โครินธ์ อาเหร่อเล๊อ ต๊าบ่า 7:31 - ลีเทส่อพ๊าอาเซ เร๊อ เห่ขุทวาลู๊

³¹ แกแย เด๊อ อา นอเอ่ ตาหมื่อตาเต เด๊อ เห่ขุ เออเต๊เห่เนอ, อา เบ่ เตเนดุ เกอเร๊อ ตาเต เด๊อ เห่ขุ เออเต๊เห่ โต่. เมเตเฮ๊เรอ ล๋อ เต เด๊อ อา โอ่ เด๊อ เห่ขุ เออ เต๊เห่เนอ, อา โอ่หม่าโอ่กลอ งยา ตูจูเพร หม่าโต่ อาขว่าอาคยา, แว เฮ๊ ซี ฮู๊เออ แพ๊.

Eastern Kayah Shadaw Dialect

³¹ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔꤢꤪ꤭ꤢꤩ꤬ ꤒꤢ꤭ꤗ꤫ꤥ꤬ꤒꤢ꤭ꤒꤢꤩ꤬ ꤘꤣ ꤟꤢꤩ꤬ꤋꤢꤨ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤙꤢꤩ꤬ ꤒꤣꤧ꤬ꤔꤢꤩ꤬ꤘꤢꤨ꤬ ꤚꤣꤧꤘꤢꤦ꤬ ꤒꤢ꤭ꤒꤢꤩ꤬ ꤘꤣ ꤟꤢꤩ꤬ꤋꤢꤨ꤬ ꤣꤧ꤭ꤒꤣꤧ꤬ꤟꤢꤩ꤬ ꤒꤥ꤬꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤜꤢꤪ꤭ ꤒꤢꤩ꤬ ꤘꤣ ꤢ꤬ ꤥ꤬ ꤘꤣ ꤟꤢꤩ꤬ꤋꤢꤨ꤬ ꤣꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤥ꤬ꤊꤜꤢꤪ꤬ꤗꤢ꤬ ꤑꤢ꤭ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤗ꤫ꤢ꤬ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤠꤢꤧ꤭ ꤟꤢꤩ ꤞꤤ꤭ ꤟꤢꤨꤣꤧ꤭ ꤖꤢꤧ꤯

โครินธ์ อาเหร่อเล๊อ ต๊าบ่า 7:31 ပူးပေါင်းရင်းမြစ်များ

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:17

เห่ขุเออ เร๊อ อิเตเต๋ เบ่เบ่ เด๊อ โอ่ เด๊อ ลูกู ล๋อ ปลี เด๊อ แกแย ซิหยื่อซิลอ ลู เต๊เห่เนอ, อา เก่ โอ่เหม่แก ลอ ปา, หม่าแน๊เรอ แกแย เด๊อ อา เมโต จอแปแหร่ อาซิปล่อ เต๊เห่เนอ, อาเกโอ่เซอเพร ตูจูเพร แตแลเคร๊ ปา.

เปโตร อาเหร่อเล๊อ ต๊าบ่า 4:7

เตล๋อ ปลี อา เตเร ตื๊อดื่อแกเฮ๊อเนอ อา แฮโต่ ผื่อเฮ๊อ. ฮู๊เนอ อาขว่าอาคยา, แซ่ฮู๊ ซี กุยจ๊อเบเบ๊ เกออู เนอ, โอส่าเซ เกอ แลแค เร๊อ เตอิซว๊าอี๊แส่ แล เกอเร๊อ แลแค ซีเหน่, โท๊โต่ โอ่เซอเพร ชาเผร่ เกอ แลแค นี๋.

ꤡꤛꤢꤩ꤭ꤗꤢ꤬ꤎꤣ꤬ 4:14

ป่าโรปา ซี เตโอ่เซอเพร เตเร เมฮู๊เต ปา เนอ, ซี ซิเง โต่. ซี เตโอ่เซอเพร เออเนอหมา อาแซ่เน๊อ หม่าเต? อาแซ่เน๊อ เร๊อ หมิ โข่แถ่ เด๊อ อา โอ่โล เตอเปลอฮู๊ เร๊อ อา โอ่เหม่แก คยา เนอแพ๊.

ꤜꤢꤨꤊꤢ꤬ 21:34

“รอหนิ แลแค ซีเหน่ นี๋. เบ๊อะซี เอ่มือโอมือ เบ๊อะเนอ, ซี เมบูเมบย่า เต เนอเต๊เห่ เบ่เบ่, ซี เตเนกู่เตเนแก แลแค เร๊อ ซี เตโอ่เซอเพร เด๊อ เห่ขุเออ ตือทือ เต๊เห่เนอ เบ่เบ่, เมลอ แกเด แต่ ซี ม๊อเนอม๊อเซ เนอเต๊เห่ แต่เหม่ นี๋. ปาหม่า แกแยพู๊คู หม่าเฮ๊อ แวเออ อา แฮโต่คย๊า เด๊อ ซี โอ่ เบ๊อะซี เตเนเต่อโต่ เนอเตอเนอ เนอเตเซ ปา.

เปโตร อาเหร่อเล๊อ ต๊าบ่า 1:24

ฮู๊ ลีเทส่อพ๊า เฮ๊ เน๊อ, “แกแย เห่ขุพู๊ ล๋อ ปลี เนอ อาแซ่เน๊อ มีออเส่โพ เต๊เห่ เนอแพ๊. อา เตเตอดุเตอเรอทู เต๊เห่ เร๊อ อา เตตว่าเตแร๊ เต๊เห่เนอ, อาแซ่เน๊อ เตโพเตกี่ แด๊แถ่ เด๊อ ตอกู เนอเต๊เห่ แพ๊. มี ออ ซี เต๊เห่เนอ อา เก่ เซอคราแก ลอ ปา เร๊อ เตโพเตกี่ ซี เต๊เห่เนอ อา เก่ ตาโซแก ลอ ปา.

โครินธ์ อาเหร่อเล๊อ ต๊าบ่า 9:18

เก่เฮ๊ฮู๊เนอเนอ, แว เตเร พย๊าหนิ เกอ อาคว๊าอาเก่ อิเต ปา? อาคว๊าอาเก่ เด๊อ แว พย๊าหนิ เนอหม่า หม่าเฮ๊อ แว โด่แน เป่ อู เตซิครือมีลา เออเนอ เฮ๊อ, อา โต เจ๊อ เด๊อ แว โต กุย เกออู เตเมจว่า หม่าแน๊เรอ แว พย๊า เกออู อาคว๊าอาเก่ โต่ เออเนอ เฮ๊อ.

โครินธ์ อาเหร่อเล๊อ ต๊าบ่า 7:29

โคแบ๊ซว๊า ซี๋, แว ซิหยื่อ เฮ๊ ซี หม่า ฮู๊เออ. ม๊อเนอ ตื๊อดื่อ ผื่อแถ่ เฮ๊อ. เป๊อแถ่ กู๊แหน่เออ ตาแฮเง, แกแย เด๊อ อาเมโอ่ อาเวโอ่ เต๊เห่เนอ, อา โตเบ่ โอ่เซอเพร แลแค ฮู๊ แกแย เด๊อ อาเม โอ่โต่ อาเว โอ่โต่ เต๊เห่เนอ.

โครินธ์ อาเหร่อเล๊อ ต๊าบ่า 7:30

แกแย เด๊อ อาโหง่อาเห่ เต๊เห่เนอ, อา โต เม แลแค ฮู๊ เหย่ซี โหง่ โต่ เนอ. แกแย เด๊อ อา ซิครือ เต๊เห่เนอ, อา โต เม แลแค ฮู๊ เหย่ซี ซิครือ โต่ เนอ. โท๊โต่ แกแย เด๊อ อา พรี เต เต๊เห่เนอ, อาซิปล่อ โตเบ่ จิจือหนิ เร๊อ ตาเต เด๊อ อา พรี เออเต๊เห่ โต่.

ꤟꤤꤙꤚꤢꤨ 12:27

อา เฮ๊ เน๊อ, “โป่คยาแซ๊ ปา,” อาโหง่แลช๊า หม่า, อาเฮ๊โลโปล เจ๊อเฮ๊อ เน๊อ จอแปแหร่ เก่ เม โกโยแถ่ ลอ ล๋อ เตเบ่แบ๊ เนอเต๊เห่ ปา. เร๊อ อา เก่ โอ่เหม่แกลา ลอ ปา. อา โกโย แจ่โต่ เต๊เห่ เก่ โอ่แก ตื๊อดื่อแพ๊ อาเงเนอ, จอแปแหร่ เมโกโย ฮู๊เออเนอแพ๊.