ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:24 - ลีเทส่อพ๊าอาเซ เร๊อ เห่ขุทวาลู๊

²⁴ เมฮู๊เนอเร๊อ, เด๊อ ซี ทวาแถ่ลู่ ครี๊พู๊ เบ๊อะเนอ, ฉู่โนโอ่หม่าโอ่กลอ แร๊แลแค เตหรี่เตแก เด๊อ ซี หนิโฮ โทเฮ๊อ เออเนอ เต๊เห่ เด๊อ ซี ซิปล่อกูเนอ. ซี เก่ เมฮู๊เนอ เฮ๊เนอหม่า, ซี โอ่หม่าโอ่กลอ เด๊อ พู๊คู เร๊อ เพ อากู เฮ๊อ.

Eastern Kayah Shadaw Dialect

²⁴ ꤗꤢꤩ꤬ꤟꤢꤨꤔꤣꤧ꤬ꤚꤣꤧ꤬, ꤘꤣ ꤞꤤ꤭ ꤓꤝꤢ꤭ꤓꤢꤧ꤬ꤜꤢꤨ ꤋꤚꤤꤖꤢꤨ ꤢ꤬ꤋꤢꤩ꤭ꤔꤣꤧ꤬, ꤏꤢꤨ꤬ꤔꤥ꤭ ꤥ꤬ꤊꤜꤢꤪ꤬ꤏꤢꤪꤗꤢ꤬ ꤚꤢꤧ ꤜꤢ꤭ꤋꤢꤧ꤭ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤘꤣ ꤞꤤ꤭ ꤔ꤫ꤤ꤬ꤟꤥ꤭ ꤓꤥ꤭ꤟꤣꤧ ꤣꤧ꤭ꤔꤣꤧ꤬ ꤒꤣꤧ꤬ꤟꤢꤩ꤬ ꤘꤣ ꤞꤤ꤭ ꤞꤤꤕꤜꤢꤪ꤬ꤊꤢꤨ꤭ ꤔꤣꤧ꤬꤯ ꤞꤤ꤭ ꤊꤢꤩ꤬ ꤗꤢꤩ꤬ꤟꤢꤨꤔꤣꤧ꤬ ꤟꤢꤩꤔꤣꤧ꤬ꤗꤢ꤬ ꤞꤤ꤭ ꤥ꤬ꤊꤜꤢꤪ꤬ꤏꤢꤪꤗꤢ꤬ ꤘꤣ ꤖꤢꤨꤖꤚꤢꤩ꤬ꤋꤢꤨ꤭ ꤔꤢꤧ ꤖꤢꤩ꤭ ꤢ꤬ꤊꤢꤨ꤭ ꤟꤣꤧ꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:24 ပူးပေါင်းရင်းမြစ်များ

ꤛꤥ꤭ꤟꤢ꤬ 14:23

แบ่เจ่ เหย่ซู่ เฮ๊ฉื่อ กาคยา ลู เน๊อ, “ล๋อ แกแย เด๊อ อา โม แว เต๊เห่เนอ, อา เก่ เม ฮู๊ แว เฮ๊ ลู เนอ ปา. แวเพ เก่ โมหนิเร๊อ เหย่ซี ปา, เร๊อ เป เก่ แฮ เด๊อ เหย่ซี อา โอ่ ปา เร๊อ เป เก่ แฮ ช๊อ โอ่ เจ๊อ เปหี่เปแพ เด๊อ อา ซิปล่อกู ปา.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:13

เป ซิเง ตาเตเฮ๊อ เร๊อ จอแปแหร่ เด๊อะแล โทเฮ๊อ เป แหย่โยบูโพ๊ แบ่เจ่ อาขว่าอาคยา, เป โอ่หม่าโอ่กลอ เฮ๊อ เด๊อ ลูเหน่กู เร๊อ อา โอ่หม่าโอ่กลอ เฮ๊อ เด๊อ เปกู เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:16

ฮู๊เนอ อาขว่าอาคยา, เป แหน่แบ่เจ่ เร๊อดื่อ เป ซิเงเฮ๊อ, เร๊อ เป หยื่อเอ่เฮ๊อ เน๊อ จอแปแหร่ โมเร๊อ เป. จอแปแหร่ หม่า เตโม. อูเป๋ เตเพร เบ่เบ่ เด๊อ อา โอ่หม่าโอ่กลอ เด๊อ เตโม อากูเนอ, อา โอ่หม่าโอ่กลอ เฮ๊อ เด๊อ จอแปแหร่ อากู เร๊อ จอแปแหร่ โอ่หม่าโอ่กลอ เฮ๊อ เด๊อ ลูเหน่กูเฮ๊อ.

เตเด๊อะโลแถ่ 3:3

เมฮู๊เนอเรอ เตเนแถ่เบ่ หนิคยา เตเด๊อ อู อิซว๊า โทเฮ๊อ เนเนอ เต๊เห่ เร๊อ เตเด๊อ เน หนิโฮ โทเฮ๊อ เนอเต๊เห่. จูเอ่ เตเออเต๊เห่ เร๊อ ถู่แหล่แต๊แกละ เนซิปล่อ เนอ. เก่ เน โอ่เมอ ตื๊อดื่อปา เฮ๊เนอหม่า แว เก่ แฮ เด๊อ เนโอ่ ฮู๊ เพรเอ่โห่ เตเพร เนอ ปา. แว แฮ เบ๊อะเกเต ปาเนอ เน ซิเงโต่.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:7

แว โคแบ๊ซว๊าโม ซี๋, โหง่เฮ๊แก เด๊อ แว รา เป่ ซี เออเนอหมา อาเซ หม่าโต่, หม่า โหง่เฮ๊แก อาเลอ เด๊อ ซี พย๊าหนิ โทเฮ๊อ เด๊อ ซี ทวาลู่ ครี๊พู๊ เบ๊อะเนอ ปาเนอ ตามา แพ๊. โหง่เฮ๊แก อาเลอ เออตามา เนอหม่า หม่าเฮ๊อ เตหรี่เตแก เด๊อ ซี หนิโฮน๊อ โทเฮ๊อ เนอเต๊เห่ เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:3

แซ่ฮู๊ ซี เก่ แบ๊ซว๊าแบ๊โค เต่อเกอ เร๊อ เป อาเงเนอ, เป แด๊โฉ่ เป่เกอ ซี เต เด๊อ เป แม๊เถอะ โทเฮ๊อ เร๊อ เป หนิโฮเบ่ โทเฮ๊อ เนอเต๊เห่ เฮ๊อ. เป เตแบ๊ซว๊าแบ๊โค คยาลู เออเนอหมา, เป แบ๊ซว๊า เปเหน่ เร๊อ เพ จอแปแหร่ เร๊อ อาพู๊คู เหย่ซู่ครี๊.

ꤛꤥ꤭ꤟꤢ꤬ 15:7

ซี เก่ โอ่จิจือหมะ เด๊อ แวกู, เร๊อ แวลาแวโหง่ เก่ โอ่จิจือหมะ เด๊อ ซีกู เก่เฮ๊เรอ ซี ซิหยื่อกุย อิเตเต๋ เบ่เบ่ เนอ, แว เก่ เด๊อะ ซี ปา.

เตเด๊อะโลแถ่ 3:11

“งยาแต่โต่เนอ แว เก่ แฮ ปา. แซ่ฮู๊ อู เก่ พย๊าเผ่แก แต่ เน กู๊โก่เท แต่เหม่เนอ, ปื่อหม่า หนิ แร๊ เต เด๊อ ซี พย๊าหนิ โทเฮ๊อ, เตอิซว๊าอี๊แส่ เด๊อ อาโตอาเบ่ เนอ เต๊เห่ นี๋.

โคโลสี 3:16

นอโอ่หม่าโอ่กลอ เล๊อบา เกอดื่อ ครี๊ อาลาอาโหง่ เด๊อ ซี ซิปล่อกู นี๋. ซี เก่ อิซว๊าอี๊แส่ คยาลู เตเพร เร๊อ เตเพร, เร๊อ ซี เก่ เด๊อรอเด๊อเร หนิ คยาลู เตเพร เร๊อ เตเพร บ๋า เตแจ่ โอ่ เร๊อ ซี เนอ นี๋. อิโรถู่เซ๊แถ่ แลแค จอแปแหร่ เร๊อ ซี เตเฮ๊บุ๊ยเฮ๊เตอเรอ ลู เด๊อ ซี ซิปล่อกู นี๋. อิโรถู่เซ๊แถ่ แลแค จอแปแหร่ เร๊อ อาลี อิโร เนอเต๊เห่ ล๋อ ปลี นี๋.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:7

หม่าแน๊เรอ เป เก่ โอ่เซอเพร เด๊อ เตลี อากู ฮู๊ จอแปแหร่ โอ่ เด๊อ เตลี อากู เฮ๊เนอหม่า, เป โอ่ เร๊อ เตแบ๊ซว๊าแบ๊โค แคลู เตเพร เร๊อ เตเพร, โทเรอ จอแปแหร่ อาพู๊คู เหย่ซู่ครี๊ อาสุ่ยเนอ อา เก่ ซู๊ปลีแก ลอ เฮ๊อ เป เตซื๊อเตปล๊า เต๊เห่.

ꤟꤤꤙꤚꤢꤨ 3:14

เมเตเฮ๊เรอ, เป เตหยื่อเอ่ จอแปแหร่ เด๊อ กูลู่เค เนอ, เป เก่ ปื่อหม่าแร๊หนิ อา โต่เด๊อ อาตื๊อดื่อ เฮ๊เรอ, เป ทวาเฮ๊อ เพรเมเต่อเต เร๊อ ครี๊ เฮ๊อ.

ฟีลิปปี 4:15

วีฟีลิปปีพู๊ ซี. เบ๊อะแว จว๊า แด๊โฉ่โด่แน ลู่ เป่ ซี เตซิครือมีลา เร๊อ แว เถ่จว๊าแก เด๊อ มาซิโดเนีย เก่กู เบ๊อะเนอ, เพร เด๊อ อา เมจว่า แว เร๊อ รือ เนอหม่า ตื๊อแพ๊ ซี เพรหยื่อเอ่ตู๊หมู่ตอกล๊อ เออตู๊หมู่ แพ๊ เนอหม่า ซี ซิเง ตาเต ลอดื่อ เฮ๊อ.

ยอห์น โซบ่า ต๊าบ่า 1:3

เมเตเฮ๊เรอ เบ๊อะเป โป่แหว่ ครี๊พู๊ เต๊เห่ แฮโต่เกอ แว เบ๊อะเนอ อาเค, อา แด๊โฉ่โล เป่ แว เร๊อ เนหรี่เนแก. เร๊อ อา เฮ๊ เป่ แว, เน ซิปล่อจ๊อ เร๊อ เตหมะเตจ๊อ เร๊อ เน โอ่เซอเพร ครวาเกอ ฮู๊เนอ ปว๋า โตโพ๊ เจ๊อ. อาขว่าอาคยา, แว ซิครือ แหน่เจ๊อ.

ยอห์น เนอบ่า ต๊าบ่า 1:2

เด๊อ เตหมะเตจ๊อ โอ่ แลโหล่แลแกล เด๊อ เปกู อาขว่าอาคยา, เป โม เร๊อดื่อ ซี แพ๊. เตหมะเตจ๊อ เออเนอ อา เก่ โอ่ ตื๊อดื่อ เกอดื่อ เร๊อ เป ตูจูเพร แตแลเคร๊ ปา.

ꤟꤤꤙꤚꤢꤨ 2:1

เด๊อ เป ซิเงเฮ๊อ เร๊อ จอแปแหร่ อาพู๊คู หม่า อาดุอาแย ฮู๊เนอ อาขว่าอาคยา, แซ่ฮู๊ เป เก่ จว๊าโค๊แก เตหมะเตจ๊อ เด๊อ เป หนิโฮ โทเฮ๊อ เออเนอ แต่เหม่ อาเงเนอ, เป เบ่ แด่หยื่อเล๊อ อา.

ꤛꤥ꤭ꤟꤢ꤬ 8:25

เหย่ซี แด๊เฮอ ลู เน๊อ, “เน หม่า อูเป?” เร๊อ แบ่เจ่ เหย่ซู่ เฮ๊ฉื่อ เหย่ซี เน๊อ, “แว หม่า อูเปเนอ, แว เฮ๊โทเฮ๊อ ซี เด๊อ กูลู่เค เนอปา เจ๊อ.

ꤜꤢꤨꤊꤢ꤬ 1:2

เหย่ซี ครวาราเกอ แพ๊ ฮู๊ แกแย เด๊อ อา เป๊เส่แม๊เถอะเกอ เร๊อ ดื่อ เด๊อ กูลู่เค เร๊อ อา แด๊โฉ่โด่แน โล เป่ อู เร๊อ เตหรี่เตแก เนอเต๊เห่ แด๊โฉ่ แฮเง เป่ เป เนอเต๊เห่ แพ๊.

ꤜꤢꤨꤊꤢ꤬ 9:44

“หนิดา ตาเต แลแค โหง่ เด๊อ แว เก่ แด๊โฉ่โล เป่ ซี กู๊แหน่ เออเต๊เห่ นี๋. แกแยพู๊คู หม่าเฮ๊อ แวเออ, อู เก่ อิเช ตาแก อา เด๊อ แกแย อา กู๊ยากู ปา.”

ꤛꤥ꤭ꤟꤢ꤬ 6:56

แกแย เด๊อ อา เอ่ แวหย่า โอ แวสุ่ย เตเพรเพร เนอ, อา โอ่เซอเพร เด๊อ แวกู, เร๊อ แว โอ่เซอเพร เด๊อ ลูกู เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:24

แกแย เด๊อ อา จูเอ่ จอแปแหร่ โหง่เฮ๊แก เออเต๊เห่ เนอหม่า อา โอ่หม่าโอ่กลอ เด๊อ จอแปแหร่ อากู เฮ๊อ, เร๊อ จอแปแหร่ โอ่หม่าโอ่กลอ เกอเฮ๊อ เด๊อ เหย่ซี อากู เฮ๊อ. จอแปแหร่ เด๊อ โทเฮ๊อ เป แหย่โยบูโพ๊ แบ่เจ่ อาขว่าอาคยา, อา เด๊อซิเง โทเฮ๊อ เป เร๊อ อา โอ่หม่าโอ่กลอ เด๊อ เปกู เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:15

แกแย เตเพร เก่ เฮ๊โฉ่ เถ่โล เร๊อ เหย่ซู่ เนอ, จอแปแหร่ อาพู๊คู เตเพร เก่เฮ๊เนอหม่า จอแปแหร่ โอ่หม่าโอ่กลอ เฮ๊อ เด๊อ ลูเหน่กู เร๊อ อา โอ่หม่าโอ่กลอ เฮ๊อ เด๊อ จอแปแหร่ อากู เฮ๊อ.

ยอห์น เนอบ่า ต๊าบ่า 1:9

แกแย เด๊อ อา โอ่หม่าโอ่กลอ เกออู เด๊อ ครี๊ อา เตอิซว๊าอี๊แส่ อากู โต่, เร๊อ อา ฉู่โนเล๊อ โป่ อา เตอิซว๊าอี๊แส่ เต๊เห่ เด๊อ ครี๊ อา เตอิซว๊าอี๊แส่ อากู เต๊เห่เนอ, จอแปแหร่ โอ่เกอ เร๊อ เหย่ซี โต่. แกแย เด๊อ อา โอ่หม่าโอ่กลอ เด๊อ ครี๊ อา เตอิซว๊าอี๊แส่ อากู เต๊เห่เนอ, เพเร๊อพู๊ ซิเนอลอ เก่ โอ่เกอ เร๊อ เหย่ซี แพ๊.