ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:6 - ลีเทส่อพ๊าอาเซ เร๊อ เห่ขุทวาลู๊

⁶ อูเป เตเพร เบ่เบ่, อา เก่ เฮ๊แถ่โล เฮ๊อ อาเหน่ เร๊อ อา ทวาแถ่เฮ๊อ เตเตอเจ๋อ โต เฮ๊อ เร๊อ จอแปแหร่ เฮ๊อ เฮ๊เนอ, อา โตเบ่ ครวาเค หยิเกอ เหย่ซู่ครี๊ อากู๊โด่ เหล่โกล.

Eastern Kayah Shadaw Dialect

⁶ ꤢꤨ꤭ꤕꤢꤩ꤭꤮ ꤒꤣ꤬ꤖꤚꤢꤩ꤬ ꤙꤢꤩ꤬ꤙꤢꤩ꤬ ꤢ꤬ ꤊꤢꤩ꤬ ꤟꤢꤩꤓꤢꤧ꤬ꤜꤥ꤭ ꤟꤣꤧ ꤢ꤬ꤔ꤫ꤢꤩ꤬ ꤔꤢꤧ ꤢ꤬ ꤓꤝꤢ꤭ꤓꤢꤧ꤬ꤟꤣꤧ ꤒꤢꤩ꤬ꤒꤣ꤬ꤡꤣ꤬ꤡꤢꤦ꤭ ꤟꤣꤧ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤟꤣꤧ ꤟꤢꤩꤔꤣꤧ꤬, ꤢ꤬ ꤒꤥ꤭ꤙꤢꤩ꤬ ꤋꤚꤝꤢ꤭ꤋꤢꤩ꤭ꤛ꤫ꤤ꤬ ꤊꤣꤧ꤭ ꤛꤢꤩ꤬ꤏꤛꤢꤨꤋꤚꤤ ꤢ꤬ꤋꤢꤧꤘꤥ꤬ ꤜ꤫ꤢꤩ꤬ꤊꤜꤥ꤭꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:6 ပူးပေါင်းရင်းမြစ်များ

เปโตร อาเหร่อเล๊อ ต๊าบ่า 2:21

แซ่ฮู๊ ซี เบ่ แด่ทูซิปล่อเบ๊ เตจาเตจือ เออ อาเงเนอเรอ, จอแปแหร่ เอ๊เถ่ เฮ๊อ ซี เฮ๊อ, เมเตเฮ๊เรอ ครี๊ อาเหน่แบ่เจ่ เร๊อดื่อ จ่าเพรอ โทเฮ๊อ เตจาเตจือ เด๊อ ซีเง เฮ๊อ. เร๊อ แซ่ฮู๊ ซี เก่ ครวา หยิเกอ อากู๊โด่เค อาเงเนอ, อา แด่แก เป่ เฮ๊อ ซี เหล่แม๊บือ เฮ๊อ.

ꤛꤥ꤭ꤟꤢ꤬ 13:15

แว เมแก เป่ ซี เหล่ครวา เมแบ๊บือ เออเต๊อเจ่อ เฮ๊อ. ซี โต ครวาเมเกอ แลแค ฮู๊ แว เม เป่ ซี เออเนอ.

โครินธ์ อาเหร่อเล๊อ ต๊าบ่า 11:1

ฮู๊เนอเรอ, แม๊บือเกอ แลแค แว ฮู๊ แว แม๊บือ ครี๊ เนอ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:6

เมฮู๊เนอเรอ ล๋อ แกแย เด๊อ อา โอ่หม่าโอ่กลอ เด๊อ เหย่ซู่ครี๊ อากู เต๊เห่เนอ, อา เบ่ เม แฮเง ปา เตซื๊อเตปล๊า โต่. หม่าแน๊เรอ แกแย เตเพรเพร เด๊อ อา เม แฮเง ตื๊อดื่อปา เตซื๊อเตปล๊า เฮ๊เนอหม่า, แกแย เด๊อ อา แม๊เถอะน๊อ แต่ล๋าย เหย่ซู่ครี๊ แตแค๋โต่, โทเรอ อา ซิเงน๊อ ลา เหย่ซู่ครี๊ โตโพ๋ โต่.

เอเฟซัส 5:2

ซี โต โอ่เซอเพร แลแค ฮู๊เต เฮ๊เนอหม่า, โมหนิเร๊อ แลแค อูโร ปว๋า เตอเนอ แซ่เน๊อ ครี๊ โม หนิเกอเร๊อ เป เร๊อ อา ข่าเซอ อาซิปล่อ เด๊อ เปเง เนอ นี๋. โท๊โต่ ครี๊ หลู่แถ่ อา ซิปล่อเซอเพร เด๊อ จอแปแหร่ อา เป๊เส่เง แซ่เน๊อ เตโนมื๊อโนชือ เด๊อ อาโต จอแปแหร่ อาซิปล่อ เออเนอ เฮ๊อ.

มัทธิว 11:29

แย๊ แลแค แว อิแย๊ เออ เร๊อ อิซว๊าซิเง เกอ เต เด๊อ แวโอ่เออ, เมเตเฮ๊เรอ แว ซิโดซิงา เร๊อ แว แด่แล แวซิปล่อ อาขว่าอาคยา, เน เก่ แม๊เถอะ เน ซิปล่อ อา เหล่โอ่โก๊ เตเบ๊ซิพร๊า ปา.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:4

แกแย เตเพรเพร เก่เฮ๊เน๊อ แว ซิเงเฮ๊อ จอแปแหร่ อา เฮ๊ หม่าแน๊เรอ อา เก่ จูเอ่ ลู โหง่ เฮ๊แกโต่ เฮ๊เนอ, อา หม่า แกแย แลโฮ เร๊อ เตหมะเตจ๊อ โอ่ เด๊อ ลูเหน่ลู เตอเจ๋อ โต่.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:28

เร๊อ กู๊แหน่เออ แวพู๊แวเลอ ซี๋, ช๋า แบ่เจ่ ครี๊ แฮ คยาแซ๊ อาม๊อเนอ ปา เตอเนอเนอ, แซ่ฮู๊ ซี เก่ ซิอิเช โอว่าว โอ่โฮ่บี๊ แต่เหม่, โท๊โต่ แซ่ฮู๊ ซี เก่ ซิเตเรแต่เหม่ เนอ, โอ่หม่าโอ่กลอ แลแค เด๊อ ครี๊ อากู นี๋.

ꤛꤥ꤭ꤟꤢ꤬ 15:10

ซี เก่ หนิดา หยื่อเอ่ แว โหง่เฮ๊แก เออเต๊เห่ เฮ๊เนอหม่า ซี โอ่จิจือหมะ เฮ๊อ เด๊อ แว เตโม อากู เฮ๊อ. ซี เก่ เม ฮู๊เออ เฮ๊เนอหม่า อา แซ่เฮ๊อ เน๊อ แว หนิดา แวเพ อาโหง่ เร๊อ แว โอ่จิจือหมะ เด๊อ อา เตโมกู เออเนอ เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:24

แกแย เด๊อ อา จูเอ่ จอแปแหร่ โหง่เฮ๊แก เออเต๊เห่ เนอหม่า อา โอ่หม่าโอ่กลอ เด๊อ จอแปแหร่ อากู เฮ๊อ, เร๊อ จอแปแหร่ โอ่หม่าโอ่กลอ เกอเฮ๊อ เด๊อ เหย่ซี อากู เฮ๊อ. จอแปแหร่ เด๊อ โทเฮ๊อ เป แหย่โยบูโพ๊ แบ่เจ่ อาขว่าอาคยา, อา เด๊อซิเง โทเฮ๊อ เป เร๊อ อา โอ่หม่าโอ่กลอ เด๊อ เปกู เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:17

เป เก่ โมเร๊อ อูโร ฮู๊เนอ เฮ๊เนอหม่า, จอแปแหร่ อาเตโม โอ่เล๊อโอ่บา เฮ๊อ เด๊อ เปกู เฮ๊อ. ฮู๊เนอเรอ ช๋า เตเมจากาคยา อาม๊อเนอ แฮโต่เฮ๊อ ปาเนอ, เป เก่ ซิปล่อคือ ซิปล่อฮา เฮ๊อ ปา, เมเตเฮ๊เรอ เป เตโอ่เซอเพร เด๊อ เห่ขุเออ เนอ, อา ย๋อ แซ่เฮ๊อ เร๊อ ครี๊ อา เตโอ่เซอเพร เฮ๊อ อาขว่าอาคยา, เป เก่ ซิปล่อคือ ซิปล่อฮา เฮ๊อ ปา.