ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:14 - ลีเทส่อพ๊าอาเซ เร๊อ เห่ขุทวาลู๊

¹⁴ เพซี๋, แว รา เป่เฮ๊อ ซี ลีเออ, เมเตเฮ๊เรอ แกแย เด๊อ อา โอ่ หนื่ออื่อ ปา เจ๊อ เด๊อ ม๊อขุเห่ขุ ทวาแถ่ แต่ล๋ายโต่ เบ๊อะเนอ เตเพร เนอ, ซี ซิเง โทเฮ๊อ ลู เฮ๊อ. เพรคูพู๊เส่ ซี๋, แว รา เป่เฮ๊อ ซี ลีเออ, เมเตเฮ๊เรอ จอแปแหร่ อาลาอาโหง่ โอ่เซอเพร เฮ๊อ เด๊อ ซีเหน่ลู เร๊อ ซี ซิปล่อฉว่า ซิปล่อชอ เร๊อ ซี เมเป่แก เฮ๊อ โลเน๊มู๊แหม่รีแจ่ กู่กล๊อ เนอโตโด เฮ๊อ.

Eastern Kayah Shadaw Dialect

¹⁴ ꤖꤢꤩ꤭ꤞꤤ꤭꤮, ꤠꤢꤧ꤭ ꤚꤢ꤭ ꤕ꤫ꤢꤩ꤬ꤟꤣꤧ ꤞꤤ꤭ ꤜꤤ꤬ꤣꤧ꤭, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ꤔꤢꤩ꤬ ꤕꤢ꤬ ꤡꤣꤧ ꤘꤣ ꤗꤢꤪꤋꤢꤨ꤬ꤟꤢꤩ꤬ꤋꤢꤨ꤬ ꤓꤝꤢ꤭ꤓꤢꤧ꤬ ꤒꤢꤧ꤬ꤜꤢ꤭ꤟꤤꤒꤥ꤬ ꤢ꤬ꤋꤢꤩ꤭ꤔꤣꤧ꤬ ꤒꤣ꤬ꤖꤚꤢꤩ꤬ ꤔꤣꤧ꤬, ꤞꤤ꤭ ꤞꤤꤑꤢꤩ꤭ ꤓꤥ꤭ꤟꤣꤧ ꤜꤢꤨ꤭ ꤟꤣꤧ꤯ ꤖꤚꤢꤩ꤬ꤋꤢꤨ꤭ꤖꤢꤨꤞꤢꤩ꤬ ꤞꤤ꤭꤮, ꤠꤢꤧ꤭ ꤚꤢ꤭ ꤕ꤫ꤢꤩ꤬ꤟꤣꤧ ꤞꤤ꤭ ꤜꤤ꤬ꤣꤧ꤭, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤥ꤬ꤞꤣꤧ꤭ꤖꤚꤢꤩ꤬ ꤟꤣꤧ ꤘꤣ ꤞꤤ꤭ꤊꤢꤨ꤭ ꤚꤣꤧ꤬ ꤞꤤ꤭ ꤞꤤꤕꤜꤢꤪ꤬ꤏꤝꤢ꤬ ꤞꤤꤕꤜꤢꤪ꤬ꤏꤢꤪ꤭ ꤚꤣꤧ꤬ ꤞꤤ꤭ ꤗꤢꤩ꤬ꤕ꤫ꤢꤩ꤬ꤊꤢꤧ꤭ ꤟꤣꤧ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤘꤣ ꤢ꤬ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤔꤣꤧ꤬ꤒꤣ꤬ꤘꤥ꤭ ꤟꤣꤧ꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:14 ပူးပေါင်းရင်းမြစ်များ

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:13

เพซี๋, แว รา เป่ เฮ๊อ ซี ลีเออ, เมเตเฮ๊เรอ แกแย เด๊อ อา โอ่หนื่ออื่อ ปา เจ๊อ เด๊อ ม๊อขุเห่ขุ ทวาแถ่ แตล๋ายโต่ เบ๊อะเนอ เตเพรเนอ, ซี ซิเง โทเฮ๊อ ลู เฮ๊อ. เพรคูพู๊เส่ ซี๋, เด๊อ ซี เมเป่โทเฮ๊อ โลเน๊มู๊แหม่รีแจ่ กู่กล๊อ เนอโตโด อาขว่าอาคยา, แว รา เป่เฮ๊อ ซี ลีเออต๊าบ่า. แวพู๊แวเลอ ซี๋, ซี ซิเง โทเฮ๊อ เพ จอแปแหร่ อาขว่าอาคยา, แว รา เป่เฮ๊อ ซี ลีเออ.

โคโลสี 3:16

นอโอ่หม่าโอ่กลอ เล๊อบา เกอดื่อ ครี๊ อาลาอาโหง่ เด๊อ ซี ซิปล่อกู นี๋. ซี เก่ อิซว๊าอี๊แส่ คยาลู เตเพร เร๊อ เตเพร, เร๊อ ซี เก่ เด๊อรอเด๊อเร หนิ คยาลู เตเพร เร๊อ เตเพร บ๋า เตแจ่ โอ่ เร๊อ ซี เนอ นี๋. อิโรถู่เซ๊แถ่ แลแค จอแปแหร่ เร๊อ ซี เตเฮ๊บุ๊ยเฮ๊เตอเรอ ลู เด๊อ ซี ซิปล่อกู นี๋. อิโรถู่เซ๊แถ่ แลแค จอแปแหร่ เร๊อ อาลี อิโร เนอเต๊เห่ ล๋อ ปลี นี๋.

ꤛꤥ꤭ꤟꤢ꤬ 15:7

ซี เก่ โอ่จิจือหมะ เด๊อ แวกู, เร๊อ แวลาแวโหง่ เก่ โอ่จิจือหมะ เด๊อ ซีกู เก่เฮ๊เรอ ซี ซิหยื่อกุย อิเตเต๋ เบ่เบ่ เนอ, แว เก่ เด๊อะ ซี ปา.

เอเฟซัส 6:10

เด๊อคยา ตื๊อดื่อเนอ, แว ซิหยื่อ เฮ๊ ซี ฮู๊เออ, แซ่ฮู๊ ซี เก่ฉว่าเก่ชอแถ่ เนอ, พย๊า แลแค แบ่เจ่ อา เตโพรเตเตอเรอ ฉว่าชอ เออเต๊เห่ นี๋. อา เตโพรเตเตอเรอ ฉว่าชอ เออเต๊เห่ เนอหม่า อาฉว่าอาชอ แหน่เจ๊อ.

ꤛꤥ꤭ꤟꤢ꤬ 8:31

แบ่เจ่ เหย่ซู่ เฮ๊ แกแยยิวพู๊ เด๊อ อา หยื่อเอ่แหน่ ลู เนอเต๊เห่ เน๊อ, “เก่ ซี จูเอ่ ปื่อหม่าหนิ แว เตอิซว๊าอี๊แส่ เออเต๊เห่ เฮ๊เนอหม่า, ซี ทวาเฮ๊อ แว โคเจ่ เด๊อ อา ตาเต เต๊เห่ เฮ๊อ.

ꤛꤥ꤭ꤟꤢ꤬ 5:38

จอแปแหร่ นอแฮ เจ๊อ แว ตื๊อดื่อเรอ ซี หยื่อเอ่หนิ เกอ แว โต่ อาขว่าอาคยา, จอแปแหร่ อาลาอาโหง่ โอ่เซอเพร เกอ เด๊อ ซี ซิปล่อกู โต่.

เตเด๊อะโลแถ่ 2:7

“เน กู๊หลิโกะ เก่ โอ่ เร๊อ หนิดา เต เด๊อ จอแปแหร่ อา แหย่โยบูโพ๊ แด๊โฉ่ เพรหยื่อเอ่ตู๊หมู่ตอกล๊อ เออเต๊เห่เนอ. แกแย เด๊อ อา เมเป่เต เตเพรเนอ, แว เก่ เด๊อะ อา เตอเรอฉว่าชอ เด๊อ อา เก่ โนเอ่หนิ ส่อเซอเพร อาเส่ เด๊อ อา เด๊ออู ซิปล่อเซอเพร เออเนอ ต๊อเสาะ ปา. ส่อเออ ต๊อเสาะเนอ อา แด๊ เด๊อ จอแปแหร่ อา เตเร๊กู เด๊อ อู เอ๊ เร๊อ บรมสุขเกษม อากูเนอ ปา.”

ยอห์น โซบ่า ต๊าบ่า 1:3

เมเตเฮ๊เรอ เบ๊อะเป โป่แหว่ ครี๊พู๊ เต๊เห่ แฮโต่เกอ แว เบ๊อะเนอ อาเค, อา แด๊โฉ่โล เป่ แว เร๊อ เนหรี่เนแก. เร๊อ อา เฮ๊ เป่ แว, เน ซิปล่อจ๊อ เร๊อ เตหมะเตจ๊อ เร๊อ เน โอ่เซอเพร ครวาเกอ ฮู๊เนอ ปว๋า โตโพ๊ เจ๊อ. อาขว่าอาคยา, แว ซิครือ แหน่เจ๊อ.

ยอห์น เนอบ่า ต๊าบ่า 1:2

เด๊อ เตหมะเตจ๊อ โอ่ แลโหล่แลแกล เด๊อ เปกู อาขว่าอาคยา, เป โม เร๊อดื่อ ซี แพ๊. เตหมะเตจ๊อ เออเนอ อา เก่ โอ่ ตื๊อดื่อ เกอดื่อ เร๊อ เป ตูจูเพร แตแลเคร๊ ปา.

ꤟꤤꤙꤚꤢꤨ 8:10

ฮู๊เนอเรอ, แบ่เจ่ เฮ๊ เน๊อ เตอ๊อแล อาเซ เด๊อ แว เก่ อ๊อแล เน๊อ อิสราเอลพู๊ ซี เต๊เห่เนอ, แว เก่ เฮ๊ เหย่ซี ฮู๊เออ ปา, แว เก่ ฉู่โน แว เตซว๊าเตแส่ เต๊เห่ เด๊อ เหย่ซี อาซิปล่อ เตเตเน อากู ปา. แว เก่ ราม๊าราแดโอ่ แว เตซว๊าเตแส่ เต๊เห่ เด๊อ เหย่ซี ซิปล่อกู ปา. แว เก่ ทวา เหย่ซี อาจอแปแหร่ ปา เร๊อ เหย่ซี เก่ ทวา แวแกแย ปา.

โคโลสี 1:11

แซ่ฮู๊ ซี เก่ ซิครือซิลอ ข่าจาข่าจือเบ๊ แด่ทูซิปล่อเบ๊ เตแป่เตเช เออเนอ เร๊อ, เป กุยจ๊อเบ เร๊อ ล๋อ จอแปแหร่ อา เตโพรเตเตอเรอ ฉว่าชอ เต๊เห่ เก่ เด๊อะอ๊าเด๊อะเหร่ ลอ ดื่อ ซี ซิปล่อ.

ทิโมธี เนอบ่า ต๊าบ่า 2:1

ฮู๊เนอ อาขว่าอาคยา, แวพู๊คู๋, แด่ฉว่าแด่ชอ เน ซิปล่อ เน๊อ เตบุ๊ยเตเตอเรอ เด๊อ อา โอ่ เด๊อ เหย่ซู่ครี๊ อากูเออ เนอ นี๋.

ฟีลิปปี 4:13

เหย่ซู่ครี๊ เด๊อ อา เด๊อะ แว เตอ๊าเตเหร่ เออเตเพร เมจว่า แว อาขว่าอาคยา, แว เมเบ๊ลอ เฮ๊อ เตปว๋า เต๊อเจ่อ เฮ๊อ.

เตเด๊อะโลแถ่ 2:3

เด๊อ แวมุย อาขว่าอาคยาเร๊อ, เน เมแคเมแอ่ เน ข่าเบ่ เตจาเตจือ เร๊อ เน ซิปล่อ ปย๊าโต่ เนอหม๋า ซิเงเง.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:10

เก่ เป เฮ๊ เร๊อ เป เมน๊อ เตซื๊อ โตโพ๋โต่ เฮ๊เนอหม่า เป นอทวา จอแปแหร่ แซ่เน๊อ แกแย แลโฮแลแห่ เต เตเพร เร๊อ อาลาอาโหง่ โอ่ เด๊อ เปกู ตือมื๋อ โต่.

ꤛꤥ꤭ꤟꤢ꤬ 8:37

ซี ทวา เพอับราฮัม อากลุยอาแล เนอหม่า แว ซิเง แพ๊. หม่าแน๊เรอ แว อิซว๊า ซี เร๊อ ซี กู๊เหล่โก่กู โอ่เกออู โต่ อาขว่าอาคยา, ซี แม๊ปูเมเซอ แว.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:1

เป รา จว๊า เป่ ซี เหย่ซู่ อาหรี่อาแก, อา หม่า ลาโหง่ เด๊อ อา เด๊อ อู ซิปล่อเซอเพร เตเพร. อาเออ อา โอ่หนื่ออื่อ โทเฮ๊อ เด๊อ เห่ขุ ทวาแถ่ แต่ล๋ายโต่ เบ๊อะเนอ ปา เจ๊อ. เป หนิโฮ โทเฮ๊อ เร๊อ เป แม๊เถอะ โทดื่อเฮ๊อ เร๊อ เปเป๊เส่ เร๊อดื่อ เฮ๊อ. เป แม๊ อา เร๊อ เป ปื่อขร่าซิเต่อ โทเฮ๊อ ลู เร๊อ เป กู๊ขุ เฮ๊อ.