โครินธ์ อาเหร่อเล๊อ ต๊าบ่า 9:18 - ลีเทส่อพ๊าอาเซ เร๊อ เห่ขุทวาลู๊

¹⁸ เก่เฮ๊ฮู๊เนอเนอ, แว เตเร พย๊าหนิ เกอ อาคว๊าอาเก่ อิเต ปา? อาคว๊าอาเก่ เด๊อ แว พย๊าหนิ เนอหม่า หม่าเฮ๊อ แว โด่แน เป่ อู เตซิครือมีลา เออเนอ เฮ๊อ, อา โต เจ๊อ เด๊อ แว โต กุย เกออู เตเมจว่า หม่าแน๊เรอ แว พย๊า เกออู อาคว๊าอาเก่ โต่ เออเนอ เฮ๊อ.

Eastern Kayah Shadaw Dialect

¹⁸ ꤊꤢꤩ꤬ꤟꤢꤩꤟꤢꤨꤔꤣꤧ꤬ꤚꤣꤧ꤬, ꤠꤢꤧ꤭ ꤊ꤫ꤢꤦ꤬ꤚꤢꤩ꤭ ꤔ꤫ꤤ꤬ꤙꤢꤩ꤬ ꤊꤣꤧ꤭ ꤢ꤬ꤋꤝꤢꤢ꤬ꤊꤢꤩ꤬ ꤤ꤬ꤒꤢꤩ꤭ ꤕꤢ꤭? ꤢ꤬ꤋꤝꤢꤢ꤬ꤊꤢꤩ꤬ ꤘꤣ ꤠꤢꤧ꤭ ꤔ꤫ꤤ꤬ꤙꤢꤩ꤬ ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤠꤢꤧ꤭ ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤣꤧ꤭ꤔꤣꤧ꤬ ꤟꤣꤧ, ꤢ꤬ ꤊꤢꤪ꤬ ꤡꤣꤧ ꤘꤣ ꤠꤢꤧ꤭ ꤒꤥ꤭ ꤊꤝꤤ꤭ ꤊꤣꤧ꤭ꤢꤨ꤭ ꤒꤢꤩ꤬ꤗꤢꤩ꤬ꤡꤝ꤫ꤢ꤬ ꤒꤣꤧ꤬ꤘꤢꤦꤚꤣꤧ꤬ ꤠꤢꤧ꤭ ꤖꤛꤢ ꤊꤣꤧ꤭ꤢꤨ꤭ ꤢ꤬ꤋꤝꤢꤢ꤬ꤊꤢꤩ꤬ ꤒꤥ꤬ ꤣꤧ꤭ꤔꤣꤧ꤬ ꤟꤣꤧ꤯

โครินธ์ อาเหร่อเล๊อ ต๊าบ่า 9:18 ပူးပေါင်းရင်းမြစ်များ

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:6

ซี เบ่เบ่, แกแย เด๊อ อาโร เต๊เห่เนอ เบ่เบ่, แซ่ฮู๊ อา เก่ ถู่เซ๊ หนิเกอ เป เร๊อ เป เม ฮู๊เนอ หม่าโต่.

โครินธ์ อาเหร่อเล๊อ ต๊าบ่า 8:9

ซี ซิหยื่อ เอ่ เต อิเตเต๋เนอ ซี เอ่หนิ แพ๊ หม่าแน๊เรอ, รอหนิ แลแค ซีเหน่ นี๋. เมเตเฮ๊เรอ ซี เม เต เต๊เห่เนอ, นอทวาแถ่ แต่ เตแลคื๊อแลลอ เด๊อ แกแย อา เตหยื่อเตแหน่ ปีตี๊ เต๊เห่ อาเง แต่เหม่นี๋.

โครินธ์ เนอบ่า ต๊าบ่า 4:5

เป เล แด๊โฉ่โด่แน เกอเร๊อ เปหรี่เปแก หม่าโต่. หม่าแน๊เรอ เป เล แด๊โฉ่โด่แน โล เป่ อู เร๊อ เหย่ซู่ครี๊ หม่า แบ่เจ่ เตเพร อาหรี่อาแก. ฮู๊เนอเรอ เด๊อ ครี๊ อาขว่าอาคยา, เป ทวาเป่ ซี หลู่เล๊ เต๊เห่ เฮ๊อ.

โครินธ์ อาเหร่อเล๊อ ต๊าบ่า 10:33

เมเกอ แลแค ฮู๊ แว เม เนอ. แซ่ฮู๊ อู เก่ พย๊าหนิ เตเมแลเปล๊กา อาเงเนอ, แว เม อิเตเต๋ เบ่เบ่, แว แอ๊จื๊อ ลือเมโต เป่ อู ซิปล่อ อา เตซิหยื่อ เต๊เห่. แว เตเน เม แพ๊ เต เด๊อ แว ซิหยื่อ เม เนอเต๊เห่ เร๊อ เต เด๊อ อาแร๊ เด๊อ แว เตเพร อาเง เร๊อดื่อ เนอเต๊เห่ หม่าโต่. แว แม๊ปู เม เป่ เต เด๊อ อาแร๊ เด๊อ แกแย ปว๋า เตเพร อาเง เนอเต๊เห่ แพ๊.

โครินธ์ อาเหร่อเล๊อ ต๊าบ่า 7:31

แกแย เด๊อ อา นอเอ่ ตาหมื่อตาเต เด๊อ เห่ขุ เออเต๊เห่เนอ, อา เบ่ เตเนดุ เกอเร๊อ ตาเต เด๊อ เห่ขุ เออเต๊เห่ โต่. เมเตเฮ๊เรอ ล๋อ เต เด๊อ อา โอ่ เด๊อ เห่ขุ เออ เต๊เห่เนอ, อา โอ่หม่าโอ่กลอ งยา ตูจูเพร หม่าโต่ อาขว่าอาคยา, แว เฮ๊ ซี ฮู๊เออ แพ๊.

ꤚꤥꤗꤢꤩ꤬ 14:15

เด๊อ เน เอ่ เตเต๊อเจ่อเจ่อ อาขว่าอาคยาเร๊อ, เน โป่แหว่ เตเนโม ตีกี๋ โต่ เก่เฮ๊เรอ, เน เม เตเออเนอ เด๊อ เตโม อากู หม่าโต่. เด๊อ เน เอ่เฉ่ อาขว่าอาคยาเร๊อ, จว๊าเมปย๊าแก แต่ เน โป่แหว่ เด๊อ ครี๊ ข่าเซอ เป่ โทเฮ๊อ เด๊อ อาเง เออเนอ เตเพร แต่เหม่.

ꤛꤥ꤭ꤟꤢ꤬ 4:36

กู๊แหน่เออ เจ๊อ เบ่เบ่, เพรเก๊โบ๊ เตเพรเนอ อา พย๊าหนิ อาคว๊าอาเก่ เร๊อ อา แด่โอ่ปล๊อ เตเส่เตโพ เต๊เห่ เด๊อ อา หม่าเฮ๊อ ซิปล่อเซอเพร ตูจูเพร อาเง เออเนอ เฮ๊อ. ฮู๊เนอเร๊อ เพรช๊อโบ๊ เออ เร๊อ เพรเก๊โบ๊ เออ ซิเนอลอ เก่ ซิครือ โหร่ลอ ลู ปา.

เพรโด่แนพู๊ เต๊เห่ 18:3

เร๊อ คูเปาโล โอ่เกอ เร๊อ เหย่ซี เบ๊อะเนอ. เร๊อ อา เมโหร่เกอ เตเร๊อ เหย่ซี, เมเตเฮ๊เร๊อ คูเปาโลเนอ อา โบ่เอ่หนิ แพ๊ ซิปล่อเซอเพร เร๊อ อา เม เหล่สื่อหล่อป่า แซ่เน๊อ เม เร๊อ เว ซิเนอเออ เมเออเนอ แพ๊.

โครินธ์ อาเหร่อเล๊อ ต๊าบ่า 3:8

เพร เด๊อ อา โหล่ตา เตกลุย เออ เร๊อ เพร เด๊อ อา ยือเทอ เออ ซิเนอ ลอ เนอ, อา เตเตเน แม๊ชือ หนื่ออื่อ เต๊เห่ เนอหม่า อา แซ่ลู แพ๊, อาดุเล๊อ ลู โต่. ฮู๊ เหย่ซี เตเพร เร๊อ เตเพร แอ๊จื๊อแอ๊เหร่ เมโทเฮ๊อ เตเต๊เห่เนอ, จอแปแหร่ เก่ เด๊อะ เหย่ซี เตแร หนิคว๊าเก่ ปา.

โครินธ์ อาเหร่อเล๊อ ต๊าบ่า 9:12

แกแย เด๊อ อาโร เต๊เห่ แฮ แด๊โฉ่โด่แน เป่ ซี เร๊อ ซี เก่ เมจว่าเกอ เหย่ซี เฮ๊เนอ, เป เร๊อ ซี โตเบ่ เมจว่าเกอ แหน่เจ๊อ เป หม่าโต่ แอ? เป กุย ซี เตเมจว่า หม่า อา โต แพ๊ หม่าแน๊เรอ เป กุยน๊อ เร๊อ ซี เตอเจ๋อ โต่. แซ่ฮู๊ เป เก่ เม ดู๊ดี๊ดู๊แด แต่ ครี๊ อา เตซิครือมีลา เตเมเนอ, เป แอ๊จื๊อ แด่ทูซิปล่อ เจ๊อ เตปว๋า เต๊อเจ่อ เจ๊อ.

โครินธ์ อาเหร่อเล๊อ ต๊าบ่า 9:15

อา โต เด๊อ แว โตกุย เจ๊อ ซี เตเมจว่า เจ๊อ หม่าแน๊เรอ แว กุย ซี เตอเจ๋อ โต่. โท๊โต่ แว ซิหยื่อ นอเมจว่า ซี เร๊อ แวเหน่ เร๊อ แว รา เป่ ซี ลีเออเนอ หม่าโต่โต่. แว ซิหยื่อ เมดู๊แด เตซิครือมีลา ตีกี๋ โต่. พื๋อ เร๊อ แว เมฮู๊เนอเรอ, แว เซอแก เน๋อ หม่า อา โมเล๊อ ปา เจ๊อ.

โครินธ์ อาเหร่อเล๊อ ต๊าบ่า 9:17

เตเม เออเนอ แว เก่ นว๊าพย๊านว๊าเม เกอเร๊อดื่อ แพ๊ เก่เฮ๊เรอ, แว พย๊า อาคว๊าอาเก่ หม่า อา โต แพ๊. หม่าแน๊เรอ แว นว๊าพย๊านว๊าเม เกอเร๊อดื่อ หม่าโต่. จอแปแหร่ นว๊าแถ่ แว เร๊อ อา เด๊อะตาแก เตเมเออ เด๊อ แว กู๊ยากู อาขว่าอาคยา, แว เบ่ เม ฮู๊ อา เด๊อะตา แว, อา นอเม แว เนอแพ๊.