ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:1 - ลีเทส่อพ๊าอาเซ เร๊อ เห่ขุทวาลู๊

¹ เป รา จว๊า เป่ ซี เหย่ซู่ อาหรี่อาแก, อา หม่า ลาโหง่ เด๊อ อา เด๊อ อู ซิปล่อเซอเพร เตเพร. อาเออ อา โอ่หนื่ออื่อ โทเฮ๊อ เด๊อ เห่ขุ ทวาแถ่ แต่ล๋ายโต่ เบ๊อะเนอ ปา เจ๊อ. เป หนิโฮ โทเฮ๊อ เร๊อ เป แม๊เถอะ โทดื่อเฮ๊อ เร๊อ เปเป๊เส่ เร๊อดื่อ เฮ๊อ. เป แม๊ อา เร๊อ เป ปื่อขร่าซิเต่อ โทเฮ๊อ ลู เร๊อ เป กู๊ขุ เฮ๊อ.

Eastern Kayah Shadaw Dialect

¹ ꤕꤢꤩ꤬ ꤚꤢ꤭ ꤡꤝꤢ ꤕ꤫ꤢꤩ꤬ ꤞꤤ꤭ ꤛꤢꤩ꤬ꤏꤛꤢꤨ ꤢ꤬ꤚꤤ꤬ꤢ꤬ꤊꤢꤧ꤭, ꤢ꤬ ꤗꤢ꤬ ꤜꤢ꤭ꤍ꤫ꤥ꤬ ꤘꤣ ꤢ꤬ ꤘꤣꤧ ꤢꤨ꤭ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤒꤣ꤬ꤖꤚꤢꤩ꤬꤯ ꤢ꤬ꤣꤧ꤭ ꤢ꤬ ꤥ꤬ꤔꤢꤩ꤬ ꤓꤥ꤭ꤟꤣꤧ ꤘꤣ ꤟꤢꤩ꤬ꤋꤢꤨ꤬ ꤓꤝꤢ꤭ꤓꤢꤧ꤬ ꤒꤢꤧ꤬ꤜꤢ꤭ꤟꤤꤒꤥ꤬ ꤢ꤬ꤋꤢꤩ꤭ ꤕꤢ꤬ ꤡꤣꤧ꤯ ꤕꤢꤩ꤬ ꤔ꤫ꤤ꤬ꤟꤥ꤭ ꤓꤥ꤭ꤟꤣꤧ ꤚꤣꤧ꤬ ꤕꤢꤩ꤬ ꤗꤢꤧꤓ꤫ꤣꤧ꤬ ꤓꤥ꤭ꤘꤢꤦ꤬ꤟꤣꤧ ꤔꤢꤧ ꤕꤢꤩ꤬ꤕꤣꤧꤞꤢꤩ꤬ ꤚꤣꤧꤘꤢꤦ꤬ ꤟꤣꤧ꤯ ꤕꤢꤩ꤬ ꤗꤢꤧ ꤢ꤬ ꤚꤣꤧ꤬ ꤕꤢꤩ꤬ ꤕ꤫ꤢꤦ꤬ꤋꤚ꤫ꤢ꤬ꤞꤤꤒꤣ꤬ ꤓꤥ꤭ꤟꤣꤧ ꤜꤢꤨ꤭ ꤔꤢꤧ ꤕꤢꤩ꤬ ꤊꤢꤨꤋꤢꤨ꤬ ꤟꤣꤧ꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:1 ပူးပေါင်းရင်းမြစ်များ

ꤜꤢꤨꤊꤢ꤬ 1:2

เหย่ซี ครวาราเกอ แพ๊ ฮู๊ แกแย เด๊อ อา เป๊เส่แม๊เถอะเกอ เร๊อ ดื่อ เด๊อ กูลู่เค เร๊อ อา แด๊โฉ่โด่แน โล เป่ อู เร๊อ เตหรี่เตแก เนอเต๊เห่ แด๊โฉ่ แฮเง เป่ เป เนอเต๊เห่ แพ๊.

ꤜꤢꤨꤊꤢ꤬ 24:39

แซ่ฮู๊ ซี เก่ แม๊เถอะซิเง ตาเต เร๊อ แว เหน่กล่อ โอ่ หม่าแหน่ อาเงเนอ, แม๊มอ แลแค แว กู๊ขุ เร๊อ แว กู๊โด่เออ, แฮขร่าแม๊ แลแค มอ แวเหน่เออ, เมเตเฮ๊เรอ, โลเน๊ เนอหม่า, อาพ๊าอาหย่า อาครุ๊ยอาคร๊วา โอ่เกออู ฮู๊ แว เออเนอ โต่.”

ꤛꤥ꤭ꤟꤢ꤬ 19:35

แกแย เด๊อ อา แม๊เถอะ อา ทวาแถ่ ฮู๊เออ เตเพรเนอ อา แด๊โฉ่โล เป่ อู. เร๊อ อา แด๊โฉ่ โลโตตื้อ เป่ อู แพ๊. อา ซิเง ตาเต เกอเร๊อ เนอ อา เฮ๊ เออเนอหม่า อาจ๊ออาเต แพ๊. แซ่ฮู๊ ซี เก่ หยื่อเอ่ เกออู เนอ, อา แด๊โฉ่โล เป่ ซี แพ๊.

ꤛꤥ꤭ꤟꤢ꤬ 20:27

เออโตโพ๊เรอ อา เฮ๊ คูโธมัส เน๊อ, “แฮแม๊มอ แว กู๊ขุกูเออ, แฮ เร๊อ ก๊ออูแม๊ดื่อ เร๊อ เน กู๊นอ. เนอ. บ๊อแฮ เน กู๊ขุเนอ เร๊อ พือแม๊ดื่อ แว รอเกล อาโจยเออ. ซิปล่อ หร่าเหร่ แต่เหม่. ตูรู๊ หยื่อเอ่เนอ.” อา เฮ๊ ลู ฮู๊เนอ.

ꤛꤥ꤭ꤟꤢ꤬ 5:26

ฮู๊ แวเพ โอ่ดื่อ เร๊อ อา เตอเรอฉว่าชอ เด๊อ อา เด๊อะ แจ่ อู ซิปล่อเซอเพร เน๊อ, เพเออ อา เด๊อะ เกอเฮ๊อ อาพู๊คูเออ อา เตอเรอฉว่าชอ เด๊อ อา เด๊อะ อู ซิปล่อเซอเพร เฮ๊อ.

ꤛꤥ꤭ꤟꤢ꤬ 8:58

เร๊อ แบ่เจ่ เหย่ซู่ เฮ๊ฉื่อ เหย่ซี เน๊อ, “แว เฮ๊จ๊อจ๊อ ซี, เพอับราฮัม โอ่ล๋ายโต่ เนอ, แวโอ่ หนื่ออื่อ เหร่อ โทดื่อ เฮ๊อ,” อา เฮ๊ฉื่อ เหย่ซี ฮู๊เนอ.

เพรโด่แนพู๊ เต๊เห่ 1:3

อา ข่าเซอโทเฮ๊อ อาเหน่ เร๊อ อา ก๊อถ่อเซอเพร กาคยา เด๊อ เตเซอ โทเร๊อ เด๊อคยา อาเนอ ลุยเชอ อากูเนอ, อา เด๊อะโล เอ๊เป่ลา อาเหน่ เร๊อ อา โคเจ่ เต๊เห่. โทเร๊อ อา แด๊โฉ่โด่แน เป่ เหย่ซี เร๊อ จอแปแหร่ อาเทออาเก่ อาหรี่อาแก. อา โคเจ่ เต๊เห่ แม๊เถอะ อา เร๊อ อาซิปล่อ หร่าเหร่ ปา แลแค โต่. เหย่ซี หยื่อเอ่ แหน่แหน่ เจ๊อ เน๊อ อา เซอเพร หม่าแหน่ เจ๊อ.

เพรโด่แนพู๊ เต๊เห่ 4:20

เมเตเฮ๊เรอเตเด๊อ เป แม๊เถอะ หนิโฮ โทเฮ๊อ เต๊เห่เนอ เป เก่ แด๊โฉ่โล เป่ อู โต่ เฮ๊เนอ, เป โอ่แจ่ โต่.”

ꤟꤤꤙꤚꤢꤨ 2:3

ฮู๊เนอเรอ, กู๊แหน่เออ เป เก่ แด่หยื่อ เกออู เตเมแลเปล๊กา อาดุอาแย เออ โต่ เฮ๊เรอ จอแปแหร่ เก่ เมจากาคยา หม่าแหน่ เจ๊อ เป ปา. จอแปแหร่ อา เตเมแลเปล๊กา อาแกล๊อาโกล เออเนอ, แบ่เจ่ อาเหน่กล่อ เร๊อดื่อ แด๊โฉ่โด่แน โล เหร่อเล๊อ เป่ อู เฮ๊อ. เร๊อ แกแย เด๊อ อา หนิโฮ ลู เฮ๊เออ เต๊เห่เนอ อา เฮ๊โฉ่โปล เป่ แฮเง เป่ เน๊อ เตเมแลเปล๊กา เตหรี่เตแก เออเต๊เห่ เนอหม่า อา หม่าแหน่ เจ๊อ ฮู๊เนอ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:14

เป แม๊เถอะน๊อ โทเฮ๊อ, เร๊อ เป แด๊โฉ่โล เป่ เฮ๊อ อูโร เต๊เห่ เน๊อ แซ่ฮู๊ จอแปแหร่ อาพู๊คูเออ เก่ แฮ ทวาเป่ อู เพรเมแลเปล๊กา แกแย เห่ขุพู๊ เต๊เห่ อาเงเนอ, เพ จอแปแหร่ นอแฮแลเฮ๊อ ลู เด๊อ เห่ขุ เออเนอ เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:7

เตข่าเฮ๊โล เนอหม่า อา โอ่ โซเจ่อ.

เตเด๊อะโลแถ่ 1:11

โหง่พราแถ่ เร๊อ อา เฮ๊ เน๊อ, “ราม๊าราแด เตเด๊อ เน แม๊เถอะ เนอเต๊เห่. โทเรอ ซูจว๊าเป่ ลีเออ เด๊อ เพรหยื่อเอ่ตู๊หมู่ตอกล๊อ โซซว๊าตู๊หมู่ เด๊อ อา หม่าดื่อ วีเอเฟซัส, วีสเมอร์นา, วีเปอร์กามัน, วีธิยาทิรา, วีซาร์ดิส, วีฟีลาเดลเฟีย, วีเลาดีเซีย เด๊อ อา โอ่ แลแค เด๊อ วี โซซว๊าเตอวี เออเต๊เห่ อากูเนอ.”

เตเด๊อะโลแถ่ 1:8

แบ่เจ่ จอแปแหร่ เฮ๊ เน๊อ, “แว หม่า อาแก่ช๊า เฮ๊อ เร๊อ แว หม่า อาตื๊อดื่อเฮ๊อ” เร๊อ อา เฮ๊ เน๊อ, “แว หม่า จอแปแหร่ เด๊อ อา เซอเพร มู๋ หนู่เค เตเพร, กู๊แหน่เค หม่า แว เซอเพรเพร, โหน่ปาหม่า แว เซอเพรเพร. แว หม่า จอแปแหร่ เด๊อ อา แจ่ เตล๋อ ปลี เตเพรเฮ๊อ.”

เตเด๊อะโลแถ่ 19:13

จาจวาทู เด๊อ อา แซ๊ เกอเร๊อ เออ ตือปือเนอ, อา วี๊ ลอปลี เร๊อ สุ่ย. เร๊อ “จอแปแหร่ อาลาอาโหง่,” อู เอ๊ ลูมูย ฮู๊เนอ.

เตเด๊อะโลแถ่ 2:8

“ราจว๊า ลีเออ เด๊อ วี สเมอร์นา เพรหยื่อเอ่ตู๊หมู่ตอกล๊อ อา เตเน่วพู๊ อาโอ่เนอ,” อา เฮ๊ แว ฮู๊เนอ. เร๊อ อา เฮ๊ เน๊อ, “เตหรี่เตแก เออเนอ, อา แฮ เด๊อ เพร เด๊อ อา เซอ โทเฮ๊อ เร๊อ อา เซอเพร กาคยา คยาแซ๊ เออเตเพร อาโอ่. อา หม่า เตอาแก่ช๊า เน๊อ อาตื๊อดื่อ เตเพรเฮ๊อ.