โครินธ์ อาเหร่อเล๊อ ต๊าบ่า 9:1 - ลีเทส่อพ๊าอาเซ เร๊อ เห่ขุทวาลู๊

¹ แว หม่า เพรป่าลาพู๊ เตเพร หม่าโต่ แอ? แว หม่า เพรโด่แนพู๊ เต๊เห่ เตเพร หม่าโต่ แอ? หม่า แว แม๊เถอะน๊อ เกอ แหน่ เกอล๋าย เป แบ่เจ่ เหย่ซู่ครี๊ โต่ แอ? แว ครือเม แบ่เจ่ อาเตเม อาขว่าอาคยา, ซี หยื่อเอ่แหน่ เฮ๊อ ครี๊ เฮ๊อ เนอหม่า อาหม่าโต่ แอ?

Eastern Kayah Shadaw Dialect

¹ ꤠꤢꤧ꤭ ꤗꤢ꤬ ꤖꤚꤢꤩ꤬ꤕꤣꤧ꤬ꤜꤢ꤭ꤖꤢꤨ ꤒꤣ꤬ꤖꤚꤢꤩ꤬ ꤗ꤫ꤢ꤬ꤒꤥ꤬ ꤟꤢꤧ꤭? ꤠꤢꤧ꤭ ꤗꤢ꤬ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤒꤣ꤬ꤖꤚꤢꤩ꤬ ꤗ꤫ꤢ꤬ꤒꤥ꤬ ꤟꤢꤧ꤭? ꤗꤢ꤬ ꤠꤢꤧ꤭ ꤗꤢꤧꤓ꤫ꤣꤧ꤬ꤔꤢꤪ ꤊꤣꤧ꤭ ꤔꤢꤧ꤭ ꤜꤢ꤭ꤟꤤ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤒꤥ꤬ ꤟꤢꤧ꤭? ꤠꤢꤧ꤭ ꤋꤚꤢꤦ꤭ꤗꤢꤩ꤬ ꤙꤢꤧ꤬ꤡꤢꤩ꤬ ꤢ꤬ꤒꤢꤩ꤬ꤗꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤟꤣꤧ ꤋꤚꤤ ꤟꤣꤧ ꤔꤣꤧ꤬ꤗꤢ꤬ ꤢ꤬ꤗ꤫ꤢ꤬ꤒꤥ꤬ ꤟꤢꤧ꤭?

โครินธ์ อาเหร่อเล๊อ ต๊าบ่า 9:1 ပူးပေါင်းရင်းမြစ်များ

เพรโด่แนพู๊ เต๊เห่ 9:17

ฮู๊เนอเรอ คูอานาเนีย จว๊าโน เด๊อ หี่ เบ๊อะคูเซาโล โอ่ เกอเร๊อ เนอเตเม อากู. โทเรอ อา โนแด่แถ่ อากู๊ขุ เด๊อ คูเซาโล อาลู เร๊อ อา เฮ๊ ลู เน๊อ, “โป่แหว่ คูเซาโล, แซ่ฮู๊ เน เก่ แม๊เถอะ กาคยา แร๊ คยาแซ๊, โทเร๊อ แซ่ฮู๊ เน เก่ เล๊อบาแถ่ เร๊อ แหย่โยบูโพ๊แบ่เจ่ อาเงเนอ, แบ่เจ่ เหย่ซู่ เด๊อ อา โอ่โลแถ่ เป่ โทเฮ๊อ เน เด๊อ แกล๊ลู เนอเตเพร, นอแฮ แว เด๊อ เนโอ่ เฮ๊อ.”

ทิโมธี อาเหร่อเล๊อ ต๊าบ่า 2:7

เด๊อ เตหรี่เตแก เออ อาเง, อู นอทวาเฮ๊อ แว ฮู๊ เพรเฮ๊โฉ่ โด่แนเต เตเพร เร๊อ เพรโด่แน เตเพร เน๊อ ซ๊าร๊า เด๊อ อา เก่ อิซว๊าเป่ แกแยยิวพู๊ หม่าโต่ เต๊เห่ เน๊อ เตหยื่อเตแหน่ เด๊อ อา หม่าแหน่เออ อาหรี่อาแก เตเพรเฮ๊อ. แว เฮ๊ แลโฮแลแห่โต่. แว เฮ๊จ๊อ แพ๊.

โครินธ์ อาเหร่อเล๊อ ต๊าบ่า 3:6

แว หม่า เพรโหล่ตา เตกลุย คูอปอลโล หม่า เพรยือเทอ. หม่าแน๊เรอ เพร เด๊อ อา นอเพ๊แถ่ดุแถ่ เตกลุยเตลุ๊ย เนอหม่า จอแปแหร่ แพ๊.

เพรโด่แนพู๊ เต๊เห่ 23:11

เบ๊อะเนอเตเซ, แบ่เจ่ แฮ ก๊อถ่อโอ่ เด๊อ คูเปาโล อาช๊า เร๊อ อา เฮ๊ ลู เน๊อ, “แด่ฉว่าแด่ชอ เน ซิปล่อ นี๋. ฮู๊ เน ข่าจา โทเฮ๊อ เนเหน่ เนอ แวหรี่แวแก เบ๊อะวีเยรูซาเล็ม อากู เออเนอ, เน เก่ ข่าหนิเกอ โป่ดื่อ เตหรี่เตแก เออเนอ เด๊อ วีโรม อากู น๊อปา.”

เพรโด่แนพู๊ เต๊เห่ 9:3

คูเซาโล จว๊า เด๊อ วีดามัสกัส เร๊อ เบ๊อะอา ผื่อ จว๊าโต่เฮ๊อ วี เบ๊อะเนอ, เตลีเตเค เด๊อ ม๊อขุ ช๊าเตเค ตาตาวา เด๊อ ลู อาช๊า.

โครินธ์ อาเหร่อเล๊อ ต๊าบ่า 9:19

แว หม่า เพรป่าลาพู๊ เตเพร เร๊อ อู เมจว่าเกอ น๊อ แว โต่ อาขว่าอาคยา, แว โหล่ หนิดา เหย่ซีโหง่ โต่. หม่าแน๊เรอ แซ่ฮู๊ อู เก่ หยื่อเอ่แหน่ โหร่ แบ่เจ่ เหย่ซู่ อาเงเนอ, แว ซิหยื่อ ทวา เป่ เจ๊อ แกแย ปว๋า เตเพร อาหลู่ เจ๊อ.

ทิโมธี เนอบ่า ต๊าบ่า 1:11

จอแปแหร่ นว๊าแถ่เฮ๊อ แว ฮู๊ เพรแด๊โฉ่โด่แน เป่ อู เต เตเพร เนอเฮ๊อ, โทเรอ อา นว๊าแถ่เฮ๊อ แว ฮู๊ เพรโด่แนพู๊ เต๊เห่ เตเพร เน๊อ ซ๊าร๊า เด๊อ อา อิซว๊า เตซิครือมีลา เตเพร เนอเฮ๊อ.

ꤊꤢ꤬ꤜꤢ꤬ꤒꤤ 5:1

แซ่ฮู๊ เป เก่ พย๊าหนิ เกอ เตปาลา เออ อาเงเนอ, เหย่ซู่ครี๊ เมแลเปล๊กา เฮ๊อ เป เด๊อ เป ทวา เตซว๊าเตแส่ อาหลู่เล๊ เออ อาเล เฮ๊อ. ฮู๊เนอเรอ โอ่หม่าโอ่กลอ แลแค เร๊อ ตีรี๊แม๊ กาคยา ทวา ปา แต่ แลแค หลู่เล๊ เออเนอ แต่เหม่ นี๋.

โครินธ์ เนอบ่า ต๊าบ่า 6:1

เป หม่า เพรเมโหร่เต เร๊อ จอแปแหร่ เต๊เห่ อาขว่าอาคยา, เป กุย ซิยอ ฉว่า ซี เร๊อ ซี เก่ โอ่เซอเพร ฮู๊ จอแปแหร่ ซิหยื่อ นอโอ่เซอเพร ซีเนอ. ซี หม่า แกแย เด๊อ อา พย๊าหนิ โทเฮ๊อ จอแปแหร่ อาบุ๊ยอาเตอเรอ เต๊เห่ เฮ๊อ อาขว่าอาคยา, ซี เบ่ โอ่เซอเพร แลแค ฮู๊เนอ.

ꤚꤥꤗꤢꤩ꤬ 1:1

แว หม่า คูเปาโล. แว ราจว๊าเป่ ซี ลี เออต๊าบ่า. แว หม่า เหย่ซู่ครี๊ อาหลู่ เตเพร อา เอ๊ แว เร๊อ แว เก่ ทวาแถ่ เพรโด่แนพู๊ เต๊เห่ เตเพร. โทเรอ อา นว๊าแถ่ แว เร๊อ แว เก่ แด๊โฉ่โด่แน เป่ อู เร๊อ จอแปแหร่ อา เตซิครือมีลา.

ꤊꤢ꤬ꤜꤢ꤬ꤒꤤ 1:1

แว หม่า คูเปาโล, ลีเออต๊าบ่า หม่า แว รา แพ๊. แว หม่า เพรโด่แน เตเพร. แกแย ตู๊หมู่หมู่ นอทวาแถ่ แว เร๊อ เพรโด่แน หม่าโต่. โท๊โต่, แว ทวาแถ่ เพรโด่แน เด๊อ แกแย เตเพรเพร อา กู๊ยากู หม่า โต่โต่. เหย่ซู่ครี๊ เร๊อ เพ จอแปแหร่ เด๊อ อา เมเซอเพร กาคยา เหย่ซู่ครี๊ เด๊อ เตเซอ เนอเตเพร นอทวาแถ่ แว เร๊อ เพรโด่แน เตเพร แพ๊. โทเรอ โป่แหว่ ครี๊พู๊ ล๋อ ปลี เด๊อ อา โอ่ เกอ เร๊อ แว เบ๊อะเออ เต๊เห่, ซูแฮ เป่ อา เตเฮ๊โมเฮ๊แร๊ เออเต๊เห่ เด๊อ กาลาเทียเก่ เพรหยื่อเอ่เออ ตู๊หมู่ตอกล๊อ เต๊เห่ อา โอ่.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:6

ซี เบ่เบ่, แกแย เด๊อ อาโร เต๊เห่เนอ เบ่เบ่, แซ่ฮู๊ อา เก่ ถู่เซ๊ หนิเกอ เป เร๊อ เป เม ฮู๊เนอ หม่าโต่.

โครินธ์ เนอบ่า ต๊าบ่า 11:5

ซี ดา เอ๊ เกอเร๊อ เหย่ซี เน๊อ, “เพรโด่แนพู๊ เต๊เห่ ซ๊าร๊าดุ” เนอเต๊เห่เนอ, อา แจ่ แถ่โลเล๊อแหน่ เร๊อ แว โต่.

โครินธ์ อาเหร่อเล๊อ ต๊าบ่า 1:1

แว หม่า คูเปาโล. จอแปแหร่ ซิปล่อโอ่ แว เร๊อ อา นว๊าแถ่ แว เน๊อ เหย่ซู่ครี๊. อา เพรโด่แนพู๊ เต๊เห่ เตเพร. เร๊อ แว เน๊อ เป โป่แหว่ ครี๊พู๊ คูโสสเธเนส ราจว๊า เป่ ซี ลีเออต๊าบ่า.

ꤚꤥꤗꤢꤩ꤬ 11:13

กู๊แหน่เออ, แว เฮ๊เบ่ เร๊อ ซี แกแยยิวพู๊ หม่าโต่ เต๊เห่. จอแปแหร่ นอ แว ฮู๊ เพรโด่แนพู๊ เต๊เห่ เตเพร เด๊อ แกแยยิวพู๊ หม่าโต่ เต๊เห่ อาเง อาขว่าอาคยา, เตเม เด๊อ จอแปแหร่ เด๊อ แว เออ แว เตเนดุ เกอ เร๊อ แหน่เจ๊อ อา.

ꤚꤥꤗꤢꤩ꤬ 1:5

เด๊อ ครี๊ อาขว่าอาคยาเร๊อ, จอแปแหร่ เด๊อะตา เป อา เตบุ๊ยเตเตอเรอ เร๊อ ม๊อเนอม๊อเซโตแร๊ เด๊อ เป เก่ ทวาแถ่ เพรโด่แนพู๊ เต๊เห่ เด๊อ ครี๊ อาเง. แซ่ฮู๊ ล๋อ แกแยยิวพู๊ หม่าโต่ เต๊เห่ เก่ หยื่อเอ่แหน่ เกออู เหย่ซู่, เร๊อ เหย่ซี เก่ หนิดา เกอ จอแปแหร่ โหง่ อาเงเนอเรอ, อา นอทวาแถ่ เป แพ๊.

เพรโด่แนพู๊ เต๊เห่ 14:14

เบ๊อะคูบารนาบัส เร๊อ คูเปาโล หนิโฮ เด๊อ อู เตเร หลู่แตแถ่ เหย่ซี เบ๊อะเนอ, เหย่ซี ท๊อเย อาเห่อจา เร๊อ, เหย่ซี แกล่แฮโน เด๊อ แกแย เบ๊หมู่ เต๊เห่ อาเกล เร๊อ เหย่ซี เอ๊โท เฮ๊ แกแย เนอเต๊เห่ เน๊อ,

เพรโด่แนพู๊ เต๊เห่ 14:4

วีกู เบ๊อะเนอ เต๊เห่ ลูโพร๊ลูแพรแก เนอหมู่, ตู๊หมู่ เร๊อ อาโป๊เกอเร๊อ แกแยยิวพู๊, ตู๊หมู่ เร๊อ อาโป๊ เกอเร๊อ เพรโด่แนพู๊ เต๊เห่.

เพรโด่แนพู๊ เต๊เห่ 13:2

เบ๊อะเหย่ซี จ๊อบู่จ๊อเบแถ่ แบ่เจ่ เร๊อ โด่เอ่ เหล่เอ่เหล่โอ เบ๊อะเนอ, แหย่โยบูโพ๊แบ่เจ่ เฮ๊ เหย่ซี เน๊อ, “นว๊าเถ่ โค๊แก เป่ แว คูบารนาบัส เร๊อ คูเซาโล เนอ. เมเตเฮ๊เร๊อ แว นว๊าแถ่หนื่ออื่อ โท. เฮ๊อ เหย่ซี เด๊อ อา เก่ เบ่ เม แว เตแร.”

เพรโด่แนพู๊ เต๊เห่ 9:15

หม่าแน๊เรอ แบ่เจ่ เฮ๊ ลู เน๊อ, “จว๊ามอ, เมเตเฮ๊เรอ แว นว๊าแถ่ เฮ๊อ อา เด๊อ อา เก่ แด๊โฉ่โด่แน เป่ แกแยยิวพู๊ หม่าโต่ เต๊เห่ เร๊อ คุ๊ยจ๊อแผ่ เต๊เห่, เร๊อ อิสราเอลพู๊ เต๊เห่ เร๊อ แวหรี่แวแก ปา.

เพรโด่แนพู๊ เต๊เห่ 9:5

เร๊อ คูเซาโล แด๊เฮอฉื่อ ลู เน๊อ, “แบ่เจ๋, เน หม่า อูเป?” เร๊อ โหง่พรา เออ เฮ๊ กาคยา ฉื่อลู เน๊อ, “แว หม่า เหย่ซู่ เด๊อ เน เมจาเมจือ อา เนอเตเพร เฮ๊อ.

โครินธ์ อาเหร่อเล๊อ ต๊าบ่า 10:29

ซี ซิเง เร๊อ ซี เอ่ เตหย่า หม่า อาหนิ แพ๊ อาขว่าอาคยา, ซี ซิปล่อโม แพ๊. หม่าแน๊เรอ แว เบ่ยอ เป่ แกแย เด๊อ อาโร เต๊เห่ อาเง. เฮ๊โก๊หลื่อ, เด๊อ ซีเกล เตเพรเพร เก่ แด๊เฮอ เน๊อ, “แว เก่ เม อิเตเต๋ หม่า อาหนิ แพ๊, หม่าเมเตเรอ แว เบ่จว๊า ครวาลือเม โต่ เป่ เกอปา แกแย เด๊อ อา เตเนโม โต่ เออเตเพร อาเง ฮู๊เต?” อา เก่ เฮ๊ ฮู๊เนอ.

โครินธ์ อาเหร่อเล๊อ ต๊าบ่า 10:30

โต่หม่าแน๊, เด๊อ ซีเกล เด๊อ อาโร เตเพรเพร ลาติ เร๊อ อา เก่ แด๊เฮอลาติ เน๊อ, “เหล่เอ่เหล่โอ เด๊อ แว เก่ เอ่ เออเนอ, แว เก่ เฮ๊บุ๊ยเฮ๊เตอเรอแถ่ จอแปแหร่ เร๊อ แว เก่ เอ่ เฮ๊เนอ, เตเอ่เตโอ ฮู๊เนอ ตอกล๊อหม่า เตซื๊อ โอ่ แพ๊ แกแย เต๊เห่เห่ จว๊า เฮ๊ โต่ ฮู๊เนอ เร๊อ เมเต?”

โครินธ์ อาเหร่อเล๊อ ต๊าบ่า 11:16

หม่าแน๊เรอ, แว เฮ๊ ฮู๊เออ เร๊อ เด๊อ ซีเกล เนอ, แกแย เด๊อ อาซิปล่อ โต เกอ โต่ เนอ อาโอ่ เต๊เห่. เต เด๊อ แว ซิหยื่อ เฮ๊ เหย่ซี เนอหม่า ฮู๊เตเฮ๊เร๊อ, เป เพรโด่แนพู๊ เต๊เห่ อิซว๊าโค๊ เป่ อู เร๊อ เหล่โกลเหล่แบ่ เด๊อ อาโรเนอ อาโอ่ เตอเจ๋อ โต่. โท๊โต่ เพรหยื่อเอ่ เออ เด๊อ อา โอ่ เด๊อ วี เบ๊อะเต๋ ตีวี อากู เต๊เห่เนอ เบ่เบ่, เบ๊อะเหย่ซี จ๊อเบ เบ๊อะเนอ, อา เมแซ่ เกอ ลอ ฮู๊เนอ แพ๊.

โครินธ์ เนอบ่า ต๊าบ่า 10:7

ซี แม๊ แลแค แพ๊ เตโอ่โล เด๊อ อากลอ เต๊เห่ แพ๊. เด๊อ ซีเกล เต๊เห่เห่เนอ อา เฮ๊ซื๊อ แลแค เร๊อ แกแย เด๊อ อา ทวา ครี๊ อาหลู่เล๊ หม่า ตื๊อ เป แพ๊. นอซิเง เต่อเกอ เหย่ซี เร๊อ เป หม่า เป ทวา เกอดื่อ ครี๊ อาหลู่เล๊ เต๊เห่ วา.