ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:10 - ลีเทส่อพ๊าอาเซ เร๊อ เห่ขุทวาลู๊10 จอแปแหร่ อาพู๊อาเลอ เต๊เห่ เร๊อ โลเน๊มู๊แหม่รีแจ่ กู่กล๊อ อาพู๊อาเลอ เต๊เห่เนอ, เป ซิเง ตาเต แจ่ อา ฮู๊เออ เฮ๊เรอ, อูเปเป๋ เบ่เบ่ อา เก่ เม แฮเง ตื๊อดื่อปา เต เด๊อ อา โตโต่ เต๊เห่, โต่หม่าแน๊ อา โม เกอเร๊อ เกอ อาโป่อาแหม่ ครี๊พู๊ เต๊เห่ โต่ เฮ๊เนอหม่า จอแปแหร่ อาพู๊อาเลอ หม่าโต่. အခန်းကိုကြည့်ပါ။Eastern Kayah Shadaw Dialect10 ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤢ꤬ꤜꤣꤧ꤬ ꤒꤣꤧ꤬ꤟꤢꤩ꤬ ꤔꤢꤧ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤢ꤬ꤖꤢꤨꤢ꤬ꤜꤣꤧ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤕꤢꤩ꤬ ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤡ꤫ꤢꤧ꤬ ꤢ꤬ ꤟꤢꤨꤣꤧ꤭ ꤟꤣꤧꤚꤣꤧ꤬, ꤢꤨ꤭ꤕꤢꤩ꤭ꤕꤢꤩ꤭꤮ ꤙꤢꤩ꤬ꤙꤢꤩ꤬ ꤢ꤬ ꤊꤢꤩ꤬ ꤗꤢꤩ꤬ ꤟꤢꤧ꤭ꤑꤢꤩ꤭ ꤒꤣꤧ꤬ꤘꤢꤦ꤬ꤕꤢ꤬ ꤒꤢꤩ꤬ ꤘꤣ ꤢ꤬ ꤒꤥ꤭ꤒꤥ꤬ ꤒꤣꤧ꤬ꤟꤢꤩ꤬, ꤒꤥ꤬ꤗꤢ꤬ꤔꤢꤧ ꤢ꤬ ꤗꤥ꤬ ꤚꤣꤧꤘꤢꤦ꤬ ꤊꤣꤧ꤭ ꤢ꤬ꤕ꤫ꤥ꤬ꤢ꤬ꤠ꤫ꤢꤧ꤬ ꤋꤚꤤꤖꤢꤨ ꤒꤣꤧ꤬ꤟꤢꤩ꤬ ꤒꤥ꤬ ꤟꤢꤩꤔꤣꤧ꤬ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤢ꤬ꤜꤣꤧ꤬ ꤗ꤫ꤢ꤬ꤒꤥ꤬꤯ အခန်းကိုကြည့်ပါ။ |
ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:10
26 ပူးပေါင်းရင်းမြစ်များ
แว โคแบ๊ซว๊า, เตมู๊แหม่รีแจ่ ฮู๊เนอ เต๊เห่เนอ แม๊บือแม๊ตู่ เกอ แต่ อู แต่เหม่ นี๋. แม๊บือแม๊ตู่ เกอดื่อ อู เต เด๊อ อาแร๊ เนอเต๊เห่ นี๋. แกแย เตเพรเพร เด๊อ อา เมเตแร๊ เนอ, อา หม่า จอแปแหร่ อาแกแย เตเพร เฮ๊อ. แกแย เด๊อ อา เม เตมู๊แหม่ เตเพรเพร เนอหม่า หม่าเฮ๊อ แกแย เด๊อ อา ซิเง ตาเต แต่เกอลา อู จอแปแหร่ โต่.
ซีเพ หม่า โลเน๊มู๊แหม่รีแจ่ กู่กล๊อ เด๊อ อู เอ๊ เร๊อ โลเน๊ เนอโตโด เฮ๊อ. ซี ซิหยื่อ ครวาเมเกอ ฮู๊ ซีเพ อา เตซิหยื่อ เนอแพ๊. ซีเพ หม่า อา ทวา เพรเมเซอ แกแย เด๊อ กูลู่เค ปา เจ๊อ. เตหม่า เตจ๊อ โอ่ เด๊อ ลูกู โต่ อาขว่าอาคยา, อา หนิดา ครวาเม เกออู เตหม่า เตจ๊อ โต่. เบ๊อะอา เฮ๊เบ่ เบ๊อะเนอ, อา เตแลโฮแลแห่ เต๊เห่ เนอหม่า อา ทวา เฮ๊อ ลู เหล่โกล เฮ๊อ. อา หม่า แกแย แลโฮแลแห่ เตเพร เร๊อ อา ทวา เฮ๊อ ล๋อ เตแลโฮแลแห่ เต๊เห่ อาเพ เฮ๊อ.
โตเบ่ เมหนิ ฮู๊เนอ โต่! โมหนิเรอ แกแย เด๊อ อา ซิเถ่ ซี เนอเต๊เห่ เร๊อ เมแร๊ เหย่ซี เนอ, เด๊อะบ่อ เต เร๊อ แม๊ชือ พย๊าหนิ กาคยา เต เตเต๊อเจ๋อ แต่เหม่. ซี เก่ เมฮู๊เนอ เฮ๊เรอ จอแปแหร่ เก่ เด๊อะบุ๊ยเด๊อะเตอเรอ ตาป่อตาเป เจ๊อ ซี ปา. ซี เก่ เด๊อะบ่อ อู เร๊อ ซี เก่ แม๊ชือ พย๊าหนิ กาคยา คยาแซ๊ เต เตอเจ๋อ โต่ เฮ๊เนอหม่า, อู เก่ แม๊เถอะ ซี เร๊อ เตดุเตทูตื๊อดื่อ จอแปแหร่ อาพู๊ ซีเต๊เห่ ปา. เมเตเฮ๊เรอ จอแปแหร่ เมแร๊ฉื่อ แกแย เด๊อ อา ซิเง ฉื่อ เกอ อูบุ๊ยอูเตอเรอ โต่ เนอเต๊เห่ เร๊อ แกแย เด๊อ อาจาอาจือตื๊อดื่อ ดื่อเง เนอเต๊เห่.
หม่าแน๊เรอ เป หม่า จอแปแหร่ อาแกแย เต๊เห่. อูเป๋ เตเพร เบ่เบ่ เด๊อ อา ซิเง จอแปแหร่ เตเพรเนอ, อา ครวาหนิดา เกอดื่อ เปโหง่. หม่าแน๊เรอ จอแปแหร่ อาแกแย หม่าโต่ เต๊เห่เนอ, อา ครวา หนิดา เกอ เปโหง่ โต่. ฮู๊เนอ อาขว่าอาคยา, แกแย เด๊อ อา พย๊าหนิ แหย่โยบูโพ๊ แบ่เจ่ เด๊อ อา เฮ๊เบ่ เตหมะเตจ๊อ เออเตเพร เต๊เห่ เนอหม่า อูเป, เร๊อ แกแย เด๊อ อา พย๊าหนิ ซิปล่อ เด๊อ อา เฮ๊เบ่ แลโฮแลแห่ดื่อเง เนอโตโด เต๊เห่ เนอหม่า อูเปเนอ, เป ซิเง เบโปล แจ่ ดื่อ แพ๊.
เตเฮ๊ตา โหง่เออ อา เหล่เซเร แม๊ชือ หม่า แซ่ฮู๊ อา เก่ ถู่แรแถ่ เตโม อาเง เนอแพ๊. เตโม เออเนอหมา อา แฮเถ่ เด๊อ แกแย ซิปล่อ เนอเต๊เห่ อากู. โทเรอ อา แฮเถ่ เด๊อ แกแย โอ่ เร๊อ เตซิเง เตแร๊ เร๊อ เตมู๊แหม่ เร๊อ อา นว๊าพย๊า เต เด๊อ อาแร๊ เนอเต๊เห่ อากู. โท๊โต่ อา แฮเถ่ เด๊อ แกแย โอ่ เร๊อ เตหยื่อเตแหน่ หม่าแหน่ เนอเต๊เห่ อากู.
แว โคแบ๊ซว๊าโม ซี๋, กู๊แหน่เออ เป ทวา เฮ๊อ จอแปแหร่ อาพู๊ เต๊เห่ เฮ๊อ หม่าแน๊เรอ เป เก่ ทวาแถ่ แกแย ฮู๊เต ปา เต๊อเจ่อเต เนอ, อู เด๊อซิเง โอ่หนื่ออื่อแต่ล๋ายเป เตอเจ๋อ โต่. หม่าแน๊เรอ, เตเออเนอ เป ซิเง โทเฮ๊อ เนอ, ช๋า แบ่เจ่ เหย่ซู่ครี๊ แฮเด๊อะโอ่โลแถ่ เบ๊อะเนอ ปาเนอ, เป เก่ แซ่เน๊อ อา ปา, เมเตเฮ๊เรอ เป เก่ แม๊เถอะ หม่า เจ๊อ อา ฮู๊ อา หม่าแหน่ เนอ ปา.
ကြော်ငြာတွေ