โครินธ์ อาเหร่อเล๊อ ต๊าบ่า 9:26 - ลีเทส่อพ๊าอาเซ เร๊อ เห่ขุทวาลู๊

²⁶ ฮู๊เนอเรอ, แซ่ฮู๊ แว เก่ พย๊าหนิ เกอ เตเออ อาเงเนอ, แว แซ่เจ๊อเฮ๊อ เร๊อ แกแย แกล่ดี๊เจ เต เตเพร เด๊อ อา แกล่ จ๊อจ๊อ แฮ จ๊อราเน๊ เจ๊อ เด๊อ ม๊าโบ อา โอ่ เนอ เตเพร เจ๊อ. แว แซ่เจ๊อเฮ๊อ เร๊อ เพรปลู๊ลู เด๊อ อา ปลู๊ซื๊อปลู๊เบ่ เกออูโต่ เตเพรเฮ๊อ.

Eastern Kayah Shadaw Dialect

²⁶ ꤟꤢꤨꤔꤣꤧ꤬ꤚꤣꤧ꤬, ꤞꤢꤧꤟꤢꤨ ꤠꤢꤧ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤊꤣꤧ꤭ ꤒꤢꤩ꤬ꤣꤧ꤭ ꤢ꤬ꤑꤢꤩ꤭ꤔꤣꤧ꤬, ꤠꤢꤧ꤭ ꤞꤢꤧꤡꤣꤧꤟꤣꤧ ꤔꤢꤧ ꤊꤣꤧ꤬ꤛꤢꤧ꤭ ꤊꤜꤢꤧ꤬ꤘꤤꤡꤢꤩ꤭ ꤒꤢꤩ꤬ ꤒꤣ꤬ꤖꤚꤢꤩ꤬ ꤘꤣ ꤢ꤬ ꤊꤜꤢꤧ꤬ ꤒꤥ꤭ꤘꤢꤩ꤭ ꤟꤢꤧ꤭ ꤡꤢꤪꤚꤣꤧ꤬ꤔꤢꤩ ꤡꤣꤧ ꤘꤣ ꤗꤢꤙꤥ꤭ ꤢ꤬ ꤥ꤬ ꤔꤣꤧ꤬ ꤒꤣ꤬ꤖꤚꤢꤩ꤬ ꤡꤣꤧ꤯ ꤠꤢꤧ꤭ ꤞꤢꤧꤡꤣꤧꤟꤣꤧ ꤔꤢꤧ ꤖꤚꤢꤩ꤬ꤕꤜꤢꤨꤒꤢꤩ꤬ ꤘꤣ ꤢ꤬ ꤕꤜꤢꤨꤞꤢꤦꤕꤜꤢꤨꤙꤢꤩ꤬ ꤘꤢꤦ꤬ꤑꤢꤩ꤭ ꤢꤨ꤭ ꤒꤣ꤬ꤖꤚꤢꤩ꤬ꤔꤣꤧ꤬ ꤗ꤫ꤢ꤬ꤒꤥ꤬꤯

โครินธ์ อาเหร่อเล๊อ ต๊าบ่า 9:26 ပူးပေါင်းရင်းမြစ်များ

เปโตร เนอบ่า ต๊าบ่า 1:10

ฮู๊เนอเรอ โป่แหว่ ซี๋, แซ่ฮู๊ จอแปแหร่ อาเตเอ๊ ซี เออเนอ เร๊อ อา เตนว๊าแถ่ ซี เออ เก่ ทวาแถ่ แฮเงลา หม่าแหน่ อาเงเนอ, จ่าเพรอ แอ๊จื๊อแอ๊เหร่ เอ๊แถ่โป่ แลแค เด๊อ เง ตากยา นี๋. ซี เก่ เมฮู๊เนอ เฮ๊เรอ ซี ตอพอ แลคื๊อ ปา โตโพ๋ โต่ เฮ๊อ.

ทิโมธี เนอบ่า ต๊าบ่า 2:5

แกแย เด๊อ อา ดี๊เจ เต เตเพรเนอ, เก่ อา หนิดา เมครวาเกอ เตดี๊เจ อา เตซว๊าเตแส่ โต่ เฮ๊เนอหม่า, อา พย๊าหนิแจ่ เกออู เตดี๊เจ อาคว๊าอาเก่ โต่.

ฟีลิปปี 1:21

เตโอ่เซอเพร เด๊อ แวเง หม่า อิเต เฮ๊เรอ, แว ซิหยื่อ โอ่เซอเพร เป่ตื๊อแพ๊ เด๊อ ครี๊ อาเง แพ๊, เร๊อ แว เก่ เซอ เฮ๊เนอหม่า เตบุ๊ยเตเตอเรอ โอ่เอ๊ เล๊อ เจ๊อ เด๊อ แวเง เจ๊อ.

โคโลสี 1:29

ครี๊ อา เตโพรเตเตอเรอ เออ อา เมฉว่าเมชอ แหน่เจ๊อ เด๊อ แวกู แว ซิเล แถ่หนิ อา เตโพรเตเตอเรอ ฉว่าชอ เออ เร๊อ แว จ่าเพรอแอ๊จื๊อ เร๊อ แว ซิครือเมเฮ๊อ จอแปแหร่ อาเตแร เออเต๊เห่ เฮ๊อ.

ꤜꤢꤨꤊꤢ꤬ 13:24

“แอ๊จื๊อ จว๊าแม๊ปูโน แลแค เด๊อ กู่ดา อาอิ เนอตูกู, เมเตเฮ๊เรอ, แกแย เต๊เห่ แอ๊จื๊อจว๊าแม๊ปูโน โรแหน่เจ๊อ ตื๊อดื่อเรอ อา โนเบ๊ แลแค โต่.

ทิโมธี เนอบ่า ต๊าบ่า 1:12

เมฮู๊เนอเรอ เด๊อ เตเออเต๊เห่ อาขว่าอาคยา, แว ข่าเบ่เฮ๊อ เตเออ เต๊เห่ เฮ๊อ. หม่าแน๊เรอ แว ซิเตเร โต่, เมเตเฮ๊เรอ, แว ซิเงเฮ๊อ เพร เด๊อ แว หยื่อเอ่ อา เออเตเพร เฮ๊อ. โทเรอ แว หยื่อเอ่เฮ๊อ เน๊อ เต เด๊อ อา เด๊อะแล เด๊อ แว กู๊ยากู เออเต๊เห่เนอ, อา เก่ โอ่ป่อหม่า หนิโต่เร๊อดื่อ เด๊อ ม๊อเนอ ตื๊อดื่อปา เนอเตอเนอ ปา.

เอเฟซัส 6:12

เมเตเฮ๊เรอ, เป ช๊าฉื่อ เร๊อ แกแย เด๊อ อาโอ่ เร๊อ อาพ๊าอาหย่า อาสุ่ยอาเทอ เต๊เห่เนอ หม่าโต่. เป ช๊าฉื่อ เร๊อ โลเน๊โลหน่า เด๊อ อา เป๊อเต เต๊เห่, เร๊อ โลเน๊ เด๊อ อาโอ่ เร๊อ อา เตอเรอฉว่าชอ เต๊เห่ เร๊อ โลเน๊ ฉว่าชอ เด๊อ อา เป๊อ เห่ขุ อา คี๊เล เนอเต๊เห่, เร๊อ โลเน๊ มู๊แหม่ เด๊อ อา โอ่ เด๊อ ม๊อเล เนอเต๊เห่.

เปโตร อาเหร่อเล๊อ ต๊าบ่า 5:1

แว หม่า เพรหยื่อเอ่ตู๊หมู่ตอกล๊อ โหมะเผระ กู่กล๊อ เตเพร, โทเรอ แว หม่า เพรข่าเฮ๊โล เป่ ครี๊ อา เตข่าจาข่าจือ อาหรี่อาแก เตเพร. โท๊โต่ ช๋า จอแปแหร่ เด๊อะโล เฮ๊อ อู เร๊อ อา เตเตอเรอดุ เตอเรอทู เบ๊อะเนอปาเนอ, แว เบ่เบ่, แว เก่ โอ่เต่อเกอ เร๊อ อา เตเตอเรอดุ เตอเรอทู เออเนอ ปา. กู๊แหน่เรอ แว กุยซิยอ ซี เพรหยื่อเอ่ตู๊หมู่ตอกล๊อ โหมะพรูโหมะเผระ เด๊อ อา ทวา ทวาดุทวาเต เต๊เห่ เนอ,

ꤟꤤꤙꤚꤢꤨ 4:1

จอแปแหร่ อ๊อแล ตื๊อดื่อปา เป โต่กู๊แหน่ เน๊อ เป เก่ โนหนิ เด๊อ เหล่โอ่โก๊ เตเบ๊ซิพร๊า อาเหล่โอ่ เออเนอปา. แซ่ฮู๊ ซี ปว๋า เตเพร เก่ โนหนิ เกอ เด๊อ เหล่โอ่โก๊ เตเบ๊ซิพร๊า เด๊อ จอแปแหร่ อ๊อแล เออ อาเงเนอ, เป เบ่รอเร๊อ แลแค เปเหน่.

โครินธ์ เนอบ่า ต๊าบ่า 5:8

แว เก่ เฮ๊ เน๊อ, เป หยื่อเอ่เร๊อ แบ่เจ่ เออเนอ อาฉว่าอาชอ เร๊อ เป ซิหยื่อ เถ่จว๊าแก ลา เฮ๊อ เร๊อ เปเหน่กล่อ เออ เร๊อ เป ซิหยื่อจว๊า โอ่เต่อเกอ ลา เฮ๊อ เร๊อ แบ่เจ่ เด๊อ ม๊อขุ เฮ๊อ.

โครินธ์ เนอบ่า ต๊าบ่า 5:1

เปเหน่กล่อ เด๊อ อาแซ่เน๊อ หี่ เด๊อ เป โอ่ เกอเร๊อ อา เด๊อ เห่ขุ เออเตเม เนอ, ช๋า อู เมโพร๊แก เฮ๊อ อา ปา, อา ซิ เฮ๊ เฮ๊อ ช๋า เป เซอ ปาหม่า, เป ซิเง เร๊อ จอแปแหร่ เก่ เมโอ่เป่ เฮ๊อ เปหี่เซ หม่าเฮ๊อ เปเหน่กล่อ อาเซ เออเนอ เด๊อ ม๊อขุ เนอ เฮ๊อ. อา เก่ เม เร๊อ อาเหน่ เร๊อ หี่เซ หม่าเฮ๊อ เปเหน่กล่อ อาเซ เออเนอ, อา เซอแจ่ ปา โต่, อา เก่ โอ่หม่าโอ่กลอ ตูจูเพร ปา.

โครินธ์ อาเหร่อเล๊อ ต๊าบ่า 14:9

ฮู๊เนอเฮ๊อ เน เก่ เฮ๊เบ่ อู เร๊อ โหง่โค๊ตีกลี๊ เด๊อ อู ซิเง อาโหง่แลช๊า โต่ เออเนอ เฮ๊เรอ อู จว๊า ซิเงแจ่ อาโหง่แลช๊า ฮู๊เต? เน เก่ เฮ๊เบ่ ฮู๊เนอ เฮ๊เรอ, อา แซ่แพ๊ เร๊อ เน เฮ๊เบ่ ลอ แกเด เน เก่แลเซ๊ แพ๊.

มัทธิว 11:12

เป๊อแถ่ เบ๊อะเจเทอ คูยอห์น อาทือเค โต่กู๊แหน่เนอ, แกแย เต๊เห่ โน ช๊าจา ช๊าจือ ม๊อขุ เทอเลเก่กู. แกแยฮา แกแยมู๊แหม่ เต๊เห่ จ่าเพรอแอ๊จื๊อ โนปื่อเผ่ ตื๊อดื่อ ม๊อขุ เทอเลเก่กู.

ꤊꤢ꤬ꤜꤢ꤬ꤒꤤ 2:2

จอแปแหร่ เด๊อะโลแถ่ แว เนอ แว โตเบ่ จว๊า เบ๊อะเนอ อาขว่าอาคยาเร๊อ, แว จว๊า แพ๊. เบ๊อะแว โอ่ เบ๊อะเนอ อาเค, แว แม๊เถอะโห่หนิ เร๊อ แกแย เด๊อ อู แด่ เหย่ซี เร๊อ เพรหยื่อเอ่ตู๊หมู่ตอกล๊อ ทวาดุทวาเต เต๊เห่ เร๊อ แว เฮ๊โฉ่โปลหนิ เป่ เหย่ซี เร๊อ เตซิครือมีลา ฮู๊ แว แด๊โฉ่โด่แน เป่ อู ปว๋า โพ๊ เด๊อ แกแยยิวพู๊ หม่าโต่ เต๊เห่ อาเกล เนอแพ๊. แว เตเฮ๊โฉ่โด่แน เด๊อ อา ตาลว๊าแก โทเนอ เต๊เห่ เบ่เบ่, กู๊แหน่เออ เต๊เห่เนอ เบ่เบ่, แว ซิหยื่อ นอทวาแถ่ แกเด โต่.

ทิโมธี เนอบ่า ต๊าบ่า 4:7

เตช๊า เด๊อ อาแร๊เล๊อ เนอ แว ช๊าโทเฮ๊อ. เตแกล่ ดี๊เจ เนอ แว แกล่ โทเฮ๊อ. แว ปื่อหม่า หนิ แร๊ เฮ๊อ แว เตหยื่อ โต่เด๊อ อาตื๊อดื่อเฮ๊อ.

ꤟꤤꤙꤚꤢꤨ 12:1

ฮู๊เนอเรอ, แกแย เด๊อ อา ข่าเฮ๊โล เร๊อ เป่ เป เน๊อ อา เตหยื่อเตแหน่ เออเต๊เห่เนอ, อา โอ่ ตาวาปลูตาวาเผ่ เจ๊อ เน๊อ เป. ฮู๊เนอ อาขว่าอาคยา, เป เก่ วีแก แก เตปว๋า เต๊อเจ่อ เด๊อ อา เม ดู๊แด ตาตือ เป เต๊เห่ เน๊อ เตซื๊อ เด๊อ อา เม โต๊โผ่ แลคื๊อแก เป เออเต๊เห่ โป๋! เร๊อ เป แม๊โหร่ลู อู เด๊อะ เป่ เป ม๊าโบ เด๊อ เปเป๊เส่เง เออ เร๊อ เป เก่ แด่ทูซิปล่อ แกล่แฮเต่อ เด๊อ อา โอ่ เนอ โป๋.