โครินธ์ อาเหร่อเล๊อ ต๊าบ่า 9:3 - ลีเทส่อพ๊าอาเซ เร๊อ เห่ขุทวาลู๊

³ แกแย เต๊เห่ เก่ แม๊ปู แด๊เฮอ แว เร๊อ แว เมเต เออ อาหรี่อาแก เก่เฮ๊เรอ แว เก่ เฮ๊ฉื่อ เหย่ซี เนอ,

Eastern Kayah Shadaw Dialect

³ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤊꤢꤩ꤬ ꤗꤢꤧꤕꤢꤨ꤭ ꤘꤣꤧꤟꤣꤧ꤭ ꤠꤢꤧ꤭ ꤔꤢꤧ ꤠꤢꤧ꤭ ꤗꤢꤩ꤬ꤒꤢꤩ꤬ ꤣꤧ꤭ ꤢ꤬ꤚꤤ꤬ꤢ꤬ꤊꤢꤧ꤭ ꤊꤢꤩ꤬ꤟꤢꤩꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤟꤢꤩꤏꤢꤦ꤬ ꤛꤢꤩ꤬ꤞꤤ꤭ ꤔꤢꤧ,

โครินธ์ อาเหร่อเล๊อ ต๊าบ่า 9:3 ပူးပေါင်းရင်းမြစ်များ

ทิโมธี เนอบ่า ต๊าบ่า 4:16

เบ๊อะแว เฮ๊เบ่ เตเก บี๊เกอเร๊อ แวเหน่ เน๊อ อู เมจากาคยา แว อาเหร่อเล๊อ โตโพ๊ เบ๊อะเนอ, อู โอ่เกอ เด๊อ แว ช๊า เตเพร่ว โต่. อู แกล่ ตาพาแก ลอปลี แวเหล่. เก๋อ จอแปแหร่, แด่ แต่ เตซื๊อ เด๊อ เหย่ซี อาโอ่ เตเพร่ว แต่เหม่ นี๋.

ฟีลิปปี 1:17

แกแย ซิเคว๊ แว เนอเต๊เห่ หม่า อา แด๊โฉ่โด่แน แลแค ครี๊ อาหรี่อาแก เน๊อ เตซิปล่อจ๊อ ซิปล่อเต โต่. เหย่ซี เนอเต๊เห่ หม่า อา ซิ ดี๊เจ แลแค แว แพ๊. แว ย๋อ โอ่ เด๊อ ทอกู อาขว่าอาคยา, เหย่ซี เม ฮู๊เออเนอหม่า อา ซิหยื่อ นอข่าเบ่ จาเล๊อ โป่ แว เตแป่เตเช แพ๊.

ฟีลิปปี 1:7

แว ย๋อ โม แหน่เจ๊อ ซี อาขว่าอาคยา, แว เตเน ซีหรี่ซีแก ฮู๊เออเนอหม่า อาโต แพ๊. เบ๊อะแว โอ่ปา เด๊อ ทอกู อาเคเออเนอ เบ่เบ่, เบ๊อะแว โต เฮ๊เบ่ เตเก ตาตือ ฉื่อบี๊ เกอเร๊อ แว เตซิครือมีลา เร๊อ แว โต เฮ๊เบ่ หม่ากลอ ฉื่อ เกอเร๊อ แว เตซิครือมีลา อาเคเออเนอ เบ่เบ่, จอแปแหร่ เมแร๊ แหน่เจ๊อ เป เร๊อ อา เด๊อะตา โค๊ดื่อ เป เตเม เด๊อ เป เก่ เมโหร่ลู เต เร๊อ เล แด๊โฉ่โด่แน เป่ อู เร๊อ เตซิครือมีลา.

โครินธ์ เนอบ่า ต๊าบ่า 13:10

ช๋า แว แฮโต่เกอ ซี ปา เร๊อ แซ่ฮู๊ แว เก่ แฮ นอเอ่ ชอ แต่ แว เตอเรอฉว่าชอ เด๊อ แบ่เจ่ เด๊อ แว เออเนอ แต่เหม่เนอ, เบ๊อะแว โอ่ ยา เร๊อ ซี อาเค, แว ซิหยื่อ ราจว๊า เหร่อ เป่ ซี ลีเออ แพ๊. แซ่ฮู๊ แว เก่ เมดุแถ่ทูแถ่ ซี เตหยื่อเตแหน่ อาเงเนอ, แบ่เจ่ เด๊อะ แว เตอเรอฉว่าชอ เออเนอ แพ๊. อา เด๊อะ แว เตอเรอฉว่าชอ เด๊อ แว เก่ เมปย๊าเมหลู่ ซี อาเงเนอ หม่าโต่.

โครินธ์ เนอบ่า ต๊าบ่า 13:5

แซ่ฮู๊ ซี เก่ ซิเง เกอเร๊อ แลแค ซีเหน่ เร๊อ ซี จ๊อ เร๊อ ซี เตหยื่อ แอ? ซี จ๊อ โต่ แอ? เนอ, แด๊เฮอ แล เกอเร๊อ แลแค ซีเหน่ เนอ. ครี๊ โอ่เซอเพร เด๊อ ซีเหน่ลู เนอหม่า ซี ซิเง โต่ แอ? หม่าแน๊เรอ ซี เก่ แม๊เถอะ เร๊อ ซี จ๊อ เร๊อ ซี เตหยื่อ โต่ เฮ๊เรอ, เหย่ซู่ครี๊ โอ่เซอเพร เด๊อ ซีกู โต่.

โครินธ์ เนอบ่า ต๊าบ่า 13:3

แว เก่ เม ฮู๊ แว เฮ๊โทเฮ๊อ เนอ ปา, เมเตเฮ๊เรอ ครี๊ นอเฮ๊เบ่ แฮเง แว เร๊อ ซี หม่า แอ? หม่า อาหม่าโต่ แอ? เนอ, ซี กุยฉว่า เฮ๊อ แว เด๊อ แว เก่ เฮ๊ เป่ ซี เฮ๊อ. ครี๊ เก่ อิซว๊าแร๊กา ซี ปาหม่า, อา ซิอิเช เป่ เร๊อ ซี ตีกี๋ โต่, อา เก่ อิซว๊าแร๊กา ซี เร๊อ อา เตอเรอฉว่าชอ เจ๊อ ปา.

โครินธ์ อาเหร่อเล๊อ ต๊าบ่า 14:37

แกแย เตเพรเพร เก่ เตเน เกอเร๊อ อาเหน่ เนอ, แว หม่า เพร เด๊อ อา เฮ๊โพร เป่ จอแปแหร่ อา เตหรี่เตแก เตเพร, หม่าโต่เรอ แว หม่า แกแย เด๊อ อา พย๊าหนิ เชหยู่ เด๊อ แหย่โย ตากยา เตเพร เก่เฮ๊เรอ แว รา เต เออเต๊เห่เนอ แบ่เจ่ อา เตเฮ๊แก แพ๊ เนอ อา เบ่ ซิเง แพ๊.

เพรโด่แนพู๊ เต๊เห่ 25:16

“หม่าแน๊เรอ แว แด๊โฉ่ เหย่ซี เร๊อ เป โรมัน เต๊เห่ อา เหล่โกลเหล่แบ่ โอ่ เน๊อ, เบ๊อะอู เด๊อะตา แต่ล๋าย แกแย เมซื๊อ เทอเก่ เตซว๊าเตแส่ เตเพร เพร เด๊อ อู กู๊ยากู ล๋ายโต่เนอ, อา โตเบ่ พย๊าหนิ เบ๊อะอู เก่ หนิโฮ อู แด่เตซื๊อ เด๊อ อาเหน่ลู, โทเร๊อโต เบ่ เด๊อะลู ค๊าขิ เฮ๊เบ่แลเปล๊ เกอเร๊อ อาเหน่ เร๊อ เตซื๊อ เด๊อ อา เหน่ลู เออเนอ เต๊เห่.

เพรโด่แนพู๊ เต๊เห่ 22:1

เร๊อ คูเปาโล เฮ๊ เป่ เหย่ซี เน๊อ, “โป่แหว่ โหมะเพ ซี๋, หนิดา แลแค แว เตเฮ๊เบ่แลเปล๊ แวเหน่ เด๊อ ซี เป๊เส่เง เออ.”

ꤜꤢꤨꤊꤢ꤬ 12:11

“ช๋า อู ปื่อซูจว๊า ซี เด๊อ เตจ๊อเบโฮกู ปา เบ๊อะเนอ เบ่เบ่, เด๊อ คุ๊ยดุ เต๊เห่ อาเป๊เส่เง ปาเนอ เบ่เบ่, เร๊อ เด๊อ เพรเป๊อเทอเป๊อเก่ เต๊เห่ อา เป๊เส่เง อาเบ๊อะเนอปาเนอ ปาเบ่เบ่, เน โตเบ่ เฮ๊เบ่ เตเกบี๊ เกอเร๊อ เนเหน่ ฮู๊เต เร๊อ เน โตเบ่ เฮ๊ฉื่อ ฮู๊เตเนอ เบ่กู่เบ่แก แต่เหม่ นี๋.

โครินธ์ อาเหร่อเล๊อ ต๊าบ่า 9:2

แกแย อาโร เต๊เห่ แด่เกอ แว ฮู๊ เพรโด่แนพู๊ เต๊เห่ เตเพร โต่ หม่าแน๊เรอ ซี เร๊อ ซี โตเบ่ แด่ แว ฮู๊ เพรโด่แนพู๊ เต๊เห่ เตเพรเนอ. เมเตเฮ๊เรอ ซี เร๊อ ครี๊ ทวาแถ่ เฮ๊อ ลู เต๊อเจ๊อ แพ๊ อาขว่าอาคยา, ซี เด๊อะโล ตาเต เฮ๊อ เร๊อ แว หม่า เพรโด่แนพู๊ เต๊เห่ อา หม่าแหน่ เจ๊อ เฮ๊อ เตเพร เฮ๊อ.

โครินธ์ อาเหร่อเล๊อ ต๊าบ่า 9:4

แว เม เตเมเออ เร๊อ แว โตเบ่ พย๊าหนิ แหน่ อู เตโบ่เอ่โบ่โอ แว โต่ แอ?