ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:2 - ลีเทส่อพ๊าอาเซ เร๊อ เห่ขุทวาลู๊

² เบ๊อะเตเซอเพร เออ โอ่โลแถ่ เบ๊อะเนอ, เป แม๊เถอะ อา อาขว่าอาคยา, อา อาหรี่อาแก หม่าเฮ๊อ เตเซอเพร ตูจูเพร แตแลเคร๊ เออเนอ, เป แด๊โฉ่โด่แน โลแจ่ เป่ ลอ เฮ๊อ ซี เฮ๊อ. เตเซอเพร ตูจูเพร ตาแลเคร๊ เออเนอ, อา โอ่เต่อ เร๊อ เปเพ จอแปแหร่ โทเรอ อา แฮ โอ่ โลแถ่ เป่ เฮ๊อ เปเฮ๊อ.

Eastern Kayah Shadaw Dialect

² ꤙꤣꤧ ꤒꤢꤩ꤬ꤞꤣꤧ꤭ꤖꤚꤢꤩ꤬ ꤣꤧ꤭ ꤥ꤬ꤜꤥ꤭ꤓꤢꤧ꤬ ꤢ꤬ꤋꤢꤩ꤭ꤔꤣꤧ꤬, ꤕꤢꤩ꤬ ꤗꤢꤧꤓ꤫ꤣ꤬ ꤢ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤗ꤫ꤢ꤬ꤟꤣꤧ ꤒꤢꤩ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤒꤣꤧ꤬ꤜꤢꤧ꤬ꤋꤚꤢꤩ ꤣꤧ꤭ꤔꤣꤧ꤬, ꤕꤢꤩ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤜꤥ꤭ꤡ꤫ꤢꤧ꤬ ꤕ꤫ꤢꤩ꤬ ꤜꤢꤪ꤭ ꤟꤣꤧ ꤞꤤ꤭ ꤟꤣꤧ꤯ ꤒꤢꤩ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤒꤣꤧ꤬ꤜꤢꤧ꤬ꤋꤚꤢꤩ ꤣꤧ꤭ꤔꤣꤧ꤬, ꤢ꤬ ꤥ꤬ꤒ꤫ꤣ꤬ ꤔꤢꤧ ꤕꤢꤩ꤬ꤖꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤓꤥ꤭ꤚꤣꤧ꤬ ꤢ꤬ ꤟꤢꤧ꤭ ꤥ꤬ ꤜꤥ꤭ꤓꤢꤧ꤬ ꤕ꤫ꤢꤩ꤬ ꤟꤣꤧ ꤕꤢꤩ꤬꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:2 ပူးပေါင်းရင်းမြစ်များ

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:20

แซ่ฮู๊ เป เก่ ซิเง เกอดื่อ อู จอแปแหร่ เด๊อ อาโต เออเตเพรเนอ, เป ซิเงเฮ๊อ เร๊อ จอแปแหร่ อาพู๊คูเออ แฮ เด๊อะ ซิเงโปล เป่ เฮ๊อ. เป เฮ๊อ. เป โอ่ เด๊อ จอแปแหร่ เด๊อ อาโต เออเตเพร เร๊อ อาพู๊คู เหย่ซู่ครี๊ เออเตเพร อากู เฮ๊อ. อา หม่า จอแปแหร่ เด๊อ อาโต เตเพร, โท๊โต่ จอแปแหร่ เด๊อ อา เด๊อะ อู ซิปล่อเซอเพร ตูจูเพร เตเพร.

ꤛꤥ꤭ꤟꤢ꤬ 1:4

อา หม่า เตเซอเพร อา แก่ช๊าแก่แร เร๊อ เตเซอเพร เออเนอ อา เด๊อะ เตลี เด๊อ อู ปว๋า เตเพร อาเง.

ทิโมธี อาเหร่อเล๊อ ต๊าบ่า 3:16

เป เตจ๊อบู่จ๊อเบ อาจ่ออาแย อาดุอาแย เจ๊อ บ๋า เต บ๋า เตเนอ อู โชโม๊บิแก หนิแจ่ อา เตเพร่ว โต่. ครี๊ โอ่โลแถ่ เฮ๊อ ฮู๊ แกแย เห่ขุพู๊ เตเพร, เร๊อ แหย่โยบูโพ๊ แบ่เจ่ ข่าเฮ๊อ ซิปล่อ เน๊อ ครี๊ เออเนอ อา เมโต จอแปแหร่ อาซิปล่อ, เร๊อ ม๊อขุ เตเน่วพู๊ เต๊เห่ แม๊เถอะเบ่ เฮ๊อ อา. โทเรอ อา อาหรี่อาแก เออเนอ, อู แด๊โฉ่โด่แน เฮ๊อ อา เด๊อ เมวจ่อโรพู๊ เต๊เห่ อาเกลเฮ๊อ. แกแย โอ่ เด๊อ เห่ขุเออ เต๊เห่เห่ เนอ อา หยื่อเอ่แหน่ เกอ เฮ๊อ อา เฮ๊อ. จอแปแหร่ จอแถ่เฮ๊อ อา เด๊อ ม๊อขุ เด๊อ เตลีเตเค อากูเฮ๊อ.

ꤛꤥ꤭ꤟꤢ꤬ 17:3

จอแปแหร่ หม่า ตื๊อ เน เตเพรแพ๊, เร๊อ แกแย เด๊อ อา ซิเง เน เร๊อ อา ซิเง เร๊อ แว หม่า เหย่ซู่ครี๊ เด๊อ เน ปลวาแฮ ลู เตเพร เต๊เห่ เนอหม่า หม่าเฮ๊อ เตซิเง เด๊อ อา เด๊อะ เหย่ซี ซิปล่อเซอเพร ตูจูเพร เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:11

เร๊อ เตข่าเฮ๊โล หม่า อิเตเต๊ เฮ๊เรอ, จอแปแหร่ เด๊อะแล เป่ เป เตเซอเพร ตูจูเพร แตแลเคร๊ เร๊อ เตเซอเพร อา แก่ช๊าแก่แร เออเนอหมา อา โอ่ เด๊อ อาพู๊คู อากู เนอ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:8

แกแย เตเพรเพร เด๊อ อา เม แฮเง ตื๊อดื่อปา เตซื๊อเตปล๊า เฮ๊เนอหม่า, โลเน๊มู๊แหม่รีแจ่ กู่กล๊อ เป๊อ เกอเร๊อ ปาแพ๊ ลู, เมเตเฮ๊เรอ โลเน๊มู๊แหม่รีแจ่ กู่กล๊อ เออเนอ, อา เมเจ๊อแหน่ เตซื๊อเตปล๊า เด๊อ อาแก่ช๊าเค ปา เจ๊อ, เร๊อ อา เม แฮเง ตื๊อดื่อ โต่ปา เจ๊อ กู๊แหน่ เจ๊อ. แซ่ฮู๊ จอแปแหร่ อาพู๊คูเออ เก่ เมปย๊าแก เต เด๊อ โลเน๊มู๊แหม่รีแจ่ กู่กล๊อ เมโทเฮ๊อ เนอเต๊เห่ อาเงเนอเรอ, อา แฮแล เด๊อ เห่ขุเออ เฮ๊อ.

ꤒꤤꤒꤢꤨ 1:2

เตจ๊ออาเต เออเนอ อา เด๊อ เหย่ซี เตแม๊ซื๊อ เด๊อ เหย่ซี เก่ พย๊าหนิ ซิปล่อเซอเพร ตูจูเพร ตาเลเคร๊ อาเง เฮ๊อ. เบ๊อะเห่ขุ โอ่ทวาแถ่ แต่ล๋ายโต่ เบ๊อะเนอ, จอแปแหร่ เด๊อ อา แลโฮน๊อ แตแค๋ โต่ เออเตเพรเนอ, อา อ๊อแล หนื่ออื่อ โทเฮ๊อ เร๊อ อา เก่ เด๊อะ เป เตเซอเพร เออเนอ เฮ๊อ.

ꤛꤥ꤭ꤟꤢ꤬ 14:6

เร๊อ แบ่เจ่ เหย่ซู่ เฮ๊ฉื่อ ลู เน๊อ, “แว หม่า แกล๊ เน๊อ เตหม่า เตจ๊อ เร๊อ เตเซอเพร เฮ๊อ. แว ทวา เป่เฮ๊อ อู แกล๊จว๊า เด๊อ เพ อา โอ่ อาขว่าอาคยา, อูเปเป๋ เบ่เบ่, อา เก่ จว๊า เต่อ เร๊อ แว โต่ เฮ๊เนอ, อา จว๊าโต่ แจ่ เด๊อ เพ อา โอ่ เตเพร่ว โต่.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:5

หม่าแน๊เรอ แซ่ฮู๊ ครี๊ เก่ พย๊าจว๊าแก เป เตซื๊อเตปล๊า เต๊เห่ อาเงเนอ, อา แฮแล โทเฮ๊อ เด๊อ เห่ขุ เออเนอหมา ซี ซิเง โทดื่อ เฮ๊อ. โท๊โต่ ซี ซิเงเฮ๊อ เร๊อ เหย่ซู่ครี๊ เออเนอหมา อา เตซื๊อเตปล๊า โอ่เกออู เตอเจ๋อ โต่.

ทิโมธี เนอบ่า ต๊าบ่า 1:10

หม่าแน๊เรอ กู๊แหน่เออ เป แบ่เจ่ เหย่ซู่ครี๊ เด๊อ อา เมแลเปล๊กา เป เออเตเพร แฮเฮ๊อ อาขว่าอาคยา, อา เด๊อะโล เป่เฮ๊อ เป เตบุ๊ยเตเตอเรอ เออเนอเฮ๊อ. อา เมปย๊าแกเฮ๊อ เตเซอ อา เตอเรอฉว่าชอ เด๊อ อา เป่เอ่เป่โอ เป เออเต๊เห่ เฮ๊อ. โทเรอ เด๊อ เตซิครือมีลา อาขว่าอาคยา, อา เด๊อะโล โทเฮ๊อ ซิปล่อเซอเพร เด๊อ อา เซอ แจโต่ เออเนอเฮ๊อ.

ꤊꤢ꤬ꤜꤢ꤬ꤒꤤ 4:4

หม่าแน๊เรอ เบ๊อะม๊อเนอโต ม๊อเนอเบ่ แฮโต่เฮ๊อ เบ๊อะเนอ, จอแปแหร่ นอแฮแล อาพู๊คู เร๊อ อา แฮ โอ่เป๊เจ่แล เด๊อ เพรเหมาะ เตเพร อา โอ่, เร๊อ อา แฮ โอ่ เป๊เจ่แล เด๊อ แกแยยิวพู๊ อา เตซว๊าเตแส่ อาเล.

ꤛꤥ꤭ꤟꤢ꤬ 15:27

ซี โอ่เต่อเกอ เร๊อ แว เด๊อ กูลู่ เค ปา เจ๊อ อาขว่าอาคยา, ซี เบ่ แด๊โฉ่ เป่ เกออู เร๊อ แวหรี่แวแก นี๋.”

เพรโด่แนพู๊ เต๊เห่ 3:15

ซี เมเซอแกเฮ๊อ แกแย เด๊อ อา เด๊อ อู ซิปล่อเซอเพร เออเนอ เตเพร เฮ๊อ, หม่าแน๊เรอ จอแปแหร่ เมเซอเพร กาคยา คยาแซ๊ อา เด๊อ เตเซอ เฮ๊อ. เร๊อ เตทวาแถ่ อาเหน่ ฮู๊เออ เนอหม่า เป แม๊เถอะ เจ๊อ เฮ๊อ เน๊อ เปเหน่ เฮ๊อ.

เปโตร อาเหร่อเล๊อ ต๊าบ่า 5:1

แว หม่า เพรหยื่อเอ่ตู๊หมู่ตอกล๊อ โหมะเผระ กู่กล๊อ เตเพร, โทเรอ แว หม่า เพรข่าเฮ๊โล เป่ ครี๊ อา เตข่าจาข่าจือ อาหรี่อาแก เตเพร. โท๊โต่ ช๋า จอแปแหร่ เด๊อะโล เฮ๊อ อู เร๊อ อา เตเตอเรอดุ เตอเรอทู เบ๊อะเนอปาเนอ, แว เบ่เบ่, แว เก่ โอ่เต่อเกอ เร๊อ อา เตเตอเรอดุ เตอเรอทู เออเนอ ปา. กู๊แหน่เรอ แว กุยซิยอ ซี เพรหยื่อเอ่ตู๊หมู่ตอกล๊อ โหมะพรูโหมะเผระ เด๊อ อา ทวา ทวาดุทวาเต เต๊เห่ เนอ,

ꤚꤥꤗꤢꤩ꤬ 8:3

เด๊อ หม่าอิเต อาขว่าอาคยา เฮ๊เรอ, แซ่ฮู๊ เป เก่ โอ่โก๊แก เด๊อ เป เม เตซื๊อ เออ อาเงเนอ, เป หนิดา ครวาเมเกอ เจ๊อ เตซว๊าเตแส่ เออ อาคยา เจ๊อ เนอ, อา เตอเรอฉว่าชอ เด๊อ อา เก่ เมจว่า เป่ เปเนอ อาโอ่โต่, เมเตเฮ๊เรอ อาอ๊าอาเหร่ เด๊อ อา เก่ เมเป่แก พ๊าหย่า อา เตซิหยื่อซิลอ เออเนอ อาโอ่โต่. ฮู๊เนอเรอ จอแปแหร่ เม เร๊อ อาเหน่, อา นอแฮแล อา พู๊เพรคู เร๊อ อา แฮแล กลว่าอาเหน่ ฮู๊ เห่ขุพู๊ แซ่เน๊อ เป เด๊อ อา เม เตซื๊อ เออเต๊เห่. หม่าแน๊เรอ เตซื๊อ อาเหล่โกล เมโป๊เนอ เออ เป๊อแจ่ ลู โต่. อา แฮ ข่าเป่ เป เตซื๊อเตปล๊า, เร๊อ อา เมปย๊าแก เฮ๊อ เตซื๊อ อา เตเป๊อตี๊หรี่ เป เออเต๊เห่ เฮ๊อ.

เพรโด่แนพู๊ เต๊เห่ 10:41

อา โอ่โลแถ่ เป่ อู ปว๋า เตเพร หม่าโต่. อา โอ่โล แถ่ เป่ ตื๊อแพ๊ จอแปแหร่ นว๊าแถ่เฮ๊อ เป เด๊อ เป เก่ ทวาแถ่ เพรข่าเฮ๊โล เออเต๊เห่ เนอแพ๊. อา เซอ ก๊อถ่อ กาคยา โทเฮ๊อ เบ๊อะเนอ, เป เออเต๊เห่เนอ, เป เอ่โหร่โอโหร่ เต่อเกอ โทเฮ๊อ เร๊อ ลู เฮ๊อ.

เพรโด่แนพู๊ เต๊เห่ 5:32

เป หม่า เพร เด๊อ อา ข่าเฮ๊โล เป่ อูเร๊อ เตเออ เต๊เห่ อาหรี่อาแก เฮ๊อ. ฮู๊เนอเฮ๊อ แหย่โยบูโพ๊แบ่เจ่ เออ เบ่เบ่, อา ข่าเฮ๊โล แซ่เกอ ฮู๊เนอเนอ. แหย่โยบูโพ๊แบ่เจ่ เออเนอ จอแปแหร่ เด๊อะตา เป่ เร๊อ แกแย เด๊อ อา หนิดา ลูโหง่ เนอเต๊เห่ อาเง แพ๊.”

เพรโด่แนพู๊ เต๊เห่ 2:32

จอแปแหร่ เมเซอเพร กาคยา โท เหย่ซู่ เออ เด๊อ เตเซอ เร๊อ ล๋อ เป เออเต๊เห่ เนอหม่า เป ทวา เป่ ลู เพรข่าเฮ๊โล เด๊อ เป เก่ ข่าเฮ๊โล เป่ อู เร๊อ อาเตเซอ ก๊อถ่อกาคยา เออ อาหรี่อาแก.

ꤛꤥ꤭ꤟꤢ꤬ 21:14

แบ่เจ่ เหย่ซู่ เซอ ก๊อถ่อเซอเพร กาคยา โทเรอ อา เด๊อะโล เป่ อาเหน่ เร๊อ อา โคเจ่ เต๊เห่เนอ, เออ หม่า โซโพ๊โตโพ๊เฮ๊อ.

ꤛꤥ꤭ꤟꤢ꤬ 17:5

เพ๋, ฮู๊ แว เตอเรอดุ เตอเรอทู โอ่เต่อเกอ เร๊อ เน เด๊อ เห่ขุ ทวาแถ่ แต่ล๋ายโต่ ปา เบ๊อะเนอ, เด๊อะคยามอ แว เตอเรอดุ เตอเรอทู เออเนอ เด๊อ เนเบ๊เส่เง กู๊แหน่เออ แต๋.”

ꤛꤥ꤭ꤟꤢ꤬ 16:28

แว โอ่ เด๊อ เพโอ่ แฮ เร๊อ แว แฮแล เด๊อ เห่ขุเออ. กู๊แหน่เร๊อ แว เก่ เถ่กาแก เด๊อ เห่ขุเออ เร๊อ แว เก่ กาคยา คยาแซ๊ เด๊อ แวเพ อา โอ่.”

ꤛꤥ꤭ꤟꤢ꤬ 8:38

แว แด๊โฉ่โล เป่ ซี ฮู๊ แวเพ แด๊โฉ่โล เป่ แว เนอเต๊เห่. ซี เกอลาติ เนอ, ซี เม ฮู๊ ซี หนิโฮ เด๊อ ซีเพ เต๊เห่เนอ อา โอ่.” อา เฮ๊ เหย่ซี ฮู๊เนอ.

ꤛꤥ꤭ꤟꤢ꤬ 7:29

หม่าแน๊เรอ แว ซิเง ลู, เมเตเฮ๊เรอ แว ย๋อ โอ่ เด๊อ ลูโอ่ แฮ แพ๊ เน๋อ. เพร นอแฮ แว หม่า อา แพ๊ เน๋อ.”

ꤛꤥ꤭ꤟꤢ꤬ 3:13

แกแย แถ่โต่น๊อ เด๊อ ม๊อขุ เนอ อา โอ่ เตเพร่ว โต่. แกแยเห่ขุ อาพู๊คู เด๊อ อา โอ่ เด๊อ ม๊อขุ แฮแล เออเตเพร แถ่โต่ ตื๋อ ดื่อ แพ๊.

ꤛꤥ꤭ꤟꤢ꤬ 1:18

อู แม๊เถอะน๊อ จอแปแหร่ เตเพร่ว โต่ ตื๊อดื่อเร๊อ, อาพู๊คู โอ่ตื๋อ เตเพรเออ, อา หม่า จอแปแหร่ เฮ๊อเฮ๊อ เร๊อ อา โอ่เต่อเกอ เร๊อ อาเพ เออ เด๊อะโลแถ่เฮ๊อ เป่ เร๊อ จอแปแหร่ เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:1

เป รา จว๊า เป่ ซี เหย่ซู่ อาหรี่อาแก, อา หม่า ลาโหง่ เด๊อ อา เด๊อ อู ซิปล่อเซอเพร เตเพร. อาเออ อา โอ่หนื่ออื่อ โทเฮ๊อ เด๊อ เห่ขุ ทวาแถ่ แต่ล๋ายโต่ เบ๊อะเนอ ปา เจ๊อ. เป หนิโฮ โทเฮ๊อ เร๊อ เป แม๊เถอะ โทดื่อเฮ๊อ เร๊อ เปเป๊เส่ เร๊อดื่อ เฮ๊อ. เป แม๊ อา เร๊อ เป ปื่อขร่าซิเต่อ โทเฮ๊อ ลู เร๊อ เป กู๊ขุ เฮ๊อ.

ꤛꤥ꤭ꤟꤢ꤬ 10:28

แว เด๊อะ เหย่ซี ซิปล่อเซอเพร ตูจูเพร. อา เก่ เซอ ปา โตโพ๋ โต่. อู แฮ จุ่ยเถ่ แจ่ ปา เหย่ซี เด๊อ แว กู๊ยากู เตเพร่ว โต่.

ꤛꤥ꤭ꤟꤢ꤬ 19:35

แกแย เด๊อ อา แม๊เถอะ อา ทวาแถ่ ฮู๊เออ เตเพรเนอ อา แด๊โฉ่โล เป่ อู. เร๊อ อา แด๊โฉ่ โลโตตื้อ เป่ อู แพ๊. อา ซิเง ตาเต เกอเร๊อ เนอ อา เฮ๊ เออเนอหม่า อาจ๊ออาเต แพ๊. แซ่ฮู๊ ซี เก่ หยื่อเอ่ เกออู เนอ, อา แด๊โฉ่โล เป่ ซี แพ๊.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:25

โทเร๊อ ครี๊ อาแหน่แบ่เจ่ เร๊อดื่อ อา อ๊อแล เร๊อ อา เก่ เด๊อ เป ปาเนอหม่า หม่าเฮ๊อ เตเซอเพร ตูจูเพร แตแลเคร๊ เออเนอเฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:2

แกแย เด๊อ อา พย๊าหนิเฮ๊อ แหย่โยบูโพ๊ แบ่เจ่ เตเพรเนอ, เป ซิเง แจ่ อา ฮู๊เตเฮ๊เรอ, เก่ อา เฮ๊ เร๊อ เหย่ซู่ครี๊ เนอ, อา แฮแล ฮู๊ แกแย เห่ขุพู๊ เตเพร อา เก่ เฮ๊ ฮู๊เนอ เฮ๊เนอหม่า, เป ซิเง แจ่ เฮ๊อ เร๊อ อา หม่า อา พย๊าหนิเฮ๊อ แหย่โยบูโพ๊ แบ่เจ่ โอ่ เด๊อ จอแปแหร่ อา โอ่ แฮ เออเนอ เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:14

เป แม๊เถอะน๊อ โทเฮ๊อ, เร๊อ เป แด๊โฉ่โล เป่ เฮ๊อ อูโร เต๊เห่ เน๊อ แซ่ฮู๊ จอแปแหร่ อาพู๊คูเออ เก่ แฮ ทวาเป่ อู เพรเมแลเปล๊กา แกแย เห่ขุพู๊ เต๊เห่ อาเงเนอ, เพ จอแปแหร่ นอแฮแลเฮ๊อ ลู เด๊อ เห่ขุ เออเนอ เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:13

เต เด๊อ แว รา เป่ ซี เออเนอหมา, แซ่ฮู๊ ซี เด๊อ อา หยื่อเอ่ จอแปแหร่ อาพู๊คู อามุย เออเต๊เห่ เก่ ซิเง เกอ เร๊อดื่อ ซีเหน่ เร๊อ ซี พย๊าหนิเฮ๊อ ซิปล่อเซอเพร ตูจูเพร แตแลเคร๊ เฮ๊อ. อาเงเนอเรอ, แว รา เป่ ซี แพ๊.