ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:16 - ลีเทส่อพ๊าอาเซ เร๊อ เห่ขุทวาลู๊

¹⁶ เมเตเฮ๊เรอ, ล๋อ เต เด๊อ อา จิจือ เร๊อ เห่ขุ เนอเต๊เห่ หม่า หม่าเฮ๊อ เปเหน่กล่อ อา เตซิหยื่อซิลอ เต เด๊อ อาแร๊โต่, เป เป๊เส่ปล่อ แม๊ตว่า เต เด๊อ อา มู๊แหม่รีแจ่ เต๊เห่, เตพย๊าแถ่ม๊อแถ่โผ่ เกอเร๊อเหน่ เร๊อ เตดุแหย่แถ่เซ เร๊อ เตปว๋า เต๊อเจ่อ เนอเต๊เห่ เฮ๊อ. ล๋อ เต เออเต๊เห่ เนอหม่า อา โอ่เด๊อ เพ จอแปแหร่ อา โอ่ แฮ หม่าโต่, อา โอ่ เด๊อ เห่ขุเออ เร๊อ อา แฮ แพ๊.

Eastern Kayah Shadaw Dialect

¹⁶ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤜꤢꤪ꤭ ꤒꤢꤩ꤬ ꤘꤣ ꤢ꤬ ꤡ꤫ꤢꤩ꤬ꤡꤢꤦ꤭ ꤔꤢꤧ ꤟꤢꤩ꤬ꤋꤢꤨ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤗꤢ꤬ ꤗ꤫ꤢ꤬ꤟꤣꤧ ꤕꤢꤩ꤬ꤔ꤫ꤢꤩ꤬ꤊꤜ꤫ꤢꤪ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ꤞꤤꤜꤢꤪ꤭ ꤒꤢꤩ꤬ ꤘꤣ ꤢ꤬ꤚꤢꤧꤒꤥ꤬, ꤕꤢꤩ꤬ ꤕꤣꤧꤞꤢꤩ꤬ꤕꤜꤢꤪ꤬ ꤗꤢꤧꤒꤝ꤫ꤢ꤬ ꤒꤢꤩ꤬ ꤘꤣ ꤢ꤬ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤒꤣꤧ꤬ꤟꤢꤩ꤬, ꤒꤢꤩ꤬ꤖꤛꤢꤓꤢꤧ꤬ꤗꤢꤪꤓꤢꤧ꤬ꤖꤥ꤬ ꤚꤣꤧꤘꤢꤦ꤬ꤔ꤫ꤢꤩ꤬ ꤔꤢꤧ ꤒꤢꤩ꤬ꤘꤢꤨ꤬ꤛ꤫ꤢꤧ꤬ꤓꤢꤧ꤬ꤞꤢꤩ꤭ ꤔꤢꤧ ꤒꤢꤩ꤬ꤕꤝꤢ꤭꤮ ꤒꤣ꤬ꤡꤣ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯ ꤜꤢꤪ꤭ ꤒꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ ꤥ꤬ꤘꤣ ꤖꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬ ꤟꤢꤧ꤭ ꤗ꤫ꤢ꤬ꤒꤥ꤬, ꤢ꤬ ꤥ꤬ ꤘꤣ ꤟꤢꤩ꤬ꤋꤢꤨ꤬ꤣꤧ꤭ ꤚꤣꤧ꤬ ꤢ꤬ ꤟꤢꤧ꤭ ꤖꤢꤧ꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:16 ပူးပေါင်းရင်းမြစ်များ

ꤚꤥꤗꤢꤩ꤬ 13:14

ครวา แม๊บือเกอ เหย่ซู่ครี๊ อา เตโอ่เซอเพร เออเนอ นี๋. ฮู๊ ซี กือแซ๊แถ่ เห่อจา เนอ, กือแซ๊แถ่ เต๊เปล่ เกอลาติ เด๊อ แบ่เจ่ เหย่ซู่ครี๊ เร๊อ เตเน ปา แต่ แลแค เตลือ เมโม สุ่ยหย่าเทอ อา เตซิหยื่อซิลอ อาแกล๊อาโกล เต๊เห่ แต่เหม่ นี๋.

ꤊꤢ꤬ꤜꤢ꤬ꤒꤤ 5:17

เมเตเฮ๊เรอ สุ่ยเทอพ๊าหย่า อา เตซิหยื่อซิลอ เออเนอหมา, อา ลูจว๊า โค๊แก เร๊อ แหย่โยบูโพ๊ แบ่เจ่ อา เตซิหยื่อซิลอ. เร๊อ แหย่โยบูโพ๊ แบ่เจ่ อา เตซิหยื่อซิลอ เออเนอ อา ลูจว๊า โค๊แก คยาแซ๊ดื่อ เร๊อ เหน่กล่อพ๊าหย่า อา เตซิหยื่อซิลอ. เตเออ เนอเจ่อเนอ อา เร ลู โต่ อาขว่าอาคยา, ฮู๊ ซี ซิหยื่อ เม เนอ ซี เมแจ่ ปา โต่ เฮ๊อ.

เห่ขุทวาลู่ 3:6

เบ๊อะ เพรเหมาะ แม๊เถอะ ส่อเส่เออ เบ๊อะเนอ, อาตว่าอาแบ แหน่เจ๊อ เด๊อ ลูเง, อา โตเฮ๊อ ลูซิปล่อ เด๊อ อาซิหยื่อเอ่, เบ่เฮ๊อ ลูโส่เทอ เด๊อ เก่ เด๊อะ ลู เตลีแม เร๊อ อา ด่าแถ่ ส่อเส่เออ เร๊อ อา เอ่, โท๊โต่ อา เด๊อะเอ่ แฮเง เป่เกอ เน๊อ อาเว เด๊อ อา โอ่ เกอ เน๊อ ลูเออ เร๊อ อาเว เอ่ เกอ ส่อเส่เออ.

เอเฟซัส 2:3

เด๋อ อาเหร่อเค เนอหม่า, เป โอ่เซอเพร แซ่เน๊อ เหย่ซี เนอเฮ๊อ. เป โอ่เซอเพร ฮู๊ เป่ ซิปล่อ เหล่โกล ซิหยื่อ เมเตซื๊อ เนอเต๊เห่ แพ๊. เป จว๊าเมโม เปเหน่ เร๊อ เปเหน่กล่อ สุ่ยเทอ เหล่โกล ซิหยื่อ มู๊แหม่ เนอเต๊เห่ เร๊อ เหล่เตเน มู๊แหม่ เต๊เห่. จอแปแหร่ โตเบ่เมจากาคยา เกอ เจ๊อ เป ฮู๊ เหย่ซี เนอ เจ๊อ.

ꤡꤛꤢꤩ꤭ꤗꤢ꤬ꤎꤣ꤬ 3:15

เตเตเนแจ่ ฮู๊เนอเต๊เห่ หม่า อา โอ่ เด๊อ ม๊อขุ แฮ หม่าโต่, เห่ขุเน๊ขุ อา เหล่เตเน แจ่ เนอเต๊เห่แพ๊. เตเตเนแจ่ ฮู๊เนอเต๊เห่ หม่า อา โอ่ เด๊อ แหย่โยบูโพ๊ แบ่เจ่ อา โอ่ แฮ หม่าโต่, อา โอ่ เด๊อ โลเน๊มู๊แหม่รีแจ่ อา โอ่ แฮ แพ๊.

เปโตร อาเหร่อเล๊อ ต๊าบ่า 2:11

แว โคแบ๊ซว๊าโม ซี๋, เด๊อ เห่ขุเออเนอ ซี หม่า อาแซ่เน๊อ แกแย จว๊าทวา เทอโรเก่กลอพู๊ เร๊อ ซิเผระ เต๊เห่ แพ๊. แว กุยซิยอ ซี เร๊อ ซี เก่ จว๊า ตาพาแก แลแค เร๊อ ซี เหน่กล่อ อา เตซิหยื่อซิลอ มู๊แหม่ เด๊อ อาช๊าอาปา โตโมโม เกอเร๊อ ซี ซิปล่อ เออเนอเต๊เห่ นี๋.

เปโตร เนอบ่า ต๊าบ่า 2:10

ล๋อ แกแย เด๊อ อา ครวาเมเกอ ฮู๊ เหย่ซี ซิปล่อ อา เตซิหยื่อ ปาต๊า มู๊แหม่ อาคยา เร๊อ อา เม จู๊แก่ฉื่อ จอแปแหร่ อา เตอเรอฉว่าชอ เต๊เห่เนอ, จอแปแหร่ เก่ เมจากาคยา จาเล๊อ เหย่ซี ปา. แกแย ฮู๊เนอเต๊เห่ หม่า แกแย ฮา, แกแย พย๊าแถ่ม๊อแถ่โผ่ อาเหน่ เต๊เห่. ม๊อขุพู๊ เด๊อ อู แด่ดุแด่ทู เกอเร๊อ เจ๊อ ลู เต๊เห่เจ๊อ เนอ, เหย่ซี เป๊อเจ่ออิแช๊ แลแค, อา ซิอิเช เกอ เจ๊ออู ตีกี๋ โต่.

ꤒꤤꤒꤢꤨ 2:12

จอแปแหร่ อาบุ๊ยอาเตอเรอเออ, อา อิซว๊า เป่ เร๊อ เป เก่วีแก แกล๊ เด๊อ อา มู๊แหม่ เต๊เห่ เร๊อ เห่ขุ อา เตซิหยื่อซิลอ เต๊เห่. กู๊แหน่เรอ จอแปแหร่ อาบุ๊ยอาเตอเรอ อิซว๊า เป เด๊อ เป โตเบ่ ค๊อเบ๊ข่าเบ๊ หนิ เด๊อ เปซิปล่อ. เร๊อ เป โตเบ่ โอ่เซอเพร จ๊อจ๊อเตเต, โท๊โต่ เป โตเบ่ โอ่เซอเพร ฮู๊ อาโต จอแปแหร่ อาซิปล่อ เนอ.

เปโตร เนอบ่า ต๊าบ่า 2:18

เหย่ซี เฮ๊เบ่ แถ่ม๊อแถ่โผ่ แลแค อา โหง่ เด๊อ อาบุ๊ยเตอเรอ โอ่โต่ เต๊เห่. เหย่ซี จว๊า อิซว๊า อู เร๊อ อู เก่ เมเตตาเร เด๊อ สุ่ยเทอพ๊าหย่า อา เตซิหยื่อ ปาต๊า เต๊เห่. เหย่ซี อี๊หล่า จว๊า ตาพาแก อู เร๊อ แกล๊โตแกล๊เบ่ เต๊เห่. แกแย เด๊อ เหย่ซี อี๊หล่า เต๊เห่เนอ, อา ตื๊อ โอ่โก๊เซ ปาแพ๊ เร๊อ อา เตซื๊อ ฮู๊ เหย่ซี เนอเต๊เห่ เมเนอ แพ๊.

เปโตร อาเหร่อเล๊อ ต๊าบ่า 1:14

ซี หม่า แกแย เด๊อ อา หนิดา จอแปแหร่ อาโหง่ แซ่เน๊อ เป๊เจ่ฮู๊ เต๊เห่เนอ อาขว่าอาคยา, โอ่เซอเพร ปา แต่ แลแค เด๊อ เตซิหยื่อ มู๊แหม่ เต๊เห่ อากู ฮู๊ เด๊อ อาเหร่ออาเนอ เบ๊อะซี ซิเง แต่ล๋าย ครี๊ โต่ เบ๊อะเนอ เต๊เห่ แต่เหม่ นี๋.

ꤒꤤꤒꤢꤨ 3:3

เมเตเฮ๊เรอ เด๊อ เหร่อเคเนอ เป เต๊เห่ หม่า แกแยบูบย่า แกแย จูเอ่ เกออู โหง่ โต่ เต๊เห่. เป หม่า แกแย เด๊อ อา ครวาซื๊อเกอ แกแย แลโฮ เต๊เห่ อาคยา. เป ทวา โทเฮ๊อ แกแย เด๊อ อา ซิหยื่อซิลอ เมโม เกอเร๊อ เหน่ เต๊เห่ อาหลู่เล๊ เฮ๊อ. เป โอ่เซอเพร เมลอแก อาม๊อเนอม๊อเซ เนอ เป เม เตมู๊แหม่รีแจ่ เนอ เตซิค๊าซิเถ่ อู เต๊เห่ เฮ๊อ. โท๊โต่ อู ซิเถ่ เป เร๊อ เป ซิเถ่ฉื่อ อู.

มัทธิว 5:28

หม่าแน๊เรอ แว เฮ๊ ซี, แกแย เตเพรเพร เด๊อ อา แม๊ เพรเหมาะ เร๊อ อา เตเน ปาต๊าเนอ, อา จว๊าซื๊อเฮ๊อ เน๊อ เพรเหมาะ เนอเตเพร เด๊อ อา ซิปล่อกู เฮ๊อ.

ꤜꤢꤨꤊꤢ꤬ 4:5

โทเร๊อ โลเน๊ กู่กล๊อ เอ๊จว๊า เหย่ซู่ เด๊อ เหล่โอ่แถ่โล โต๊โผ่ เร๊อ อา เด๊อะโล ลอ ลู เด๊อ อูเทอเก่ เด๊อ อา โอ่ เด๊อ เห่ขุ เออเนอ ปว๊าโต๊โผ่.

ꤊꤢ꤬ꤜꤢ꤬ꤒꤤ 5:24

แกแย เด๊อ อา ทวา เหย่ซู่ครี๊ อาเต เต๊เห่ เนอหม่า อา สุ่ยเทอพ๊าหย่า อา เตซิหยื่อซิลอ เป๊อตี๊หรี่ ปา ลู โต่ เฮ๊อ. อา มือเซอแถ่แก เฮ๊อ อา สุ่ยเทอพ๊าหย่า อา เตซิหยื่อซิลอ ล๋อ ปลี เด๊อ อี๊ถื่อดีเต่ อาลู เฮ๊อ.

มัทธิว 4:8

โลเน๊มู๊แหม่ กู่กล๊อ เอ๊จว๊า โป่แซ๊ ลู เด๊อ โฉ่แถ่โล เตเม อาลู, เร๊อ อา เด๊อะโล ลู เร๊อ เทอเก่ ปว๊าเต๊เก่ เด๊อ เห่ขุเออ เร๊อ อา เตลีเตเค เร๊อ อา เตดุแหย่แถ่เซ เต๊เห่.

โครินธ์ อาเหร่อเล๊อ ต๊าบ่า 10:6

เปเพอเปโพ เออเต๊เห่ ลือครวาเม อา เตซิหยื่อ มู๊แหม่รีแจ่ เต๊เห่ อาขว่าอาคยา, อา ทวาแถ่ เฮ๊อ ฮู๊เนอ เฮ๊อ. แซ่ฮู๊ เป เก่ แม๊บือ ครวาเมเกอ แต่ ฮู๊ เหย่ซี เมเนอ แต่เหม่ เนอ, อา ทวาแถ่ เฮ๊อ เตอิซว๊า เต๊อเจ่อ เด๊อ เปเง เฮ๊อ.

เห่ขุทวาลู่ 6:2

จอแปแหร่ดุ อาเตเน่วพู๊ ซีเต๊เห่ แม๊เถอะ แกแยเห่ขุพู๊ อาพู๊เหมาะ เต๊เห่ โหมะตว่าโหมะแซแร แหน่เจ๊อ เร๊อ อา นว๊าพย๊า แลแค เน๊อ อาเม.

ꤡꤛꤢꤩ꤭ꤗꤢ꤬ꤎꤣ꤬ 4:16

หม่าแน๊เรอ กู๊แหน่เออ ซี แด่แถ่โล แลแค ซี ซิปล่อ เร๊อ ซี เฮ๊เบ่ แถ่ม๊อแถ่โผ่ เกอเร๊อ แลแค ซีเหน่. ล๋อ เตแด่แถ่โล ซิปล่อ ฮู๊เนอ เต๊เห่หม่า เตมู๊แหม่รีแจ่ แพ๊.