ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:8 - ลีเทส่อพ๊าอาเซ เร๊อ เห่ขุทวาลู๊

⁸ แกแย เตเพรเพร เด๊อ อา เม แฮเง ตื๊อดื่อปา เตซื๊อเตปล๊า เฮ๊เนอหม่า, โลเน๊มู๊แหม่รีแจ่ กู่กล๊อ เป๊อ เกอเร๊อ ปาแพ๊ ลู, เมเตเฮ๊เรอ โลเน๊มู๊แหม่รีแจ่ กู่กล๊อ เออเนอ, อา เมเจ๊อแหน่ เตซื๊อเตปล๊า เด๊อ อาแก่ช๊าเค ปา เจ๊อ, เร๊อ อา เม แฮเง ตื๊อดื่อ โต่ปา เจ๊อ กู๊แหน่ เจ๊อ. แซ่ฮู๊ จอแปแหร่ อาพู๊คูเออ เก่ เมปย๊าแก เต เด๊อ โลเน๊มู๊แหม่รีแจ่ กู่กล๊อ เมโทเฮ๊อ เนอเต๊เห่ อาเงเนอเรอ, อา แฮแล เด๊อ เห่ขุเออ เฮ๊อ.

Eastern Kayah Shadaw Dialect

⁸ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤘꤣ ꤢ꤬ ꤗꤢꤩ꤬ ꤟꤢꤧ꤭ꤑꤢꤩ꤭ ꤒꤣꤧ꤬ꤘꤢꤦ꤬ꤕꤢ꤬ ꤒꤢꤩ꤬ꤞꤢꤦꤒꤢꤩ꤬ꤥ꤬ꤚꤢ꤬ ꤟꤢꤩꤔꤣꤧ꤬ꤗꤢ꤬, ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤕꤣ ꤚꤣꤧꤘꤢꤦ꤬ ꤕꤢ꤬ꤖꤢꤧ ꤜꤢꤨ꤭, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤣꤧ꤭ꤔꤣꤧ꤬ ꤢ꤬ ꤗꤢꤩ꤬ꤡꤣꤧꤔꤢꤧ꤭ ꤒꤢꤩ꤬ꤞꤢꤦꤒꤢꤩ꤬ꤥ꤬ꤚꤢ꤬ ꤘꤣ ꤢ꤬ꤊꤢꤧ꤭ꤏꤢꤋꤢꤩ꤭ ꤕꤢ꤭ ꤡꤣꤧ, ꤚꤣꤧ꤬ ꤢ꤬ ꤗꤢꤩ꤬ ꤟꤢꤧ꤭ꤑꤢꤩ꤭ ꤒꤣꤧ꤬ꤘꤢꤦ꤬ ꤒ꤫ꤥ꤬ꤕꤢ꤬ ꤡꤣꤧ ꤊꤢꤨꤔ꤫ꤢꤧ꤬ ꤡꤣꤧ꤯ ꤞꤢꤧꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ꤣꤧ꤭ ꤊ꤫ꤢꤦ꤬ ꤗꤢꤩ꤬ꤕꤛꤢꤊꤢꤧ꤭ ꤒꤢꤩ꤬ ꤘꤣ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤗꤢꤩ꤬ꤓꤥ꤭ꤟꤣꤧ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤢ꤬ ꤟꤢꤧ꤭ꤜꤢꤧ꤬ ꤘꤣ ꤟꤢꤩ꤬ꤋꤢꤨ꤬ꤣꤧ꤭ ꤟꤣꤧ꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:8 ပူးပေါင်းရင်းမြစ်များ

ꤟꤤꤙꤚꤢꤨ 2:14

พู๊เหมาะพู๊คู อา เอ๊ ลู เออเต๊เห่เนอ, อา เน๊อ อาเหน่กล่อ สุ่ยเทอ เด๊อ อา เซอแจ่เออ อาขว่าอาคยา, แบ่เจ่ เหย่ซู่ แฮแล พย๊าหนิ เกอดื่อ แกแย เห่ขุพู๊ อาเหน่กล่อ เด๊อ อา แซ่เกอ ดื่อ เน๊อ เหย่ซีเนอ. อา ทวาแถ่ แซ่เน๊อ แกแยเห่ขุพู๊ อาขว่าอาคยา, อา เซอ แจ่. แซ่ฮู๊ เหย่ซู่ เก่ เมปย๊าแก โลเน๊มู๊แหม่รีแจ่ กู่กล๊อ เด๊อ อู เอ๊ เร๊อ ซาตาน เด๊อ อา โอ่ เร๊อ อา เตโพรเตเตอเรอ ฉว่าชอ เด๊อ อา เก่ เป๊อตี๊หรี่หนิ เตเซอ เออโตโด อาเงเนอ, อา ข่าเซอแก อาซิปล่อ.

ꤛꤥ꤭ꤟꤢ꤬ 8:44

ซีเพ หม่า โลเน๊มู๊แหม่รีแจ่ กู่กล๊อ เด๊อ อู เอ๊ เร๊อ โลเน๊ เนอโตโด เฮ๊อ. ซี ซิหยื่อ ครวาเมเกอ ฮู๊ ซีเพ อา เตซิหยื่อ เนอแพ๊. ซีเพ หม่า อา ทวา เพรเมเซอ แกแย เด๊อ กูลู่เค ปา เจ๊อ. เตหม่า เตจ๊อ โอ่ เด๊อ ลูกู โต่ อาขว่าอาคยา, อา หนิดา ครวาเม เกออู เตหม่า เตจ๊อ โต่. เบ๊อะอา เฮ๊เบ่ เบ๊อะเนอ, อา เตแลโฮแลแห่ เต๊เห่ เนอหม่า อา ทวา เฮ๊อ ลู เหล่โกล เฮ๊อ. อา หม่า แกแย แลโฮแลแห่ เตเพร เร๊อ อา ทวา เฮ๊อ ล๋อ เตแลโฮแลแห่ เต๊เห่ อาเพ เฮ๊อ.

โคโลสี 2:15

เบ๊อะเหย่ซู่ อาเซอ เด๊อ อี๊ถื่อดีเต่ลู เบ๊อะเนอ, ล๋อ โลเน๊โลหน่า เด๊อ อา โอ่ เน๊อ อา เตอเรอฉว่าชอ เต๊เห่เนอ, จอแปแหร่ ปื่อเผ่แก ลอปลี เฮ๊อ เหย่ซี อาเตเตอเรอฉว่าชอ เนอเต๊เห่ เร๊อ อา เด๊อะโล โล๊ลี เป่ เฮ๊อ แกแย ปว๋า เตเพร เน๊อ อา เมเป่แก เฮ๊อ เหย่ซี เฮ๊อ.

ꤚꤥꤗꤢꤩ꤬ 16:20

งยาแต๋โต่ ปาหม่า เตเพรอาดือ อา จอแปแหร่ เออ เก่ นอหยี่ตาพรอ หมื่อแก โลเน๊มู๊แหม่รีแจ่ กู่กล๊อ เออโตโด เด๊อ ซี กู่ยาเล ปา. แบ่เจ่ เหย่ซู่ครี๊ อาบุ๊ยอาเตอเรอ เก่ โอ่เกอดื่อ เร๊อ เหย่ซี นี๋.

ꤛꤥ꤭ꤟꤢ꤬ 16:11

จอแปแหร่ เมจากกาคยาเฮ๊อ โลเน๊มู๊แหม่รีแจ่ กู่กล๊อ ซาตาน เด๊อ อา เป๊อ เห่ขุ เออโตโด เฮ๊อ อาขว่าอาคยา, อา เด๊อ ซิเงโปล เป่เฮ๊อ แกแย เห่ขุพู๊ เต๊เห่ เร๊อ จอแปแหร่ เก่ เมจากาคยา เหย่ซี ปา เฮ๊อ.

ꤛꤥ꤭ꤟꤢ꤬ 12:31

“กู๊แหน่เรอ เบ๊อะแฮโต่เฮ๊อ เด๊อ อู เก่ เมจากาคยา แกแย เห่ขุพู๊ เฮ๊อ. กู๊แหน่เรอ เบ๊อะแฮโต่เฮ๊อ เด๊อ อู เก่ เหว่เถ่แก โลเน๊มู๊แหม่รีแจ่ กู่กล๊อ ซาตาน เด๊อ อา เป๊อ แกแย เด๊อ อา หยื่อเอ่โต่ เต๊เห่ เออเนอ โตโด เฮ๊อ.

เปโตร เนอบ่า ต๊าบ่า 2:4

ม๊อขุ เตเน่วพู๊ เด๊อ อา เมซื๊อเต เต๊เห่เนอ, จอแปแหร่ แด่ลว๊าแก เหย่ซี โต่. อา วีตาแก เหย่ซี เด๊อ ง่าหร่าปอรากยากู. อา ด๊อโน เหย่ซี เด๊อ เห่กู คี๊ตือรือ เต๊เห่ อากู เร๊อ อา แด่โอ่ โต่ เหย่ซี เด๊อ เตเมจากาคยา อาม๊อเนอ เนอเตอเนอ ปา.

ꤗꤢ꤬ꤊꤢꤨ 1:24

เร๊อ อา เอ๊โทแถ่ เน๊อ, “เก๋อ แกแย วีนาซาเร็ธพู๊ เหย่ซู๋, เน ซิหยื่อ เม เป ฮู๊เต? เน เตเร แฮ เมปย๊าเมหลู่ เมเซอเมเหม่ แกลอเฮ๊อ เป ปาแอ? เน หม่า อูเป เนอ หม่า แว ซิเง แพ๊, เน หม่า จอแปแหร่ อาพู๊คู บูโพ๊ เตเพร.”

เอเฟซัส 2:2

เบ๊อะเนออาเค, ซี ครวาเมเกอ เห่ขุ อา เตมู๊แหม่รีแจ่ เต๊เห่. ซี หนิดา จูเอ่ เกอ แพ๊ โลเน๊มู๊แหม่ กู่กล๊อ เด๊อ อา เป๊อหนิ โลเน๊โลหน่า เด๊อ ม๊อเล เต๊เห่ อาโหง่. โลเน๊มู๊แหม่รีแจ่ กู่กล๊อ เออเนอ, อา เป๊อหนิปา แกแย เด๊อ อา หนิดา เกออู จอแปแหร่ อาโหง่ โต่ เนอเต๊เห่.

ꤜꤢꤨꤊꤢ꤬ 10:18

เหย่ซู่ เฮ๊ฉื่อ เหย่ซี เน๊อ, “แว แม๊เถอะ จอแปแหร่ เมเป่ โลเน๊ กู่กล๊อ เร๊อ อา โอ่ เด๊อ ม๊อขุ ตาแล แซ่ เจ๊อ เร๊อ ฉ่าลีบ๊อ เนอ เจ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:10

จอแปแหร่ อาพู๊อาเลอ เต๊เห่ เร๊อ โลเน๊มู๊แหม่รีแจ่ กู่กล๊อ อาพู๊อาเลอ เต๊เห่เนอ, เป ซิเง ตาเต แจ่ อา ฮู๊เออ เฮ๊เรอ, อูเปเป๋ เบ่เบ่ อา เก่ เม แฮเง ตื๊อดื่อปา เต เด๊อ อา โตโต่ เต๊เห่, โต่หม่าแน๊ อา โม เกอเร๊อ เกอ อาโป่อาแหม่ ครี๊พู๊ เต๊เห่ โต่ เฮ๊เนอหม่า จอแปแหร่ อาพู๊อาเลอ หม่าโต่.

มัทธิว 13:38

เพร๊ อาโหง่แลช๊า หม่า เห่ขุ เออต๊าบ่า เฮ๊อ, โบ๊กู่ลากลุย เด๊อ อาโช เต๊เห่ อาโหง่แลช๊า หม่า ม๊อขุ เทอเลเก่กูพู๊ เต๊เห่เฮ๊อ, โร๊ยเหมาะ เต๊เห่ อาโหง่แลช๊า หม่า แกแย โลเน๊มู๊แหม่รีแจ่ อาพู๊ เต๊เห่เฮ๊อ.

เตเด๊อะโลแถ่ 20:10

โลเน๊มู๊แหม่รีแจ่ กู่กล๊อ เด๊อ อา อิลออี๊โหล่ แลโฮ เหย่ซี เออโตโดเนอ, อู วีตาแก ลู เด๊อ หมิเผ่ เด๊อ อู ชื๊ออือ เร๊อ หย่าซู๊แบ เออเนอ เต๊เผ่อากู. หมิเออ เต๊เผ่ เนอหม่า หม่าเฮ๊อ อู เหล่วีตา เตมีเตแหม่ เนอโตโด เร๊อ เพรโพร แลโฮ เนอเต๊เห่ อาเหล่โอ่ เนอ เฮ๊อ. เร๊อ เหย่ซี เก่ ข่าเบ่ เตจาเตจือ เหมาะคี๊คี๊ เหมาะเชเกลเกล ตูจูเพร แตแลเคร๊ เจ๊อ ปา.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:19

เป ซิเง เร๊อ เป เออเต๊เห่ เนอหม่า จอแปแหร่ อาพู๊อาเลอ เต๊เห่ หม่าแน๊เรอ ล๋อ แกแย เด๊อ อาโร เต๊เห่ เนอหม่า อา โอ่ แลแค เด๊อ โลเน๊มู๊แหม่รีแจ่ กู่กล๊อ เด๊อ อา เม เตมู๊แหม่ เออโตโด อา เตเป๊อตี๊หรี่ อาเล.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:5

หม่าแน๊เรอ แซ่ฮู๊ ครี๊ เก่ พย๊าจว๊าแก เป เตซื๊อเตปล๊า เต๊เห่ อาเงเนอ, อา แฮแล โทเฮ๊อ เด๊อ เห่ขุ เออเนอหมา ซี ซิเง โทดื่อ เฮ๊อ. โท๊โต่ ซี ซิเงเฮ๊อ เร๊อ เหย่ซู่ครี๊ เออเนอหมา อา เตซื๊อเตปล๊า โอ่เกออู เตอเจ๋อ โต่.

เตเด๊อะโลแถ่ 20:15

แกแย เตเพรเพร เด๊อ อู เก่ แม๊เถอะ อู ราโอ่ อามุย เด๊อ ลีเซอเพร เออต๊าบ่า อากู โต่ เฮ๊ เนอ, อู เบ่ วีตาแก อา เด๊อ หมิเผ่ เออเต๊เผ่ อากู.

ꤛꤢꤨꤘꤢ꤬ 1:6

ซิเงแถ่เบ่ หนิคยาแซ๊ แลแค ดื่อ เตเน่วพู๊ เด๊อ อา วีแก แก จอแปแหร่ เด๊อ เหย่ซี อาเตเป๊อตี๊หรี่ เออเนอ, เร๊อ เถ่จว๊า โค๊แกลา เร๊อ อา เหล่โอ่เหล่แบ่ เออเนอ เต๊เห่. จอแปแหร่ จอหม่า ลอเฮ๊อ เหย่ซี เร๊อ สู่เปลอต่อเท๊ เร๊อ อา แด่โน เฮ๊อ เหย่ซี เด๊อ เตคี๊เตลอ อากู เฮ๊อ. เร๊อ อา เก่ แด่โอ่ โต่ เหย่ซี เด๊อ เตเมจากาคยาอา ม๊อเนอดุ เนอเตอเนอ ปา.

เห่ขุทวาลู่ 3:15

แว นอ ทวาแถ่ เนเออ เน๊อ เพรเหมาะ เออเตเพร เก่ ซิเถ่ซิฮา ลู ปา, เนกลุยเนลุ๊ย เน๊อ เพรเหมาะ อากลุยอาลุ๊ย เก่ ช๊า ลู ปา, เร๊อ เพรเหมาะ อากลุยอาลุ๊ย เก่ หยิหมื่อ เนกู่กล๊อ ปา, เร๊อ เน เก่ อ่าติ เพรเหมาะ อากลุยอาลุ๊ย เพรคู เนอเตเพร อากู๊โหน่แก ปา.”

มัทธิว 4:3

เบ๊อะเนออาเค โลเน๊มูแหม่ กู่กล๊อ แฮ เด๊อ ลูโอ่ เร๊อ อา เฮ๊ ลู เน๊อ, “เน เก่ หม่า จอแปแหร่ อาพู๊ เตเพร เฮ๊เรอ, นอตาหล่อ เออเต๊เห่ เร๊อ นอทวาแถ่ อา เร๊อ ค๊อมู เนอ.”

มัทธิว 12:28

หม่าแน๊เรอ แว เก่ เหว่เถ่แก โลเน๊โลหน่า เออเต๊เห่ เร๊อ จอแปแหร่ อา แหย่โยบูโพ๊ เก่เฮ๊เรอ, เออเนอ หม่า อายูโล เน๊อ จอแปแหร่ เป๊อะเทอ เป๊อะเก่ เออเนอ อา แฮโต่เฮ๊อ เด๊อ ซีโอ่ เฮ๊อ.

ทิโมธี อาเหร่อเล๊อ ต๊าบ่า 3:16

เป เตจ๊อบู่จ๊อเบ อาจ่ออาแย อาดุอาแย เจ๊อ บ๋า เต บ๋า เตเนอ อู โชโม๊บิแก หนิแจ่ อา เตเพร่ว โต่. ครี๊ โอ่โลแถ่ เฮ๊อ ฮู๊ แกแย เห่ขุพู๊ เตเพร, เร๊อ แหย่โยบูโพ๊ แบ่เจ่ ข่าเฮ๊อ ซิปล่อ เน๊อ ครี๊ เออเนอ อา เมโต จอแปแหร่ อาซิปล่อ, เร๊อ ม๊อขุ เตเน่วพู๊ เต๊เห่ แม๊เถอะเบ่ เฮ๊อ อา. โทเรอ อา อาหรี่อาแก เออเนอ, อู แด๊โฉ่โด่แน เฮ๊อ อา เด๊อ เมวจ่อโรพู๊ เต๊เห่ อาเกลเฮ๊อ. แกแย โอ่ เด๊อ เห่ขุเออ เต๊เห่เห่ เนอ อา หยื่อเอ่แหน่ เกอ เฮ๊อ อา เฮ๊อ. จอแปแหร่ จอแถ่เฮ๊อ อา เด๊อ ม๊อขุ เด๊อ เตลีเตเค อากูเฮ๊อ.

ꤟꤤꤙꤚꤢꤨ 9:26

เก่ ครี๊ โหล่โน โตโมโม เกอ ฮู๊เนอ เก่เฮ๊เรอ, อา โตเบ่ ข่าเซอ โตโมโม เกอ อาซิปล่อ เด๊อ เห่ขุ ทวาแถ่ลู่ เบ๊อะเนอ ปา เจ๊อ กอกอ. อา โหล่ ข่าเซอ ฮู๊เนอโต่. กู๊แหน่เออ เบ๊อะเห่ขุ เตเร พื๋อ ตื๊อดื่อเฮ๊อ เบ๊อะเนอ, อา แฮ ข่าเซอ แพ๊ โตโพ๊ เร๊อ อา โทปลื๊อ ลาเฮ๊อ. เด๊อ อา หลู่แตแถ่ อาเหน่กล่อ เร๊อ อาเหน่เออ อาขว่าอาคยา, อา พย๊าจว๊า ตาพาแก ลอ แกแย เต๊เห่ อาเตซื๊อ เต๊เห่ เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:2

เบ๊อะเตเซอเพร เออ โอ่โลแถ่ เบ๊อะเนอ, เป แม๊เถอะ อา อาขว่าอาคยา, อา อาหรี่อาแก หม่าเฮ๊อ เตเซอเพร ตูจูเพร แตแลเคร๊ เออเนอ, เป แด๊โฉ่โด่แน โลแจ่ เป่ ลอ เฮ๊อ ซี เฮ๊อ. เตเซอเพร ตูจูเพร ตาแลเคร๊ เออเนอ, อา โอ่เต่อ เร๊อ เปเพ จอแปแหร่ โทเรอ อา แฮ โอ่ โลแถ่ เป่ เฮ๊อ เปเฮ๊อ.