หม่าแน๊เรอ, เป โป่แหว่ ครี๊พู๊ เต๊เห่เห่ เด๊อ อา ซิเง ตาเต เกอ ลอ ลา เตซิเง เด๊อ แว รา เป่ ซี กู๊แหน่เออ โต่ เนอ อาโอ่ เต๊เห่. เบ๊อะเหย่ซี หยื่อเอ่ แต่ล๋าย เหย่ซู่ โต่ เบ๊อะเนอ, เหย่ซี เตเน เร๊อ เตแหย่โย เออเต๊เห่ เนอหม่า อา เตอเรอฉว่าชอ โอ่ อาขว่าอาคยา, เหย่ซี เตเร วีแก อา เตเตเน เออเต๊เห่เนอ, อาแป่อาเช แหน่เจ๊อ เด๊อ เหย่ซี อาเง เจ๊อ. เร๊อ เบ๊อะเหย่ซี เอ่เฉ่เอ่ เด๊อ อู หลู่แตแถ่ เร๊อ เตแหย่โย เออเต๊เห่ เบ๊อะเนอ, อา โม ลูซิปล่อ โต่, เร๊อ อา เมซื๊อ เฮ๊อ เต เฮ๊อ อา เตเน แลแค ฮู๊เนอ.
โครินธ์ อาเหร่อเล๊อ ต๊าบ่า 8:1 - ลีเทส่อพ๊าอาเซ เร๊อ เห่ขุทวาลู๊1 กู๊แหน่เรอ แว ซิหยื่อ ราจว๊า เป่ ซี เหล่เอ่ เด๊อ อู โบ่แถ่ เร๊อ เตแหย่โย เนอเต๊เห่ อาหรี่อาแก. ซี เฮ๊ เร๊อ เตแหย่โย เต๊เห่ เนอหม่า อา เตโพรเตเตอเรอ ฉว่าชอ เด๊อ อา เหล่เมเป่ เป เนอ อาโอ่ โต่ เนอ เป ซิเง, ซี เฮ๊ ฮู๊เนอ หม่า อาหม่า ว๊า. ซี เตซิเง เออเนอ, อา นอพย๊าแด่โล ซี เน๊อ ซี เหน่ หม่าแน๊เรอ เตโม เนอ อา เมจว่า หม่าแหน่ เจ๊อ อู เจ๊อ. အခန်းကိုကြည့်ပါ။Eastern Kayah Shadaw Dialect1 ꤊꤢꤨꤔ꤫ꤢꤧ꤬ꤚꤣꤧ꤬ ꤠꤢꤧ꤭ ꤞꤤꤛ꤫ꤢꤦ꤬ ꤚꤢ꤭ꤡꤝꤢ ꤕ꤫ꤢꤩ꤬ ꤞꤤ꤭ ꤏꤢꤩ꤬ꤢꤩ꤬ ꤘꤣ ꤢꤨ꤭ ꤙꤥ꤬ꤓꤢꤧ꤬ ꤔꤢꤧ ꤖꤚꤢꤩ꤬ꤛꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭꤯ ꤞꤤ꤭ ꤟꤢꤩ ꤔꤢꤧ ꤖꤚꤢꤩ꤬ꤛꤥ꤬ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤏꤝꤢ꤬ꤏꤢꤪ꤭ ꤘꤣ ꤢ꤬ ꤜ꤫ꤢꤩ꤬ꤗꤢꤩ꤬ꤕ꤫ꤢꤩ꤬ ꤕꤢꤩ꤬ ꤔꤣꤧ꤬ ꤢ꤬ꤥ꤬ ꤒꤥ꤬ ꤔꤣꤧ꤬ ꤕꤢꤩ꤬ ꤞꤤꤑꤢꤩ꤭, ꤞꤤ꤭ ꤟꤢꤩ ꤟꤢꤨꤔꤣꤧ꤬ ꤗꤢ꤬ ꤢ꤬ꤗ꤫ꤢ꤬ ꤠꤢ꤯ ꤞꤤ꤭ ꤒꤢꤩ꤬ꤞꤤꤑꤢꤩ꤭ ꤣꤧ꤭ꤔꤣꤧ꤬, ꤢ꤬ ꤔꤢꤪ꤭ꤖꤛꤢꤓꤢꤧ꤬ꤜꤥ꤭ ꤞꤤ꤭ ꤔꤢꤧ ꤞꤤ꤭ ꤔ꤫ꤢꤩ꤬ ꤗꤢ꤬ꤔꤢꤧꤚꤣꤧ꤬ ꤒꤢꤩ꤬ꤗꤥ꤬ ꤔꤣꤧ꤬ ꤢ꤬ ꤗꤢꤩ꤬ꤡꤝ꤫ꤢ꤬ꤖꤛꤢꤡꤝ꤫ꤢ꤬ ꤗ꤫ꤢ꤬ꤔꤤꤔꤢꤧ꤬ ꤡꤣꤧ ꤢꤨ꤭ ꤡꤣꤧ꤯ အခန်းကိုကြည့်ပါ။ |
โครินธ์ อาเหร่อเล๊อ ต๊าบ่า 8:1
35 ပူးပေါင်းရင်းမြစ်များ
แกแย เด๊อ อา เอ่ ลอ เตปว๋า เต๊อเจ่อ เตเพรเนอ, อา เบ่ เตเน ปีตี๊หนิ แกแย เด๊อ อา เอ่ เกออู เตปว๋า เต๊อเจ่อ โต่ เออเนอ เตเพร โต่. ฮู๊เนอเฮ๊อ แกแย เด๊อ อา เอ่ เกออู ปว๋า เต๊อเจ่อ โต่ เออเตเพรเนอ, อา เบ่ แด่ เตซื๊อ หนิ แกแย เด๊อ อา เอ่ เตปว๋า เต๊อเจ่อ เออเต๊เห่เนอ โต่, เมเตเฮ๊เรอ จอแปแหร่ เอ๊โมฉื่อ แกแย เออเตเพร.
“หม่าแน๊เรอ เตหรี่เตแก เด๊อ แว เหล่แด่เตซื๊อ เด๊อ เนลู เนอหม่า อาโอ่ ตี๊กิ, หม่าอิเต เต๊เห่เต เฮ๊เนอหม่า, แกแย โอ่ เด๊อ ซีเกล เต๊เห่เห่ เนอ, อา ครวาเมเกอ คูบาลาอัม อา เตอิซว๊าอี๊แส่. คูบาลาอัม อิซว๊าอี๊แส่ คุ๊ยบาลาค เร๊อ อา เก่ อิลออี๊โหล่ อิสราเอลพู๊ ซีเต๊เห่ เน๊อ เหย่ซี เก่ เอ่ เหล่เอ่เหล่โอ เด๊อ อู หลู่แถ่ เร๊อ เตแหย่โย เออเนอเต๊เห่, โทเรอ อา เก่ จว๊าซื๊อ แลแค เพรเหมาะเพรคู ฮู๊เนอ.
ครี๊ ปื่อหม่า โอ่ปล๊อจือ เต่อลอ อาแกแย ซีเต๊เห่ เด๊อ อาแซ่เน๊อ แกแย หรุ่ยถว่า เร๊อ อาครุ๊ยอาคร๊วา เด๊อ จิจือหมะ จิจือ หนิเต่อ ลอ เหน่กล่อ ครือขรว่า เด๊อ อา โค๊ลู เออเนอเต๊เห่ เฮ๊อ. เก่ เหน่กล่อ ครือขรว่า เต๊อเจ่อ เร๊อ เต๊อเจ่อ เก่ เมดื่อ อาเตเม เด๊อ อา โต เม เต๊เห่ เฮ๊เนอหม่า, เหน่กล่อ ชีเพรลอ เก่ ดุแถ่ เร๊อ ชอแถ่ เร๊อ ชอแถ่ ปา. เพรหยื่อเอ่ตู๊หมู่ตอกล๊อ เนอหม่า อา แซ่ ฮู๊เนอ เฮ๊อเฮ๊อ. เพรหยื่อเอ่ เออ ตู๊หมู่ตอกล๊อ เด๊อ อาเตเม โค๊ลู เออเต๊เห่เนอ, อา เก่ โม เกอเร๊อลู เตเพร เร๊อ เตเพร เร๊อ อา เก่ เม หนิเกอเร๊อดื่อ เตเพร เร๊อ เตเพร อาเตเม เฮ๊เนอหม่า, เพรหยื่อเอ่ตู๊หมู่ตอกล๊อ เออ เก่ ดุแถ่ เล๊อบา แฮเง ดื่อ เร๊อ ครี๊ อา เตโพรเตเตอเรอ อาคยา ปา.
เตเด๊ออาโหล่ ครวาเม เต๊เห่ หม่า แคร๋ อิเตเฮ๊เร๊อ เหล่เอ่ เด๊อ อู หลู่แถ่ เร๊อ แหย่โย เต๊เห่เนอ, เอ่ แลแค แต่เหม่, เตสุ่ย เนอหม่า เอ่ หนิ โต่โต่, เตมีเตดอ เด๊อ อู จิเซอ อา เนอหม่า เอ่ หนิ โต่โต่. โทเร๊อ จว๊าซื๊อจว๊าปล๊า แลแค แต่ เพรเหมาะเพรคู แต่เหม่. ซี เก่ รอเบ๊ แลแค เตเออเต๊เห่ เฮ๊เนอหม่า, อา เก่ แร๊ เด๊อ ซีเงปา. โอ่โมโอ่ แร๊ โอ่ฉว่าโอ่แพร แลแค ดื่อ นี๋ เหย่ซี ราจว๊า แลแค ฮู๊เนอ.
เป ราซูจว๊าเฮ๊อ ลี ต๊าบ่า เด๊อ แกแยยิวพู๊ หม่าโต่ เด๊อ อา ทวาแถ่เฮ๊อ เพรหยื่อเอ่ เต๊เห่ อา โอ่ เร๊อ เป แด๊โฉ่โล เป่ เฮ๊อ เหย่ซี เร๊อ เป เฮ๊เบ่ปลื๊อ โทเฮ๊อ โหง่ เร๊อ เหล่เอ่ เต๊อเจ่อเจ่อ เด๊อ อู หลู่แตแถ่ อา เร๊อ แหย่โย เบ่เบ่, สุ่ย เบ่เบ่, เตมีเตดอ เด๊อ อู จิเซอ อาแกโบ เต๊เห่เนอ เบ่เบ่, เอ่ แต่ อา เหม่. โทเร๊อ โตเบ่ จว๊าซื๊อจว๊าปล๊าหนิ เพรเหมาะเพรคู โต่.”
“หม่าแน๊เรอ แว เหล่แด่เตซื๊อ เด๊อ เนลู เนอหม่า อาโอ่ เต๊อเจ่อ. หม่าอิเต เฮ๊เรอ, เน ปลวา อิซว๊าอี๊แส่ เพรเหมาะ เยเซเบล เด๊อ อา เฮ๊แล เกอเร๊อ อาเหน่ เน๊อ แว หม่า จอแปแหร่ อาเพรโพร เตเพร, เนอเตเพร. อา อิซว๊าอี๊แส่ อู อาขว่าอาคยา, อา ซูจว๊าซื๊อ ลอ แว หลู่เล๊ เต๊เห่ เด๊อ อา เก่ จว๊าซื๊อ เพรเหมาะเพรคู, โทเรอ อา เก่ เอ่ เหล่เอ่เหล่โอ เด๊อ อู หลู่แถ่ โทเฮ๊อ เร๊อ เตแหย่โย เนอเต๊เห่.
แกแย เด๊อ อา นอฉว่า ซี เน๊อ ซี เบ่ แด่หยว่า ซี ซิปล่อ เร๊อ อา นอจ๊อเบแถ่ เกอ ซี เน๊อ ม๊อขุเตเน่วพู๊ เต๊เห่ ฮู๊ เหย่ซี จ๊อเบแถ่ เออเนอ เต๊เห่เนอ, ครวาเม เกอ แต่ เหย่ซี แต่เหม่ นี๋. ซี เก่ ครวาเกอ เหย่ซี อาเตอิซว๊าอี๊แส่ เต๊เห่ เฮ๊เนอหม่า, เตเมหนิคว๊าเก่ เด๊อ จอแปแหร่ อ๊อแล โทเฮ๊อ ซี เน๊อ อา เก่ เด๊อ ซี เนอเต๊เห่ ปาเนอ, ซี พย๊าหนิ ปา โต่. แกแย ฮู๊เนอเต๊เห่ หม่า อา เฮ๊ หนิเกอเร๊อ แลแค เจ๊อ อาเหน่ เน๊อ เป แม๊เถอะ เตแม๊ลว๊า เด๊อ จอแปแหร่ อา โอ่ อาขว่าอาคยา, เป พย๊าหนิ โค๊ดื่อ เตซิคว๊าซิเง เด๊อ จอแปแหร่ อา โอ่, อา เฮ๊ แลแค ฮู๊เนอ. เหย่ซี พย๊าแถ่โล หนิเกอเร๊อ แหน่เจ๊อ อา เหล่เตเน เออเต๊เห่ เน๊อ อา เตแด๊เล๊อแด๊กลอ เออเนอเต๊เห่ เจ๊อ.
แว โคแบ๊ซว๊า ซี, เตเน แลแค แต่ ฮู๊ เป๊เจ่พู๊ เต๊เห่ เตเน เนอ แต่เหม่. หม่าแน๊เรอ ตื๊อแพ๊ เตมู๊แหม่รีแจ่ เออเต๊อเจ่อ เนอ แพ๊ เร๊อ ทวาแถ่ แซ๊ แลแค เร๊อ เป๊เจ่พู๊ อินู๊ปา เด๊อ อา ซิเง เกออู เตมู๊แหม่รีแจ่ โต่ เนอเต๊เห่ นี๋. หม่าแน๊เรอ เต เด๊อ แว รา เป่ ซี เออเต๊เห่เนอ, เตเน แลแค ฮู๊ แกแยดุเผระ เฮ๊อ เตเพร อา เตเตเน เนอ.
เมเตเฮ๊เรอ เด๊อ เป ครวา ครี๊ อาคยา อาขว่าอาคยาเร๊อ, อู เฮ๊ เป เร๊อ แกแย ตีมุย. หม่าแน๊เรอ ซี เกอลาติ เนอ, ซี ทวาแถ่ เฮ๊อ เต เตอเจ๊อ โต เน๊อ ครี๊ เฮ๊อ อาขว่าอาคยา, ซี เตเน เกอเร๊อ เจ๊อ แลแค ซีเหน่ เร๊อ เพรแจ่เพรลีแมพู๊ เต๊เห่ เฮ๊อ. เป เร๊อ เป อ๊าเจ่เหร่เจ่ ดื่อ เปเง แพ๊, ซี เร๊อ ซี อ๊าฉว่าเหร่ชอ แหน่เจ๊อ หนิ. อู เตเน ปีตี๊ ดื่อเง เป แพ๊. ซี เร๊อ อู เมลีเมเตเค แหน่ เจ๊อดื๋อ ซี หนิ.
เต เออเต๊เห่เนอ, เน หยื่อเอ่ อา ฮู๊เต เบ่เบ่, โห่โห๋ แด่โอ่ เนอ, เนเหน่ เร๊อดื่อ เร๊อ จอแปแหร่ เก่ ซิเง หม่า โป่เฮ๊อ. แกแย เตเพร เก่ ซิเง เร๊อ อา เม เตเออเนอหม่า อา โตแพ๊, เร๊อ อา เมโทเร๊อ เด๊อ อา ซิปล่อกู เนอ, โมโม๋ อา โม แพ๊, เร๊อ อาซิปล่อ เร๊อดื่อ เก่ เจแม๊ ลู โต่ เฮ๊เนอ, อา พย๊าหนิ เตบุ๊ยเตเตอเรอ เฮ๊อ.
โป่แหว่ ซี๋, แซ่ฮู๊ ซี เก่ พย๊า แถ่โลแถ่ม๊อ แต่ ซีเหน่ แต่เหม่ เนอ, กู๊แหน่เออ แว ซิหยื่อ นอซิเง ตาเต ซี เร๊อ เตหมะเตจ๊อ อาจ่ออาแย เด๊อ อู ซิเงโปลน๊อ ลู โต่ เออเนอเต๊อเจ่อ. เมเตเฮ๊เรอ, จอแปแหร่ นอ กู่กล๊อเพรอ แกแยยิวพู๊ เต๊เห่. หม่าแน๊เรอ อา กู่กล๊อเพรอ งยาตื๊อดื่อแฮเง โต่แพ๊ เบ๊อะจอแปแหร่ นว๊าแถ่ หนื่ออื่อเฮ๊อ แกแยยิวพู๊ หม่าโต่ เด๊อ อา หยื่อเอ่ ครี๊ เต๊เห่ อาแกแย บาเพร เฮ๊อ ปา เบ๊อะเนอ แพ๊.
แว โป่แหว่ ซี, แซ่ฮู๊ อา เก่ ทวาบุ๊ยทวาเตอเรอ เด๊อ ซิเง เร๊อ แว แด๊โฉ่โล เป่ ซี เร๊อ แวหรี่แวแก เร๊อ คูอปอลโล อาหรี่อาแก ฮู๊ เต เด๊อะโลแบ๊บือ เต๊อเจ่อ เนอ เฮ๊อ. เต เด๊อ แว ซิหยื่อ เฮ๊ เป่ ซี อาโหง่แลช๊า เนอหม่า ฮู๊เออ “เม ตาลว๊าเล๊อ แต่ แลแค ฮู๊ ลีเทส่อพ๊า รา โอ่ เนอ แต่เหม่.” ฮู๊เนอเรอ เออเตเพร เร๊อ อาแร๊เล๊อ เร๊อ เด๊อ เนอเตเพร, จว๊า ถู่เซ๊ เกอเร๊อ แลแค อู ฮู๊เนอ เตเพร่ว แต่เหม่.
ကြော်ငြာတွေ