อ เฮ๊อ เต เบ๊อะเกเต๋ เบ่เบ่ เนอ, เป ซิเง เร๊อ จอแปแหร่ หม่า อาดุเล๊อ เร๊อ เป ซิปล่อ เร๊อ อา ซิเง ลอปลี เจ๊อ เตปว๊าเต๊อเจ่อ.