ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:20 - ลีเทส่อพ๊าอาเซ เร๊อ เห่ขุทวาลู๊

²⁰ หม่าแน๊เรอ เหย่ซู่ครี๊ เด๊อะแล แหย่โยบูโพ๊ แบ่เจ่ เด๊อ ซีโหล่ อาขว่าอาคยา, ล๋อ ซี เออเต๊เห่ เนอหม่า ซีซิเงเฮ๊อ เตหมะเตจ๊อ เฮ๊อ.

Eastern Kayah Shadaw Dialect

²⁰ ꤗꤢ꤬ꤔꤢꤧꤚꤣꤧ꤬ ꤛꤢꤩ꤬ꤏꤛꤢꤨꤋꤚꤤ ꤘꤣꤧꤜꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤘꤣ ꤞꤤ꤭ꤜꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤜꤢꤪ꤭ ꤞꤤ꤭ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤞꤤ꤭ ꤞꤤꤑꤢꤩ꤭ꤟꤣꤧ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤟꤣꤧ꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:20 ပူးပေါင်းရင်းမြစ်များ

ꤛꤥ꤭ꤟꤢ꤬ 14:26

หม่าแน๊เรอ, เพ เก่ นอแฮ เป่ ซี เพรเมจว่า ซี แหย่โยบูโพ๊แบ่เจ่ เร๊อ แวมุย ปา. อา เก่ อิซว๊าอี๊แส่ เป่ ซี เตล๋อ ปลี ปา, โท๊โต่ ล๋อ เต เด๊อ แว เฮ๊โทเฮ๊อ ซี เต๊เห่เนอ, อา เก่ เด๊อซิเง กาคยา คยาแซ๊ ซี ปา.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:27

ซีเง เกอลาติ เร๊อ, ครี๊ เด๊อะแล โทเฮ๊อ อา แหย่โยบูโพ๊ เด๊อ ซีโหล่ เฮ๊อ, เร๊อ อา แหย่โยบูโพ๊ โอ่หม่าโอ่กลอ เด๊อ ซีกู อาขว่าอาคยา, อู โหล่ อิซว๊า ปา ซี เตเพร่ว โต่, เมเตเฮ๊เรอ อา แหย่โยบูโพ๊ อิซว๊า เฮ๊อ ซี เตปว๋า เต๊อเจ่อเฮ๊อ. โท๊โต่ อา อิซว๊า ซี เออเนอหม่า, เตหมะเตจ๊อ, เตแลโฮแลแห่ หม่าโต่. ฮู๊เนอเร๊อ โอ่หม่าโอ่กลอ แลแค เด๊อ ครี๊ อากู ฮู๊ อา แหย่โยบูโพ๊ อิซว๊า โทเฮ๊อ ซี เนอ นี๋.

เพรโด่แนพู๊ เต๊เห่ 10:38

โทเรอ จอแปแหร่ นว๊าแถ่ วีนาซาเร็ธพู๊ เหย่ซู่ เร๊อ อา เด๊อะ ลู แหย่โยบูโพ๊แบ่เจ่ เร๊อ อา เตโพรเตเตอเรออาฉว่าชอ ฮู๊เต เนอ, ซี ซิเง โทดื่อเฮ๊อ. เหย่ซู่ เลจว๊า เด๊อ เหล่โอ่ ปว๋า โต๊โผ่ เร๊อ จว๊า เมบุ๊ยเมเตอเรอ เป่ อู, แหย่โอ่เหม่ลอ แกแย โอ่ เด๊อ โลเน๊โลหน่า กู่กล๊อ เมนือเมจ๊า ลู เต๊เห่, เมเตเฮ๊เรอ จอแปแหร่ โอ่เกอ เน๊อ อา อาขว่าอาคยา, อา เมเฮ๊อ เต ฮู๊เนอ เฮ๊อ.

ꤛꤥ꤭ꤟꤢ꤬ 16:13

เบ๊อะแหย่โยบูโพ๊แบ่เจ่ เด๊อ อา เด๊อะโล เตหมะเตจ๊อเออ แฮปา เบ๊อะเนอ, อา เก่ ยูแกล๊ยูโกล เป่ ซี เน๊อ ล๋อ เตหมะเตจ๊อ เนอเต๊เห่ ปา. อา เก่ แด๊โฉ่โล เป่ ซี เร๊อ อา เต เตเน เร๊อดื่อเนอ หม่าโต่. อา เก่ แด๊โฉ่โล เป่ ซี ฮู๊ อา หนิโฮ แฮหนิ เด๊อ จอแปแหร่ อา โอ่ เนอเต๊เห่ ปา. อา เก่ เด๊อะโล เป่ ซี เร๊อ เต เด๊อ อา ทวาแถ่ ล๋ายโต่ เนอเต๊เห่ ปา.

ꤟꤤꤙꤚꤢꤨ 1:9

เน โมเร๊อ เต เด๊อ อาโต เต๊เห่ เร๊อ เน ซิโตโคหนิ เต เด๊อ อาซื๊อ เต๊เห่. เด๊อ เออ อาขว่าอาคยาเร๊อ, จอแปแหร่ เด๊อ อา หม่า เน จอแปแหร่ เออ นว๊าแถ่ เฮ๊อ เน เร๊อ อา นอ ดุเล๊อทูเล๊อ เจ๊อเฮ๊อ เน เร๊อ เนซว๊าเนโค เต๊เห่ เฮ๊อ. อา แด่ดุแด่ทู เฮ๊อ เน, อา เด๊อะเฮ๊อ เน เตซิครือซิลอ เฮ๊อ,” อา เฮ๊ ลู ฮู๊เนอ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:13

เป ซิเง ตาเตเฮ๊อ เร๊อ จอแปแหร่ เด๊อะแล โทเฮ๊อ เป แหย่โยบูโพ๊ แบ่เจ่ อาขว่าอาคยา, เป โอ่หม่าโอ่กลอ เฮ๊อ เด๊อ ลูเหน่กู เร๊อ อา โอ่หม่าโอ่กลอ เฮ๊อ เด๊อ เปกู เฮ๊อ.

เพรโด่แนพู๊ เต๊เห่ 3:14

อา หม่า แกแยบูโพ๊, แกแยจ๊อแกแยเต เตเพร ตื๊อดื่อเร๊อ ซี วีแก อา. ซี กุย คุ๊ยปีลาต เน๊อ, ‘แด่ทูซิปล่อ เร๊อ ปลวาเถ่ เป่ เป แกแย เด๊อ อา เมเซอ อู เนอเตเพร.’

ꤜꤢꤨꤊꤢ꤬ 4:18

“จอแปแหร่ แหย่โยบูโพ๊แบ่เจ่ โอ่ เด๊อ แวกู, เมเตเฮ๊เรอ อา นว๊าแถ่ เฮ๊อ แว เร๊อ แว เก่ แด๊โฉ่ เป่ แกแย โซพ๊าโซแรฮู๊เต๊เห่ เร๊อ เตซิครือมีลา เออเนอ เฮ๊อ. แกแย เด๊อ อู ปื่อ ด๊อโอ ลู เด๊อ ทอกู เต๊เห่ อา พย๊าหนิ เตเมแลเปล๊กา อาเง, แกแย เด๊อ อา เป๊เส่คี๊ เต๊เห่ อา เป๊เส่ลี กาคยา อาเง, เร๊อ แกแย เด๊อ อู เมจาเมจือ ลู เต๊เห่ เก่ พย๊าหนิ เตเมแลเปล๊ กา อาเงเนอ, อา นอแฮ เฮ๊อ แว เด๊อ แว เก่ แด๊โฉ่ เป่ เหย่ซี เฮ๊อ.

ꤗꤢ꤬ꤊꤢꤨ 1:24

เร๊อ อา เอ๊โทแถ่ เน๊อ, “เก๋อ แกแย วีนาซาเร็ธพู๊ เหย่ซู๋, เน ซิหยื่อ เม เป ฮู๊เต? เน เตเร แฮ เมปย๊าเมหลู่ เมเซอเมเหม่ แกลอเฮ๊อ เป ปาแอ? เน หม่า อูเป เนอ หม่า แว ซิเง แพ๊, เน หม่า จอแปแหร่ อาพู๊คู บูโพ๊ เตเพร.”

เตเด๊อะโลแถ่ 4:8

เตเซอเพรเออ ลุยโด ลอเนอ, โตโด๋ เร๊อ อา ด๊าโอ่ อา เบ่ โซซว๊า, อา เป๊เส่ปล่อ เต๊เห่เนอ, อาโอ่ ลอปลี ลูเหน่ ชีเพรเจ๊อ, อาโอ่ โต่ ลอ เจ๊อ เด๊อ อาด๊าเล. เหย่ซี อิโร ถู่เซ๊แถ่ ปวาเนอเน๋อ ปวาเซเซ เจ๊อ, อา โอ่โก๊ โตโพ๋ โต่. เร๊อ อา อิโร ถู่เซ๊แถ่ แลแค เน๊อ, “แบ่เจ่ จอแปแหร่ เด๊อ อา เมแจ่เต ล๋อ ปลี เด๊อ อา โอ่เซอเพร เด๊อหนู่เด๊อส่าเค, เร๊อ อา โอ่เซอเพร โต่กู๊แหน่, โทเร๊อ อา เก่ โอ่เซอเพร แฮเงลา เออเตเพรเนอ, อา อาบูโพ๊, อาบูโพ๊, อาบูโพ๊.”

เตเด๊อะโลแถ่ 3:7

“ราจว๊า ลีเออ เด๊อ วีฟีลาเดลเฟีย เพรหยื่อเอ่ตู๊หมู่ตอกล๊อ อา เตเน่วพู๊ อาโอ่ เนอ,” อา เฮ๊ แว ฮู๊เนอ. เร๊อ อา เฮ๊ เน๊อ, “เตหรี่เตแก เออเนอหม่า อา แฮ เด๊อ เพร เด๊อ อาบูโพ๊ อาจ๊ออาเต เออเตเพร อาโอ่. อา ปื่อหม่าโอ่ หนิ คุ๊ยดาวิด อาชอถิ. เบ๊อะอา บ๊าโม กู่ดา เบ๊อะเนอ, อู เมบี๊แจ่ เตเพร่ว โต่. เร๊อ เบ๊อะอา เมบี๊ เบ๊อะเนอ, อู บ๊าโมแจ่ เตเพร่ว โต่.

ꤟꤤꤙꤚꤢꤨ 8:11

เบ๊อะเนออาเค ปาเนอ, เหย่ซี อาเมวเจอะพู๊ แซ๊ลู เต๊เห่ เบ่เบ่, อาโป่อาแหว่เกล เต๊เห่ เบ่เบ่, อา โหล่ปา อู อิซว๊าอี๊แส่ เหย่ซี เน๊อ, ‘ซิเง แลแค แบ่เจ่ นี๋’ ฮู๊เนอ ปาโต่เฮ๊อ. เมเตเฮ๊เรอ เป๊อแถ่ เด๊อ อู เตเน ปีตี๊เล๊อ ลู เตเพร โต่เด๊อ อู เตเนดุเล๊อ ลู เตเพรเนอ, อา เก่ ซิเง ลอเฮ๊อ แว ปา.

โครินธ์ อาเหร่อเล๊อ ต๊าบ่า 2:15

ล๋อ แกแย เด๊อ อา พย๊าหนิ แหย่โยบูโพ๊ แบ่เจ่ เออเต๊เห่เนอ, อา ซิเง ล๊อปลู๊ เหร่อ ลอ โทเฮ๊อ เตอิซว๊าอี๊แส่ เออเต๊เห่ เฮ๊อ. หม่าแน๊เรอ แกแย เด๊อ อา พย๊าหนิ เกออู แหย่โยบูโพ๊ แบ่เจ่ โต่ เต๊เห่เนอ, อา ซิเงโปลเบ๊ เกออู แกแย เด๊อ อา โอ่ เน๊อ แหย่โยบูโพ๊ แบ่เจ่ เต๊เห่ อา เตเตเน เต๊เห่ โต่.

ꤜꤢꤨꤊꤢ꤬ 4:34

“เก๋อวีนาซาเร็ธ อาพู๊ เหย่ซู๋, เน ซิหยื่อ เม เป ฮู๊เต? เน เซเร แฮ เมปย๊าเมหลู่แก เมเซอเมเหม่ แกลอเฮ๊อ เป ปาแอ? เน หม่า อูเป เนอหม่า แว ซิเง แพ๊, เน หม่า จอแปแหร่ อาพู๊คู โพ๊แปละบูโพ๊ เตเพร.”

มัทธิว 13:11

แบ่เจ่ เหย่ซู่ เฮ๊ฉื่อ เหย่ซี เน๊อ, “จอแปแหร่ เด๊อะซิเงโปล เป่เฮ๊อ ซี เร๊อ ม๊อขุ เทอเลเก่กู อา เตซิคว๊าซิเง เด๊อ อา ด๊อโอ๊ด๊อบี๊ เต๊เห่ ตื๊อดื่อเรอ อา เด๊อะซิเง โต่ เป่เกอ เหย่ซี โต่.

ꤛꤢꤨꤘꤢ꤬ 1:5

ซี ซิเง โทลอเฮ๊อ เตเออ ล๋อ ปลี หม่าแน๊เรอ แว ซิหยื่อ เด๊อ ซิเหน่แถ่ คยาแซ๊ เกอโป่ ซี เร๊อ เร๊อ โตโพ๊เค เนอ แบ่เจ่ เมแลเปล๊ เถ่กาโทเฮ๊อ อิสราเอล พู๊ เด๊อ อียิปต์เก่. หม่าแน๊เรอ เด๊อ คยา เนอ อา เมเซอแก ลอคยาแซ๊ ล๋อ แกแย เด๊อ อา หยื่อเอ่เกอ ลู โต่ เนอ เต๊เห่.