ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:12 - ลีเทส่อพ๊าอาเซ เร๊อ เห่ขุทวาลู๊

¹² เป โตเบ่ แซ๊หนิ เร๊อ คูคาอิน เด๊อ โลเน๊มู๊แหม่รีแจ่ กู่กล๊อ เป๊อ เกอเร๊อ ลู เร๊อ อา เมเซอ เกอเร๊อ อาโป่ เนอเตเพร โต่. อา จว๊า เมเซอ โต่ อาโป่ เมเตเฮ๊เรอ อา เมเต เต๊เห่ เนอหม่า, อา ย๋อ มู๊แหม่รีแจ่ เร๊อ อาโป่ เมเต เต๊เห่ เนอหม่า, อา ย๋อ จ๊อเต อาขว่าอาคยา, อา เมเซอแก อาโป่ แพ๊.

Eastern Kayah Shadaw Dialect

¹² ꤕꤢꤩ꤬ ꤒꤥ꤭ꤙꤢꤩ꤬ ꤞꤢꤧꤔ꤫ꤤ꤬ ꤔꤢꤧ ꤋꤢꤨ꤭ꤊꤢ꤬ꤛꤤ꤬ ꤘꤣ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤕꤣ ꤚꤣꤧꤘꤢꤦ꤬ ꤜꤢꤨ꤭ ꤚꤣꤧ꤬ ꤢ꤬ ꤗꤢꤩ꤬ꤞꤣꤧ꤭ ꤚꤣꤧꤘꤢꤦ꤬ ꤢ꤬ꤕ꤫ꤥ꤬ ꤔꤣꤧ꤬ꤒꤣ꤬ꤖꤚꤢꤩ꤬ ꤒꤥ꤬꤯ ꤢ꤬ ꤡꤝꤢ ꤗꤢꤩ꤬ꤞꤣꤧ꤭ ꤒ꤫ꤥ꤬ ꤢ꤬ꤕ꤫ꤥ꤬ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢ꤬ ꤗꤢꤩ꤬ꤒꤢꤩ꤬ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ ꤜꤢ꤭ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤚꤣꤧ꤬ ꤢ꤬ꤕ꤫ꤥ꤬ ꤗꤢꤩ꤬ꤒꤢꤩ꤬ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ ꤜꤢ꤭ ꤡꤢꤪꤒꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤗꤢꤩ꤬ꤞꤣꤧ꤭ꤊꤢꤧ꤭ ꤢ꤬ꤕ꤫ꤥ꤬ꤖꤢꤧ꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:12 ပူးပေါင်းရင်းမြစ်များ

ꤟꤤꤙꤚꤢꤨ 11:4

เด๊อ เตหยื่อ อาขว่าอาคยา, คูอาแบล หลู่แถ่ จอแปแหร่ เนอ อาแร๊เล๊อ เร๊อ คูคาอิน อาเตหลู่. จอแปแหร่ พย๊าฉื่อ คูอาแบล อา เตหลู่แตแถ่ ฮู๊เนอเรอ, เด๊อ คูอาแบล อาเตหยื่อ อาขว่าอาคยาเร๊อ, จอแปแหร่ แด่เฮ๊อ ลู ฮู๊ แกแยจ๊อแกแยเต เตเพร เนอเฮ๊อ, เด๊อ อาแบล อาเตหยื่อ ขว่าคยา, อา เซอ โทเฮ๊อ หม่าแน๊เรอ อา เฮ๊เบ่ปา เป เร๊อ อาเตหยื่อ อาหรี่อาแก.

เห่ขุทวาลู่ 4:25

เพอาดาม โอ่เมอเต่อ คยาแซ๊ เน๊อ อาเม เร๊อ อา พู๊โอ่ หนิ อาพู๊เพรคู เตเพร เร๊อ โหมะเอวา เฮ๊ เน๊อ, “คูอาแบล เด๊อ คูคาอิน เมเซอแก ลู เนอเตเพร อาเหล่โอ่เนอ, จอแปแหร่ดุ เด๊อะ แว พู๊เพรคู เตเพร เร๊อ อา เด๊อะเต๊เปล่ คยาแซ๊ เป่เฮ๊อ แว พู๊เพรคู เตเพร เฮ๊อ,” ฮู๊เนอเร๊อ อา เอ๊ เกอเร๊อ ลูมุย เน๊อ คูเสท (เสทอาโหง่แลช๊า เด๊อ ฮีบรูโหง่ หม่า อา เด๊อะ.)

ꤛꤢꤨꤘꤢ꤬ 1:11

จอแปแหร่ เก่ เมจากาคยา หม่าแหน่ เจ๊อ เหย่ซี ปา, เมเตเฮ๊เรอ เหย่ซี ครวาเมเกอ ฮู๊ คูคาอิน เมเนอ เฮ๊อ. เด๊อ เหย่ซี แม๊ดุ รือเท อาขว่าอาคยาเร๊อ, อา ซิปล่อฉว่า ครวาเมเกอ ฮู๊ คูบาลาอัม เมซื๊อ โทเฮ๊อ เนอเฮ๊อ. เหย่ซี ช๊าฉื่อ อู ทวา ทวาดุทวาเต เต๊เห่ แซ่เน๊อ คูโคราห์ เมโทเฮ๊อ เนอ เฮ๊อ. อู เก่ เมปย๊าแก เหย่ซี ฮู๊ อู เมปย๊าแก คูโคราห์ เนอ ปา.

ꤜꤢꤨꤊꤢ꤬ 11:51

แว เฮ๊ ซี๋, เป๊อแถ่ เบ๊อะเพอาดัม อาพู๊ เมเซอ หนิเร๊อ อาโป่ คูอาแบล เนอเรอ โต่แฮ เด๊อ อู เมเซอ คูเศคาริยาห์ เด๊อ เตหลู่แต อาเหล่โอ่ เร๊อ เตมวาปลีบูโพ๊ อาเปล่กูเนอ, จอแปแหร่ เก่ เมจากาคยา หม่าแหน่ เจ๊อ เด๊อ ซี เออตือทือ เต๊เห่ ปา.

มัทธิว 23:35

ล๋อ แกแยจ๊อแกแยเต เด๊อ อู เมเซอ เหย่ซี เต๊เห่ อาสุ่ย, เป๊อแถ่ เบ๊อะ คูอาแบล อาสุ่ย เนอเรอ, โต่แฮ เด๊อ อู เมเซอ เพบารัคยา อาพู๊เพรคู คูเศคาริยาห์ อาสุ่ย เด๊อ อู เมเซอ ลู เบ๊อะเตหลู่แตโฮ เน๊อ เตหลู่อาเหร่ อาเปล่กู เออเนอ, จอแปแหร่ เก่ เมจากาคยา ซีปา.

เปโตร อาเหร่อเล๊อ ต๊าบ่า 4:4

ฮู๊เนอเรอ กู๊แหน่เออ ซี แบ๊ซว๊าแบ๊โค เม มีลาปย๊า ปา ซีเหน่ เร๊อ เตเออเต๊เห่ โต่ อาขว่าอาคยา, แกแย เด๊อ อา ซิเง จอแปแหร่ โต่ เออเต๊เห่ คย๊ายื๊อ แลแค เร๊อ อา เป๊อเจ่ออิแช๊ ลอปลี ซี เฮ๊อ.

ꤟꤤꤙꤚꤢꤨ 12:24

ซี แฮโต่เฮ๊อ เด๊อ เหย่ซู่ อาโอ่ เฮ๊อ เตอ๊อแล. อาเซ เด๊อ แกแยเห่ขุพู๊ เน๊อ จอแปแหร่ อาเปล่กู เออเนอ อา ทวา เป่ เฮ๊อ เพรแรเต เด๊อ อาเปล่กู เตเพร เฮ๊อ. โท๊โต่ ซี แฮโต่เฮ๊อ เด๊อ แบ่เจ่ เหย่ซู่ อาสุ่ย เหล่ทุ๊ยตา อาเหล่โอ่ เด๊อ อาแร๊ เล๊อเล๊อ ปา เจ๊อ เน๊อ คูอาแบล อาสุ่ย เนอ อา โอ่ เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:8

แกแย เตเพรเพร เด๊อ อา เม แฮเง ตื๊อดื่อปา เตซื๊อเตปล๊า เฮ๊เนอหม่า, โลเน๊มู๊แหม่รีแจ่ กู่กล๊อ เป๊อ เกอเร๊อ ปาแพ๊ ลู, เมเตเฮ๊เรอ โลเน๊มู๊แหม่รีแจ่ กู่กล๊อ เออเนอ, อา เมเจ๊อแหน่ เตซื๊อเตปล๊า เด๊อ อาแก่ช๊าเค ปา เจ๊อ, เร๊อ อา เม แฮเง ตื๊อดื่อ โต่ปา เจ๊อ กู๊แหน่ เจ๊อ. แซ่ฮู๊ จอแปแหร่ อาพู๊คูเออ เก่ เมปย๊าแก เต เด๊อ โลเน๊มู๊แหม่รีแจ่ กู่กล๊อ เมโทเฮ๊อ เนอเต๊เห่ อาเงเนอเรอ, อา แฮแล เด๊อ เห่ขุเออ เฮ๊อ.

เพรโด่แนพู๊ เต๊เห่ 7:52

ซี โหมะเพเพอโพ เด๋อ งย๊าเค เต๊เห่เนอ, อา เมจาเมจือ ลอ เพรโพร เต๊เห่ ปว๋า โตโพ๊ เจ๊อ. จอแปแหร่ อาแกแย เด๊อ อา แฮ เฮ๊โฉ่หนื่ออื่อ เป่ อู เร๊อ จอแปแหร่ อาหลู่เล๊ จ๊อเต เด๊อ อา เตเร แฮ ปา เออเตเพร อาหรี่อาแก เต๊เห่เนอ, ซี โหมะเพเพอโพ เต๊เห่ เมเซอแก โท เหย่ซี เฮ๊อ. กู๊แหน่เร๊อ ซี อิเชตาแก จอแปแหร่ อาหลู่เล๊ จ๊อเต เออเตเพร เฮ๊อ, โท๊โต่ ซี เมเซอแก เฮ๊อ ลู เฮ๊อ.

ꤛꤥ꤭ꤟꤢ꤬ 10:32

หม่าแน๊เรอ แบ่เจ่ เหย่ซู่ เฮ๊ เหย่ซี เน๊อ, “เตเมแร๊ เด๊อ แวเพ นอเม แว เต๊เห่เนอ, แว เด๊อะโล เอ๊ เป่ลาเฮ๊อ ซี เฮ๊อ. หม่าแน๊เรอ ซี เตเร ต่าโต่ แว เร๊อ แว เม เตแร๊ เออเต๊เห่ เบ๊อะเต๊อเจ่อเต?” อา เฮ๊ เหย่ซี ฮู๊เนอ.

มัทธิว 27:23

เร๊อ คุ๊ยปีลาต แด๊เฮอ เหย่ซี เน๊อ, “จว๊า มือเซอ แถ่แก อา เมเต? อา จว๊า เมซื๊อเมปล๊า แคร๊ อิเต?” เร๊อ เหย่ซี ลื๋อ เอ๊โทแถ่ฉว่าฉว่า เล๊อ โป่ เน๊อ, “มือเซอแถ่แก อา เด๊อ อี๊ถื่อดีเต่ลู เนอ”

มัทธิว 13:38

เพร๊ อาโหง่แลช๊า หม่า เห่ขุ เออต๊าบ่า เฮ๊อ, โบ๊กู่ลากลุย เด๊อ อาโช เต๊เห่ อาโหง่แลช๊า หม่า ม๊อขุ เทอเลเก่กูพู๊ เต๊เห่เฮ๊อ, โร๊ยเหมาะ เต๊เห่ อาโหง่แลช๊า หม่า แกแย โลเน๊มู๊แหม่รีแจ่ อาพู๊ เต๊เห่เฮ๊อ.

มัทธิว 13:19

เบ๊อะแกแย เตเพรเพร หนิโฮโปล จอแปแหร่ อาเทออาเก่ เตหรี่เตแก เร๊อ อา ซิเงโปล โต่ เนอหม่า, อาแซ่เน๊อ เตกลุย ลูตา เด๊อ แกล๊เดกู เร๊อ โลเน๊มู๊แหม่รีแจ่ กู่กล๊อ แฮพย๊า ตาพาแก เตกลุย เด๊อ อู เว๊อตา เด๊อ เหย่ซี ซิปล่อกู เนอเต๊เห่.

เตเด๊อะโลแถ่ 17:6

เร๊อ แว แม๊เถอะ เพรเหมาะ เนอเตเพร โอมือ อาเหน่ เน๊อ จอแปแหร่ อาแกแย เด๊อ อาจ๊อ เร๊อ เหย่ซู่ เร๊อ อู เมเซอ ลู เนอเต๊เห่ อาสุ่ย. เบ๊อะแว แม๊เถอะ อา เบ๊อะเนอ, แว คย๊ายื๊อ โกโน๋ โต่.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:14

โป่แหว่ ซี, เตจว๊าทวาแถ่ โต่อาเหน่ เร๊อ ซี ฮู๊เออเต๊เห่ เมเตเฮ๊เนอหม่า อา แซ่เฮ๊อ เน๊อ เตเมทวาแถ่ โทเฮ๊อ อาเหน่ เด๊อ จอแปแหร่ อา เพรหยื่อเอ่เต ตู๊หมู่ตอกล๊อ เด๊อ อา โอ่ เด๊อ ยูดาห์เก่กู เนอเต๊เห่ เฮ๊อ. เหย่ซี ย๊อ ทวา เหย่ซู่ครี๊ อาแกแย เต๊เห่ อาขว่าอาคยาเร๊อ, อา ทวาแถ่ แพ๊. ซี แกแยเมวเจอะพู๊ เมจาเมจือ เกอเร๊อ คยาดื่อ ซี เออเนอ อา แซ่เจ๊อเฮ๊อ เร๊อ แกแยยิวพู๊ เต๊เห่ เมจาเมจือ เกอเร๊อ คยาแซ๊ดื่อ เพรหยื่อเอ่ เออ เด๊อ อา โอ่ เด๊อ ยูดาห์เก่กู เนอเต๊เห่ เจ๊อ เฮ๊อ.

มัทธิว 5:37

เน เฮ๊เบ่ เบ๊อะเนอ, อาหม่าเร๊อ ‘อาหม่า’ เฮ๊เนอ, อาหม่าโต่เร๊อ ‘อาหม่าโต่’ เฮ๊เนอ, ล๋อ เตเฮ๊เล๊อะเฮ๊กลอ เนอเต๊เห่ หม่า อา แฮ เด๊อ โลเน๊มู๊แหม่ กู่กล๊อ อา โอ่ แพ๊.”

ꤛꤥ꤭ꤟꤢ꤬ 8:40

แว แด๊โฉ่โล เป่ ซี เร๊อ เตหม่า เตจอ เด๊อ แว หนิโฮ แวเพ เฮ๊โฉ่เป่ แว เนอเต๊เห่ ตื๊อดื่อเรอ ซี แม๊ปูเมเซอ แว. เพอับราฮัม เมน๊อ ฮู๊เนอ โตโพ๋ โต่.

ꤛꤥ꤭ꤟꤢ꤬ 8:41

ซี ครวาเมเกอ ฮู๊ ซีเพ ต๊อต่อ เมเนอ เจ๊อ,” อา เฮ๊ เหย่ซี ฮู๊เนอ. เร๊อ เหย่ซี เท๊ฉื่อ เน๊อ, “เปเพ โอ่ตื๊อ จอแปแหร่ เตเพรเพร่ว แพ๊. เปโหมะเปเพ จว๊าซื๊อจว๊าปล๊า ลู เร๊อ อาพู๊ โอ่ เกอเร๊อ เป หม่าโต่.” อา แขร่ฉื่อ ฮู๊เนอ.