ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:3 - ลีเทส่อพ๊าอาเซ เร๊อ เห่ขุทวาลู๊

³ แกแย เด๊อ อา โอ่ป่อแม๊ชือ แลแค เร๊อ อา เก่ ทวาแถ่ แซ่เน๊อ เหย่ซู่ครี๊ ปา เต๊เห่เนอ, ฮู๊ ครี๊ บูโพ๊เนอ, อา เก่ แด่บูโพ๊ เกอ อาเหน่ ฮู๊เนอ ปา.

Eastern Kayah Shadaw Dialect

³ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ꤕ꤫ꤢꤪ꤬ꤗꤢꤧꤏꤢꤦ꤭ ꤜꤢ꤭ꤋꤢꤧ꤭ ꤔꤢꤧ ꤢ꤬ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤞꤢꤧꤔꤢꤧ ꤛꤢꤩ꤬ꤏꤛꤢꤨꤋꤚꤤ ꤕꤢ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤟꤢꤨ ꤋꤚꤤ ꤖꤥꤏꤣꤧ ꤔꤣꤧ꤬, ꤢ꤬ ꤠꤤ꤭ꤊꤢꤧ꤭ ꤊꤢꤧ꤭ ꤜꤢꤪ꤭ ꤗꤢꤩ꤬ꤒꤢꤩ꤬ꤞꤢꤦ ꤕꤝꤢ꤭꤮ ꤒꤣ꤬ꤡꤣ꤬꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:3 ပူးပေါင်းရင်းမြစ်များ

โครินธ์ เนอบ่า ต๊าบ่า 7:1

โคแบ๊ซว๊า ซี๋, ล๊อ จอแปแหร่ อ๊อแล เต๊เห่ เนอหม่า เปเง ลอ เฮ๊อ. ฮู๊เนอเรอ, เป เก่ จว๊า ตาพาแก เร๊อ เปเหน่กล่อ อา เตซิหยื่อ มู๊แหม่รีแจ่ เต๊เห่ เร๊อ เป ซิปล่อ อา เตเตเน มู๊แหม่รีแจ่ เออเนอ เต๊เห่ โป๋. เร๊อ เด๊อ เป ซิอิเช แด่ซิแหน่ซิเตเร จอแปแหร่ เออ อาขว่าอาคยาเร๊อ เป เก่ ทวาแถ่ แลแค ดื่อ แกแย เด๊อ อา บูโพ๊ เต๊เห่ โป๋.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:6

อูเป เตเพร เบ่เบ่, อา เก่ เฮ๊แถ่โล เฮ๊อ อาเหน่ เร๊อ อา ทวาแถ่เฮ๊อ เตเตอเจ๋อ โต เฮ๊อ เร๊อ จอแปแหร่ เฮ๊อ เฮ๊เนอ, อา โตเบ่ ครวาเค หยิเกอ เหย่ซู่ครี๊ อากู๊โด่ เหล่โกล.

เปโตร เนอบ่า ต๊าบ่า 3:14

ฮู๊เนอเรอ โคแบ๊ซว๊าโม ซี๋, เด๊อ ซี โอ่ป่อแม๊ชือ เตเออ อาขว่าอาคยา, แซ่ฮู๊ จอแปแหร่ เก่ แม๊เถอะ แต่ ซี เร๊อ แกแย เด๊อ อา โตโพร๊วี๊ เร๊อ เตซื๊อ แต่เหม่, โทเรอ แซ่ฮู๊ อาเหล่แด่ เตซื๊อ เด๊อ ซีโอ่ เก่ โอ่ แต่เหม่, โท๊โต่ แซ่ฮู๊ ซี เก่ โอ่เปดวา เต่อเร๊อ อา ปา เนอ, แอ๊จื๊อแอ๊เหร่ ตื๊อดื่อ แลแค นี๋.

มัทธิว 5:48

เมฮู๊เนอเรอ, ฮู๊ ซีเพ เด๊อ ม๊อขุ เออเตเพร อา แร๊เล๊อบา เนอ, แร๊เล๊อะบา แซ่เกอ เร๊อ อา เนอ นี๋.”

ꤟꤤꤙꤚꤢꤨ 12:14

แอ๊จื๊อ โอ่โครโอ่เกล เกอ เน๊อ อู ปว๋า เตเพร นี๋. แอ๊จื๊อ โอ่เซอเพร บูโพ๊ แลแค นี๋. เมเตเฮ๊เรอ เตโอ่เซอเพร บูโพ๊ เก่ โอ่โต่ เฮ๊เนอ, อู แม๊เถอะแจ่ แบ่เจ่ เตเพร่ว โต่.

ꤟꤤꤙꤚꤢꤨ 7:26

ฮู๊เนอเรอ, เหย่ซู่ หม่า เพรหลู่แต กู่กล๊อดุเล๊อ เตเพร เด๊อ อา เมเล๊อบา เป่ ลอ ล๋อ เป เตโหล่ เต๊เห่. อา หม่า อา บูโพ๊, อาเตซื๊อ โอ่โต่, อาซิปล่อ อาโพ๊อาแปละ. จอแปแหร่ แด่โอ่ข่อ ตาพา โค๊ดื่อ ลู เร๊อ เพรเมเตซื๊อ เต๊เห่, เร๊อ อา เด๊อะโอ่เฮ๊อ ลู เด๊อ เหล่โอ่ แถ่โลเล๊ออู โต๊โผ่ เฮ๊อ.

โคโลสี 1:5

เบ๊อะซี หนิโฮ ลู่ เตซิครือมีลา เด๊อ อาหม่า อาจ๊อ เออ เบ๊อะเนออาเค, ซี หนิโฮ โทดื่อเฮ๊อ เตแม๊ชือ เด๊อ เตซิครือมีลา เด๊อะ ซี เออเนอ เฮ๊อ. เด๊อ เตแม๊ชือ เออ อาขว่าอาคยา, ซี หยื่อเอ่ จอแปแหร่, โทเรอ ซี โมหนิเร๊อ อูโร. จอแปแหร่ แด่ดว๊าแด่ปล๊อ เป่ เฮ๊อ ซี เตแม๊ชือ เออเนอ เด๊อ ม๊อขุ เฮ๊อ.

เพรโด่แนพู๊ เต๊เห่ 15:9

จอแปแหร่ อา เตแม๊เถอะ เนอหม่า ฮู๊เตเฮ๊เรอ, แกแยยิวพู๊ เออเต๊เห่ เร๊อ แกแยยิวพู๊ หม่าโต่ เออเต๊เห่ เนอหม่า อาโค๊ เร๊อ ลู เตอเจ๋อ โต่. เด๊อ เหย่ซี หยื่อเอ่แลแค จอแปแหร่ อาขว่าอาคยา, อา ปลวาแก เหย่ซี เตซื๊อ เร๊อ อา เมโพ๊เมแปละเฮ๊อ เหย่ซี ซิปล่อ.

ꤒꤤꤒꤢꤨ 3:7

จอแปแหร่ แด่จ๊อแด่เต เป เนอ อาบุ๊ยดุอาเตอเรอทู ขว่าคยา เฮ๊อ. ฮู๊เนอเรอ กู๊แหน่เออ เป พย๊าหนิเฮ๊อ เป เตแม๊ชือ เด๊อ อา หม่าดื่อ ซิปล่อเซอเพร อู่เจเต๊เหย่ ตูจูเพร ตาเลเคร๊ เออเนอ เฮ๊อ.

เปโตร เนอบ่า ต๊าบ่า 1:4

เด๊อ อา เตโพรเตเตอเรอ เด๊อ อาดุอาทู เร๊อ อาเตแร๊ หม่าแหน่ เร๊อดื่อ เออเต๊เห่ อาขว่าอาคยา, อา เด๊อะแล โทเฮ๊อ เป อา เตอ๊อแล เด๊อ อางูดุ เร๊อ อาดุอาแย แหน่เจ๊อ เออเต๊เห่ เฮ๊อ. เด๊อ อา เด๊อะแล เตเออเต๊เห่ อาขว่าอาคยา, ซี เก่ แลเปล๊เถ่แก เร๊อ เหล่เตเน ปาต๊า มู๊แหม่รีแจ่ เด๊อ อา เมปย๊า ซี เด๊อ เห่ขุ เออเนอเต๊เห่ ปา. โท๊โต่ ซี เก่ ทวาแถ่ แซ่เกอดื่อ ฮู๊ จอแปแหร่ อาเหล่โกล เนอ ปา.

ꤜꤢꤨꤊꤢ꤬ 6:36

ซี เบ่ ซิยอเร๊อ เกอ อู ฮู๊ ซีเพ จอแปแหร่ ซิยอเร๊อ อู เนอ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:17

เป เก่ โมเร๊อ อูโร ฮู๊เนอ เฮ๊เนอหม่า, จอแปแหร่ อาเตโม โอ่เล๊อโอ่บา เฮ๊อ เด๊อ เปกู เฮ๊อ. ฮู๊เนอเรอ ช๋า เตเมจากาคยา อาม๊อเนอ แฮโต่เฮ๊อ ปาเนอ, เป เก่ ซิปล่อคือ ซิปล่อฮา เฮ๊อ ปา, เมเตเฮ๊เรอ เป เตโอ่เซอเพร เด๊อ เห่ขุเออ เนอ, อา ย๋อ แซ่เฮ๊อ เร๊อ ครี๊ อา เตโอ่เซอเพร เฮ๊อ อาขว่าอาคยา, เป เก่ ซิปล่อคือ ซิปล่อฮา เฮ๊อ ปา.

ꤟꤤꤙꤚꤢꤨ 6:18

ฮู๊เนอเรอ จอแปแหร่ เด๊อะ ลอเฮ๊อ เป อา เตอ๊อแล เน๊อ อา เตแบแลหนิ อาโหง่เออ เนอเจ่อลอ เฮ๊อ. จอแปแหร่ แลโฮแจ่โต่ อาขว่าอาคยา, เออเนอเจ่อ เนอ อา ถู่แหล่ เต๊เปล่ โค๊แจ่ โต่โต่. เป เด๊อ อา แกล่ ตาดวา โอ่ว่าวโอ่โอ๊บี๊ เฮ๊อ เด๊อ จอแปแหร่ อา โอ่ เต๊เห่เนอ, เด๊อ จอแปแหร่ ถู่แหล่ เต๊เปล่ โค๊แจ่ ปา อา เตอ๊อแล โต่ อาขว่าอาคยา, เป ซิปล่อโม ซิปล่อชอแถ่ แหน่เจ๊อ. เด๊อ เป ซิปล่อโม ซิปล่อชอ อาขว่าอาคยา, เตแม๊ชือ เด๊อ จอแปแหร่ เด๊อ เปเออ เนอ, เป ปื่อหม่า แฮเง ตื๊อดื่อ เต่อเบ๊เฮ๊อ เด๊อ อาตื๊อดื่อ เฮ๊อ.

เธสะโลนิกา เนอบ่า ต๊าบ่า 2:16

เปเพ จอแปแหร่ อาบุ๊ยอาเตอเรอ ขว่าคยาเร๊อ, อา เด๊อะตา เฮ๊อ เป อา เตเด๊อะอ๊าเด๊อะเหร่ ตูจูเพร เร๊อ เตแม๊ชือ เด๊อ อาตาอาเต เออเต๊เห่เนอ เฮ๊อ. เป แบ่เจ่ เหย่ซู่ครี๊ เร๊อ เปเพ จอแปแหร่ เด๊อ อา โมหนิเร๊อ เป เออเตเพร เก่ เด๊อะอ๊าเด๊อะเหร่ ดื่อ ซี นี๋. โท๊โต่ แซ่ฮู๊ ล๋อ ซี เตเอ่เตแร เนอเต๊เห่ เร๊อ ล๋อ ซี เตเฮ๊เบ่เฮ๊โช เต๊เห่ เก่ แร๊ อาเงเนอ, อา เก่ เด๊อะฉว่าเด๊อะชอแถ่ ดื่อ ซี ซิปล่อ นี๋.

ꤚꤥꤗꤢꤩ꤬ 15:12

เพรโพร อิสยาห์ เฮ๊ โป่ คยาแซ๊ เน๊อ, “เพเจสซี อากลุยอาแล เก่ แฮ โอ่โลแถ่ เตเพร ปา, เร๊อ อา เก่ เป๊อหนิ แกแยยิวพู๊ หม่าโต่ เต๊เห่ ปา. แกแยยิวพู๊ หม่าโต่ เต๊เห่ เก่ แม๊ชือ แลแค ลู ปา.”

ꤛꤥ꤭ꤟꤢ꤬ 17:19

แซ่ฮู๊ เหย่ซี เก่ ซู๊ปลีบูโพ๊ เกอ แลแค ซิปล่อ เร๊อ เนลาเนโหง่ อาเตหมะเตจ๊อ เออเนอ เนอ, แว เด๊อะแล ลอหล่าตี๊กลิ โทเฮ๊อ แว ซิปล่อเซอเพร เด๊อ เหย่ซี อาเหล่โอ่ เฮ๊อ.”

ꤡꤛꤢꤩ꤭ꤗꤢ꤬ꤎꤣ꤬ 4:8

ซ๊าซื๊อ แฮผื่อ แลแค ซีเหน่ เร๊อ จอแปแหร่ ตื๊อหม่า อา ซ๊าซื๊อ แฮผื่อเกอ อาเหน่ เร๊อ ซี แพ๊. เพรเมเตซื๊อ ซี๋, ซู๊ปลีแก แลแค ซี กู๊ขุเนอ. แกแย ซิปล่อ โอ่เอ๊ ซี๋, เมโพ๊เมแปละ แลแค ซี ซิปล่อเนอ.

เปโตร อาเหร่อเล๊อ ต๊าบ่า 1:3

เป เก่ เฮ๊บุ๊ยเฮ๊เตอเรอแถ่ โหร่ลู เป แบ่เจ่ เหย่ซู่ครี๊ อาเพ จอแปแหร่ โป๋. หม่าเด๊อ อา เตซิยอ ตาลว๊าซิลือ เป เออ, เร๊อ เหย่ซู่ครี๊ อาเตเซอ ก๊อถ่อกาคยา อาขว่าอาคยา, อา เด๊อะตา เฮ๊อ เป เตเซอเพร อาเซ เฮ๊อ. เด๊อ เออ อาขว่าอาคยา, เป พย๊าหนิ แฮเง ลาเฮ๊อ เป เตแม๊ชือ เด๊อ เป เตโอ่เซอเพร อากู เฮ๊อ.

เปโตร อาเหร่อเล๊อ ต๊าบ่า 1:15

จอแปแหร่ เด๊อ อา นว๊าแถ่ ซี เออเตเพร เนอหม่า อาบูโพ๊ อาขว่าอาคยา, ซี แรเต อิเตเต๋ เบ่เบ่ เนอ, โอ่เซอเพร บูโพ๊ แลแค.