ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:1 - ลีเทส่อพ๊าอาเซ เร๊อ เห่ขุทวาลู๊

¹ เพ จอแปแหร่ โม เกอเร๊อ โท เจ๊อเฮ๊อ เป บ๋า เต เนอ, แม๊มอ แลแค, อา โม เกอเร๊อ เป เออเนอ, โต่ เจ๊อ เด๊อ อู เบ่ เอ๊ เจ๊อ เป เร๊อ จอแปแหร่ อาพู๊อาเลอ เต๊เห่ เจ๊อ. เป ทวา หม่าแหน่ แหน่ เฮ๊อ จอแปแหร่ อาพู๊อาเลอ เต๊เห่ เฮ๊อ. แกแย เห่ขุพู๊ เต๊เห่ ซิเง จอแปแหร่ โต่ อาขว่าอาคยา, อา ซิเง เป โต่.

Eastern Kayah Shadaw Dialect

¹ ꤖꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤗꤥ꤬ ꤚꤣꤧꤘꤢꤦ꤬ ꤓꤥ꤭ ꤡꤣꤧꤟꤣꤧ ꤕꤢꤩ꤬ ꤙꤢ꤮ ꤒꤢꤩ꤭ ꤔꤣꤧ꤬, ꤗꤢꤧꤗꤣꤧ꤭ ꤜꤢ꤭ꤋꤢꤧ꤭ ꤢ꤬ ꤗꤥ꤬ ꤚꤣꤧꤘꤢꤦ꤬ ꤕꤢꤩ꤬ ꤣꤧ꤭ꤔꤣꤧ꤬, ꤒ꤫ꤥ꤬ ꤡꤣꤧ ꤘꤣ ꤢꤨ꤭ ꤙꤢꤩ꤬ ꤢꤩ ꤡꤣꤧ ꤕꤢꤩ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤢ꤬ꤜꤣꤧ꤬ ꤒꤣꤧ꤬ꤟꤢꤩ꤬ ꤡꤣꤧ꤯ ꤕꤢꤩ꤬ ꤓꤝꤢ꤭ ꤗ꤫ꤢ꤬ꤔꤤꤔꤢꤧ꤬ ꤔꤢꤧ꤭ ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤢ꤬ꤜꤣꤧ꤬ ꤒꤣꤧ꤬ꤟꤢꤩ꤬ ꤟꤣꤧ꤯ ꤊꤣꤧ꤬ꤛꤢꤧ꤭ ꤟꤢꤩ꤬ꤋꤢꤨ꤬ꤖꤢꤨ ꤒꤣꤧ꤬ꤟꤢꤩ꤬ ꤞꤤꤑꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤞꤤꤑꤢꤩ꤭ ꤕꤢꤩ꤬ ꤒꤥ꤬꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:1 ပူးပေါင်းရင်းမြစ်များ

ꤜꤢꤨꤊꤢ꤬ 20:36

เหย่ซี เก่ แซ่ เร๊อ เตเน่วม๊อขุ เนอเต๊เห่ ปา เร๊อ อา เซอ แจ่ ปา โต่. เหย่ซี ก๊อถ่อ กาคยา เด๊อ เตเซอ ปา อาขว่าอาคยา, เหย่ซี หม่า จอแปแหร่ อาพู๊ เต๊เห่ เฮ๊อ.

ꤛꤥ꤭ꤟꤢ꤬ 1:12

หม่าแน๊เรอ แกแย เด๊อ อา เอ๊ฉื่อ ลู เต๊เห่ เร๊อ อา หยื่อเอ่แหน่ ลู เต๊เห่เนอ, อา เด๊อะทวาแถ่ เหย่ซี เร๊อ จอแปแหร่ อา พู๊เหมาะ พู๊คู เต๊เห่.

ꤛꤥ꤭ꤟꤢ꤬ 11:52

โทเรอ อา เตเฮ๊โพร เออเนอ, อา โตแพ๊ตื่อ เหย่ซู่ เก่ เซอ เป่ เด๊อ แกแยยิวพู๊ เต๊เห่ อาเง เนอหม่าโต่, อา เก่ เซอโต่ เป่เกอ จอแปแหร่ อาพู๊อาเลอ โอ่ แลแค เด๊อ เทอเก่ อาโร เต๊เห่ อาเงเง. แซ่ฮู๊ อา เก่ เมทวาแถ่ แกแย เออเต๊เห่ ตู๊หมู่หมู๋ แพ๊ ปา อาเงเนอ, อู เบ่ เมเซอ ลู ปา.

ꤛꤥ꤭ꤟꤢ꤬ 15:21

ซี ทวา แว โคเจ่ อาขว่าอาคยา แกแย เห่ขุพู๊ เต๊เห่ เก่ เมจาเมจือ ซี ปา, เมเตเฮ๊เรอ เหย่ซี ซิเง แลแค เพ เด๊อ อา นอแฮ แว เออเนอ เตเพร่ว โต่.

ꤛꤥ꤭ꤟꤢ꤬ 16:3

อา จว๊า เมโต่ แลแค ฮู๊เออ เมเตเฮ๊เรอ เหย่ซี ซิเงน๊อ เพ โตโพ๋ โต่, โทเรอ อา ซิเงน๊อ แว โตโพ๋ โต่.

ꤛꤥ꤭ꤟꤢ꤬ 17:25

“เพ เด๊อ อาจ๊ออาเต๋, แกแย เห่ขุพู๊ เต๊เห่ ซิเง เน โต่ ตื๊อดื่อเรอ แว ซิเง เน, โท๊โต่ แกแย เด๊อ อา หยื่อเอ่ แว เออเต๊เห่ ซิเง เร๊อ เน นอแฮ แว.

ꤛꤥ꤭ꤟꤢ꤬ 3:16

“จอแปแหร่ โมเกอเร๊อ ลอ เจ๊อ แกแย เห่ขุพู๊ ล๋อปลี, ล๋อ แกแย เด๊อ อา หยื่อเอ่ อาพู๊คู เต๊เห่เนอ, แซ่ฮู๊ อา เก่ พย๊าหนิ ซิปล่อเซอเพร ตูจูเพร เร๊อ อา เตปย๊าเตแก แต่เหม่ เนอ, อา เด๊อะแลแก อาพู๊คู โอ่ ตื๊อ เตเพร เออเนอ เด๊อ แกแย เห่ขุพู๊ เต๊เห่ อาเงเฮ๊อ.

ꤚꤥꤗꤢꤩ꤬ 5:8

หม่าแน๊เรอ จอแปแหร่ โม เจ๊อ เป บ๋า เต เฮ๊เรอ, เบ๊อะเป ทวาปา เจ๊อ เพรเมเตซื๊อ เตโอ่หร่าพู๊ เบ๊อะเนอ ปา เจ๊อ เนอเรอ, ครี๊ แฮข่าเซอ อาซิปล่อ เด๊อ เปเง. เออ หม่า จอแปแหร่ เด๊อะโลเป่เฮ๊อ เป เน๊อ อาเตโม เป เฮ๊อ.

ꤚꤥꤗꤢꤩ꤬ 8:19

ล๋อ จอแปแหร่ แบ๊แล ส่อเหมาะเหว่โบ, เตมีเตดอ เร๊อ แกแย ปว๋า เตเพร เออเนอ, อา ซิปล่อ ฉว่า โอ่ป่อ แม๊ชือ แหน่ เจ๊อ เร๊อ จอแปแหร่ เก่ เด๊อะโลแถ่ อา พู๊เหมาะพู๊คู เต๊เห่ ปา.

ꤚꤥꤗꤢꤩ꤬ 8:21

หม่าแน๊เรอ ล๋อ เตแบ๊ตา เออเต๊เห่เนอ, อา แม๊ชือ ปาเนอ, แซ่ฮู๊ อา เก่เซอเก่ซอ โต่ เนอ, จอแปแหร่ เก่ เมแลเปล๊กา เหย่ซี ปา เร๊อ อา เก่ เด๊อ เหย่ซี เตปาลา เร๊อ เตเตอเรอดุทู เด๊อ อาแซ่เน๊อ อาพู๊ เออเต๊เห่ ปา.

ꤚꤥꤗꤢꤩ꤬ 8:32

จอแปแหร่ เออเตเพรเนอ, อาพู๊ เร๊อ อาเหน่ เร๊อดื่อ เจ๊อ เร๊อ อา ซิโล เกอเร๊อ โต่. เร๊อ อา เด๊อะแลแก เจ๊อ อาพู๊ เด๊อ เป ล๋อ ปลี เต๊เห่ อาเง เจ๊อ. เก่ อา เด๊อะ ตาครา เจ๊อ เป เร๊อ อาพู๊คู เหย่ซู่ครี๊ เจ๊อ เก่เฮ๊เรอ, ล๋อ เต เด๊อ อา โอ่แก เด๊อ อาโร เต๊เห่เนอ, อา เก่ เด๊อ ตาคราโป่ เป ปา หม่าโต่ แอ?

โครินธ์ เนอบ่า ต๊าบ่า 6:18

เร๊อ แว เก่ ทวา ซีเพ ปา. เร๊อ ซี เก่ ทวา แวพู๊แวเลอ เต๊เห่ ปา,” แบ่เจ่ เด๊อ อาโพร เตเพร เฮ๊ ฮู๊เนอ.

ꤊꤢ꤬ꤜꤢ꤬ꤒꤤ 3:26

เด๊อ เตหยื่อเตแหน่ อาขว่าอาคยา, ซี ล๋อ ปลี ทวาลอเฮ๊อ เตเตอเจ๋อโต เร๊อ ครี๊ เฮ๊อ เร๊อ ซี ทวาลอเฮ๊อ จอแปแหร่ อาพู๊อาเลอ เต๊เห่ เฮ๊อ.

ꤊꤢ꤬ꤜꤢ꤬ꤒꤤ 3:29

ซี เก่ ทวาเฮ๊อ ครี๊ อาเต เฮ๊เรอ ซี ทวา หม่าเฮ๊อ เพ อับราฮัม อากลุยอาลุ๊ย เต๊เห่เฮ๊อ. เร๊อ ซี เก่ พย๊าหนิ เตเด๊อะบุ๊ยเด๊อะเตอเรอ เต๊เห่ เด๊อ จอแปแหร่ อ๊อแลแก เพ อับราฮัม เนอเต๊เห่ ปา.

โคโลสี 3:3

เมเตเฮ๊เรอ, ซี เซอเต่อ โทเฮ๊อ เร๊อ ครี๊ เฮ๊อ เร๊อ กู๊แหน่เออ ซี พย๊าหนิ เต่อเกอเฮ๊อ ซิปล่อเซอเพร อาเซ เน๊อ ครี๊ เฮ๊อ. โท๊โต่ ซี ทวาแถ่ เฮ๊อ เตเตอเจ๋อโต เฮ๊อ เร๊อ จอแปแหร่ เฮ๊อ. แกแย เต๊เห่เนอ อา ซิเงโปล เกอเฮ๊อ ซิปล่อเซอเพร อาเซเออ ล๋ายโต่.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:10

จอแปแหร่ อาพู๊อาเลอ เต๊เห่ เร๊อ โลเน๊มู๊แหม่รีแจ่ กู่กล๊อ อาพู๊อาเลอ เต๊เห่เนอ, เป ซิเง ตาเต แจ่ อา ฮู๊เออ เฮ๊เรอ, อูเปเป๋ เบ่เบ่ อา เก่ เม แฮเง ตื๊อดื่อปา เต เด๊อ อา โตโต่ เต๊เห่, โต่หม่าแน๊ อา โม เกอเร๊อ เกอ อาโป่อาแหม่ ครี๊พู๊ เต๊เห่ โต่ เฮ๊เนอหม่า จอแปแหร่ อาพู๊อาเลอ หม่าโต่.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:2

แว โคแบ๊ซว๊าโม ซี๋, กู๊แหน่เออ เป ทวา เฮ๊อ จอแปแหร่ อาพู๊ เต๊เห่ เฮ๊อ หม่าแน๊เรอ เป เก่ ทวาแถ่ แกแย ฮู๊เต ปา เต๊อเจ่อเต เนอ, อู เด๊อซิเง โอ่หนื่ออื่อแต่ล๋ายเป เตอเจ๋อ โต่. หม่าแน๊เรอ, เตเออเนอ เป ซิเง โทเฮ๊อ เนอ, ช๋า แบ่เจ่ เหย่ซู่ครี๊ แฮเด๊อะโอ่โลแถ่ เบ๊อะเนอ ปาเนอ, เป เก่ แซ่เน๊อ อา ปา, เมเตเฮ๊เรอ เป เก่ แม๊เถอะ หม่า เจ๊อ อา ฮู๊ อา หม่าแหน่ เนอ ปา.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:17

เป เก่ โมเร๊อ อูโร ฮู๊เนอ เฮ๊เนอหม่า, จอแปแหร่ อาเตโม โอ่เล๊อโอ่บา เฮ๊อ เด๊อ เปกู เฮ๊อ. ฮู๊เนอเรอ ช๋า เตเมจากาคยา อาม๊อเนอ แฮโต่เฮ๊อ ปาเนอ, เป เก่ ซิปล่อคือ ซิปล่อฮา เฮ๊อ ปา, เมเตเฮ๊เรอ เป เตโอ่เซอเพร เด๊อ เห่ขุเออ เนอ, อา ย๋อ แซ่เฮ๊อ เร๊อ ครี๊ อา เตโอ่เซอเพร เฮ๊อ อาขว่าอาคยา, เป เก่ ซิปล่อคือ ซิปล่อฮา เฮ๊อ ปา.

เตเด๊อะโลแถ่ 21:7

แกแย เตเพรเพร เด๊อ อา เมเป่ เตเนอ, อา เก่ พย๊าหนิ ลอล๋อ เตเออ เต๊เห่ เด๊อ แวโอ่ ปา. แว เก่ ทวา เหย่ซี แบ่เจ่ จอแปแหร่ ปา เร๊อ เหย่ซี เก่ ทวา แวพู๊ เต๊เห่ ปา.