ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:15 - ลีเทส่อพ๊าอาเซ เร๊อ เห่ขุทวาลู๊

¹⁵ ล๋อ เห่ขุเน๊ขุ อา เหล่โกลเหล่แบ่ มู๊แหม่รีแจ่ เต๊เห่เนอ เบ่เบ่, เต โอ เด๊อ เห่ขุ เออต๊าบ่า อาโอ่ ล๋อ ปลี เนอเต๊เห่ เบ่เบ่, โมเร๊อ แต่ อา แต่เหม่ นี๋. เต อิเตเต๋ เบ่เบ่ เด๊อ อา โอ่ เด๊อ เห่ขุเออ เต๊เห่เนอ, ซี เก่ โมเร๊อ อา เฮ๊เนอหม่า, ซี โมเร๊อ เพ จอแปแหร่ โต่.

Eastern Kayah Shadaw Dialect

¹⁵ ꤜꤢꤪ꤭ ꤟꤢꤩ꤬ꤋꤢꤨ꤬ꤔꤢꤩꤋꤢꤨ꤬ ꤢ꤬ ꤜ꤫ꤢꤩ꤬ꤊꤜꤥ꤭ꤜ꤫ꤢꤩ꤬ꤋꤢꤧ꤬ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤙꤢꤩ꤬ꤙꤢꤩ꤬, ꤒꤢꤩ꤬ ꤘꤣ ꤢ꤬ ꤥ꤬ ꤘꤣ ꤟꤢꤩ꤬ꤋꤢꤨ꤬ ꤣꤧ꤭ꤒꤣ꤬ꤙꤢ꤬ ꤢ꤬ꤜꤥ꤬ ꤜꤢꤪ꤭꤮ ꤕꤜꤤ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤗꤥ꤬ꤚꤣꤧ ꤒ꤫ꤢꤧ꤬ ꤢ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤒꤢꤩ꤬ ꤤ꤭ꤒꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬ ꤘꤣ ꤢ꤬ ꤥ꤬ ꤘꤣ ꤟꤢꤩ꤬ꤋꤢꤨ꤬ꤣꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤞꤤ꤭ ꤊꤢꤩ꤬ ꤗꤥ꤬ꤚꤣꤧ ꤢ꤬ ꤟꤢꤩꤔꤣꤧ꤬ꤗꤢ꤬, ꤞꤤ꤭ ꤗꤥ꤬ꤚꤣꤧ ꤖꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤒꤥ꤬꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:15 ပူးပေါင်းရင်းမြစ်များ

ꤡꤛꤢꤩ꤭ꤗꤢ꤬ꤎꤣ꤬ 4:4

แกแย เด๊อ อา ซิปล่อก่า เด๊อ จอแปแหร่ อาขุ ซี๋, ซี แบ๊ซว๊า เน๊อ เห่ขุ อา เตมู๊แหม่รีแจ่ เต๊เห่ เนอหม่า ซี ทวาแถ่เฮ๊อ เพร เด๊อ อา ซิเถ่ จอแปแหร่ เต๊เห่เฮ๊อ เนอหม่า ซี ซิเง โต่ แอ? แกแย เด๊อ อา ซิหยื่อ ทวาแถ่ เห่ขุ อา เตมู๊แหม่รีแจ่ เออเต๊เห่ อา โคแบ๊ซว๊า เตเพรเพรเนอ อา เม ซิเถ่ซิฮา เฮ๊อ อาเหน่ เน๊อ จอแปแหร่ เฮ๊อ.

ꤚꤥꤗꤢꤩ꤬ 12:2

โอ่เซอเพร แม๊บือเกอ เต ฮู๊ แกแย เด๊อ อา ซิเง เกออู จอแปแหร่ โต่ เนอเต๊เห่ อาเหล่โกล โอ่เซอเพร เนอแต่เหม่ นี๋. แซ่ฮู๊ ซี เก่ โอ่เซอเพร โค๊ดื่อ เร๊อ เหย่ ซีเนอ เร๊อ, นอถู่แหล่ เต๊เปล่เซ โค๊แก ซี เหล่เตเน เต๊เห่เนอ เร๊อ จอแปแหร่ เนอ นี๋. ซี เก่ เมฮู๊เนอ ตื๊อหม่า ซี ซิเงแฮเบ๊ แพ๊ เต เด๊อ จอแปแหร่ ซิหยื่อ นอเม ซีเนอ เต๊เห่ แพ๊. ตื๊อเรอ ซี เก่ ซิเงแฮ เตแร๊, เตเมโม จอแปแหร่ อาซิปล่อ, เร๊อ เตซิเง เล๊อบาแฮ จอแปแหร่ อา เตซิหยื่อ เต๊เห่ ปา แพ๊.

มัทธิว 6:24

“อู เมแจ่ เตแร เด๊อ แบ่เจ่ ซิเนอ โอ่ เตเพร่ว โต่. อา เก่ ซิโตโคแก เกอเร๊อ เตเพร ปา, เร๊อ อา เก่ โม เกอเร๊อ เตเพร ปา. อา เก่ ซิปล่อโนกู เกอเร๊อ เตเพร ปา, เร๊อ อา เก่ เมโตโมเต๊เก่ ฉื่อแก เกอเร๊อ เตเพร ปา. ซี แรเต เป่ จอแปแหร่ อาเงเง, รือ อาเงเง เนอเจ่อลอ เนอ, อาหนิ โต่.”

ꤜꤢꤨꤊꤢ꤬ 16:13

“หลู่เล๊ เตเพร เมแจ่ แรเต เด๊อ แบ่เจ่ ซิเนอ อาเตนอ อาเลเนอ อา โอ่ เตเพร่ว โต่. อา เก่ ซิโตโคแก เกอเร๊อ เตเพร ปา, เร๊อ อา เก่ โม เกอเร๊อ เตเพร ปา. หม่าโต่เร๊อ อา เก่ ซิปล่อจิจือ เกอเร๊อ เตเพร ปา, เร๊อ อา เก่ เมโตโมเต๊เก่ ฉื่อแก เกอเร๊อ เตเพร ปา. ซี เม เป่ ลอ จอแปแหร่ อาเงเง, รือ อาเงเง เนอเจ่อลอ เนอ, อาหนิ โต่.”

ꤛꤥ꤭ꤟꤢ꤬ 15:19

ซี เก่ แซ่เน๊อ แกแย เห่ขุพู๊ เออเต๊เห่ เฮ๊เนอ, อา เก่ โม เกอเร๊อ ซี ฮู๊ เหย่ซี แกแย เร๊อดื่อ เนอเต๊เห่ ปา. หม่าแน๊เรอ ซี เนอ, ซี โค๊ดื่อ เน๊อ เหย่ซี เฮ๊อ. แว นว๊าเถ่โค๊แก เฮ๊อ ซี เด๊อ แกแย เห่ขุพู๊ เต๊เห่ อาเกล เฮ๊อ. เหย่ซี ซิเถ่ ซี อาแก่ช๊าแกแร หม่า หม่าเฮ๊อ เด๊อ ซี ย๋อโค๊ดื่อ เร๊อ เหย่ซี เฮ๊อ, โท๊โต่ แว ย๋อ นว๊าเถ่โค๊แก เฮ๊อ ซี เน๊อ เหย่ซี เออ อาขว่าอาคยาเร๊อ เหย่ซี ซิเถ่ซิฮา เฮ๊อ ซี เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:17

แกแย เด๊อ อา โอ่เร๊อ เห่ขุ อา เตดุแหย่แถ่เซ เตเพรเพร เนอ, เก่ อา แม๊เถอะ อาโป่แหว่ ครี๊พู๊ โหล่ เตเต๊อเจ่อเจ่อ หม่าแน๊เรอ อา เก่ ซิยอเกอเร๊อ ลู โต่ เฮ๊เนอหม่า, จอแปแหร่ อาเตโม โอ่ เด๊อ ลูเหน่กู โต่.

ทิโมธี อาเหร่อเล๊อ ต๊าบ่า 6:10

เมเตเฮ๊เรอ เตซิหยื่อซิลอ รือ เนอหม่า เตมู๊แหม่รีแจ่ ล๋อ ปลี อาหรุ่ยอาถว่า เฮ๊อ. แกแย เต๊เห่เห่ เนอ, อา ซิปล่อฉว่า ซิหยื่อ ตาลว๊าซิลือ รือ ขว่าคยา, เหย่ซี จว๊า ตาพาแก เร๊อ เตหยื่อเตแหน่ เร๊อ เตซิเปล โอ่เอ๊ เออ เมจู่เมแท ล๊อ เหย่ซี ซิปล่อเฮ๊อ.

ꤊꤢ꤬ꤜꤢ꤬ꤒꤤ 1:10

แว เฮ๊ ฮู๊เออ เนอหม่า อาแซ่เน๊อ แว แอ๊จื๊อ ครวาลือ เกอ แกแยเห่ขุพู๊ อาซิปล่อ ฮู๊เนอ แอ? แว ซิหยื่อ ครวาลือ เกอ แกแยเห่ขุพู๊ อาซิปล่อ ฮู๊เนอ หม่าโต่. แว ซิหยื่อ ครวาลือเกอ ฮู๊ จอแปแหร่ อาซิปล่อ เนอแพ๊. แว เก่ แอ๊จื๊อ ครวาลือ เมโม ตื๊อดื่อปา แพ๊ แกแยเห่ขุพู๊ เต๊เห่ อาซิปล่อ แพ๊ เฮ๊เนอหม่า, แว หม่า ครี๊ อาหลู่ เตเพร หม่าโต่.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:5

เห่ขุ เหล่โกล มู๊แหม่ เป๊อ เกอเร๊อ เพรโพร อาก่าอาแปล เออเต๊เห่ อาขว่าอาคยา, เหย่ซี ครวา เฮ๊เบ่ แซ่เกอฮู๊ เห่ขุพู๊ เด๊อ อาเหล่โกล เฮ๊เบ่ มู๊แหม่รีแจ่ ดื่อเง เออเนอเต๊เห่ เร๊อ จอแปแหร่ อาแกแย หม่าโต่ เต๊เห่ ครวา หนิดา เกอ ลอ เหย่ซีโหง่.

เอเฟซัส 2:2

เบ๊อะเนออาเค, ซี ครวาเมเกอ เห่ขุ อา เตมู๊แหม่รีแจ่ เต๊เห่. ซี หนิดา จูเอ่ เกอ แพ๊ โลเน๊มู๊แหม่ กู่กล๊อ เด๊อ อา เป๊อหนิ โลเน๊โลหน่า เด๊อ ม๊อเล เต๊เห่ อาโหง่. โลเน๊มู๊แหม่รีแจ่ กู่กล๊อ เออเนอ, อา เป๊อหนิปา แกแย เด๊อ อา หนิดา เกออู จอแปแหร่ อาโหง่ โต่ เนอเต๊เห่.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:10

ฮู๊เนอเรอ แกแย เด๊อ อา หยื่อเอ่ จอแปแหร่ อาพู๊คู เออเต๊เห่เนอ, อา ซิเง ตาเต เจ๊อ เร๊อ จอแปแหร่ ข่าเฮ๊โล เออเนอหม่า อาโต หม่าแหน่ เจ๊อ. หม่าแน๊เรอ แกแย เด๊อ อา หยื่อเอ่ จอแปแหร่ โต่ เต๊เห่เนอ, อา เฮ๊ จอแปแหร่ เร๊อ แกแย แลโฮ, เมเตเฮ๊เรอ เด๊อ อา หยื่อเอ่ เกอ จอแปแหร่ ข่าเฮ๊โล เร๊อ อาพู๊คู อาหรี่อาแก เออเนอ โต่ อาขว่าอาคยา, อา เฮ๊ แลแค ฮู๊เนอ แพ๊.

มัทธิว 4:8

โลเน๊มู๊แหม่ กู่กล๊อ เอ๊จว๊า โป่แซ๊ ลู เด๊อ โฉ่แถ่โล เตเม อาลู, เร๊อ อา เด๊อะโล ลู เร๊อ เทอเก่ ปว๊าเต๊เก่ เด๊อ เห่ขุเออ เร๊อ อา เตลีเตเค เร๊อ อา เตดุแหย่แถ่เซ เต๊เห่.

ꤡꤛꤢꤩ꤭ꤗꤢ꤬ꤎꤣ꤬ 1:27

เตจ๊อบู่จ๊อเบ เด๊อ เพ จอแปแหร่ แด่ เฮ๊อ เน๊อ เต เด๊อ อา อาโพ๊อาแปละ เล๊อเล๊อบาบา เต๊เห่ เนอหม่า หม่าเฮ๊อ เตแม๊ตู่หนิ ฮู๊โอ่แคร๊โอ่แต่ เต๊เห่ เร๊อ เพรเหมาะโอ่แคร๊ เด๊อ อา โต่เบ่ เร๊อ เตแป่เตเช เต๊เห่, โท๊โต่ แกแย เด๊อ อา ค๊อเป่ เกอเร๊อ อาเหน่ เร๊อ อา โอ่ตาพายาเบ๊ เร๊อ เห่ขุ อา เตมู๊แหม่รีแจ่ ซี เนอเต๊เห่ เฮ๊อ.