ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:23 - ลีเทส่อพ๊าอาเซ เร๊อ เห่ขุทวาลู๊

²³ จอแปแหร่ เฮ๊แก อาโหง่ เร๊อ อา เฮ๊ เนอ, เป เบ่ หยื่อเอ่ อาพู๊คู เหย่ซู่ครี๊ อามุย เร๊อ เป เก่ โม เกอเร๊อ แคลู เตเพร เร๊อ เตเพร ฮู๊ อา เฮ๊แก โทเฮ๊อ อาโหง่ เร๊อ เป เออเนอ.

Eastern Kayah Shadaw Dialect

²³ ꤡꤢꤪꤗꤣꤧ꤬ꤚꤢꤧ꤬ ꤗ꤫ꤢ꤬ꤊꤢꤧ꤭ ꤢ꤬ꤍ꤫ꤥ꤬ ꤚꤣꤧ꤬ ꤢ꤬ ꤟꤢꤩ ꤔꤢꤧ, ꤕꤢꤩ꤬ ꤙꤢꤩ꤬ ꤛ꤫ꤢꤦ꤬ꤢꤩ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤛꤢꤩ꤬ꤏꤛꤢꤨꤋꤚꤤ ꤢ꤬ꤗꤝꤤ꤭ ꤚꤣꤧ꤬ ꤕꤢꤩ꤬ ꤊꤢꤩ꤬ ꤗꤥ꤬ ꤚꤣꤧꤘꤢꤦ꤬ ꤋꤛꤢ꤭ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤟꤢꤨ ꤢ꤬ ꤗ꤫ꤢ꤬ꤊꤢꤧ꤭ ꤓꤥ꤭ꤟꤣꤧ ꤢ꤬ꤍ꤫ꤥ꤬ ꤔꤢꤧ ꤕꤢꤩ꤬ ꤣꤧ꤭ꤔꤣꤧ꤬꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:23 ပူးပေါင်းရင်းမြစ်များ

มัทธิว 22:39

เนอมาตามา หม่า, อา แซ่เน๊อ เร๊อ เหร่อ เนอ ตามา เฮ๊อ, ‘โม แกแย เด๊อ อา โอ่ผื่อโอ่ว๊า เร๊อ ซี เนอเต๊เห่ ฮู๊ ซี โม เกอเร๊อ ซีเหน่ เนอ.’

ꤗꤢ꤬ꤊꤢꤨ 9:7

เร๊อ อ๊อโหล่ ตื๊อบื่อ แลปอ ตาบี๊แก เหย่ซี เร๊อ โหง่พราเถ่ เด๊อ อ๊อโหล่กู เร๊อ อา เฮ๊ เน๊อ, “เออเตเพร หม่า แวพู๊คู เด๊อ แว โม เกอเร๊อ อา เตเพร, เร๊อ หนิดา แลแค อาโหง่ นี๋.”

ꤛꤥ꤭ꤟꤢ꤬ 1:12

หม่าแน๊เรอ แกแย เด๊อ อา เอ๊ฉื่อ ลู เต๊เห่ เร๊อ อา หยื่อเอ่แหน่ ลู เต๊เห่เนอ, อา เด๊อะทวาแถ่ เหย่ซี เร๊อ จอแปแหร่ อา พู๊เหมาะ พู๊คู เต๊เห่.

ꤛꤥ꤭ꤟꤢ꤬ 13:34

“ฮู๊เนอเร๊อ กู๊แหน่เออ แว เก่ เฮ๊แก ซีโหง่ อาเซ ตือมือ. โม เกอเร๊อ แลแค ลู เตเพร เร๊อ เตเพร นี๋. ฮู๊ แว โม เกอเร๊อ ซีเนอ, ซี เบ่ โม เกอเร๊อ ลู เตเพร เร๊อ เตเพร.

ꤛꤥ꤭ꤟꤢ꤬ 14:1

แบ่เจ่ เหย่ซู่ เฮ๊ เหย่ซี เน๊อ, “ซิปล่อกู่ ซิปล่อแก แลแค แต่เหม่ นี๋. หยื่อเอ่ แลแค จอแปแหร่ เร๊อ หยื่อเอ่เกอ แลแค แว นี๋.

ꤛꤥ꤭ꤟꤢ꤬ 15:12

โม เกอเร๊อ ลู เตเพร เร๊อ เตเพร ฮู๊ แว โม เกอเร๊อ ซี เออเนอ นี๋, เออ หม่า หม่าเฮ๊อ แว โหง่เฮ๊แก เฮ๊อ.

ꤛꤥ꤭ꤟꤢ꤬ 17:3

จอแปแหร่ หม่า ตื๊อ เน เตเพรแพ๊, เร๊อ แกแย เด๊อ อา ซิเง เน เร๊อ อา ซิเง เร๊อ แว หม่า เหย่ซู่ครี๊ เด๊อ เน ปลวาแฮ ลู เตเพร เต๊เห่ เนอหม่า หม่าเฮ๊อ เตซิเง เด๊อ อา เด๊อะ เหย่ซี ซิปล่อเซอเพร ตูจูเพร เฮ๊อ.

ꤛꤥ꤭ꤟꤢ꤬ 2:23

เบ๊อะเหย่ซู่ โอ่ปา วี เยรูซาเล็ม ป่วยเตจว๊า ตา ลว๊า อูป่วยกู เบ๊อะเนอ, อู แม๊เถอะ อา เม เตโค๊ตีกลี๊ เนอเต๊เห่ อาขว่าอาคยา, อู หยื่อเอ่ โหร่แหน่เจ๊อ ลู.

ꤛꤥ꤭ꤟꤢ꤬ 3:18

แกแย เด๊อ อา หยื่อเอ่ พู๊คู เต๊เห่เนอ, จอแปแหร่ เมจากาคยา เหย่ซี โต่. แกแย เด๊อ อา หยื่อเอ่ พู๊คู โต่ เต๊เห่เนอ, จอแปแหร่ เมจากาคยา เหย่ซี เฮ๊อ, เมเตเฮ๊เรอ, อา ย๋อ หยื่อเอ่ เกออู จอแปแหร่ อาพู๊คู เด๊อ อา โอ่ ตื๊อ เตเพรเพร่ว เออเตเพร โต่ อาขว่าอาคยา, อา เมจากาคยา เฮ๊อ เหย่ซี.

ꤛꤥ꤭ꤟꤢ꤬ 6:29

เร๊อ แบ่เจ่ เหย่ซู่ เฮ๊ฉื่อ เหย่ซี เน๊อ, “หยื่อเอ่ แลแค แว เด๊อ จอแปแหร่ นอแฮ อา เออเนอ.”

เพรโด่แนพู๊ เต๊เห่ 16:31

เร๊อ เหย่ซี เฮ๊ฉื่อ ลู เน๊อ, “หยื่อเอ่แลแค แบ่เจ่ เหย่ซู่ เออเนอ, เร๊อ เน เด๊อ แกแย เด๊อ อา จว๊า โอ่ลอเกอ เร๊อ เน เด๊อ เนหี่กู เต๊เห่เนอ, อา เก่ พย๊าหนิ ดื่อ เตเมแลเปล๊กา ปา.”

เอเฟซัส 5:2

ซี โต โอ่เซอเพร แลแค ฮู๊เต เฮ๊เนอหม่า, โมหนิเร๊อ แลแค อูโร ปว๋า เตอเนอ แซ่เน๊อ ครี๊ โม หนิเกอเร๊อ เป เร๊อ อา ข่าเซอ อาซิปล่อ เด๊อ เปเง เนอ นี๋. โท๊โต่ ครี๊ หลู่แถ่ อา ซิปล่อเซอเพร เด๊อ จอแปแหร่ อา เป๊เส่เง แซ่เน๊อ เตโนมื๊อโนชือ เด๊อ อาโต จอแปแหร่ อาซิปล่อ เออเนอ เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:9

เตโมเร๊อ โป่แหว่ เด๊อ อา หยื่อเอ่แหน่ เต เต๊เห่ อาหรี่อาแก เนอ, เป โหล่ รา เป่ปา เร๊อ ซี โต่ เฮ๊อ. เมเตเฮ๊เรอ เต เด๊อ เบ่ โม เกอเร๊อ ลู เตเพร เร๊อ เตเพร เนอ ซี แหน่แบ่เจ่ เร๊อดื่อ, จอแปแหร่ อิซว๊าอี๊แส่ โทดื่อเฮ๊อ ซี เฮ๊อ.

ทิโมธี อาเหร่อเล๊อ ต๊าบ่า 1:15

แซ่ฮู๊ เหย่ซู่ครี๊ เก่ แฮ เมแลเปล๊กา แกแย เตซื๊อเตปล๊าพู๊ เต๊เห่ เรอ, อา แฮแล เด๊อ เห่ขุ เออ เฮ๊อ. เตเฮ๊เบ่ เออเนอหมา อาจ๊ออาเต เร๊อ แกแย ล๋อ ปลี โตเบ่ พย๊าฉื่อ ลอ อา ซีปล่อชีเม. เพรเมซื๊อเตพู๊ ล๋อ ปลี อาเกลเนอหม่า แว หม่า แกแย เด๊อ อา เมซื๊อ ดุเล๊ออู เตเพร เฮ๊อ.

เปโตร อาเหร่อเล๊อ ต๊าบ่า 1:22

กู๊แหน่เรอ เด๊อ ซี จูเอ่ เฮ๊อ จอแปแหร่ อา เตอิซว๊า อา เตหมะเตจ๊อ เต๊เห่ อาขว่าอาคยา, ซี เมโพ๊เมปลี เฮ๊อ ซี ซิปล่อ เร๊อ ซี ทวา เฮ๊อ แกแย เด๊อ อา โมหนิ หม่าแหน่ เจ๊อเฮ๊อ โป่แหว่ ครี๊พู๊ เออเต๊เห่ เฮ๊อ. เมฮู๊เนอเรอ โมลอ แคลูเน๊อ ซิปล่อซีเม เตเพร เร๊อ เตเพร นี๋.

เปโตร อาเหร่อเล๊อ ต๊าบ่า 4:8

เด๊อ เตล๋อ ปลี อาเกลเนอ, เตโม หม่าแหน่ ลู เตเพร เร๊อ เตเพร เนอหม่า อา โหล่ดุเล๊อ อู เฮ๊อ, เมเตเฮ๊เรอ เตโมเนอ อา ปลวาแก เอ๊แหน่เจ๊อ เตซื๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:7

แว โคแบ๊ซว๊าโม ซี๋, โหง่เฮ๊แก เด๊อ แว รา เป่ ซี เออเนอหมา อาเซ หม่าโต่, หม่า โหง่เฮ๊แก อาเลอ เด๊อ ซี พย๊าหนิ โทเฮ๊อ เด๊อ ซี ทวาลู่ ครี๊พู๊ เบ๊อะเนอ ปาเนอ ตามา แพ๊. โหง่เฮ๊แก อาเลอ เออตามา เนอหม่า หม่าเฮ๊อ เตหรี่เตแก เด๊อ ซี หนิโฮน๊อ โทเฮ๊อ เนอเต๊เห่ เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:11

เตหรี่เตแก เด๊อ ซี หนิโฮ เด๊อ ซี ทวาแถ่ลู่ ครี๊พู๊ เบ๊อะเนอหม่า หม่าเฮ๊อ เป โตเบ่ โม เกอเร๊อ ลู เตเพร เร๊อ เตเพร เออเนอ เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:15

แกแย เตเพร เก่ เฮ๊โฉ่ เถ่โล เร๊อ เหย่ซู่ เนอ, จอแปแหร่ อาพู๊คู เตเพร เก่เฮ๊เนอหม่า จอแปแหร่ โอ่หม่าโอ่กลอ เฮ๊อ เด๊อ ลูเหน่กู เร๊อ อา โอ่หม่าโอ่กลอ เฮ๊อ เด๊อ จอแปแหร่ อากู เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:21

เร๊อ โหง่เฮ๊แก เด๊อ เป พย๊าหนิ เด๊อ เหย่ซู่ครี๊ อา โอ่ เออเนอหมา อา เฮ๊ เร๊อ แกแย เด๊อ อา โมเร๊อ จอแปแหร่ เต๊เห่เนอ, อา โตเบ่ โมเร๊อ เกอ อาโป่อาแหม่ ครี๊พู๊ เต๊เห่.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:13

เต เด๊อ แว รา เป่ ซี เออเนอหมา, แซ่ฮู๊ ซี เด๊อ อา หยื่อเอ่ จอแปแหร่ อาพู๊คู อามุย เออเต๊เห่ เก่ ซิเง เกอ เร๊อดื่อ ซีเหน่ เร๊อ ซี พย๊าหนิเฮ๊อ ซิปล่อเซอเพร ตูจูเพร แตแลเคร๊ เฮ๊อ. อาเงเนอเรอ, แว รา เป่ ซี แพ๊.