โครินธ์ อาเหร่อเล๊อ ต๊าบ่า 7:25 - ลีเทส่อพ๊าอาเซ เร๊อ เห่ขุทวาลู๊25 กู๊แหน่เรอ แว เก่ แด๊โฉ่โด่แนโปล เป่ ซี เร๊อ แกแย โอ่ เร๊อ หี่เร๊อเพร๊ ล๋ายโต่ เต๊เห่ อาหรี่อาแก. เตหรี่เตแก เออเนอหมา, แบ่เจ่ เมแกน๊อ โหง่ โต่. หม่าแน๊เรอ แว ซิหยื่อ เด๊อะซิเง เป่ ซี เร๊อ แว เตแม๊เถอะ. เมเตเฮ๊เรอ จอแปแหร่ ซิยอเร๊อ แว อาขว่าอาคยา, หยื่อเอ่หนิ แลแค แว เนอ. အခန်းကိုကြည့်ပါ။Eastern Kayah Shadaw Dialect25 ꤊꤢꤨꤔ꤫ꤢꤧ꤬ꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ꤕꤜꤥ꤭ ꤕ꤫ꤢꤩ꤬ ꤞꤤ꤭ ꤔꤢꤧ ꤊꤣꤧ꤬ꤛꤢꤧ꤭ ꤥ꤬ ꤔꤢꤧ ꤟꤤ꤬ꤔꤢꤧꤖꤚꤢꤩ ꤜꤢ꤭ꤟꤤꤒꤥ꤬ ꤒꤣꤧ꤬ꤟꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭꤯ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ꤔꤣꤧ꤬ꤗꤢ꤬, ꤙꤢꤧ꤬ꤡꤢꤩ꤬ ꤗ꤫ꤢ꤬ꤊꤢꤧ꤭ꤔꤢꤪ ꤍ꤫ꤥ꤬ ꤒꤥ꤬꤯ ꤗꤢ꤬ꤔꤢꤧꤚꤣꤧ꤬ ꤠꤢꤧ꤭ ꤞꤤꤛ꤫ꤢꤦ꤬ ꤘꤣꤧꤞꤤꤑꤢꤩ꤭ ꤕ꤫ꤢꤩ꤬ ꤞꤤ꤭ ꤔꤢꤧ ꤠꤢꤧ꤭ ꤒꤢꤩ꤬ꤗꤢꤧꤓ꤫ꤣꤧ꤬꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤞꤤꤛꤢꤪ꤬ꤚꤣꤧ ꤠꤢꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤛ꤫ꤢꤦ꤬ꤢꤩ꤬ꤚꤣꤧ ꤜꤢ꤭ꤋꤢꤧ꤭ ꤠꤢꤧ꤭ ꤔꤣꤧ꤬꤯ အခန်းကိုကြည့်ပါ။ |
แว ซิหยื่อ เฮ๊ เป่ โป่ แกแย เด๊อ อาโร เด๊อ ซีเกล เนอเต๊เห่. (หม่าแน๊เรอ, เออ หม่า แบ่เจ่ เฮ๊แก หม่าโต่.) แว เตอิซว๊า เร๊อดื่อ แพ๊. แว ซิหยื่อ อิซว๊าแก เว เด๊อ อา เก่ ทวาเฮ๊อ ครี๊พู๊ เร๊อ อาเม เก่ หยื่อเอ่ เกอล๋าย ครี๊ โต่ หม่าแน๊เรอ อาเม เออ เก่ ซิหยื่อ โอ่แฮเง โตเกอป่า เร๊อ อาเว เฮ๊เนอ, อาเว เบ่ โอ่แกหนิ อาเม โต่.
แกแย เม แลแค จอแปแหร่ อาเตเม เร๊อ อา อิซว๊าอี๊แส่ เป่ อู เนอ อา โอ่ เอ๊ลู หม่าแน๊เรอ เป แม๊บือ เมเกอ ฮู๊ เหย่ซี เมเนอ โต่. เมเตเฮ๊เรอ, แซ่ฮู๊ เหย่ซี เก่ พย๊าหนิ แลแค รือ เร๊อ เหย่ซี แด๊โฉ่โด่แน เป่ อู เร๊อ จอแปแหร่ อาลาอาโหง่ แพ๊. หม่าแน๊เรอ เป เออเต๊เห่เนอ, จอแปแหร่ นอจว๊า แด๊โฉ่โด่แน เป เร๊อ ครี๊ อาหรี่อาแก, เป แด๊โฉ่โด่แน เป่ อู เออเนอ จอแปแหร่ แม๊เถอะ, เป ทวาเฮ๊อ เตเต๊อเจ๋อ โต เร๊อ ครี๊ เฮ๊อ เร๊อ เป หม่า เพรโด่แนพู๊ เต๊เห่ เด๊อ อา ซิปล่อจ๊อจื้อ เต๊เห่ เฮ๊อ.
หม่าแน๊เรอ, เด๊อ แบ่เจ่ อาบุ๊ยอาเตอเรอ อาขว่าอาคยา, กู๊แหน่เรอ แว ทวาแถ่เฮ๊อ เพรโด่แนพู๊ เต๊เห่ เตเพรเฮ๊อ. เตบุ๊ยเตเตอเรอ เด๊อ จอแปแหร่ เด๊อะตา แว เออเนอ อา แกเด โต่. เมเตเฮ๊เรอ แว แอ๊จื๊อ จ่าเพรอจ่าหร่อ เม เล๊อ เจ๊อ เร๊อ เพรโด่แนพู๊ เต๊เห่ เด๊อ อาโร เต๊เห่ เจ๊อ. แว เมเบ๊ ฮู๊เออ เนอหม่า แวอ๊าแวเหร่ เร๊อดื่อ หม่าโต่. จอแปแหร่ อาบุ๊ยอาเตอเรอ เม เต่อเกอ เร๊อ แว อาขว่าอาคยา, แว เมเบ๊ ฮู๊เออ เนอแพ๊.
ฮู๊เนอเรอ, แกแย เด๊อ อาเม โอ่ เตเพรเนอ, อาซิปล่อ โอ่ เนอเม. เพรเหมาะ เด๊อ อาเว โอ่น๊อ โตโพ๋ โต่ เตเพร, หม่าโต่เรอ เพรเหมาะโอ่แคร๊ เตเพรเนอ, อา แด่ บูโพ๊ อา เตเตเน เต๊เห่ เด๊อ แบ่เจ่ อา เตเอ่เตแร เต๊เห่อาเง. เมเตเฮ๊เรอ อา ซิหยื่อ เด๊อะแล ลอ อาเหน่กล่อ เร๊อ อาซิปล่อ เนอเจ่อลอ เด๊อ จอแปแหร่ อาเง. หม่าแน๊เรอ เพรเหมาะ เด๊อ อาเว โอ่ เตเพรเนอ, อา เบกู่เบ่แก เร๊อ เห่ขุเน๊ขุ อา เตเอ่เตแร เต๊เห่. เมเตเฮ๊เรอ อา ซิหยื่อ ครวาลือ เมโต อาเว ซิปล่อ.