ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:3 - ลีเทส่อพ๊าอาเซ เร๊อ เห่ขุทวาลู๊

³ เด๊อ เป จูเอ่ จอแปแหร่ โหง่เฮ๊แก อาขว่าอาคยา, เป ซิเง ตาเต เฮ๊อ เร๊อ เป ซิเงแฮ เฮ๊อ จอแปแหร่ เฮ๊อ.

Eastern Kayah Shadaw Dialect

³ ꤘꤣ ꤕꤢꤩ꤬ ꤡꤢꤨ꤭ꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤗ꤫ꤢ꤬ꤊꤢꤧ꤭ꤍ꤫ꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤕꤢꤩ꤬ ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤟꤣꤧ ꤔꤢꤧ ꤕꤢꤩ꤬ ꤞꤤꤑꤢꤩ꤭ꤟꤢꤧ꤭ ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤟꤣꤧ꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:3 ပူးပေါင်းရင်းမြစ်များ

ꤛꤥ꤭ꤟꤢ꤬ 14:15

“ซี เก่ โม แว เฮ๊เรอ, ซี เก่ หนิดา จูเอ่ แว โหง่เฮ๊แก เต๊เห่.

ꤛꤥ꤭ꤟꤢ꤬ 15:10

ซี เก่ หนิดา หยื่อเอ่ แว โหง่เฮ๊แก เออเต๊เห่ เฮ๊เนอหม่า ซี โอ่จิจือหมะ เฮ๊อ เด๊อ แว เตโม อากู เฮ๊อ. ซี เก่ เม ฮู๊เออ เฮ๊เนอหม่า อา แซ่เฮ๊อ เน๊อ แว หนิดา แวเพ อาโหง่ เร๊อ แว โอ่จิจือหมะ เด๊อ อา เตโมกู เออเนอ เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:3

เมเตเฮ๊เร๊อ เตโมเร๊อ จอแปแหร่ อาโหง่แลช๊า หม่า หม่าเฮ๊อ เตจูเอ่ อาโหง่เฮ๊แก เออเต๊เห่ เฮ๊อ. เร๊อ เป เก่ ครวาเม เกอ ลอ ล๋อ อาโหง่เฮ๊แก เนอเต๊เห่ เฮ๊เนอหม่า อาแป่อาแหย่น๊อโต่.

ꤜꤢꤨꤊꤢ꤬ 6:46

“ตือมื๋อ ซี หนิดา แวโหง่ โต่ เร๊อ ซี จว๊า เอ๊โต่ แว เร๊อ ‘แบ่เจ๋ แบ่เจ่,’ ฮู๊เนอหม่า เมเต?

ꤛꤥ꤭ꤟꤢ꤬ 15:14

ซี เก่ เม ฮู๊ แว เฮ๊แก ซี โหง่ เออ เฮ๊เนอหม่า, ซี ทวาเฮ๊อ แว โคแบ๊ซว๊า เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:13

เป ซิเง ตาเตเฮ๊อ เร๊อ จอแปแหร่ เด๊อะแล โทเฮ๊อ เป แหย่โยบูโพ๊ แบ่เจ่ อาขว่าอาคยา, เป โอ่หม่าโอ่กลอ เฮ๊อ เด๊อ ลูเหน่กู เร๊อ อา โอ่หม่าโอ่กลอ เฮ๊อ เด๊อ เปกู เฮ๊อ.

ꤟꤤꤙꤚꤢꤨ 5:9

เบ๊อะครี๊ หนิดา โทลอเฮ๊อ จอแปแหร่ อาโหง่ ปว๋า เต๊อเจ่อ เบ๊อะเนอ, อา ทวาแถ่ เป่เฮ๊อ ล๊อ แกแย เด๊อ อา หนิดา ลูโหง่ เนอเต๊เห่ อา เมแลเปล๊กา อาตูจูเพรเง อา แก่ช๊าแก่แร เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:19

เป เก่ โม เกอเร๊อ ลู เตเพร เร๊อ เตเพร ฮู๊เนอ เฮ๊เรอ, เป ซิเง เร๊อ เป โอ่เกอเฮ๊อ เด๊อ เตหมะเตจ๊อ ตากยา เฮ๊อ. เร๊อ เป เก่ ซิปล่อโม, ซิปล่อ ตู๊จู่เตอเจ๊อ เฮ๊อ เด๊อ จอแปแหร่ อา เป๊เส่เง เฮ๊อ.

ꤛꤥ꤭ꤟꤢ꤬ 17:3

จอแปแหร่ หม่า ตื๊อ เน เตเพรแพ๊, เร๊อ แกแย เด๊อ อา ซิเง เน เร๊อ อา ซิเง เร๊อ แว หม่า เหย่ซู่ครี๊ เด๊อ เน ปลวาแฮ ลู เตเพร เต๊เห่ เนอหม่า หม่าเฮ๊อ เตซิเง เด๊อ อา เด๊อะ เหย่ซี ซิปล่อเซอเพร ตูจูเพร เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:19

เป ซิเง เร๊อ เป เออเต๊เห่ เนอหม่า จอแปแหร่ อาพู๊อาเลอ เต๊เห่ หม่าแน๊เรอ ล๋อ แกแย เด๊อ อาโร เต๊เห่ เนอหม่า อา โอ่ แลแค เด๊อ โลเน๊มู๊แหม่รีแจ่ กู่กล๊อ เด๊อ อา เม เตมู๊แหม่ เออโตโด อา เตเป๊อตี๊หรี่ อาเล.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:14

เด๊อ เหร่อเคเนอ หม่า, เป แซ่เน๊อ แกแยเซอ เนอเต๊เห่ แพ๊. หม่าแน๊เรอ กู๊แหน่เออ, เด๊อ เป โมหนิ เฮ๊อ เป โป่แหว่ ครี๊พู๊ เต๊เห่ อาขว่าอาคยา, เป ซิเง เร๊อ เป ทวาแถ่เฮ๊อ แกแย เด๊อ อา เซอเพร เต๊เห่ เฮ๊อ. แกแย เด๊อ อา โมหนิเกอ อาโป่แหว่ ครี๊พู๊ โต่ เต๊เห่ เนอหม่า, อา โอ่หม่าโอ่กลอ ปาแพ๊ เด๊อ เตเซอ อากูแพ๊.

โครินธ์ เนอบ่า ต๊าบ่า 4:6

เบ๊อะจอแปแหร่ แบ๊แล เตล๋อ ปลี เบ๊อะเนอ, อา เฮ๊ เน๊อ, “เตคี๊ เก่ ซ๊อซื๊อ ตาพา จว๊าแก เร๊อ เตลี เก่ โอ่โลแถ่ ดื่อ นี๋,” อา เฮ๊ ฮู๊เนอ. จอแปแหร่ เมโท เป่ เกอดื่อ เฮ๊อ เป ฮู๊เนอ เฮ๊อ. เบ๊อะเป ซิเง แต่ล๋าย ครี๊ โต่ เบ๊อะเนอ, เป ซิปล่อ เออ อา คี๊ตาปา แพ๊ หม่าแน๊เรอ จอแปแหร่ เมลีกา เป่ เป ซิปล่อ เฮ๊อ. แซ่ฮู๊ เป เก่ ซิเงโปลแร๊ จอแปแหร่ อา เตลีเตเตเค เด๊อ อา เด๊อะโลแถ่ แฮเง เร๊อ ครี๊ เออเต๊เห่เนอ, อา หม่า เพร เด๊อ อา อิชีลีแถ่ เป่ เป ซิปล่อ อา เตเตเน เต๊เห่ เตเพร เฮ๊อ.

เตเด๊อะโลแถ่ 22:14

“จอแปแหร่ เก่ เตเด๊อะบุ๊ยเด๊อะเตอเรอ แกแย เด๊อ อา โฉ่ปลี อาจาจวา เนอเต๊เห่ ปา. เหย่ซี เก่ โน บ่าเอ่ หนิเกอ ส่อเส่ เด๊อ อา เด๊อะ อู ซิปล่อเซอเพร เออเนอ เต๊เห่ ปา. โทเรอ เหย่ซี เก่ โน หนิเกอ เด๊อวี กู่ดาดุ เนอเต๊เห่ อากู ปา.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:13

เพซี๋, แว รา เป่ เฮ๊อ ซี ลีเออ, เมเตเฮ๊เรอ แกแย เด๊อ อา โอ่หนื่ออื่อ ปา เจ๊อ เด๊อ ม๊อขุเห่ขุ ทวาแถ่ แตล๋ายโต่ เบ๊อะเนอ เตเพรเนอ, ซี ซิเง โทเฮ๊อ ลู เฮ๊อ. เพรคูพู๊เส่ ซี๋, เด๊อ ซี เมเป่โทเฮ๊อ โลเน๊มู๊แหม่รีแจ่ กู่กล๊อ เนอโตโด อาขว่าอาคยา, แว รา เป่เฮ๊อ ซี ลีเออต๊าบ่า. แวพู๊แวเลอ ซี๋, ซี ซิเง โทเฮ๊อ เพ จอแปแหร่ อาขว่าอาคยา, แว รา เป่เฮ๊อ ซี ลีเออ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:6

เมฮู๊เนอเรอ ล๋อ แกแย เด๊อ อา โอ่หม่าโอ่กลอ เด๊อ เหย่ซู่ครี๊ อากู เต๊เห่เนอ, อา เบ่ เม แฮเง ปา เตซื๊อเตปล๊า โต่. หม่าแน๊เรอ แกแย เตเพรเพร เด๊อ อา เม แฮเง ตื๊อดื่อปา เตซื๊อเตปล๊า เฮ๊เนอหม่า, แกแย เด๊อ อา แม๊เถอะน๊อ แต่ล๋าย เหย่ซู่ครี๊ แตแค๋โต่, โทเรอ อา ซิเงน๊อ ลา เหย่ซู่ครี๊ โตโพ๋ โต่.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:7

โคแบ๊ซว๊าโม ซี๋, เป โตเบ่ โม เกอเร๊อ แคลู เตเพร เร๊อ เตเพร, เมเตเฮ๊เร๊อ เตโมเนอ หม่า อา แฮ เด๊อ จอแปแหร่ อา โอ่. อูเป๋ เตเพร เบ่เบ่ เด๊อ อา โมเร๊อ อู เนอหม่า หม่าเฮ๊อ จอแปแหร่ อาพู๊อาเลอ เฮ๊อ, เร๊อ อา ซิเงเฮ๊อ จอแปแหร่ เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:2

เบ๊อะเป โมเร๊อ จอแปแหร่ เร๊อ เป จูเอ่ อาโหง่เฮ๊แก เบ๊อะเนอ, เป ซิเงเฮ๊อ เร๊อ เป โมเร๊อ จอแปแหร่ อาพู๊อาเลอ เต๊เห่ เฮ๊อ.

เตเด๊อะโลแถ่ 12:17

แปล เออโตโบ ซิปล่อดุ เพรเหมาะ เนอเตเพร อาขว่าอาคยา, อา เถ่จว๊า ตาพาแก เร๊อ อา เก่ จว๊าช๊า เกอลาติ เร๊อ เพรเหมาะ อาพู๊อาเลอ เด๊อ อา โอ่แก เนอเต๊เห่ อา โอ่แก เออเต๊เห่ เนอหม่า แกแย เด๊อ อา หนิดา จอแปแหร่ โหง่เฮ๊แก เนอเต๊เห่. เน๊อ แกแย เด๊อ อาจ๊อ เร๊อ อา เตข่าเฮ๊โล เด๊อ เหย่ซู่ เด๊อะโลซิเงแก ลู เนอเต๊เห่ เฮ๊อ.

เตเด๊อะโลแถ่ 14:12

ฮู๊เนอเรอ จอแปแหร่ อาแกแย บูโพ๊ เด๊อ อา หนิดา เร๊อ อา โอ่เซอเพร ครวา ฮู๊ จอแปแหร่ อา เตเฮ๊แก เต๊เห่ เร๊อ อาจ๊อ เน๊อ เหย่ซู่ เต๊เห่เนอ, โตเบ่ ข่าแอ๊จื๊อ เบ๊เต.