ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:13 - ลีเทส่อพ๊าอาเซ เร๊อ เห่ขุทวาลู๊

¹³ เพซี๋, แว รา เป่ เฮ๊อ ซี ลีเออ, เมเตเฮ๊เรอ แกแย เด๊อ อา โอ่หนื่ออื่อ ปา เจ๊อ เด๊อ ม๊อขุเห่ขุ ทวาแถ่ แตล๋ายโต่ เบ๊อะเนอ เตเพรเนอ, ซี ซิเง โทเฮ๊อ ลู เฮ๊อ. เพรคูพู๊เส่ ซี๋, เด๊อ ซี เมเป่โทเฮ๊อ โลเน๊มู๊แหม่รีแจ่ กู่กล๊อ เนอโตโด อาขว่าอาคยา, แว รา เป่เฮ๊อ ซี ลีเออต๊าบ่า. แวพู๊แวเลอ ซี๋, ซี ซิเง โทเฮ๊อ เพ จอแปแหร่ อาขว่าอาคยา, แว รา เป่เฮ๊อ ซี ลีเออ.

Eastern Kayah Shadaw Dialect

¹³ ꤖꤢꤩ꤭ꤞꤤ꤭꤮, ꤠꤢꤧ꤭ ꤚꤢ꤭ ꤕ꤫ꤢꤩ꤬ ꤟꤣꤧ ꤞꤤ꤭ ꤜꤤ꤬ꤣꤧ꤭, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ꤔꤢꤩ꤬ ꤕꤢ꤬ ꤡꤣꤧ ꤘꤣ ꤗꤢꤪꤋꤢꤨ꤬ꤟꤢꤩ꤬ꤋꤢꤨ꤬ ꤓꤝꤢ꤭ꤓꤢꤧ꤬ ꤒꤢꤧ꤬ꤜꤢ꤭ꤟꤤꤒꤥ꤬ ꤢ꤬ꤋꤢꤩ꤭ꤔꤣꤧ꤬ ꤒꤣ꤬ꤖꤚꤢꤩ꤬ꤔꤣꤧ꤬, ꤞꤤ꤭ ꤞꤤꤑꤢꤩ꤭ ꤓꤥ꤭ꤟꤣꤧ ꤜꤢꤨ꤭ ꤟꤣꤧ꤯ ꤖꤚꤢꤩ꤬ꤋꤢꤨ꤭ꤖꤢꤨꤞꤢꤩ꤬ ꤞꤤ꤭꤮, ꤘꤣ ꤞꤤ꤭ ꤗꤢꤩ꤬ꤕ꤫ꤢꤩ꤬ꤓꤥ꤭ꤟꤣꤧ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤘꤣ ꤢ꤬ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤔꤣꤧ꤬ꤒꤣ꤬ꤘꤥ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤠꤢꤧ꤭ ꤚꤢ꤭ ꤕ꤫ꤢꤩ꤬ꤟꤣꤧ ꤞꤤ꤭ ꤜꤤ꤬ꤣꤧ꤭ꤒꤣ꤬ꤙꤢ꤬꤯ ꤠꤢꤧ꤭ꤖꤢꤨꤠꤢꤧ꤭ꤜꤣꤧ꤬ ꤞꤤ꤭꤮, ꤞꤤ꤭ ꤞꤤꤑꤢꤩ꤭ ꤓꤥ꤭ꤟꤣꤧ ꤖꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤠꤢꤧ꤭ ꤚꤢ꤭ ꤕ꤫ꤢꤩ꤬ꤟꤣꤧ ꤞꤤ꤭ ꤜꤤ꤬ꤣꤧ꤭꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:13 ပူးပေါင်းရင်းမြစ်များ

ꤛꤥ꤭ꤟꤢ꤬ 14:7

ซี เก่ ซิเง ตาเตเฮ๊อ แว เฮ๊เนอ, ซี ซิเง โต่เกอ ดื่อเฮ๊อ แวเพ เฮ๊อ. เป๊อแถ่ กู๊แหน่เออ ตาเป่แฮเนอ, ซี เกล๊ ซิเง แหน่เจ๊อ แวเพ เฮ๊อ เร๊อ ซี เกล๊ แม๊เถอะน๊อ แหน่ เฮ๊อ อา เฮ๊อ.”

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:14

เพซี๋, แว รา เป่เฮ๊อ ซี ลีเออ, เมเตเฮ๊เรอ แกแย เด๊อ อา โอ่ หนื่ออื่อ ปา เจ๊อ เด๊อ ม๊อขุเห่ขุ ทวาแถ่ แต่ล๋ายโต่ เบ๊อะเนอ เตเพร เนอ, ซี ซิเง โทเฮ๊อ ลู เฮ๊อ. เพรคูพู๊เส่ ซี๋, แว รา เป่เฮ๊อ ซี ลีเออ, เมเตเฮ๊เรอ จอแปแหร่ อาลาอาโหง่ โอ่เซอเพร เฮ๊อ เด๊อ ซีเหน่ลู เร๊อ ซี ซิปล่อฉว่า ซิปล่อชอ เร๊อ ซี เมเป่แก เฮ๊อ โลเน๊มู๊แหม่รีแจ่ กู่กล๊อ เนอโตโด เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:4

หม่าแน๊เรอ พู๊เลอ ซี๋, ซี หม่า จอแปแหร่ อาแกแย เต๊เห่ เร๊อ ซี เมเป่แก เฮ๊อ เพรโพร อาก่าอาแปล เต๊เห่ เฮ๊อ, เมเตเฮ๊เรอ จอแปแหร่โอ่ เด๊อ ซีเหน่กู เออเตเพรเนอ อาดุ เล๊อ เจ๊อ เร๊อ โลเน๊มู๊แหม่รีแจ่ กู่กล๊อ เด๊อ อา โอ่เต่อเกอ เร๊อ แกแยเห่ขุพู๊ เด๊อ อา เม เตจ๊อเตเต โต่ เนอเต๊เห่ อากู เออโตโด เนอ เจ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:1

เป รา จว๊า เป่ ซี เหย่ซู่ อาหรี่อาแก, อา หม่า ลาโหง่ เด๊อ อา เด๊อ อู ซิปล่อเซอเพร เตเพร. อาเออ อา โอ่หนื่ออื่อ โทเฮ๊อ เด๊อ เห่ขุ ทวาแถ่ แต่ล๋ายโต่ เบ๊อะเนอ ปา เจ๊อ. เป หนิโฮ โทเฮ๊อ เร๊อ เป แม๊เถอะ โทดื่อเฮ๊อ เร๊อ เปเป๊เส่ เร๊อดื่อ เฮ๊อ. เป แม๊ อา เร๊อ เป ปื่อขร่าซิเต่อ โทเฮ๊อ ลู เร๊อ เป กู๊ขุ เฮ๊อ.

ꤜꤢꤨꤊꤢ꤬ 10:22

“แวเพ เด๊อะตาลอ เฮ๊อ แว เตปว๋า เต๊อเจ่อ เฮ๊อ. พู๊คู หม่า อูเปเนอ อู ซิเง เตเพร่ว โต่. ซิเง ตื๊อแพ๊ เพ เตเพร แพ๊. เร๊อ เพ หม่า อูเปเนอ อู ซิเง เตเพร่ว โต่, ซิเง ตื๊อแพ๊ พู๊คู เร๊อ แกแย เด๊อ พู๊คู นว๊าแถ่ ลู เด๊อ อา เก่ เด๊อะโล เป่ ลู ปา เนอเต๊เห่ แพ๊.”

ꤛꤥ꤭ꤟꤢ꤬ 17:3

จอแปแหร่ หม่า ตื๊อ เน เตเพรแพ๊, เร๊อ แกแย เด๊อ อา ซิเง เน เร๊อ อา ซิเง เร๊อ แว หม่า เหย่ซู่ครี๊ เด๊อ เน ปลวาแฮ ลู เตเพร เต๊เห่ เนอหม่า หม่าเฮ๊อ เตซิเง เด๊อ อา เด๊อะ เหย่ซี ซิปล่อเซอเพร ตูจูเพร เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:18

เป ซิเง เร๊อ จอแปแหร่ อาพู๊อาเลอ เต๊เห่ เนอหม่า, อา เม แฮเงลา ปา เตซื๊อเตปล๊า แตแค๋โต่. เมเตเฮ๊เร๊อ จอแปแหร่ อาพู๊คู เหย่ซู่ เออเนอ อา ตอกอเตเก ตาตือ เกอ เร๊อ เหย่ซี เร๊อ โลเน๊มู๊แหม่รีแจ่ กู่กล๊อ เด๊อ อา เม เตมู๊แหม่ เออเนอโตโดเนอ อา เมเบ่เชแจ่ เหย่ซี โต่.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:12

เป โตเบ่ แซ๊หนิ เร๊อ คูคาอิน เด๊อ โลเน๊มู๊แหม่รีแจ่ กู่กล๊อ เป๊อ เกอเร๊อ ลู เร๊อ อา เมเซอ เกอเร๊อ อาโป่ เนอเตเพร โต่. อา จว๊า เมเซอ โต่ อาโป่ เมเตเฮ๊เรอ อา เมเต เต๊เห่ เนอหม่า, อา ย๋อ มู๊แหม่รีแจ่ เร๊อ อาโป่ เมเต เต๊เห่ เนอหม่า, อา ย๋อ จ๊อเต อาขว่าอาคยา, อา เมเซอแก อาโป่ แพ๊.

มัทธิว 11:27

เร๊อ จอแปแหร่ เหย่ซู่ เฮ๊ เหย่ซี เน๊อ, “แวเพ เด๊อะตาลอ เฮ๊อ แว เตปว๋า เต๊อะเจ่อ เฮ๊อ. แกแย ซิเง แว เตเพร๊โต่, ซิเงตื๊อแพ๊ แวเพ จอแปแหร่ เตเพรเพร แพ๊” เร๊อ แกแย เด๊อ อา ซิ เง เพ จอแปแหร่ เนอหม่า ตื๊อแพ๊ อา พู๊ เพรคู เน๊อ แกแย เด๊อพู๊ คู นว๊า แถ่ลู เด๊อ อา เก่ เด๊อะโล เป่ ลู เนอ เต๊เห่ แพ๊.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:20

แซ่ฮู๊ เป เก่ ซิเง เกอดื่อ อู จอแปแหร่ เด๊อ อาโต เออเตเพรเนอ, เป ซิเงเฮ๊อ เร๊อ จอแปแหร่ อาพู๊คูเออ แฮ เด๊อะ ซิเงโปล เป่ เฮ๊อ. เป เฮ๊อ. เป โอ่ เด๊อ จอแปแหร่ เด๊อ อาโต เออเตเพร เร๊อ อาพู๊คู เหย่ซู่ครี๊ เออเตเพร อากู เฮ๊อ. อา หม่า จอแปแหร่ เด๊อ อาโต เตเพร, โท๊โต่ จอแปแหร่ เด๊อ อา เด๊อะ อู ซิปล่อเซอเพร ตูจูเพร เตเพร.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:12

แวพู๊แวเลอ ซี๋, แว รา เป่เฮ๊อ ซี ลีเออต๊าบ่า, เมเตเฮ๊เรอ เด๊อ เหย่ซู่ครี๊ อาขว่าอาคยา เร๊อ, จอแปแหร่ ปลวาแก ลอ เฮ๊อ ซี เตซื๊อเตปล๊า ล๊อ ปลี เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:1

แวพู๊แวเลอ ครี๊พู๊ ซี๋, แซ่ฮู๊ ซี เก่ เมปา แต่ เตซื๊อ แต่เหม่ อาเงเนอ, แว รา เป่เฮ๊อ ซี ฮู๊เนอ เฮ๊อ. หม่าแน๊เรอ แกแย เตเพรเพร เก่ เมเตซื๊อ เฮ๊เรอ, เป เพรจ๊อเพรเต เหย่ซู่ครี๊ เด๊อ อา กุยซิยอ เป่ เด๊อ เปเง เด๊อ เพ จอแปแหร่ อา โอ่ เนอ, อา โอ่ เตเพร.

ꤒꤤꤒꤢꤨ 2:6

ฮู๊เนอเฮ๊อ, เด๊อะอ๊าเด๊อะเหร่ เป่เกอ เพรคู หน่าเจ่ เต๊เห่เนอ เร๊อ อา เก่ ค๊อเบ๊ หนิแจ่ เร๊อเกอ แลแค อาซิปล่อ.

โครินธ์ เนอบ่า ต๊าบ่า 4:6

เบ๊อะจอแปแหร่ แบ๊แล เตล๋อ ปลี เบ๊อะเนอ, อา เฮ๊ เน๊อ, “เตคี๊ เก่ ซ๊อซื๊อ ตาพา จว๊าแก เร๊อ เตลี เก่ โอ่โลแถ่ ดื่อ นี๋,” อา เฮ๊ ฮู๊เนอ. จอแปแหร่ เมโท เป่ เกอดื่อ เฮ๊อ เป ฮู๊เนอ เฮ๊อ. เบ๊อะเป ซิเง แต่ล๋าย ครี๊ โต่ เบ๊อะเนอ, เป ซิปล่อ เออ อา คี๊ตาปา แพ๊ หม่าแน๊เรอ จอแปแหร่ เมลีกา เป่ เป ซิปล่อ เฮ๊อ. แซ่ฮู๊ เป เก่ ซิเงโปลแร๊ จอแปแหร่ อา เตลีเตเตเค เด๊อ อา เด๊อะโลแถ่ แฮเง เร๊อ ครี๊ เออเต๊เห่เนอ, อา หม่า เพร เด๊อ อา อิชีลีแถ่ เป่ เป ซิปล่อ อา เตเตเน เต๊เห่ เตเพร เฮ๊อ.

ꤛꤥ꤭ꤟꤢ꤬ 16:3

อา จว๊า เมโต่ แลแค ฮู๊เออ เมเตเฮ๊เรอ เหย่ซี ซิเงน๊อ เพ โตโพ๋ โต่, โทเรอ อา ซิเงน๊อ แว โตโพ๋ โต่.

ꤛꤥ꤭ꤟꤢ꤬ 14:9

แบ่เจ่ เหย่ซู่ เฮ๊ฉื่อ ลู เน๊อ, “คูฟีลิป, แว โอ่เต่อเกอ เร๊อ ซี งยากู๋ ลา เจ๊อ เฮ๊อ เร๊อ หม่า เน ซิเงน๊อ แหน่ แว โต่ แอ? แกแย เด๊อ อา แม๊เถอะน๊อ แว เนอ, อา แม๊เถอะน๊อเฮ๊อ เพ เฮ๊อ. เน๊อ, ‘เด๊อะโล เป่ เป เร๊อ เพ,’ เน จว๊าเฮ๊โต่ ฮู๊เนอ เมเต?

ꤛꤥ꤭ꤟꤢ꤬ 8:19

“เนเพ โอ่โต เบ๊อะเต?” เหย่ซี แด๊เฮอ ลู ฮู๊เนอ. เร๊อ อา เฮ๊ฉื่อ เหย่ซี เน๊อ, “แว เร๊อ ซี ซิเง โต่โต่, แวเพ เร๊อ ซี ซิเง โต่โต่. ซี เก่ ซิเง แว เก่เฮ๊เรอ ซี ซิเง เกอดื่อ แวเพ แพ๊.” อา เฮ๊ฉื่อ เหย่ซี ฮู๊เนอ.

มัทธิว 13:38

เพร๊ อาโหง่แลช๊า หม่า เห่ขุ เออต๊าบ่า เฮ๊อ, โบ๊กู่ลากลุย เด๊อ อาโช เต๊เห่ อาโหง่แลช๊า หม่า ม๊อขุ เทอเลเก่กูพู๊ เต๊เห่เฮ๊อ, โร๊ยเหมาะ เต๊เห่ อาโหง่แลช๊า หม่า แกแย โลเน๊มู๊แหม่รีแจ่ อาพู๊ เต๊เห่เฮ๊อ.

มัทธิว 13:19

เบ๊อะแกแย เตเพรเพร หนิโฮโปล จอแปแหร่ อาเทออาเก่ เตหรี่เตแก เร๊อ อา ซิเงโปล โต่ เนอหม่า, อาแซ่เน๊อ เตกลุย ลูตา เด๊อ แกล๊เดกู เร๊อ โลเน๊มู๊แหม่รีแจ่ กู่กล๊อ แฮพย๊า ตาพาแก เตกลุย เด๊อ อู เว๊อตา เด๊อ เหย่ซี ซิปล่อกู เนอเต๊เห่.

ทิโมธี อาเหร่อเล๊อ ต๊าบ่า 5:1

ซิพรวา แต่ เพรคู โหมะเผระ แต่เหม่ นี๋, หม่าแน๊เรอ กุยซิยอ เฮ๊เบ่ แด่ดุหยื่อแหน่ อา ฮู๊ เน กุยซิยอ เนเพ เนอ นี๋. เพรคู เด๊อ อาหน่าเจ่ เต๊เห่เนอ แด่ อา ฮู๊ เนโป่ เร๊อ เนเหน่ เนอ นี๋.

ꤛꤥ꤭ꤟꤢ꤬ 17:21

เก๋อ เพ, ฮู๊ เน โอ่ เด๊อ แวกู, เร๊อ แว โอ่ เด๊อ เนกู เออเนอ, แซ่ฮู๊ เหย่ซี ล๋อ ปลี เก่ โอ่เกอดื่อ ลู เร๊อ ซิปล่อ เตเมเม๋ แพ๊ เนอ, แว กุย ซิยอแถ่ เฮ๊อ เน เฮ๊อ. โท๊โต่ แซ่ฮู๊ แกแย เห่ขุพู๊ เต๊เห่ เก่ หยื่อเอ่ เร๊อ เน นอแฮแล แว เนอเรอ, แว กุยจ๊อเบ เร๊อ เหย่ซี เก่ โอ่เกอดื่อ เด๊อ เปกู นี๋.

มัทธิว 5:37

เน เฮ๊เบ่ เบ๊อะเนอ, อาหม่าเร๊อ ‘อาหม่า’ เฮ๊เนอ, อาหม่าโต่เร๊อ ‘อาหม่าโต่’ เฮ๊เนอ, ล๋อ เตเฮ๊เล๊อะเฮ๊กลอ เนอเต๊เห่ หม่า อา แฮ เด๊อ โลเน๊มู๊แหม่ กู่กล๊อ อา โอ่ แพ๊.”

ꤛꤥ꤭ꤟꤢ꤬ 16:33

“แซ่ฮู๊ ซี เก่ พย๊าหนิ เตซิปล่อ ตู๊จู่เตอเจ๊อ อาเงเนอ, แว เฮ๊ เป่ โท ลอ เฮ๊อ ซี ล๋อ เออเต๊เห่ เฮ๊อ. เด๊อ ซี ทวาแถ่เฮ๊อ เตเตอเจ๊ออู แพ๊ เร๊อ แว อาขว่าอาคยา, ซี พย๊าหนิเฮ๊อ ซิปล่อ อา เตตู๊จุเตอเจ๊อ เฮ๊อ. เด๊อ เห่ขุ เออเนอ, ซี เก่ แม๊เถอะเบ่ เร๊อ เตแป่เตเช เตจาเตจือ ปา, หม่าแน๊เรอ แด่ฉว่าแด่ชอ แลแค ซี ซิปล่อ นี๋. แว เมเป่ โทเฮ๊อ เห่ขุ อา เตอเรอฉว่าชอ เออเต๊เห่ เฮ๊อ.”

เตเด๊อะโลแถ่ 2:7

“เน กู๊หลิโกะ เก่ โอ่ เร๊อ หนิดา เต เด๊อ จอแปแหร่ อา แหย่โยบูโพ๊ แด๊โฉ่ เพรหยื่อเอ่ตู๊หมู่ตอกล๊อ เออเต๊เห่เนอ. แกแย เด๊อ อา เมเป่เต เตเพรเนอ, แว เก่ เด๊อะ อา เตอเรอฉว่าชอ เด๊อ อา เก่ โนเอ่หนิ ส่อเซอเพร อาเส่ เด๊อ อา เด๊ออู ซิปล่อเซอเพร เออเนอ ต๊อเสาะ ปา. ส่อเออ ต๊อเสาะเนอ อา แด๊ เด๊อ จอแปแหร่ อา เตเร๊กู เด๊อ อู เอ๊ เร๊อ บรมสุขเกษม อากูเนอ ปา.”

เตเด๊อะโลแถ่ 12:11

เป โป่แหว่ เต๊เห่เนอ, เด๊อ ซิหมิพู๊ อาสุ่ย อาขว่าอาคยา เร๊อ เหย่ซี แด๊โฉ่โด่แน เป่ อู จอแปแหร่ อาลาอาโหง่ อาขว่าอาคยาเร๊อ, เหย่ซี เมเป่แก เฮ๊อ โลเน๊มู๊แหม่รีแจ่ กู่กล๊อ เฮ๊อ. เหย่ซี แม๊เถอะเบ่ เจ๊อ เร๊อ เตเซอ เบ่เบ่, อา ซิโล เกอเร๊อ อา ซิปล่อเซอเพร โต่.