โครินธ์ อาเหร่อเล๊อ ต๊าบ่า 7:35 - ลีเทส่อพ๊าอาเซ เร๊อ เห่ขุทวาลู๊35 แซ่ฮู๊ อา เก่ ทวาบุ๊ยทวาเตอเรอ เด๊อ ซิเง เร๊อ แว เฮ๊ ฮู๊เออ แพ๊. แว แม๊ปู เมดู๊แด ตาตือ ซี หม่าโต่. แซ่ฮู๊ ซี เก่ โอ่เซอเพร ตาโตตาเบ่ แลแค, โท๊โต่ แซ่ฮู๊ ซี เก่ เด๊อะแล ลอหล่าตี๊กลิ ซีเหน่ เด๊อ แบ่เจ่ อา เตเอ่เตแร อาเงเนอเรอ, แว ซิหยื่อ เมจว่า ซี ฮู๊เนอ แพ๊. အခန်းကိုကြည့်ပါ။Eastern Kayah Shadaw Dialect35 ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤓꤝꤢ꤭ꤙꤝꤤꤓꤝꤢ꤭ꤒꤣꤧ꤬ꤚꤣꤧ꤭ ꤘꤣ ꤞꤤꤑꤢꤩ꤭ ꤚꤣꤧ꤬ ꤠꤢꤧ꤭ ꤟꤢꤩ ꤟꤢꤨꤣꤧ꤭ ꤖꤢꤧ꤯ ꤠꤢꤧ꤭ ꤗꤢꤧꤕꤢꤨ꤭ ꤗꤢꤩ꤬ꤘꤤꤘꤢꤧ꤭ ꤒꤢ꤭ꤒꤢꤦ꤭ ꤞꤤ꤭ ꤗ꤫ꤢ꤬ꤒꤥ꤬꤯ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤥ꤬ꤞꤣꤧ꤭ꤖꤚꤢꤩ꤬ ꤒꤢ꤭ꤒꤥ꤭ꤒꤢ꤭ꤙꤢꤩ꤬ ꤜꤢ꤭ꤋꤢꤧ꤭, ꤓꤥ꤭ꤒꤥ꤬ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤘꤣꤧꤜꤢꤧ꤬ ꤜꤢꤪ꤭ꤞꤢꤨ꤬ꤜꤢꤪ꤭ꤞꤢꤩ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬ ꤘꤣ ꤙꤢꤧ꤬ꤡꤢꤩ꤬ ꤢ꤬ ꤒꤢꤩ꤬ꤖꤛꤢꤒꤢꤩ꤬ꤗꤢꤩ꤬ ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤠꤢꤧ꤭ ꤞꤤꤛ꤫ꤢꤦ꤬ ꤗꤢꤩ꤬ꤡꤝ꤫ꤢ꤬ ꤞꤤ꤭ ꤟꤢꤨꤔꤣꤧ꤬ ꤖꤢꤧ꤯ အခန်းကိုကြည့်ပါ။ |
โครินธ์ อาเหร่อเล๊อ ต๊าบ่า 7:35
14 ပူးပေါင်းရင်းမြစ်များ
เตกลุย ลูตาโต เด๊อ ส่อแช๊ส่อกิเกล อาโหง่แลช๊า เออเนอหมา หม่าเฮ๊อ แกแย เด๊อ อา หนิโฮ จอแปแหร่ อาลาอาโหง่ เออเต๊เห่เนอ เฮ๊อ. หม่าแน๊เรอ, เบ๊อะอา โอ่เซอเพร แฮเง เบ๊อะเนอ, เตเนกู่เตเนแก, เตดุแหย่แถ่เซ เต๊เห่ เร๊อ อา โมแหน่เร๊อ เออเตอทือ อา เตซิหยื่อซิลอ เต๊เห่ แค๊บี๊ปุยบี๊ ลอ เหย่ซี ฮู๊ ส่อแช๊ส่อกิ แค๊ปุยบี๊ เนอ อาขว่าอาคยา, อาเส่อาโพ เบ๊เกอ ปา อู โตโพ๋ โต่ เฮ๊อ.
โป่แหว่ซี๋, หนิดา แลแค แว เตเฮ๊เบ่ เด๊อคยา ตื๊อดื่อเล๊อ เออเต๊เห่ นี๋. เด๊อ ซี ซิปล่อกู เนอ ซี โต เตเน แคร๋ ฮู๊เตเฮ๊เนอ, ซี โต เตเน ตื๊อแพ๊ เตเด๊อ อาหม่าอาจ๊อ เต๊เห่, เตเด๊อ อู แด่หยื่อแด่แหน่ อา เต๊เห่, เตเด๊อ อาโตอาเบ่ เต๊เห่, เตเด๊อ อา โพ๊แปละโพ๊ เต๊เห่, เตเด๊อ อู ซิหยื่อโมเร๊อ เต๊เห่, เตแด่ซิปล่อสู่เทอ เด๊อ อาตว่าอาแร๊ เต๊เห่, เตเด๊อ อาแร๊ แหน่เจ๊อ เต๊เห่, เตเด๊อ อู โตเบ่ ถู่เซ๊แถ่ เต๊เห่ เนอแพ๊ นี๋.
“รอหนิ แลแค ซีเหน่ นี๋. เบ๊อะซี เอ่มือโอมือ เบ๊อะเนอ, ซี เมบูเมบย่า เต เนอเต๊เห่ เบ่เบ่, ซี เตเนกู่เตเนแก แลแค เร๊อ ซี เตโอ่เซอเพร เด๊อ เห่ขุเออ ตือทือ เต๊เห่เนอ เบ่เบ่, เมลอ แกเด แต่ ซี ม๊อเนอม๊อเซ เนอเต๊เห่ แต่เหม่ นี๋. ปาหม่า แกแยพู๊คู หม่าเฮ๊อ แวเออ อา แฮโต่คย๊า เด๊อ ซี โอ่ เบ๊อะซี เตเนเต่อโต่ เนอเตอเนอ เนอเตเซ ปา.
เมเตเฮ๊เรอ แกแย เต๊เห่เห่ เนอ, อาอ๊าอาเหร่ โอ่โต่ ปา เจ๊อ เด๊อ อา โหมะฮ๊อกู ปา อาขว่าอาคยา, อาพย๊า อาเมโต่. เต๊เห่เห่ เนอ อู ชุ๊ยแก ลูเดอะ. แกแยเต๊เห่เห่ เด๊ออาเบ่หยื่อ เบ่แหน่ จอแปแหร่ อาเทอ อาเก่ อาขว่าอาคยา, อา อ๊าแล เฮ๊อ อาซิปล่อ เร๊อ อาพย๊า ปา อาพู๊อาเม โต่. แกแย เด๊อ อา จูเอ่เบ๊ เตอิซว๊าอี๊แส่ เออเต๊เห่เนอ, นอเม เหย่ซี ฮู๊เนอ.”
ฮู๊เนอเฮ๊อ, แซ่ฮู๊ เพรเหมาะ โหมะเผระ เต๊เห่ เก่ เบ่หยื่อเบ่แหน่ เกอ อา เตโอะเซอเพร เด๊อ อา โตโอะเซอเพร เร๊อ แด่บูโพ๊ เกอ แลแค ซิปล่อ เด๊อ จอแปแหร่ อา โอะ อาเงเนอ เร๊อ, อิซว๊าอี๊แส่ แลแค เหย่ซี นี๋. โทเรอ เหย่ซี โตเบ่ แด๊หนิ อูแหย่โย โต่, อา โตเบ่ ทวาหนิ เทอเผร่ อาหลู่เล๊ โต่. อู โตเบ่ เมเตแร๊ ฮู๊เตฮู๊เต เนอ, เหย่ซี โตเบ่ อิซว๊า อู.
เน๊อ, แกแย เด๊อ อา จว๊าซื๊อ เพรเหมาะเพรคู เต๊เห่ เน๊อ, แกแย เด๊อ อา ซิปล่อก่า เด๊อ อาพู๊อาเมขุ เต๊เห่, เพรคู เร๊อ เพรคู ซื๊อแคลู, แกแย ปื่ออิเชเอ่ อู เน๊อ รือ เต๊เห่, แกแย เด๊อ อา แลโฮเต เต๊เห่ เน๊อ แกแย เด๊อ อา จว๊า ข่าเฮ๊โลบูบย่า เต๊เห่, เก่หม่าโต่เรอ อา เมเต เด๊อ อาโร เต๊อเจ่อเจ่อ เด๊อ อา ลูโค๊ เน๊อ เตอิซว๊าอี๊แส่ อาจ๊ออาเต เต๊เห่ อาเง แพ๊.
ကြော်ငြာတွေ